教育王國
標題: 小六生無錢參加活動 「暑假一天都嫌長」 [打印本頁]
作者: elbar 時間: 13-8-26 17:47 標題: 小六生無錢參加活動 「暑假一天都嫌長」
http://www.singtao.com/yesterday/edu/0826go04.html
基 層 學 生 潘 信 誓 連 續 兩 年 報 不 到 康 文 署 的 暑 假 游 泳 班 ， 最 終 只 能 拾 荒 度 日 。
下周一就是開學日，悠長暑假只餘一周便告結束。家住油麻地房，將升讀小六的潘信誓卻覺得「暑假一天都嫌長」，無力支付收費活動，連康文署資助的暑期游泳班，連續兩年因名額不足而未能成功報名，只好在街頭拾荒度日，從事另類暑期工，「這些錢是自己賺來的，不怕給同學取笑」。
年僅十二歲的潘信誓來自單親家庭，與任職保安的媽媽及文職的姊姊，同住在油麻地的房單位內。暑假他本想跟其他同學一樣參加暑期活動，自己連續兩年報名康樂及文化事務署的游泳班，但名額嚴重不足之下，兩年均未能成功抽籤，雖參加社區組識協會的免費英語班，但他還是無奈的說，「報了兩年泳班都無消息，留在家中只能發呆，很無聊」。
今年信誓決定暑假自食其力，在街上執紙皮跟銅變賣，「最多試過賣到三十元，暑假加起來應該賺過百元」。原來他在三年前，即九歲起已展開拾荒生涯，每天下課回家，趕完功課便到街頭「搵錢」，「媽媽最初都不知，有次發現我錢包有錢，還以為我偷錢呢」。身型略胖的信誓笑稱，拾荒收入都花在買零食，「現在夏天賺到錢，當然要買雪糕嘗嘗」。
媽媽跟姊姊給他零用錢不多，拾荒在信誓眼中是自力更生，家人不反對，也懶理旁人目光，「我住在油麻地，在荔枝角返學，跟同學住不同地區，他們不知我執紙皮；就算他們知道，就由得他們唱衰我吧，但這些錢是我辛苦賺來」。
社區組織協會在暑假期間訪問近二百名基層家長，發現三成四人未安排子女參加暑期活動，逾半原因是費用太貴及家庭無錢支付；而有安排暑期活動的家長之中，一成二要偕子女拾荒支付活動開支。康文署雖有提供免費暑期活動，但九成受訪家長卻沒有報名，當中近三成批評名額太少，根本報不到。
康文署強調全港十八區均有不同康體活動，滿足學生在暑假期間的需要，種類及項目均較平時有增加，當局亦有向資助各體育總會舉辦青少年暑期足球訓練計畫等活動。
作者: annie40 時間: 13-8-26 18:16
社会已经够分化, 唔好系唔系都把'阿妈是女人'的新闻放上EK 吧!
放大,再放大已存在超过五十年的社会事实,没有积极建设性的!
作者: Happylau2014 時間: 13-8-26 18:42
提示: 作者被禁止或刪除 內容自動屏蔽
作者: Marco-ma 時間: 13-8-26 21:56 標題: 回覆：Happylau2014 的帖子
同意呀！
最難頂某些機構話一餐飯三餸一湯要一百幾十蚊，低下階層又負擔吾起，又缺乏營養.....
喂我都無曰日買百二蚊餸喎，我仲要晚晚留飯第二天在公司食 ，日曰食隔夜飯的我咪好可憐:;pppp::;pppp:
作者: ANChan59 時間: 13-8-26 22:03
回復 Marco-ma 的帖子
簡直可憐，不過你又冇資格搵著數，又冇梁粉幫你爭取，只有頂硬上！
作者: Tommy 時間: 13-8-26 22:34
社區組織協會在暑假期間訪問近二百名基層家長，發現三成四人未安排子女參加暑期活動，逾半原因是費用太貴及家庭無錢支付；而有安排暑期活動的家長之中，一成二要偕子女拾荒支付活動開支。
呢個暑假，我兩個仔一樣課外活動都無參加，我真係無用！點做人老豆？
基層家長死慳死底，甚至去拾荒，都有66%安排子女參加暑期活動，我竟然嘜都無做，比基層更淒慘！
都要考慮同啲阿公阿婆去搶紙皮喇！
作者: MrBeast 時間: 13-8-27 08:34
我都抽過康文處d 音樂班，抽唔到! 政府咁多$可加多些resource.
