教育王國

標題: 今朝去完cac [打印本頁]

作者: kennyrita    時間: 13-8-27 17:32     標題: 今朝去完cac

把鬼,話我個囡無事, 講到我地自己要求高, 唔識係小朋友個角度去同佢地玩




作者: kennyrita    時間: 13-8-27 17:37     標題: 引用:把鬼,話我個囡無事,+講到我地自己要求高

原帖由 kennyrita 於 13-08-27 發表
把鬼,話我個囡無事, 講到我地自己要求高, 唔識係小朋友個角度去同佢地玩



  ...
佢幼稚園老師, 專注班老師, 私人感統都話佢係有d問題, 只係得佢話無問題
e個醫生評估仲衰個之前見姑娘




作者: kennyrita    時間: 13-8-27 17:40     標題: 引用:Quote:原帖由+kennyrita+於+13-08-27+發表

原帖由 kennyrita 於 13-08-27 發表
佢幼稚園老師, 專注班老師, 私人感統都話佢係有d問題, 只係得佢話無問題
e個醫生評估仲衰個之前見姑娘



  ...
咩服務都無比




作者: lillymarie    時間: 13-8-27 19:56

係咪做足兩三個鐘的評估?
作者: Ms.Mak    時間: 13-8-27 21:42

本帖最後由 Ms.Mak 於 13-8-27 21:42 編輯

有專家話老師同家長意見係好重要.
作者: checkylam    時間: 13-8-28 10:16

本來佢話冇事應該係開心, 但係又咁多人話佢有事, 究竟係有事定係冇事啊!
本人都有相同經歷, 都唔知信邊個
作者: MATINLONG    時間: 13-8-28 10:29     標題: 引用:本來佢話冇事應該係開心,+但係又咁多人話佢

原帖由 checkylam 於 13-08-28 發表
本來佢話冇事應該係開心, 但係又咁多人話佢有事, 究竟係有事定係冇事啊!
本人都有相同經歷, 都唔知信邊個 ...
信自己!媽咪最清楚!堅持信念幫助小朋友!




作者: kennyrita    時間: 13-8-28 11:37     標題: 回覆:lillymarie 的帖子

無, 只做左個半鐘度, 本人覺得之前見姑娘時仲做得詳細d




作者: kennyrita    時間: 13-8-28 11:41     標題: 回覆:checkylam 的帖子

一去到, 佢d口吻已經講到無事咁, 佢話佢地以前e d 係好正常, 只係現在個社會做成咁樣就有問題, 其實無事




作者: IvyPluto    時間: 13-8-28 11:55

介紹你看一本書, 好媽媽勝過好老師, 看完後再觀察一下自己的小朋友,平心而論問題在小朋友那裡還是成年人那裡(不一定是父母)
作者: Ms.Mak    時間: 13-8-28 12:21

本帖最後由 Ms.Mak 於 13-8-28 12:24 編輯
kennyrita 發表於 13-8-28 11:41
一去到, 佢d口吻已經講到無事咁, 佢話佢地以前e d 係好正常, 只係現在個社會做成咁樣就有問題, 其實無 ...

一般臨床心理學家都要做2個鐘.
作者: lillymarie    時間: 13-8-28 12:34

kennyrita 發表於 13-8-28 11:37
無, 只做左個半鐘度, 本人覺得之前見姑娘時仲做得詳細d
個半鐘又唔算好短時間,你小朋友還在讀幼稚園吧?年紀細,評估時間好似係短些。
或者再觀察多一兩年睇下佢表現如何啦。

作者: kennyrita    時間: 13-8-28 13:51     標題: 回覆:IvyPluto 的帖子

我2個都要返工, 只得晚上操佢




作者: kennyrita    時間: 13-8-28 13:52     標題: 回覆:Ms.Mak 的帖子

應唔係心理學家, 佢介紹自己是醫生




作者: IvyPluto    時間: 13-8-28 14:15

這本書不是教人點操小朋友的, 但糾正很多成年人對小朋友的已有觀念,和很多是錯的成見.
作者: wan_sosin    時間: 13-8-29 00:12

你見了幾多個醫生?一個?
學校報告點樣寫?
我仔都係CAC評估,我又唔覺佢真係咁求其!我一見見三個醫生!當時4.5yrs.
當天我仔無疑表現都唔錯,因為陌生,總會乖D!
但我講佢嘅活躍情況會傷到自己同別人,醫生都已好留意!
評了活躍及反叛,評估完幾個月之後醫生決定寫轉介信去精神科!
作者: fatsum    時間: 13-8-29 09:44

小朋友2歲時, 帶他上playgroup, 堂堂喊, 導師覺得他有問題, 叫我帶他去check.  帶他去X康做評估, 被評為中度至嚴重弱能???

