教育王國
標題: 四歲小朋友好專注研究天文地埋係咪資優? [打印本頁]
作者: piglet0529 時間: 13-8-30 01:35 標題: 四歲小朋友好專注研究天文地埋係咪資優?
我仔四歲, 但行為古怪, 小時驚佢自閉, 因佢唔like同同齡玩, 上兩週開家長會, 老師話有時見佢上課唔專心, 但問佢又識答, 幾個老師們圍內有傾佢似資優, 英文數學較好, 在家鐘意看national geographic, 沈迷火山爆發地殻變動, 八大行星, 重播又重播
但佢大小肌發展遲, 不合羣
都唔知同佢揀咩小學好?
作者: lillymarie 時間: 13-8-30 17:23
若他喜歡求學問，不妨考慮報一些成績好，教得深的學校。不過，功課就不要太多。因為小肌肉發展慢，寫字會辛苦，功課多怕做好耐。測考密，有好有唔好。密密考，每次溫習內容少，容易過關。但節奏亦較急，壓力可能會較大。要睇返小朋友性格。
他聰明，盡量選上游學校。物以類聚，老師教學進度快，小朋友上課不會那麼容易覺得悶。
但他若表現得不專心，傳統的老師可能會覺得難接受。這也需要考慮。
作者: derek0811 時間: 13-8-30 21:36
回復 piglet0529 的帖子
他行為古怪?? 有哪些具體例子? 他平日還喜歡甚麼東西?
是否幾乎不玩玩具? 對玩具沒興趣? 對畫面敏感, 那對文字數字又如何?
你再細心觀察一下, 了解他的各類喜好.
作者: piglet0529 時間: 13-8-31 00:01 標題: 回覆：derek0811 的帖子
他玩玩具, 玩Thomas, 很喜歡將的文件及玩具變成火山, 海潚, 海洋, 地球
作者: piglet0529 時間: 13-8-31 00:07 標題: 回覆：piglet0529 的帖子
每一件事問點解, 解完又問, 再次發生時就發表理論, 又一定要你聽, 見到街有人有野做錯大大聲話點解, 有的習慣好執著, 話唔得唔可以發脾氣
作者: LeeCC 時間: 13-8-31 06:09
有D我個仔,我個仔有亞氏特徵
佢的故事係一日重播幾次,係咁耍人聽
你耍breaK咗佢嘅rules,你坐埋去加新元素入佢的故事，要佢接受你的加入,起初會反抗 ,但你要堅持，慢慢他的故事每次有笑變化，再百份百重播
你囝囝社交如何?有冇對巴士路線呢類沉迷?
作者: piglet0529 時間: 13-8-31 07:54 標題: 回覆：LeeCC 的帖子
我仔有去政府評估已排除自閉同亞氏, 同學校（有兼收的) 老師都話差好遠, 佢同大的的小朋友&大人好主動的, 只係冇咁like啋同齡小朋友
作者: piglet0529 時間: 13-8-31 08:01 標題: 回覆：piglet0529 的帖子
如果報太淺的小學驚佢悶有聰明變蠢才, 太谷又未必啱, 有咩類型小學深得黎又free的, 多其它興趣項目咁
作者: shareholder 時間: 13-8-31 11:20
買些科學/地理的小童書俾佢研究, 佢應可比其他人超前4年(即係可以買8歲睇的書俾佢), 記住, 要俾佢大量課外閱讀, 唔好咁緊張佢學校成績, 成績只是數字遊戲, 佢醒的話直入港大醫學院都得啦. 至於社交方面, 每個小朋友都有佢強項同弱項, 你不能勉強佢, 只能盡量令佢唔好咁內向
作者: piglet0529 時間: 13-9-28 03:14 標題: 回覆：shareholder 的帖子
上星期打風, 佢去研究颱風形成, 仲要我解釋晒的英文terms, 佢得果四歲人仔, 我有的難平衡自己心理, 我唔想做怪獸家長, 係佢自己chur我學咋
作者: lillymarie 時間: 13-9-28 06:44
唔怕，佢想學幾多就教幾多 ：）
作者: 四隻貓 時間: 13-9-28 07:09
"我個仔都唔中意同齡,有社工解釋可能係不介入衝突,大的小的不會或不懂同佢爭"
我覺得係呀, 可能同年4-5歲既小朋友好多時比較自我, 我仔覺得同佢地玩易有衝突, 所以情願同 大人或大既小朋友玩, 因大一點既人會比較忍讓同跟規則.
