教育王國

標題: 比教練說我女無天份!! [打印本頁]

作者: antia 時間: 13-8-28 09:26 標題: 比教練說我女無天份!!

無心機，我問阿女學羽毛球學成點? 她說我女兒沒有天份……down....她仲好勤力1個星期學4個小時!!攪到唔知學定唔學好!!

作者: Jackieson 時間: 13-8-28 09:33

回復 antia 的帖子

試吓換教練

作者: talknwrite 時間: 13-8-28 09:47

你原本諗住個女會入港隊嗎?
如果唔係, 有冇天份都沒所謂啦, 當正常運動和社交活動就可以了.

作者: shadeslayer 時間: 13-8-28 09:55 標題: 引用：無心機，我問阿女學羽毛球學成點?+她說我女

原帖由 antia 於 13-08-28 發表
無心機，我問阿女學羽毛球學成點? 她說我女兒沒有天份……down....她仲好勤力1個星期學4個小時!!攪到唔知學 ...

重要係孩子玩得開心嗎？對自己的水平有期望嗎？其他乜都唔重要，

作者: Meikin 時間: 13-8-28 11:35

無天份冇所謂喎, 最重要是你囡鍾意打及打得開心, 又可強身健體, 一舉兩得.

作者: antia 時間: 13-8-28 13:26 標題: 引用：你原本諗住個女會入港隊嗎?如果唔係,+有冇

原帖由 talknwrite 於 13-08-28 發表
你原本諗住個女會入港隊嗎?
如果唔係, 有冇天份都沒所謂啦, 當正常運動和社交活動就可以了.
...

咁又唔駛，入到校隊已很滿足了

作者: antia 時間: 13-8-28 13:27 標題: 引用：無天份冇所謂喎,+最重要是你囡鍾意打及打得

原帖由 Meikin 於 13-08-28 發表
無天份冇所謂喎, 最重要是你囡鍾意打及打得開心, 又可強身健體, 一舉兩得.

她說無天份的時間，我很hurt....千其唔好比阿女知，因她已盡了力! 無得强求

作者: antia 時間: 13-8-28 13:58 標題: 引用：無天份冇所謂喎,+最重要是你囡鍾意打及打得

原帖由 Meikin 於 13-08-28 發表
無天份冇所謂喎, 最重要是你囡鍾意打及打得開心, 又可強身健體, 一舉兩得.

都是既

作者: dobbybabie 時間: 13-8-28 18:04 標題: 回覆：antia 的帖子

有天份只是练一個鐘己等於沒天份的兩三個鐘,你女鐘意有么所谓.天才愛迪生说天才是99%的努力加1%的天份.你應欣賞你女的努力.

作者: antia 時間: 13-8-28 18:55 標題: 引用：有天份只是练一個鐘己等於沒天份的兩三個鐘

原帖由 dobbybabie 於 13-08-28 發表
有天份只是练一個鐘己等於沒天份的兩三個鐘,你女鐘意有么所谓.天才愛迪生说天才是99%的努力加1%的天份.你應 ...

是的!! 多謝你!

作者: IT7711 時間: 13-8-28 19:11 標題: 回覆：比教練說我女無天份!!

明白你的心情，感覺好似個女得唔到人欣賞。確實係好hurt。
若阿女係得到公平待遇，而且又玩得開心有進步，咁咪繼續跟呢個教練囉。If not, 換人囉。閒人講閒話，唔好放在心。

作者: hermanpapa 時間: 13-8-28 19:48 標題: 回覆：比教練說我女無天份!!

最重要有興趣去學，羽毛球講求體力同技巧，易學難精，一個星期四小時的練習不算多。有機會去看學界D1和精英賽的比賽，若要好似那些同學一樣出色，每星期至少十小時以上練習，另外有私鐘的，付出不少。

作者: oscarmama 時間: 13-8-28 21:20

你教練咁老實同你講，都係吾想你浪費金錢同時間，起碼你可考慮走或吾走。
我朋友個仔小一、二時個校隊教練話佢有天份，係咁叫佢加鐘，結果去到小五時越打越差，個教練好似當佢閒人咁放埋一邊，搞到個細路2頭吾到岸，小五轉其他運動又太遲，而且又放咗咁多