K1-K2, 老師懷疑小朋友自閉, 又叫我帶他去check, 但小朋友在校測驗9成科目100分.

導師/老師照顧一班有廿幾三十個小朋友, 是一件非常吃力的事, 不經意比說話家長聽.

我都係一見見三個醫生, 醫生叫我唔好自己對號入座.

信自己, 耐心引導小朋友, 今時今日, 行得慢, 都比人話有問題!!!
作者: kennyrita    時間: 13-8-29 10:45     標題: 回覆:今朝去完cac

我見一個醫生架喎, 同埋入到佢唔夠十分鐘, 已同我講話以前d小朋友好似現在咁係正常喎, 同埋佢無問大人呀囡平時表現是什樣, 我見佢唔問, 我咪自己講囉, 佢就話樣樣都正常




作者: kennyrita    時間: 13-8-29 10:48     標題: 回覆:kennyrita 的帖子

同埋我覺得d test, 第一次見姑娘時仲細仔過現在醫生個test, 個姑娘係由入去已經會開始留意呀囡d舉動架啦
個醫生, 只係攞d工具出來比佢做, 就一路click佢份表




作者: kennyrita    時間: 13-8-29 10:51     標題: 回覆:今朝去完cac

你地係邊區呀, 可能區分唔同, d醫生個心態都唔同




作者: a328    時間: 13-8-29 12:38

which district?
作者: kennyrita    時間: 13-8-29 18:15     標題: 引用:which+district?

原帖由 a328 於 13-08-29 發表
which district?
TM




作者: 小草王道    時間: 13-8-29 22:33     標題: 引用:把鬼,話我個囡無事,+講到我地自己要求高

原帖由 kennyrita 於 13-08-27 發表
把鬼,話我個囡無事, 講到我地自己要求高, 唔識係小朋友個角度去同佢地玩



  ...
我仔個次見CAC.3個醫生。見左差不多3個鐘。




作者: kennyrita    時間: 13-8-29 22:37     標題: 回覆:小草王道 的帖子

應個醫生唔同,  pm你




作者: a328    時間: 13-8-29 23:16

we are from tai hau wan,although he also say my son is OK, but did suggest us to attend some trainign to improve it
作者: wan_sosin    時間: 13-8-30 00:09

樓主你可唔可以講到d例子,你小朋友最明顯嘅問題係乜!佢表現出來又如何!
我個仔都唔係明顯嗰隻!因佢少發脾氣,成日開開心心!
但佢嘅問題就係成日都係好興奮,食咗藥咁,有時比人鬧都未知!
勁鬧佢都未必冷靜!


作者: kennyrita    時間: 13-8-30 15:46

wan_sosin 發表於 13-8-30 00:09
樓主你可唔可以講到d例子,你小朋友最明顯嘅問題係乜!佢表現出來又如何!
我個仔都唔係明顯嗰隻!因佢少發脾氣 ...
我其實上年12月已係 step 做左私人全面發展評估, step 再寫紙我去cac 諗住做個詳細d評估, 同埋諗住未有e位時, 睇下醫院有否其他服務比到佢,
你諗下, 個個都話我囡係有問題 (不過唔係極之嚴重果隻囉, 係好容易令人忽視果隻), 係cac 度只係比一個醫生比我見, 仲要一開始同我講, 佢地以前舊社會, 好多都係咁, 係叫正常, 係現在d人令到個社會風氣咁樣, 根本就無事