我仔對科學果類事都好有興趣, 佢2歲幾果時發現左磁石會吸鐵, 佢不停自己用其他 物料作測試. 佢都好喜歡火山, 地震, 打風,落雨, 地球, 月亮太陽, 成日問點解地球, 月亮太陽係圓既? 點解地球會轉? 點解有日夜四季?點解打風......我好多都唔識答呀.
作者: 四隻貓 時間: 13-9-28 07:26
我都苦惱緊 應該點選校.
教得深既學校, 經常追課程, 教法會否太死板? 傳統學校老師對佢地呢 d 脾氣有點怪的學生包容度又是如何呢?
新派直資包容度會好d? 但如果無咩功課, 我仔會否覺得無所事事就可能在課室發夢或無心機?(我仔係極喜歡做功課的)
作者: picture 時間: 13-9-28 09:54 標題: 引用：上星期打風,+佢去研究颱風形成,+仲要我解釋
原帖由 piglet0529 於 13-09-28 發表
上星期打風, 佢去研究颱風形成, 仲要我解釋晒的英文terms, 佢得果四歲人仔, 我有的難平衡自己心理, 我唔想 ...
作者: shareholder 時間: 13-9-28 10:25
回復 piglet0529 的帖子
嘩, 台風形成......
我會同佢講, 台風形成我真係唔識, 你研究了跟住教返我啦......
作者: shareholder 時間: 13-9-28 10:31
四隻貓 發表於 13-9-28 07:26
我都苦惱緊 應該點選校.
教得深既學校, 經常追課程, 教法會否太死板? 傳統學校老師對佢地呢 d 脾氣有點怪 ...
作者: Radiomama 時間: 13-9-28 11:20 標題: 回覆：四隻貓 的帖子
你大果個不正就是新派學校嗎？我都想知嗰間適合資優小朋友嗎？
作者: 四隻貓 時間: 13-9-30 09:59
Radiomama 發表於 13-9-28 11:20
你大果個不正就是新派學校嗎？我都想知嗰間適合資優小朋友嗎？
我仔係好喜歡做功課果類, 所以我諗CKY 對佢是否未必適合呢?
我有個念頭, 是否應該先讀一間比較關愛又有一定功課量的的傳統學校, 之後中學時才轉到類似CKY 這類重思考分析, 自我追求知識的學校?
但另一方面又考慮過, 讀CKY, 另外自己找一些他感興趣的課程/練習讓他做過夠. 但CKY真的好少提及對資優或特別需要學生的支援, 反觀港同和一些津校, 好似對這方面比較著重同和提供多方面協助.
我都有考慮過你囝囝果間學校, 朋友囝囝剛上year2, 佢發現其實好睇運氣, 撞到好班主任就好好, 撞正唔夾的班主任, 都好無奈.....
你的睇法又點呢? 學校支援足夠嗎?
作者: 四隻貓 時間: 13-9-30 10:04
shareholder 發表於 13-9-28 10:31
新派直資咪又係做功課做到死, 市場需要嘛, 你揀返官津學校啦, 慳返錢買課外書好過啦
...
比起幫大女揀學校今次真係煩惱好多.
我老公就話我杞人憂天, 話到時考到/派到咩學校先再算.
作者: breadbb 時間: 13-9-30 11:12 標題: 引用：有D我個仔,我個仔有亞氏特徵佢的故事係一日
原帖由 LeeCC 於 13-08-31 發表
有D我個仔,我個仔有亞氏特徵
佢的故事係一日重播幾次,係咁耍人聽
社交方面：不嬲都唔同小朋友玩去公園好驚跑動型小朋友 之前都鍾意去公園 而家有時都唔願去 鍾意係屋企 去生日會完全痴大人玩！而家上左k1又好似好d會提同學 n班時真係超被動
我最concern係情緒 同埋好勝，呢個仔咩都要贏 好驚輸 一輸就喊！比人話下都喊 好大脾氣 好自我！有人提議上情緒管理堂！但佢係人地面前係無野，好正常 但有屋企人一齊先會咁 所以上堂又好似幫助唔大！都唔知點handle!