&時間，走咗好似白費咗之前努力。

作者: dobbybabie 時間: 13-8-28 22:56 標題: 回覆：hermanpapa 的帖子

要出色真是唔容易,金錢固然要付出,時間一样要付出,好多運動精的小朋友背後的各種努力.汗水,淚水,金錢一样都付出多多.我仔鐘意劍击,自問4-5百元一個鐘的私補補唔起,佢跟小组,當然没有加操,加私人鐘的同學叻,但他享受,又唔怕輸,我都好高興.另,自己都是覺他没天份,唔想倒錢入咸水海

作者: antia 時間: 13-8-31 11:10 標題: 引用：要出色真是唔容易,金錢固然要付出,時間一样

原帖由 dobbybabie 於 13-08-28 發表
要出色真是唔容易,金錢固然要付出,時間一样要付出,好多運動精的小朋友背後的各種努力.汗水,淚水,金錢一样都 ...

多謝各方的意見! 呢個羽毛球班是阿女想學的，現在我都唔諗佢有無天份了! 只希望她有更大的進步! 除了那4個小時的學習外，我要佢係學校再參加作訓練，再加強!!

作者: er88 時間: 13-9-1 14:01 標題: 回覆：antia 的帖子

教練的說話固然重要，但我更相信後天的努力。本人的小朋友也打了5~6年，教練都十分努力地去鼓勵大家。本人深知他們不是打港隊的材料，只要他們努力過，打得開心，打得健康已經足够。

作者: fannymk 時間: 13-9-1 16:14 標題: 回覆：比教練說我女無天份!!

入到港隊未必是好事，睇教練睇唔睇你女，當運動算，認真你就輸

作者: antia 時間: 13-9-3 22:42 標題: 回覆：比教練說我女無天份!!

真多謝你們! 玩在個心舒服晒

作者: antia 時間: 13-9-3 22:43 標題: 回覆：比教練說我女無天份!!

我問左老師都說她有進步，不過她說我女體能方面較弱

作者: fannymk 時間: 13-9-4 01:53 標題: 引用：我問左老師都說她有進步，不過她說我女體能

原帖由 antia 於 13-09-03 發表
我問左老師都說她有進步，不過她說我女體能方面較弱

體能要長期操練先可以提升，但好辛苦，不過健康D

作者: 701003 時間: 13-9-4 07:14 標題: 引用：我問左老師都說她有進步，不過她說我女體能

原帖由 antia 於 13-09-03 發表
我問左老師都說她有進步，不過她說我女體能方面較弱

勉強加操，反而有違健康之道！

作者: prmama 時間: 13-9-4 09:09

天才唔係無，但唔多，既然我們的小孩不是天才，又何必強求呢？做怎何一樣運動，體能是十分重要的，要時間浸，不是一朝一夕的事，多鼓勵她。
阿仔都打得唔叻，但他鍾意，而且上到中學真係要有一樣活動給他們，讓他們的時間在球場渡過，總好過在商場、在電腦遊戲中渡過。

作者: judy 時間: 13-9-4 11:10

無心機，我問阿女學羽毛球學成點? 她說我女兒沒有天份……down....她仲好勤力1個星期學4個小時!!攪到唔知學定唔學好!!

羽毛球是一很講究體力、步法和姿勢嘅運動，呢三樣嘢，最看你花多少時間操練。阿大八歲左右得地區賽亞軍，然後越大越無嘢睇，無他嘅，阿大一星期六小時，別人漸漸加到一星期十小時、＋二小時。一两年就有分野。

體力速度唔夠，打波下下被動，好難施展技術。

每星期四小時，太少了。

作者: stepio 時間: 13-9-5 12:06

its all about the coach not the kids la ... change coach is the best way to keep your kid's favorite sport in her life!

作者: 黃巴士 時間: 13-9-5 13:48

如果要專業, 體能要做健身. 如果是興趣, 一般訓練都足夠囉. 專業地玩一種運動是很花時間的. 其實都好睇小朋友和家長對SPORTS的定位.