作者: Yanamami 時間: 13-8-27 09:10
本帖最後由 Yanamami 於 13-8-27 09:10 編輯
Yes, spending time at the library is nice and free(with air-con too). That's what 王貽興did in his past when his family couldn't afford to send him to any ECA.
作者: shadeslayer 時間: 13-8-27 09:35 標題: 回覆：小六生無錢參加活動 「暑假一天都嫌長」
唔去圖書管，日日落游樂場玩又得，街場打波都得，唔係行附近的山也可以，
作者: gorbb 時間: 13-8-27 11:17
本帖最後由 gorbb 於 13-8-27 11:19 編輯
大家都講得好啱! 我覺得傳媒口中的所謂基層或貧窮線下家庭 (無意分化)與一般家庭最大的分別不在於資源,而在於心思. 這類人只會見到人地報暑期班所以我都要報; 報唔到就怨天怨地怨自己,
唔會用個腦諗下其他方法 (或者埋怨工作忙不能安排). 而我們這些一般人, 負擔到又覺得又需要都會報下暑期班, 負擔唔到咪報政府o個d, 報唔到就自己安排, 正如大家講的行山, 圖書館, 公園, 海灘, 遊樂場, 甚至商場,博物館.....數之不盡, 視乎家長有冇心安排.
講開又講, 今日見到新聞有法拉利車主請基層小朋友去ritz carlton食buffet兼坐法拉利遊車河, 話等依班小朋友有夢想, 有奮鬥目標. 雖然出發點係好, 但太豪華了,小朋友唔識分析,或者家長唔識輔導,小朋友只會知道有錢就有得豪, 這樣是很危險的.
同埋唔知佢地點樣定義咩叫基層人士? 
大把人 (中產甚至高中產)都未去過同埋冇能力去ritz carlton同坐法拉利. 如果我個仔問我點解同學有得坐法拉利佢冇, 我應該點搭佢?唔通話因為我地唔夠窮!?
作者: 四隻貓 時間: 13-8-27 11:55
gorbb 發表於 13-8-27 11:17 
大家都講得好啱! 我覺得傳媒口中的所謂基層或貧窮線下家庭 (無意分化)與一般家庭最大的分別不在於資源,而在 ...
暑假我女都無報暑期班, 每日同婆婆行下超市/商場嘆冷氣, 係圖書館/屋企睇下書, 去公園玩. 我女已經好開心.
兒童夢想其實可以好簡單, 唔需要物質化兒童夢想.
作者: 小小山 時間: 13-8-27 12:25
一個Museum Pass 都係港幣 50 元(學生價)一年, 無價寶任睇唔嬲. 公眾游泳池8元入場費 (平日學生價).
作者: happy.rita 時間: 13-8-27 13:27 標題: 回覆：小六生無錢參加活動 「暑假一天都嫌長」
究竟啲記者真係覺得佢地慘定係無嘢寫、格硬搵嘢寫？
媽媽做保安員，姐姐做文職，而家有最低工資，兩個工作養一個小學生，家庭收入必定高過貧窮線。貧窮線的家庭收入：4人家庭約萬五元，佢地呢個三人家庭都應該過萬五。個小學生所謂「自力更生」，啲錢用嚟買零食，食到咁肥，同啲女人賺錢買花帶有乜分別？
從小在屋邨學校長大，多數家庭都是基層，很多同學連零用錢都無。放暑假，大家在家食完午飯，帶支水就去圖書館、社區中心、去商場window shopping涼冷氣、去遊樂場玩，好開心，從無埋怨過無錢。同學中現有醫生、律師、精算師、各行各業，現在個個都生活得好好，大家小時候都係無錢參加活動，但聚舊時講起小時候都好開心。
傳媒唔係幫緊啲基層小朋友，而係害咗佢地！咁落去，呢班小朋友長大後都唔知會變成點。
作者: gorbb 時間: 13-8-27 14:59
happy.rita 發表於 13-8-27 13:27
究竟啲記者真係覺得佢地慘定係無嘢寫、格硬搵嘢寫？
媽媽做保安員，姐姐做文職，而家有最低工資， ...