都未評估完就已經同我咁講, 佢根本就係想西人走

作者: kennyrita    時間: 13-8-30 16:35

我囡(3歲7個月)大小肌弱, 鐘意用5指攞野, 佢做唔到叻叻手指, "v" 同 "take" 手勢做唔到, 係今年1月(3歲)先學識原地跳, (但個支勢唔係好), 到現在唔識向前跳, 唔識接波及拋波, 上落櫻梯要人扶。唔係好識跳牛角波。佢係唔多願郁果d, 比較文靜, 除左遊樂場, 但都唔係好靈敏果d)

佢表達能力差 (e 樣都算, 表達能力我地可以自己操佢), 但個理解能力弱, 無邏輯思維, 無分析力, 人地d小朋友好有豐富想像力, 天馬行空, 咀gel gel, 我囡都多野講, 但只係將生活說話copy 落d玩具到

佢專注力差 (但唔係過度活躍, 所以會好易令人忽視, 係可以坐定定, 但隻眼同個腦唔知會去左邊, 游雲去左自己嘅世界, 唔知大圍做緊咩), 做做下都可以唔知自己做緊d咩, 專注唔夠2分鐘, 見佢係學校(n班)做早操歌(做d簡單動作), 我見到d小朋友都可以跟到大半, 但我囡只係傻呆呆企係度周圍望, 佢又唔會走左去果隻 (但已返左成年)

唔會點望人, 對人講野好細聲, 就算對住老師都好細聲 (只有係自己屋企同爺爺屋企大聲玩), 就算對住我都唔係好望我, 明明係同我講, 佢都會舉起右手掌, 對住自己右手掌講野

一時間唔係好諗到, 寫住咁多先


果日個醫生都見呀囡對住自己手掌講野, 無mug眼神接觸 , 佢都話無問題喎 (反而佢問番我地, 問我地會面期間, 呀囡有無望佢, 我咪答, 佢有望, 望一眼囉, 佢答我都話無問題)





作者: kennyrita    時間: 13-8-30 16:41

社交方面, 唔同小朋友玩
作者: lillymarie    時間: 13-8-30 17:05

呢個醫生真係令人感到好唔專業!
作者: kennyrita    時間: 13-8-30 18:40     標題: 引用:呢個醫生真係令人感到好唔專業!

原帖由 lillymarie 於 13-08-30 發表
呢個醫生真係令人感到好唔專業!
我覺得佢只左西人走, 由其是唔係可以睇到好明顯果d




作者: lillymarie    時間: 13-8-30 18:46

kennyrita 發表於 13-8-30 18:40
我覺得佢只左西人走, 由其是唔係可以睇到好明顯果d
我大囝小一時亦見過一位醫生,佢當時只係見咗我地30分鐘,又係話囝囝好正常,仲鬧我話我要求太高。我咪信佢,到小二下學期,老師再問我點解唔去做評估。我去排CAC,小三上學期確診。
我都明,我囝又係好安靜好聽話的小朋友,同人傾計給人感覺好醒目。只係上課和做功課時出問題。

或者你再觀察一下,或者搵醫生轉介直接去排期見精神科。就用等候的年幾兩年去觀察囡囡的發展啦。

作者: wan_sosin    時間: 13-8-31 00:46

個醫生係唔係年紀大嗰d呀?,生係古時,見慣以前有問題嘅小朋友,家長都唔知有事嗰d 呀?
以前d人只會將小朋友分兩類,正常智商,同弱智,唔弱智就當無事!
我細個都唔多妥架!學校求其同我做小小智商測試,合格就算!

我都覺得你直接排精神科好d!
另外你攞step嘅報告,搵下非牟利機構,有無服務啱你囡囡!
作者: kennyrita    時間: 13-8-31 16:12     標題: 引用:個醫生係唔係年紀大嗰d呀?,生係古時,見慣以

原帖由 wan_sosin 於 13-08-31 發表
個醫生係唔係年紀大嗰d呀?,生係古時,見慣以前有問題嘅小朋友,家長都唔知有事嗰d 呀?
以前d人只會將小朋友分 ...
佢年紀唔算好大, 我估計是4x, 50度咋




作者: kennyrita    時間: 13-8-31 16:17     標題: 回覆:kennyrita 的帖子

其實我覺得佢知呀囡咩事嘅, 不過死都唔肯認唧, 當日有d位其實係明顯架, 而當時個醫生係度重覆我囡個答案, 仲係度笑, 好似係度恥笑咁架




作者: wan_sosin    時間: 13-8-31 17:38

kennyrita 發表於 13-8-31 16:17
其實我覺得佢知呀囡咩事嘅, 不過死都唔肯認唧, 當日有d位其實係明顯架, 而當時個醫生係度重覆我囡個答案 ...