作者: ha8mo 時間: 13-9-5 16:11

提示: 作者被禁止或刪除內容自動屏蔽

作者: eviepa 時間: 13-9-5 17:52

如果你唔係期望阿女嚮區赛攞冠軍或以上成績，天份完全唔成問題。只要有興趣、有恒心，就算體能差少少、悟性差少少，始終會打得唔錯。就當龜免赛跑佢係隻龜，只要肯爬，爬爬吓始終會到終點。

羽毛球呢種運動好講發力方法，識發力，個波發發聲；唔識發力竅門，用好大力個波都唔係好去。識得正確姿勢、步法、意識可以補足好多體能上嘅不足。

作者: acwang0048 時間: 13-9-5 18:42

最重要是個教練有冇心機教你個女！教練如果有心機教和肯鼓勵小朋友, 他們一定會用心和有興趣去學。不會容易放棄！這是我們做家長想見到。

有冇天份只是次要。

反過來說，如果教練冇心機教，就快快換左佢。

作者: hermanpapa 時間: 13-9-5 18:58 標題: 回覆：acwang0048 的帖子

學校教練冇得換，不過可以私下跟其他教練或球會。而且找到那些在神校任教的更好。

作者: judy 時間: 13-9-5 18:59

本帖最後由 judy 於 13-9-5 19:04 編輯

羽毛球呢種運動好講發力方法，識發力，個波發發聲；唔識發力竅門，用好大力個波都唔係好去。識得正確姿勢、步法、意識可以補足好多體能上嘅不足。

Anita,

你咪聽eviepa講，我估每周練4-12小時嘅人，都識發力。如企定定練波，個個都可打到個波發發聲，冇分別。但真正打落去，要走要追，唔夠位，個波好難打得好。林丹、李中偉嘅層次仲講究體能，何况小朋友。
不過，每周練４小時，已經好好，將來和朋友打波，咁嘅波底已可打到好盡興。有小朋友，又可教小朋友打波。幾好！

作者: hermanpapa 時間: 13-9-5 19:02 標題: 引用：Quote:fannymk+發表於+13-9-1+16:14+入到港

原帖由 ha8mo 於 13-09-05 發表
我覺得入港隊為升學係小學升中的階段最有用
入U真係要靠成績先至實際，否則入到都係讀唔上，仲陰公
...

港隊冇收咁細，升中入體院或重點青年軍打就得，再贏個學界團體或精英賽獎就更好，當然最穩陣係中銀全港青少年比賽的獎。

作者: NKpa 時間: 13-9-5 21:57

打羽毛球要講天分咁犀利咩？四肢健全，鍾意打，日日打，自然叻架啦。

作者: hermanpapa 時間: 13-9-5 22:26 標題: 回覆：NKpa 的帖子

係有!三星期前，亞仔就俾教練話佢手腳不協調。certified！哈哈！

作者: NKpa 時間: 13-9-5 23:09

有朋友話佢自己眼手不協調，成日隊鎖匙隊唔入。

作者: eviepa 時間: 13-9-6 08:17

Judy,

妳有冇睇晒我寫D嘢呀，我話如果目標唔係區賽冠軍或以上。

如果目標只係嚮區賽志在参與，去得幾多圈得幾多圈。另外嚮學校高中時都係校隊骨幹成員，每星期四小時正式訓練，再同波友打幾個鐘波，肯定夠。

嚮中學階段，好多理由會停止學波、例如家長想D细路多D時間讀書，D細路冇興趣、學波對揾學校唔再有用……。只要肯堅持到高中，達到以上目標唔難。

作者: hermanpapa 時間: 13-9-6 17:48 標題: 引用：有朋友話佢自己眼手不協調，成日隊鎖匙隊唔

原帖由 NKpa 於 13-09-05 發表
有朋友話佢自己眼手不協調，成日隊鎖匙隊唔入。

咁就要配眼鏡先。天份有好多因素所限，跳躍高度、停空時間、步跨、反應、力量等等。當然勤力和興趣也很重要，我仔仔曾經一星期練習超過24小時的羽毛球，我一定明白勤力的重要，但冇天份的話，多練也會有所限。ps我仔仔係羽毛球拔尖升中。

作者: antia 時間: 13-9-6 19:02 標題: 回覆：judy 的帖子

多謝你的鼓勵 ^ ^

作者: shadeslayer 時間: 13-9-6 19:41 標題: 引用：Quote:原帖由+NKpa+於+13-09-05+發表有朋友

原帖由 hermanpapa 於 13-09-06 發表
咁就要配眼鏡先。天份有好多因素所限，跳躍高度、停空時間、步跨、反應、力量等等。當然勤力和興趣也很重要 ...