講得好啱! 我記得自己細個 (小學)時每日有兩蚊零用錢 (大約夠買一支可樂或一包媽咪麵), 已經比好多同學好, 好多人真係一蚊零用都冇. 暑假時大家都去抽康文署活動,大部分人都抽唔到. 抽唔到就自己諗野玩囉! o個時差不多日日去圖書館或者屋企附近的青年中心嘆泠氣, 玩下康樂棋. 男仔就會去公園踢下波或者打兵兵波; 女仔就揾塊空地打羽毛球,踢打 "現" - 全部都係自學的. 一兩個星期就去泳池游水, 日日都會睇下卡通片, 不知幾快活, 
點可能係度日如年.
果時身邊有d同學屋企環境唔好, 或要幫手煮飯, 但大家都冇怨氣. 廿幾年後的今日, 大家都過得好好. 有醫生,律師,高官,fund佬, 甚至嫁左有錢人做全職媽媽都有, 有時我會覺得知識真係可以改變命運.
雖然得承認現今向上游比以往困難, 但既然現實不能改變,就應改變自己心態,動動腦筋如何好好利用社區資源. 如果我係o個個肥仔阿媽,我唔會阻止佢拾紙皮,但會阻止佢用所賺的全部錢用作享樂, 而要佢自己學懂分配理財, 又可體檢生活. 所以有時唔係有冇錢的問題, 而係阿媽識唔識教的問題.
作者: gorbb 時間: 13-8-27 15:00
四隻貓 發表於 13-8-27 11:55
坐法拉利呢單新聞我真係睇到呆左係度....點解兒童夢想係要"坐法拉利""去五星酒店"?
暑假我女都無報暑期班, ...
我睇完單新聞腦裡就浮現 "好心做壞事" 五個字
作者: nintendo 時間: 13-8-27 15:25
gorbb 發表於 13-8-27 11:17
今日見到新聞有法拉利車主請基層小朋友去ritz carlton食buffet兼坐法拉利遊車河,
富X代好多都唔會得閒同你巔，得閒訓下好過
暴發果班，有 D 就想出下風頭，又有 D 懶係想發財立品，懶係要幫人
唔係得罪講，呢班友仔有幾多有見識有修養？
佢理得你班窮人係點，總知自己覺得做了好事，感覺良好
我都識 D 叫做有錢人，話做善事，其實多數盞搞，好心做壞事
被幫忙的，可能真係有點得著
不過真正得著的，可能係出手幫的那些有錢人，佢地自己就好 HIGH
唉，香港的價值觀老早 COLLAPSE
今日有報導話最多讀兩間幼稚園的小朋友，原來來自綜援家庭
投降
作者: SAGO 時間: 13-8-27 15:35
作者: nintendo 時間: 13-8-27 15:45
本帖最後由 nintendo 於 13-8-27 16:12 編輯
我地算中上，仔女讀國際學校，但佢地要買野，都要自己儲錢
由細到大，仔女暑假都少去要比錢的活動
係近兩年仔女大 (中學)，先話去下 summer program
暑假去大埔海濱公園，大譚水塘行下，有時去下山頂，行下 TRAIL
再唔係，去政府圖書館 hea 下，亞仔話有免費冷氣喎
早兩日，叔仔生日，一大班人去食平價日本放題
我一向覺得，無論係食飯還是甚麼聚會，其實做甚麼，是平是貴都不最重，
最重要是和誰一起，一家人齊齊整整，食大排檔都開心
今年亞仔生日，蛋糕係我媽自己整，又平又好味
作者: item 時間: 13-8-27 16:01
happy.rita 發表於 13-8-27 13:27 
究竟啲記者真係覺得佢地慘定係無嘢寫、格硬搵嘢寫？
媽媽做保安員，姐姐做文職，而家有最低工資， ...