作者: 浩霆豬豬 時間: 13-9-30 12:29 標題: 回覆：四歲小朋友好專注研究天文地埋係咪資優
我仔都係成日問啲我唔識答嘅問題㗎！多數係關於科學嘅嘢，情緒方面無發脾氣無嘢觸動到佢時係好正常㗎，但唔知幾時佢胡思亂想就煩嘞！會無端端喊，有時仲會係對錯問題上好固執，我準備報讀資優教育學院嘅課程，希望幫到阿仔
作者: 四隻貓 時間: 13-9-30 13:58
shareholder 發表於 13-8-31 11:20
買些科學/地理的小童書俾佢研究, 佢應可比其他人超前4年(即係可以買8歲睇的書俾佢), 記住, 要俾佢大量課外 ...
我主力係想幫囝囝改善人際溝通, 情感表達.
佢好多時大發脾氣係因為唔能夠用言語表達出自己既情感.
作者: 浩霆豬豬 時間: 13-9-30 21:04
Anniemum：我打算報家長學堂，阿仔讀個啲要學校推薦。
作者: Anniemun 時間: 13-9-30 21:36
浩霆豬豬 發表於 13-9-30 21:04 
Anniemum：我打算報家長學堂，阿仔讀個啲要學校推薦。
作者: 浩霆豬豬 時間: 13-9-30 21:57 標題: 引用：Quote:浩霆豬豬+發表於+13-9-30+21:04+Anni
原帖由 Anniemun 於 13-09-30 發表
那加油！小兒之前在中大上course 及教育局的資優課程，現在做了HKACE 的學員後，有很多資優課玩，增值不少 ...
作者: 浩霆豬豬 時間: 13-9-30 21:58 標題: 引用：Quote:浩霆豬豬+發表於+13-9-30+21:04+Anni
原帖由 Anniemun 於 13-09-30 發表
那加油！小兒之前在中大上course 及教育局的資優課程，現在做了HKACE 的學員後，有很多資優課玩，增值不少 ...
作者: manfung79 時間: 13-10-7 15:58
4歲可以試下比佢計數,學珠心算之類,等佢計數有成功感,就會向難度挑戰。
作者: babyislove 時間: 13-10-7 20:59 標題: 引用：我仔四歲,+但行為古怪,+小時驚佢自閉,+因佢
原帖由 piglet0529 於 13-08-30 發表
我仔四歲, 但行為古怪, 小時驚佢自閉, 因佢唔like同同齡玩, 上兩週開家長會, 老師話有時見佢上課唔專心, ...
佢一櫃都係百科全書, 天文、地理、科學、生物etc... 咩都like.
佢上堂都好似魂遊, 老師话人地要1分鐘理解既野, 佢一秒就明。
幸好佢学校有混齡上課, 同K3一齐上堂,佢就觉得好玩D, 但返屋企都同我地讲悶。
近來佢爱上心算, 搭車時要爸爸不断出题。
作者: kansha 時間: 13-10-8 09:37
babyislove 發表於 13-10-7 20:59
你個仔同我個四歲仔好似, 除了social 方面, 佢同同齡及比佢大既都玩得埋。
佢一櫃都係百科全書, 天文、地理 ...
he is quite strong in language, he absorbs a lot of knowledge through reading (interested topics like animals, ocean, human body etc) He is put in IS already, as in junior grade, no homework but some readings.
He has no emotional problems but seems not quite enjoy getting along with peers of same age.
Quite often , he tells he feels lesson quite boring.
He knows going to school is must, but asks if can find a half day school for him, so more free time for doing other things, like reading, library, exploring in the park, street, He sometimes asks if school life will be almost the same (boring) till high school graduation?
he thinks university will have more fun.