嘩二十四小時？職業好似係每日五六小時，一星期六日練習，咁都係三十小時左右？讀書點算？

作者: hermanpapa 時間: 13-9-6 20:05 標題: 引用：Quote:原帖由+hermanpapa+於+13-09-06+發表

原帖由 shadeslayer 於 13-09-06 發表
嘩二十四小時？職業好似係每日五六小時，一星期六日練習，咁都係三十小時左右？讀書點算？

...

當年打精英賽，一至五每天打兩小時，六和日則跟教練走早午晚三場。平時趁小息做功課，晚上溫書。幸好，家、學校、補習社和體育館都同區，走得冇咁辛苦。去年男拔畢業的伍家朗，讀書和打波樣樣掂，係亞仔的偶像。

作者: shadeslayer 時間: 13-9-6 23:00 標題: 引用：Quote:原帖由+shadeslayer+於+13-09-06+發

原帖由 hermanpapa 於 13-09-06 發表
當年打精英賽，一至五每天打兩小時，六和日則跟教練走早午晚三場。平時趁小息做功課，晚上溫書。幸好，家、 ...

利害，一定有過人之處。

作者: item 時間: 13-9-7 15:37

hermanpapa 發表於 13-9-6 20:05
當年打精英賽，一至五每天打兩小時，六和日則跟教練走早午晚三場。平時趁小息做功課，晚上溫書。幸好，家、 ...

如果要打精英賽贏面大，這巳經是最低限度的訓練，學界的競爭很大，小女以前也全程投入某樣運動，我也不明白其他精英球員好像不用做功課和讀書，不用應付測驗、考試。

作者: hermanpapa 時間: 13-9-7 15:57 標題: 引用：Quote:hermanpapa+發表於+13-9-6+20:05+當

原帖由 item 於 13-09-07 發表
如果要打精英賽贏面大，這巳經是最低限度的訓練，學界的競爭很大，小女以前也全程投入某樣運動，我也不明白 ...

有人只顧運動，準備全職生涯，也有人兩邊兼顧。在我而言學生始終係學生，特異功能只是升學另類途徑。付出時間在運動和課業上，其他娛樂時間便要放棄，過一些沒有電視也沒有假期的日子，並不是每個小朋友願意和接受，先決條件是小朋友有興趣，不怕捱苦。付出和收穫未必是正比，但不付出就一定無收穫，這觀念正是我希望讓我小朋友要識的態度。

作者: item 時間: 13-9-7 16:09

hermanpapa 發表於 13-9-7 15:57
有人只顧運動，準備全職生涯，也有人兩邊兼顧。在我而言學生始終係學生，特異功能只是升學另類途徑。付出時 ...

你的小朋友真的很叻，你說的其實我也曾做過，但小女未能去到top的位置，她有時等上靑訓時，休息、吃飯時，甚至等緊下一場比賽，她都很擔心自己冇時間讀少了書，成績不夠好。

作者: hermanpapa 時間: 13-9-8 06:42 標題: 引用：Quote:hermanpapa+發表於+13-9-7+15:57+有

原帖由 item 於 13-09-07 發表
你的小朋友真的很叻，你說的其實我也曾做過，但小女未能去到top的位置，她有時等上靑訓時，休息、吃飯時， ...

你肯定未利用有限的空餘時間溫書。在球場上，你有沒有見過以前KTS升上DBS的郭同學，手上永遠都拿著一本英文小說咩？

作者: item 時間: 13-9-8 09:29

hermanpapa 發表於 13-9-8 06:42
你肯定未利用有限的空餘時間溫書。在球場上，你有沒有見過以前KTS升上DBS的郭同學，手上永遠都拿著一本英文 ...