作者: gorbb 時間: 13-8-27 16:15
nintendo 發表於 13-8-27 15:25
法拉利車主，有一半係富二代 (富 X 代 )，其餘又有大半係暴發戶
富X代好多都唔會得閒同你巔，得閒訓下好過
...
同意. 無啦啦攞少少錢出來請班o靚仔食一餐再遊轉車河 (其實本身車會每星期都有trail) 就可以見報兼做善長, 何樂而不為?
作者: shadeslayer 時間: 13-8-27 16:21 標題: 引用：究竟啲記者真係覺得佢地慘定係無嘢寫、格硬
原帖由 happy.rita 於 13-08-27 發表
究竟啲記者真係覺得佢地慘定係無嘢寫、格硬搵嘢寫？
媽媽做保安員，姐姐做文職，而家有最低工資， ...
作者: gorbb 時間: 13-8-27 16:37
nintendo 發表於 13-8-27 15:45
我地算中上，仔女讀國際學校，但佢地要買野，都要自己儲錢
由細到大，仔女暑假都少去要比錢的活動
係近兩年 ...
令我諗起多年前一個廣告: 比別人花得起不值得興奮，比別人懂得花才是真正學問
攞綜援都比小朋友讀兩間幼稚園的家長, 心態應是又回負又自悲. 佢地可能睇報紙話中產比小朋友讀兩間, 就覺得要比自己o個個都讀兩間, 如果唔係就會比人睇唔起. 人云亦云,唔會用腦用分析. (我不是說所有綜援人士的是這樣, 我亦見過有低下層家庭教出來的子女謙謙有禮, 努力上進. 這些好孩子的父母雖然窮, 但通常都是克勤敦厚,在有限資源下為子女安排最好的)
攞綜援即係無業, 即係全職家長, 如果懂得為子女打算的話可以為子女做好多, e.g. 去圖書館借一大堆中英文書連cd提升閱讀聆聽能力, 買幾蚊卡字做字卡或勞作遊戲, 去公園認識植物品種, 帶小朋友去街市認識蔬菜肉食種類 .....這些都是我幻想如果自己可以做全職媽媽時會做的,比上任何一所playgroup/ 活動班更好. 這 "非不能也 乃不為也"
所以有時見人講誇代貧窮, 我會覺得所指的不是物質上的 "誇代貧窮", 所指的應該是志氣, 上進心.
窮人代代都有, 但以前社會氛圍是窮要窮得有志氣, 知識改變命運; 但現今社會傳媒卻鼓吹窮是政府的錯, xx霸權的錯. 平等是指你有的 (包括物質享受) 我都應該有. 坦白講, 我覺得好可怕!
作者: torunpoland 時間: 13-8-27 16:42 標題: 回覆：gorbb 的帖子
不想落井下石。到底是「因為這種心態而成為基層人士」？還是「因為基層人士而有這種心態」？值得基礎人士反思。
作者: gorbb 時間: 13-8-27 16:53
torunpoland 發表於 13-8-27 16:42
不想落井下石。到底是「因為這種心態而成為基層人士」？還是「因為基層人士而有這種心態」？值得基礎人士反 ...
我只可以說, 有這種心態的, 通常都會活在埋怨中, 一世都不能真正脫貧.
作者: annie40 時間: 13-8-27 16:54
傳媒唔係幫緊啲基層小朋友，而係害咗佢地！
***** ***** *****
开始怀疑全部事端是傳媒+党派老作而起
曾经也是基層小朋友的我, 真的也是很快乐啊!
从来没有投诉所缺乏的, 反而很敏感的被人家大声提醒: 你是基層,你好鬼穷, 快D等我施舍比你嘞! 施舍左比你, 记住 鞠躬讲多谢和hand hand.
今天社会愈来愈多'懒好人', 从自己的利益出发来帮别人来抬高自我,一时话夏天无冷气好鬼惨, 一时话靓仔无得游学又非常不人道, 无钱补习又必然死梗..............从未真心去想别人所需, 仲带头向人家的伤口洒盐来高正义.