Appreciate if any could share experience in similar cases, we want him to enjoy his school like.
作者: babyislove 時間: 13-10-8 10:03 標題: 引用：Quote:babyislove+發表於+13-10-7+20:59+你
原帖由 kansha 於 13-10-08 發表
My child is similar as yours:
he is quite strong in language, he absorbs a lot of knowledge through ...
今年大学二年级la.
作者: babyislove 時間: 13-10-8 10:07 標題: 引用：Quote:shareholder+發表於+13-8-31+11:20+
原帖由 四隻貓 於 13-09-30 發表
你講得0岩."成績只是數字遊戲", 最緊要清楚自己小朋友到底學會什麼需要什麼.
我主力係想幫囝囝改善人際溝通 ...
之後一齐上親子小組, 明顯地情況有改善。
兩母女笑容多左, 鬆好多。
作者: babyislove 時間: 13-10-8 10:11 標題: 引用：我都苦惱緊+應該點選校.+教得深既學校,+經
原帖由 四隻貓 於 13-09-28 發表
我都苦惱緊 應該點選校.
教得深既學校, 經常追課程, 教法會否太死板? 傳統學校老師對佢地呢 d 脾氣有點怪 ...
我會揀课程深, 但下午有導修時間既小学。
放學時功課已經做晒, 佢返到屋企可以做自己喜歡既事。
作者: 四隻貓 時間: 13-10-8 11:49
babyislove 發表於 13-10-8 10:11
我个仔都喜歡做功課。
我會揀课程深, 但下午有導修時間既小学。
放學時功課已經做晒, 佢返到屋企可以做自己 ...
暫時心儀宣小, 優才.
津校就真係唔知自己果區邊間係呢類型.
作者: babyislove 時間: 13-10-8 11:55 標題: 引用：Quote:babyislove+發表於+13-10-8+10:11+我
原帖由 四隻貓 於 13-10-08 發表
揀课程深, 但下午有導修時間既小学--->我都有此打算.
暫時心儀宣小, 優才.
津校就真係唔知自己果區邊間係呢 ...
作者: babyislove 時間: 13-10-8 12:00 標題: 引用：Quote:babyislove+發表於+13-10-8+10:11+我
原帖由 四隻貓 於 13-10-08 發表
揀课程深, 但下午有導修時間既小学--->我都有此打算.
暫時心儀宣小, 優才.
津校就真係唔知自己果區邊間係呢 ...
佢下午係導修吗?
作者: shareholder 時間: 13-10-9 10:47
回復 kansha 的帖子
既然佢都明返學係必需, 咁就無問題啦, 只要繼續俾佢大量課外閱讀就ok,
小學至初中成績唔係咁緊要, 高中先至谷 DSE
作者: Ononma 時間: 13-10-13 03:05
我囝囝也是四歲，說來很長篇，由細個時懷疑自閉，到現在懷疑資優。
除左反學之外，沒有join 任何訓練課程，總知只須要帶佢去 library滿足佢大量閱謮嘅須要，週圍去睇佢喜歡研究嘅事就得。
佢之前間學校教深一年，又多書又多功課，但except 中文，英文數學對佢其實好淺，佢K1已經識睇題目，功課一派就好快全本做晒，我同老師都係不斷幫佢擦返未教但比佢做左嘅功課。
K1完結家長日，班主任（NET)話佢好advance, 基本上D通告佢自已識睇又真係明白。今年K2, 佢讀緊家姐初小時嘅 Chapter Book, 家姐上網做reading comprehension 時佢又做，Grade 3 佢又識做。
問題係我今年同佢轉左一間int'l kindy, 好開心因為好多 activities 同 outing, 本來毫無問題，但last Fri Parent day, 老師同我講佢上堂間吾中就問佢可吾可以比 D Maths 佢做吓，但 int'l school 又真無的。
其實你地懷疑，又會吾會去做 test, 同埋幾時做呢?