40X-50歲,正正就係唔當小朋友有問題嘅年代,我有好多呢個年紀嘅朋友,都會同我講,當年邊有話細路仔有事架!而家D父母先咁講嗟!暗示我太過緊張!
不過呢個醫生真係好唔掂!第日邊個遇著佢就慘啦!
如果個姑娘好的話,你都可以再打去同姑娘傾下!雖然都未必有用!
但係最少表達下你嘅諗法!

作者: kennyrita    時間: 13-8-31 18:49     標題: 回覆:wan_sosin 的帖子

打電話去都唔會揾到人啦, 果日係cac度走左再打番去揾個醫生,留左電話, 到現在都無影無踪, 再打過問, 個男接線生話係架, 未必e幾日覆架 (咪即o係唔會覆囉, 我覺得)




作者: chowqv    時間: 13-9-1 04:12     標題: 回覆:今朝去完cac

咁少時間評估,阿仔之前,做足2個鐘。




作者: eva816    時間: 13-9-2 13:35

kennyrita 發表於 13-8-30 16:35
我囡(3歲7個月)大小肌弱, 鐘意用5指攞野, 佢做唔到叻叻手指, "v" 同 "take" 手勢做唔到, 係今年1月(3歲)先 ...

我囝同你個囡差唔多能力, 由兩歲讀n班讀到今年7月, 進步唔大, 仲要俾老師投訴佢懶, (其實佢肌肉張低), 現3歲7個月都未可以自己落樓梯, 今個月開始去s位, 希望有進步啦
作者: kennyrita    時間: 13-9-2 17:19

回復 eva816 的帖子

你都好, 入到。
我囡比cac out 左出來

作者: keep-calm    時間: 13-9-2 17:46     標題: 回覆:今朝去完cac

建議如果擔心的話可再找私人評估。養和劉醫生是這方面權威。其報告可排政府位




作者: hobby    時間: 13-9-3 16:41

回復 eva816 的帖子

我個囡都有部分跟你們的小朋友差不多, 現在3歲9個月, 未能自己交差腳上落樓梯, 畫畫, 寫字等差到老師叫幫佢係屋企寫多啲, 現在只能寫1, 4, 7; 總之跟大小肌有關就成績差

見完健康院姑娘, 醫生 (醫生覺得有行為問題), 見埋CAC姑娘(但我覺得佢認為問題不大), 現在等見CAC醫生, 唔知要等幾耐, 又唔知係唔係見完就被踢走 ...



作者: eva816    時間: 13-9-3 18:04     標題: 引用:回復+eva816+的帖子 我個囡都有部分跟你們

原帖由 hobby 於 13-09-03 發表
回復 eva816 的帖子

我個囡都有部分跟你們的小朋友差不多, 現在3歲9個月, 未能自己交差腳上落樓梯, 畫畫,  ...
最少等半年先见e生




作者: hobby    時間: 13-9-4 12:16

回復 eva816 的帖子

是呀, 姑娘說要等6-9個月

作者: catmervin    時間: 13-9-12 17:36

我大仔同細仔都係屯門CAC做評估,可能個個醫生唔同,我覺得佢都好專業。既然你已經在STEP做左評估,可以用佢O既報告排位。
作者: piggylily    時間: 13-9-17 13:09     標題: 回覆:今朝去完cac

我仔也排屯門CAC,9月尾做,死火,佢又係唔明顯果D,我估係ADD,睇到樓主情況我都好擔心,因我第一次見姑娘時2月,姑娘不斷覺得係我緊張,但我見健康檢查時,健康檢查姑娘都覺得佢要見心理醫生,CAC收埋學校問卷,就9月頭通知我排佐9月尾俾我,我都怕醫生係咁




作者: COE1205    時間: 13-9-18 13:09

想問下第一次見完姑娘,第二次係咪一定見心埋醫生?
作者: bearwhat    時間: 13-9-23 23:56

我想問我仔排cac..我26/6自己第1次去cac見完姑娘...1星期寄返老師問卷比佢...現在都沒回音呢??信都無封....好似石沈大海喎
作者: wan_sosin    時間: 13-9-24 00:03

bearwhat 發表於 13-9-23 23:56
我想問我仔排cac..我26/6自己第1次去cac見完姑娘...1星期寄返老師問卷比佢...現在都沒回音呢??信都無封.... ...

