教育王國

標題: 小息小食安排問題 [打印本頁]

作者: pandamommy 時間: 13-8-27 18:00 標題: 小息小食安排問題

新手，唔知條問題儍唔儍呢，其實小學生通常小息有無機會或會唔會洗手先食小食呢?我唸緊駛唔駛預備d有包裝可以隻手拿住包裝袋一端食，或者預備d用小叉小羹食嘅食物。

作者: Ling0426 時間: 13-8-27 18:57 標題: 回覆：pandamommy 的帖子

我都係新手，剛剛去咗家長，老師話一般都要求小朋友小息去咗洗手間先，再吃野，不過小學冇人睇住，小朋友會唔會去冇人知

作者: zillyzizi 時間: 13-8-27 21:23 標題: 回覆：pandamommy 的帖子

我去家長會，老師話用食物盒放小食會好d，因為袋裝小食，小朋友未必一定開到，用錯力開就散到一地都係，等於冇得食。

作者: talknwrite 時間: 13-8-27 21:29

醒目仔會用剪刀開的.

作者: timtimtse 時間: 13-8-28 03:28

怪獸家長

作者: 天道總司 時間: 13-8-28 13:14 標題: 回覆：小息小食安排問題

比定一包消毒濕紙巾食之前抹手

作者: pandamommy 時間: 13-8-28 16:45 標題: 引用：怪獸家長

原帖由 timtimtse 於 13-08-28 發表
怪獸家長

最怪獸嘅行為就係只睇人哋一個片面，甚至只係一條簡單問題而label人哋!仲係無禮貌無品嘅怪獸!

作者: pandamommy 時間: 13-8-28 16:47 標題: 引用：怪獸家長

本帖最後由 pandamommy 於 13-8-28 17:04 編輯

原帖由 timtimtse 於 13-08-28 發表
怪獸家長

你要知你一句說話等於駡哂所有有考慮/處理呢個衛生問題嘅人。你自己唔mind或是唸唔到係你嘅事。

作者: bbchoi 時間: 13-8-28 16:56

我有比酒精捽手液佢, 佢都唔係次次用, 唯有哦多幾次

叫佢食野前記得用!

作者: pandamommy 時間: 13-8-28 17:16

多謝所有有品家長嘅回覆同埋意見

作者: longyiu 時間: 13-8-30 21:46 標題: 引用：怪獸家長

提示: 作者被禁止或刪除內容自動屏蔽

作者: hadwinboy 時間: 13-8-30 22:46 標題: 引用：新手，唔知條問題儍唔儍呢，其實小學生通常

原帖由 pandamommy 於 13-08-27 發表
新手，唔知條問題儍唔儍呢，其實小學生通常小息有無機會或會唔會洗手先食小食呢?我唸緊駛唔駛預備d有包裝可 ...

多謝你提醒，我不夠仔細沒有想過這問題。我個仔下星期小一開學，會提一提他要洗手先。如果只揀獨立包裝食物會局限了選擇，例如百力支或蛋糕仔等便不能吃了

作者: JJCYN 時間: 13-8-31 10:12

真不明白總是有些無聊人會加插些既無建設性性又不理性的批評，如「怪獸家長」這類的形容詞，做這類行為的人應該要見見心理醫生，驗一下是否心理不平𧗾。

作者: JJCYN 時間: 13-8-31 10:19

真不明白總是有些無聊人會加插些既無建設性性又不理性的批評，如「怪獸家長」這類的形容詞，做這類行為的人應該要見見心理醫生，驗一下是否心理不平
衡..

作者: Yanamami 時間: 13-8-31 10:39

問過當事人，阿女話除極少數好聽老師話的會去洗手外，無人會先洗手，後食野。一打鐘就食。無人用食具，只會用手。放心，d小朋友食菌食大。反而傷風感冒易傳染。

作者: Yukyuk 時間: 13-8-31 11:27 標題: 回覆：pandamommy 的帖子

如果帶三文治／水果，可以切到好像cocktail 正方形，並用支可重覆使用小膠叉（日本便當最多用）。

又衞生又優雅！

作者: Yukyuk 時間: 13-8-31 11:28 標題: 回覆：timtimtse 的帖子

不是怪獸，是細心！

作者: pandamommy 時間: 13-8-31 11:53 標題: 回覆：小息小食安排問題

多謝大家!

作者: kalong 時間: 13-8-31 17:00 標題: 回覆：小息小食安排問題

我也是新手，放了濕紙巾比佢，但預備週見佢無用過，相信佢都係唔洗手就食，唯有提多幾次洗手或用濕紙巾了

作者: babywoman 時間: 13-8-31 18:53

我仔學校在家長會專門已提呢個問題.
我仔學校是10:45--11:05 小息,12:15午膳.所以建議家長最好俾學生帶水果,餅乾之類可以食得飽肚嘅就最好唔好帶,因為小息食得飽,午膳就吃少飯.

作者: talknwrite 時間: 13-8-31 18:56

學生洗完手後, 佢哋多數都係呢度食吓, 個度食吓, 隻手摸完呢度又摸個度, 同學伸手攞D, 自己又去攞D, 大家隻手都不知幾乾淨. 不用太緊張了, 肚瀉就當排毒.

作者: JJDBB 時間: 13-8-31 20:42 標題: 回覆：小息小食安排問題

提下大家，小息小食問題事少，開大点算好，日日袋包紙巾系褲袋，裙袋。因為不是間間校有紙巾，就算有，萬一用完，未來得切换新，点算好.....唔抹，抹？又用咩抹....好了兩個月後，如小孩獨立最後会解決的，記住，唔需担心，人生總有多多少少這些事情会發生。不過提下我們的家長，這些經驗，大家討論下！

作者: JJDBB 時間: 13-8-31 20:43 標題: 引用：學生洗完手後,+佢哋多數都係呢度食吓,+個度

原帖由 talknwrite 於 13-08-31 發表
學生洗完手後, 佢哋多數都係呢度食吓, 個度食吓, 隻手摸完呢度又摸個度, 同學伸手攞D, 自己又去攞D, 大家隻 ...

還會口水交叉傳染，放心！眼不見為乾淨！

作者: Miss_ahso 時間: 13-8-31 23:19 標題: 回覆：小息小食安排問題

阿女學校都話可以放定濕紙巾係櫃度，用來抹咀抹手都得。我稔提多小朋友幾次應該會記得

作者: fannyofy 時間: 13-9-4 14:47

我都係為囝囝準備濕紙巾, 至於小食方面如果本身食物獨立包裝的便比佢成包帶回校, 如果一大包的便會放合適份量在食物盒比佢帶, 放學回家都會問吓囝囝有無食前用濕紙巾抹手, 當然我都會靜靜睇下濕紙巾有無小左

作者: clara1477 時間: 13-9-4 22:38 標題: 引用：學生洗完手後,+佢哋多數都係呢度食吓,+個度

原帖由 talknwrite 於 13-08-31 發表
學生洗完手後, 佢哋多數都係呢度食吓, 個度食吓, 隻手摸完呢度又摸個度, 同學伸手攞D, 自己又去攞D, 大家隻 ...

我都系甘話。吃前洗手習慣應在家中自小養成。況且小學是一個俾小朋友學習自理，獨立好機會。如什麼都替孩子擔心，怕小朋友忘記呢樣，不懂那樣，替他安排得一絲不苟……他們是不會長大的。肚痛當排毒！

阿女小食洗手、如廁呢方面我從不理會。屋企教左，返學自己攪掂。

歡迎光臨教育王國 (/)