作者: Ononma 時間: 13-10-13 03:14
同埋你地會揀邊類形小學呢？ (註：我囝嘅形態係好似吾係聽緊老師講野，但其實係聽緊的）。
作者: babyislove 時間: 13-10-20 14:32 標題: 引用：同埋你地會揀邊類形小學呢？+(註：我囝嘅形
原帖由 Ononma 於 13-10-13 發表
同埋你地會揀邊類形小學呢？ (註：我囝嘅形態係好似吾係聽緊老師講野，但其實係聽緊的）。 ...
作者: maymay321 時間: 13-10-24 13:16
喜歡天文星球, 特殊喜好,有些人說似資優,又會懷疑亞氏, 其實點分?
作者: TOKIN 時間: 13-11-1 16:50
我個仔問我佢今年幾歲, 我話4歲幾就黎5歲, 佢再問我4歲幾, 我話4歲10個月, 佢再問我點樣10個月, 我話咪10個月, 佢跟住發脾氣再問點樣10個月, 我要答一年十二個月, 你十二月出世, 而家係十月, 所以就4歲10個月, 佢跟住無再問落去
九大行星, 我同佢講過一兩次九大行星名稱及外貌特質, 跟太陽距離, 佢去到太空館可以同我講返晒出黎, 不過小學直資考試只係問中英數 
作者: piglet0529 時間: 13-11-1 23:50 標題: 回覆：TOKIN 的帖子
同我仔好似, 打爛砂盆問到篤!
我買左博物館家庭年票, 幾個月之間去科學館同太空館起碼十幾次! 佢好like!
作者: TOKIN 時間: 13-11-5 14:21
本帖最後由 TOKIN 於 13-11-5 14:24 編輯
Sorry, 原來係8大行星, 我真係唔熟又唔記得天文地理
最近亞仔聽到我講訊號干擾, 就問我乜叫干擾, 其實我都知自己答唔中佢想知既野, 求知慾好強, 你求其答佢會發脾氣
好彩佢算可以坐得定又肯做功課寫字, 可能有家姐帶頭緣故, 所以我會讓佢上傳統小學
作者: vivicui 時間: 13-11-14 23:18 標題: 引用：Quote:babyislove+發表於+13-10-7+20:59+你
提示: 作者被禁止或刪除 內容自動屏蔽
作者: JCR 時間: 13-12-31 17:34
現在的小孩聰明很多,更有機會接觸不同的知識,曾在圖書館看到一個約小一的小孩,小小個子,但他在看的是化學元素的書,旁邊還放了一本"印度數學" , 也不知他真懂還是假懂,但是現在的小孩懂的真的和以前不同了
作者: lazyqueen80 時間: 14-1-12 23:15 標題: 引用：如果報太淺的小學驚佢悶有聰明變蠢才,+太谷
原帖由 piglet0529 於 13-08-31 發表
如果報太淺的小學驚佢悶有聰明變蠢才, 太谷又未必啱, 有咩類型小學深得黎又free的, 多其它興趣項目咁:quest ...
作者: 東東公主 時間: 14-2-20 10:46 標題: 回覆：LeeCC 的帖子
我仔仔兩歳已好迷世界地圖及地鐵圖，又認得好多地鐵中文字，又內向，不太主動同小朋友玩，似資優或是亞氏？
作者: zngo 時間: 14-2-20 14:30
東東公主 發表於 14-2-20 10:46
我仔仔兩歳已好迷世界地圖及地鐵圖，又認得好多地鐵中文字，又內向，不太主動同小朋友玩，似資優或是亞氏？ ...
作者: piglet0529 時間: 14-8-11 06:44 標題: 回覆：LeeCC 的帖子
今曰睇番自己的舊post , btw我仔五月尾評左自閉症譜系, CAC醫生話以前叫亞氏, 請問你們最後選了那間小學?
我仔症狀屬不明顯, 平常人不易看出&仲以為佢叻, 但他對同齡有社交問題, 有固執性及狹窄興趣
作者: cl_kaka 時間: 14-8-11 12:56
breadbb 發表於 13-9-30 11:12
我小朋友之前迷地鐵 之後迷巴士 拎親電話都係mtr app..九巴app!=.= 而家睇緊世界地圖 因為daddy成日飛 佢問 ...