CAC唔會再有通知比你,直至約你見醫生先再有電話,當然如果你有問題,都可以打去問姑娘!
作者: wan_sosin    時間: 13-9-24 00:06

COE1205 發表於 13-9-18 13:09
想問下第一次見完姑娘,第二次係咪一定見心埋醫生?

其實唔一定見心理學家,要睇下小朋友需要評估什麼,一般發展評估係由兒科醫生做!
作者: COE1205    時間: 13-9-24 10:58

wan_sosin 發表於 13-9-24 00:06
其實唔一定見心理學家,要睇下小朋友需要評估什麼,一般發展評估係由兒科醫生做! ...
因為我收到電話,阿仔10月10日第一次見醫生就係見心理醫生!
作者: COE1205    時間: 13-9-24 11:00

本帖最後由 COE1205 於 13-9-24 11:01 編輯
piggylily 發表於 13-9-17 13:09
我仔也排屯門CAC,9月尾做,死火,佢又係唔明顯果D,我估係ADD,睇到樓主情況我都好擔心,因我第一次見姑娘 ...

你仔排得好快呀!我仔去年12月尾見姑娘,9月初先收到電話約10月10日見心理醫生(不過我係排沙田)

作者: bearwhat    時間: 13-9-24 11:19     標題: 引用:+本帖最後由+COE1205+於+13-9-24+11:01+編

原帖由 COE1205 於 13-09-24 發表
本帖最後由 COE1205 於 13-9-24 11:01 編輯
我都係排沙田……咁真係有排等……




作者: Vichang    時間: 13-9-24 13:08     標題: 引用:把鬼,話我個囡無事,+講到我地自己要求高

原帖由 kennyrita 於 13-08-27 發表
把鬼,話我個囡無事, 講到我地自己要求高, 唔識係小朋友個角度去同佢地玩



  ...
在沙田嗎?上次個女醫生都麻麻哋。




作者: HaYi    時間: 13-9-24 15:41

我覺得政府醫生係好唔想分資源去俾D marginal case. 我個K2時經我自己幾次要求先有得睇,  我自己其實都有哩方面的一些知識, 睇之前就同佢講其實唔係我敏感, 真係因為我認識的理論同行為....xxx, YYY,   只是我冇做scale的訓練所以想要確實的專業意見, 但佢睇完都說是marginal, 又是話佢好好, 現在俾唔到任何政府的幫忙. 不過都叫我自己睇緊些.

之後上左P1, 因分心哩個問題會有好多連帶的問題, 老實說好似此另一ADHD thread 所說, ADHD 小朋友好似有孔的水筒, 家長放下的資源如有一半收回成效都要感恩. 外人不會明的. 所以家長的直覺不要輕視, 不要以為醫生的說法己是明燈, 一路要自己去跟進.
作者: Hopesforlife    時間: 13-9-24 23:19

我囝囝4月中見了CAC姑娘,今天剛收到電話10頭可以見醫生及PT及OT做評估。到時又要再一次接受現實阿囝的情況,有時知同聽到醫生講出嚟個感受又唔同。希望佢可以早d排到S位。
作者: wan_sosin    時間: 13-9-24 23:23

COE1205 發表於 13-9-24 10:58
因為我收到電話,阿仔10月10日第一次見醫生就係見心理醫生!

我上年去CAC時,個姑娘無同我講會見乜嘢醫生,但去到,一見就見三個醫生,我唔多知道邊個打邊個!幾個醫生車輪戰!我都無理咁多!份報告上面亦三個名都係醫生,無話係心理學家!
作者: piggylily    時間: 13-9-25 00:56     標題: 回覆:COE1205 的帖子

因為我覺得可能係學校填番去份問卷太衰,之前有份成績表評語話我仔“喜歡係自己幻想世界當中“,份copy俾CAC姑娘收起左








歡迎光臨 教育王國 (/) Powered by Discuz! X1.5