球場環境太嘈雜，小女不能專心讀書，所以我說令千金很叻，就是不是每個人做得到。學界運動員多不勝數，但能成為種子球員的，一是如你之前說的波牛，不用讀書，另一種則是精英學生，文武全才，相信今千金必是後者。

作者: hermanpapa 時間: 13-9-8 11:21 標題: 引用：Quote:hermanpapa+發表於+13-9-8+06:42+你

原帖由 item 於 13-09-08 發表
球場環境太嘈雜，小女不能專心讀書，所以我說令千金很叻，就是不是每個人做得到。學界運動員多不勝數，但能 ...

我仔仔只係興趣加不怕捱，再加上點運氣吧！學業只是中等。身為家長，要清楚自己子女的長短處和夢想，努力去幫助他們去追求夢想和發揮長處。
今年升中二，亞仔想轉入現在的學校，我們做家長就為他想方法，教他要如果做才有機會達到目標，結果他成功。
在暑假和新校班主任見面時，我好認同她說的話：學校是給予你們發展長處，補拙短處的地方，好好利用學校給你們的資源發揮你們的潛能。
引申入家庭中，家長也該如此去支持自己子女去實現夢想。有冇天分都好，只要他們有夢便要支持和輔導，學習面對失敗和挫折，因為世上沒有永遠不敗的人，但機會只會給有準備的人。

作者: item 時間: 13-9-8 11:35

hermanpapa 發表於 13-9-8 11:21
我仔仔只係興趣加不怕捱，再加上點運氣吧！學業只是中等。身為家長，要清楚自己子女的長短處和夢想，努力去 ...

絶對認同，令人佩服的好母親!

作者: prmama 時間: 13-9-9 08:42

要孩子有成績，不單止要孩子肯付出，我們做家長的也要付出，要陪佢去學波、比賽，要認識佢的波友仔，若只得孩子去面對，他們會感到失落的。
我想信hermanpapa的孩子有今天的成績，作為父母的也付出不少。

作者: yiyiyima 時間: 13-9-9 13:26

小兒也喜愛打羽毛球，對他來說打球就是玩，玩就是打球，他願意爲之投大量時間，就怕我不讓他打。可一想到學習成績，我就矛盾，其時我更希望他在學業上能上一層樓。他目前成績30/150，想說服他少花時間打波，以後上好點的中學，可一看他打球神彩飛揚的樣子，又隨他了。

作者: item 時間: 13-9-9 16:54

prmama 發表於 13-9-9 08:42
要孩子有成績，不單止要孩子肯付出，我們做家長的也要付出，要陪佢去學波、比賽，要認識佢的波友仔，若只得 ...

我付出的其實不比hermanpapa 少，你所說我全部做哂，她打比賽的幾年，我們是全家人都參與，包括我家的菲傭姐姐，青訓的家長我們也有互相交流，也有家長主動要求互相練球，不過小女也很重視自己的學業成績，所以不能用太多時間去綀波，連班主任，甚至校長也讚許小女，因為真的有些學生運動很叻，成績就、、、、、、

作者: antia 時間: 13-9-9 23:22 標題: 引用：最重要有興趣去學，羽毛球講求體力同技巧，

原帖由 hermanpapa 於 13-08-28 發表
最重要有興趣去學，羽毛球講求體力同技巧，易學難精，一個星期四小時的練習不算多。有機會去看學界D1和精英 ...

通常咩月份開始有比賽看呀!

作者: Jackieson 時間: 13-9-10 09:25

本帖最後由 Jackieson 於 13-9-10 09:35 編輯

回復 antia 的帖子

可留意吓羽毛球總會d賽程.
http://www.hkbadmintonassn.org.hk/zh/
在網站上面可以click d 影片睇, 例如中銀香港全港學界羽毛球團體錦標賽.

仲有學界
http://www.hkssf-hk.org.hk/hk/sec/events/bd.htm
http://www.hkssf-hk.org.hk/hk/sec/general-rules/calendar.pdf

記得以前打學界, 上上吓堂舉手同老師講去打波便走得, 唔使上堂.

作者: bigheadchiu 時間: 13-9-10 09:39 標題: 回覆：比教練說我女無天份!!