情緒方面同你個仔亦一樣!你同佢去上社交班啦,我仔K2時我開始帶佢去上社交班,D導師會引導佢地去同小朋友一齊玩,亦會同家長傾返小朋友既問題,點樣Handle佢地既情緒問題!
作者: I_O_U_baby 時間: 14-8-11 16:35
本帖最後由 I_O_U_baby 於 14-8-11 16:56 編輯
我囝都係四歲, 早前家長日校長叫我帶佢去做資優評估,
佢行為有問題,上堂成日唔留心, 坐唔定, 但老師話佢唔係過度活躍症.
反而佢語言能力同邏輯思維好強,好喜歡問問題,
佢唔鍾意讀書,唔會好似其他資優的小朋友自學能力咁高
老師話佢上堂唔專心,但問返佢又答到,比好多坐定定小朋友更明白.
我搵過D資料,好多都係6歲先做, 但校長就叫我快D做,
因為越早知越好,等學校可以快D配合佢,而且在親子溝通方面,
對佢了解多D也可減少磨擦. 我都唔知點做好,苦惱中
佢好抗拒正規的上課, 要坐定定聽老師講的佢就會走黎走去做自己野,
和同學相處又無乜問題, 只係佢好唔鍾意有個小朋友成日鍾意搞佢,
佢成日話佢唔係佢朋友.
作者: piglet0529 時間: 14-8-11 16:47 標題: 回覆：I_O_U_baby 的帖子
我仔K1時老師都話係資優, 你多留意一下
作者: I_O_U_baby 時間: 14-8-11 18:02
piglet0529 發表於 14-8-11 16:47
我仔K1時老師都話係資優, 你多留意一下
我呢兩日爬文, 見有BK MUM 話做左真係好有得著,
所以都想想地同佢做.
佢係語言同邏輯思維強, 大小肌肉發展正常,
好好動同好貪玩.
除正常上課唔定外, 佢畫畫同聽故事係會坐得好定,好專心.
學術/寫字唔特別叻, 但佢對因果關係/觀察力就好突出.
作者: piglet0529 時間: 14-8-11 18:04 標題: 回覆：I_O_U_baby 的帖子
我諗你同學校溝通一下佢想你做的原因
作者: I_O_U_baby 時間: 14-8-11 18:18
piglet0529 發表於 14-8-11 18:04
我諗你同學校溝通一下佢想你做的原因
而且佢話如果佢真係資優,早D 發現早D 裁培佢,
唔好糟塌左佢, 等佢可以發展長處,
弱項亦會有專家教我地點可以幫到佢.
作者: piglet0529 時間: 14-8-11 18:58 標題: 引用：有D我個仔,我個仔有亞氏特徵佢的故事係一日
原帖由 LeeCC 於 13-08-31 發表
有D我個仔,我個仔有亞氏特徵
佢的故事係一日重播幾次,係咁耍人聽
請問你最後選了咩類型小學比你仔仔?
作者: breadbb 時間: 14-8-12 10:24 標題: 引用：Quote:breadbb+發表於+13-9-30+11:12+我小
原帖由 cl_kaka 於 14-08-11 發表
你個小朋友同我個仔既行為差唔多一樣,但我仔就好鍾意去公園玩,以前細D去到就自己一個玩,或同大個D既小朋友 ...
作者: Okok_boy 時間: 14-8-14 08:56 標題: 回覆：四歲小朋友好專注研究天文地埋係咪資優?
我仔9月升小一啦，情況同你們仔仔差不多，一直以來做媽媽的我也擔心他，無論上什麼興趣班，也坐唔定但乜都識晒可跳進度，每次導師也會捉我傾計，由未夠兩歲返的pg導師說他自閉，到現在升小的暑期班導師說他資優，自己真係好想好想知佢邊方面有問題，做過感統test,皮紋test,也說他智能高但不似自閉，我自己覺得他似亞氏及資優，有時望著他，真很覺得他們的小腦袋很奇妙，為什麼會對地圖，車線，天文地理咁大興趣呢！自己懷胎十月生出的兒子也不知他想什麼，雖然對他的固執，情緒，真的教得筋疲力盡了，但感謝上天賜我這小寶貝，令我兩學習更多，包容更多，今天，終於預約了帶他做智能評估了，下星期會聽報告，結果是什麼也好，最重要是我們可知道怎樣可再幫他提升他了解他，對他的包容更大，大家也加油，祝福各寶寶在爸媽悉心照料下也個個健康快樂地成長
作者: piglet0529 時間: 14-8-14 09:15 標題: 回覆：Okok_boy 的帖子
我仔日日都要攬住地球瞓, 天文地理方面知識學緊我中學時的level, 我都好想研究下佢腦仔, btw佢依家亞氏加資優選小學好頭痛, 你仔上的小學屬咩類型的?
