教育王國

標題: York 金巴倫道51号僭建？！ [打印本頁]

作者: sandthegreat 時間: 13-8-27 15:28 標題: York 金巴倫道51号僭建？！

今朝送完细佬返學，經過便利店見到太陽報頭條寫住約克僭建，本來都無乜嘢，僭建呢個topic喺香港已經無咩大不了，但一睇到“如僭建結構有問題，一旦遇上嚴重天雨或打風，該僭建物或其構件有机会墮下危及學生及途人的人身安全“……個心突然抽一抽，係喎，呢排打咁多風，有咩事咪弊？！

咁啱呢兩日阿哥返學(阿哥讀緊York)都扭晒計，一見到要換校服就大喊……唔排除佢因為上個礼拜尾病咗無返學有D拖懒咗嘅可能，但見佢喊成咁唔肯返，會唔會唔適應？定唔鐘意間學校？

唉，老公已經成日提住要轉番阿哥去細佬間學校(細佬讀緊boxhil新校，超新，無升小學參考，細校舍，小班，老師頗caring)，今日又有呢個新聞，係咪真係要諗諗轉校？

作者: behappydad 時間: 13-8-28 06:39 標題: 回覆：York 金巴倫道51号僭建？！

唉

作者: TeriAnla 時間: 13-8-28 08:12 標題: 回覆：sandthegreat 的帖子

最緊要係你同小朋友都覺得開心，對學校教學係咪冇哂信心。如果是，禁盡快安排轉校。
呢間學校一直以來都新聞多多，校長一家亦從未有改變佢地貪婪個性，不過呢幾年畢業生考私小直資成績好好，尤其佢地收比較多細B. 我諗呢個係其中一個原因呢幾年越來越多班。
個人對校長同佢啲家人都好失望，佢地身為教育界但沒有做好鎊樣。自己小朋友今年選擇了約克PN, 對呢啲新聞都好煩惱，因為身邊好多人鬧間學校，好大壓力K1轉走，但我唔希望因為佢地而抹殺約克一眾教師團隊的專業和教學質素。或者有啲約克家長們對學校行政安排很不滿，但對於我囝囝番咗兩星期學，我十分滿意。看到囝囝在短時間進步，班主任的關懷（兩個星期已經和班主任傾過幾次囝囝情況和進度），囝囝好鍾意番學，今個星期病了冇得番，但日日係屋企孭住書包話要番學）。

少少個人感受，不喜勿插。如果K1真係因為校長問題，個人係有啲可惜，因為老師確實不錯，身邊亦有很多用家朋友推薦教學真的非常好。

作者: eebabyma 時間: 13-8-28 09:10 標題: 回覆：York 金巴倫道51号僭建？！

如果我係你，我會擔心一但要清拆果d僭健物時，會唔會好嘈，好大塵

歡迎光臨教育王國 (/)