做運動最重要是開心。是一種興趣。玩得快樂便可以了。

作者: hermanpapa 時間: 13-9-10 10:27 標題: 引用：Quote:原帖由+hermanpapa+於+13-08-28+發表

原帖由 antia 於 13-09-09 發表
通常咩月份開始有比賽看呀!

精英賽係十月尾打初賽，11月至12月打埋決賽。
學界每區都不同，要睇學界聯會網頁通告。全港小學區賽就大約係四五月左右。

作者: Jackieson 時間: 13-9-10 14:18

hermanpapa 發表於 13-9-10 10:27
精英賽係十月尾打初賽，11月至12月打埋決賽。
學界每區都不同，要睇學界聯會網頁通告。全港小學區賽就大約 ...

記得以前有次幫手做小學學界賽的球証, 班LS仔突出到不得了, 就算上到去中學學界打C grade (D1)都仲有得贏.

作者: hermanpapa 時間: 13-9-10 14:32 標題: 引用：Quote:hermanpapa+發表於+13-9-10+10:27+精

原帖由 Jackieson 於 13-09-10 發表
記得以前有次幫手做小學學界賽的球証, 班LS仔突出到不得了, 就算上到去中學學界打C grade (D1)都仲有得贏.
...

近年九龍中學D1 boys都係DBS, YWC, LSC, FSS四間;girls 就DGS, HYS, GHS, FSS四間。
現在的小學雞top level足以打贏一些D1 B grade二三線球員，真係估唔到咖。

作者: ppchan168 時間: 13-9-11 00:48

我估計教練是國內來的吧。人地見慣大場面，教過既都是省隊或者國家隊。高手都是從小挑出來，他們看看孩子的身高手長，就知道日後有冇機會，同香港玩玩下既，是完全唔同概念既。

作者: TelleTelleMom 時間: 13-9-11 15:47

本帖最後由 TelleTelleMom 於 16-8-20 20:14 編輯

Deleted

作者: Glau 時間: 13-9-11 16:04

我個仔游水, 都有玩下學界,但自知點游都去唔到至top O個班, (真係要操足7日) 而家轉型踢波, 一樣咁開心. 不過教練話要2揀1.

作者: 黃巴士 時間: 13-9-12 16:03

咪係, 樂在其中. 除了獎項, 如小朋友有其他更大得著(團體精神, 交友, 減壓, 進取心....),已經是成功了. 最緊要教練唔好扢苦小朋友!!! 善意批評可接受.:;pppp:

作者: er88 時間: 13-9-12 20:22 標題: 回覆：比教練說我女無天份!!

今曰羽毛球校隊揀蟀，很多同學仔都較量一番，但中一全級只收三名，亞仔無緣入校隊，很不開心，唯比的鼓勵佢，但效果麻麻。

作者: CherryLoMa 時間: 13-9-13 09:08

提示: 作者被禁止或刪除內容自動屏蔽

作者: antia 時間: 13-9-16 19:01 標題: 引用：今曰羽毛球校隊揀蟀，很多同學仔都較量一番

原帖由 er88 於 13-09-12 發表
今曰羽毛球校隊揀蟀，很多同學仔都較量一番，但中一全級只收三名，亞仔無緣入校隊，很不開心，唯比的鼓勵佢 ...

遲d輪到我女了，都驚佢入唔到校隊!!

作者: fannymk 時間: 13-9-24 19:14 標題: 引用：Quote:fannymk+發表於+13-9-1+16:14+入到港

原帖由 ha8mo 於 13-09-05 發表
我覺得入港隊為升學係小學升中的階段最有用
入U真係要靠成績先至實際，否則入到都係讀唔上，仲陰公
...

同意，所以一上中學即退役，但並不是應付唔到，相反中學十分支持。只是黑箱作業，不公平，多年努力，得到國際認可，唯獨教練和本港不認同支持，不玩也罷

作者: talent2000 時間: 13-9-24 19:40

提示: 作者被禁止或刪除內容自動屏蔽

作者: talent2000 時間: 13-9-24 20:51

提示: 作者被禁止或刪除內容自動屏蔽

歡迎光臨教育王國 (/)