作者: Okok_boy 時間: 14-8-14 09:34 標題: 引用：我仔日日都要攬住地球瞓,+天文地理方面知識
原帖由 piglet0529 於 14-08-14 發表
我仔日日都要攬住地球瞓, 天文地理方面知識學緊我中學時的level, 我都好想研究下佢腦仔, btw佢依家 ...
作者: cl_kaka 時間: 14-8-14 12:55
Okok_boy 發表於 14-8-14 09:34
都係津貼小學咋！希望適合佢啦因為佢學科方面全無問題，係坐唔定
...
我仔係有D小聰明,對數字好敏感,N班時已經自己學識睇時間,而家自己識計3位加減數,但呢D野,而家好多小朋友都會識，而且由於佢對好多野好固執,情緒上落好大，所以我唔覺得佢似資優!佢黎緊就要選小一,我應唔應該帶佢去做智力評估呢?
作者: lillymarie 時間: 14-8-14 14:05
個人認為做資優評估無乜問題，係滿足父母和老師的好奇心多些，都是合理的。我當年就是因為我想知阿囝有幾聰明而俾錢捉他去做評估。
不過，建議不要太早做。因為結果無咁準架。
做到話係資優，開心。
話唔係，信唔信？
明明小朋友好聰明喎！幾年後係咪又要再做多次？
另外，份資優報告會唔會嚇怕小學校長？
資優生有負面形象：情緒問題，行為問題。雖然唔正確，但個個都咁講。
明眼睇到小朋友學習能力強，會否因報告話佢唔係資優，而唔去報一間成績好些的學校？
學校會否因報告不是資優，就話小朋友上課搞事，不專心，罰他？
我覺得做個評估無壞，但家長更需要做的是多了解小朋友在學校的學習情況，了解他們在想甚麼，有甚麼學習需要。那份報告或做評估的人不可能給你一份度身訂造的計劃建議，給的都是一些很general的建議。
舉例，我囝數學和視覺空間好特出，心理學家說他會是未來的architect或工程師。但我囝對數學興趣不濃，好憎油顏色，對工程學暫時亦不見有好大熱情。
生得高唔一定會去打籃球。最終還是要看小朋友性格和喜好。
作者: piglet0529 時間: 14-8-14 15:30 標題: 回覆：cl_kaka 的帖子
我和你有相同的問題係選小學上, 其實我唔提CAC跟本唔會話亞氏, 只係我想上小學前多點資源處理佢既情緒社交問題, 上左小一政府仲會撥錢比你小朋友間小學比你小朋友上小組, 當然你可以派左先出聲
至於資優方面, 我都諗緊有資優課程的小學會好的嗎? 但我不會去做資優test lu, 因為佢好明顯係focus天文地埋
作者: Okok_boy 時間: 14-8-14 16:29 標題: 回覆：四歲小朋友好專注研究天文地埋係咪資優?
其實我做評估只想再知道點可幫到佢，至於到時應唔應該話比小學知呢？我真係仲未諗到，我係擔心阿仔上到小學，發夢遊雲唔專心，驚老師會以為佢專注力不足，咁問到我時我應否告訴老師呢？
作者: piglet0529 時間: 14-8-14 16:56 標題: 回覆：Okok_boy 的帖子
我有聽到有關小學特殊教育的政府資源, 如入學前通知, 就會有個別的錢比學校用係你小朋友身上, eg. 語言治療, 社交情緒, 專注力不足, 如之後先發現如有駐校心理學家便會評估&服務要再等, 又如不幸老師冇愛心當正小朋友曳便大件事
作者: Anniemun 時間: 14-8-14 18:33
Okok_boy 發表於 14-8-14 16:29
其實我做評估只想再知道點可幫到佢，至於到時應唔應該話比小學知呢？我真係仲未諗到，我係擔心阿仔上到小學 ...
作者: kerkermui 時間: 14-8-14 21:41
Okok_boy 發表於 14-8-14 16:29
其實我做評估只想再知道點可幫到佢，至於到時應唔應該話比小學知呢？我真係仲未諗到，我係擔心阿仔上到小學 ...
至於報時講唔講，我反而想講，自行張表係有一欄寫特殊學習需要，而如果你抽中，但該校未能提供相關支緩，就可以以呢個理由唔收
我唔清楚相關資料落咗响EDB手，到大抽獎時電腦會點對待呢d申請
作者: kerkermui 時間: 14-8-14 21:43
本帖最後由 kerkermui 於 14-8-14 21:43 編輯
Anniemun 發表於 14-8-14 18:33
如果同學有特殊需要，你唔同學校講，老師都會分辨到的。
如果老師唔覺，即係問題不大
如果老師唔知係咩問題，到時出報告就得
作者: piglet0529 時間: 14-8-15 06:36 標題: 回覆：kerkermui 的帖子
資優加亞氏係唔覺的, 我仔平時係靜靜的怕羞小朋友咁, 上課有機會游雲, 係某喜歡課題上便滔滔不絕, 老師可能只會覺佢叻, 事實上K1老師只係學期尾才向我提及, 會唔會資優呢? K2老師如果唔係有一次亞仔大的情緒都唔會發現, 佢呢個情況可能成年都冇一次, 但的固執性行為如要上學行同一路線, 老師係唔會知的
作者: piglet0529 時間: 14-8-15 06:37 標題: 回覆：piglet0529 的帖子
但實際上佢有社交情緒上的特殊需要
作者: lillymarie 時間: 14-8-15 07:19
我個人認為，如果是亞氏問題，值得一早告訴學校。因為一般學校都可以給學生一些支援，對小朋友有益。
但資優，就可以先觀察，看看小朋友學習情況如何。
作者: breadbb 時間: 14-8-15 15:10 標題: 引用：個人認為做資優評估無乜問題，係滿足父母和
原帖由 lillymarie 於 14-08-14 發表
個人認為做資優評估無乜問題，係滿足父母和老師的好奇心多些，都是合理的。我當年就是因為我想知阿囝有幾聰 ...
作者: I_O_U_baby 時間: 14-8-25 16:59
呢個POST #65 有講資優同SMART 的分別.
http://www.edu-kingdom.com/forum ... page%3D2&page=4
作者: vienchan 時間: 14-8-29 11:03
提示: 作者被禁止或刪除 內容自動屏蔽
作者: Melody_BB 時間: 14-10-29 22:42 標題: 引用：Quote:Okok_boy+發表於+14-8-14+16:29+其實
原帖由 kerkermui 於 14-08-14 發表
一般情況：老師投訴先講
至於報時講唔講，我反而想講，自行張表係有一欄寫特殊學習需要，而如果你抽中，但 ...
所以，學校收到個小朋友，無論抽獎或叩門，係唔會知佢係SEN, 直至EDB send report.
作者: Piggy-Baby 時間: 14-11-26 19:01
我大仔對天文地理同自然環境動物都好有興趣。未夠三歲已經要我解釋點解夜晚無太陽, 認到大概十種恐龍, 而家三歲幾仲要記埋D恐龍食咩。舊年去睇科學館睇恐龍展, 剩係睇化石同恐龍骨。又要知點解火山會爆發又問島點黎, 日日都有好多問題
作者: piglet0529 時間: 14-11-27 10:24 標題: 回覆：Piggy-Baby 的帖子
似我仔兩年前, 留意有冇固執行為, 如鈡意行同一路線, 如有同學校傾下寫信交CAC做評估
| 歡迎光臨 教育王國 (/) |
Powered by Discuz! X1.5 |