真系笑死人不赔命, 呢度没有去补习的高材生是一大堆, 唔开冷气的家庭有几家,(我是其中之一), 游唔游学对前途根本没影响.......
在会所内曾目睹几位香港说得未算流利英语的士女,呢头邀请深水埗基层小学的孩子参观高级的历史会所, 送赠tea buffet + 餐桌礼仪, 转头就话班细路女没家教, 一世无使指意做我们的尊贵会所会员云云..................
孩子才九岁,十岁, 在陌生地方有点害羞是正常不过, 全程还是由Scottish lady 用英语来导游, 边有可能知道你讲物东东............ 唯一的中文句是:
妹妹, 你十分没礼貌,人家跟你说话, 你要望住人家眼睛来回应!
原来的导赏课, 随时变成的人生侮辱课的Chapter One.
作者: annie40 時間: 13-8-27 17:09
回復 四隻貓 的帖子
坐法拉利呢單新聞我真係睇到呆左係度....點解兒童夢想係要"坐法拉利""去五星酒店"?
**** ***** *****
情况九成以上是'开法拉利的的那位好鬼自卑和空虚, 在自己的circle 内, 里外不是人, 于是想出这条'死桥'去帮助穷困兒童. 使自我感觉良好D.
甘既好桥也想得到, 就知佢几甘'成功'和'超班'呢! 是现实社会极好的反面教材, 千万别会错意, 也不要模仿啊!
作者: serinac 時間: 13-8-27 17:12 標題: 引用：不想落井下石。到底是「因為這種心態而成為
原帖由 torunpoland 於 13-08-27 發表
不想落井下石。到底是「因為這種心態而成為基層人士」？還是「因為基層人士而有這種心態」？值得基礎人士反 ...
另外還有社福界，只有他們最清楚那些資源可利用，他們有否關顧過頭，主動誘發基層一些不切實際的期望？
作者: mesmerising 時間: 13-8-27 17:34
回復 annie40 的帖子
要幫基層，踏踏實實落區為成績弱的補習最實際有用。因知識能改變命運。少搞自我感覺良好的gimmick啦。
作者: gorbb 時間: 13-8-27 17:36
本帖最後由 gorbb 於 13-8-27 17:44 編輯
annie40 發表於 13-8-27 16:54
傳媒唔係幫緊啲基層小朋友，而係害咗佢地！
***** ***** *****
开始怀疑全部事端是傳媒+党派老作而 ...
這種"人生侮辱课的Chapter One"有兩種極端後果: (1) 嚴重削弱小朋友自信, 製造更多 "誇代志窮"; (2) 嚴重紐曲小朋友價值觀, 認為有錢就有地位不用受氣,而不擇手段.
我唔想質疑這些善長的善心, 但出來的結果是壞事卻是肯定的.
作者: Artie 時間: 13-8-27 17:37
以前好多有心人做善事，愛自稱 "無名氏"，就係不想給人孤名釣譽的感覺。真係有心幫小朋友，不用出鏡，不用上報，比一筆錢保良局，做背後的 daddy long legs 就夠。題外話，咁多架法拉利，有多少 carbon foot print？
作者: 四隻貓 時間: 13-8-27 17:38
nintendo 發表於 13-8-27 15:45
我地算中上，仔女讀國際學校，但佢地要買野，都要自己儲錢
由細到大，仔女暑假都少去要比錢的活動
係近兩年 ...
無冷氣好慘? 無得去迪迪尼好慘?無得食自助餐好慘? 無得坐飛機旅行好慘?.......
小朋友好簡單, 有人陪有得玩就開心. 幸福唔係用錢去衡量的.
題外話:
行山真係好好的, 唔駛錢, 好玩, 多野睇(魚仔蝦仔, 昆蟲, 蝌蚪, 植物, 松鼠, 蛇都見過...), 又健康. 小朋友完成全程又有成功感.
我女6歲, 迪迪尼VS行山, 佢係揀行山.
香港圖書館又係一大德政. 書量足, 服務佳. 新建的環境光線都一流. 一張証可借8本, 跟孩子去圖書館睇完嘆完再借一大堆書回家, 真係非常滿足.
作者: mesmerising 時間: 13-8-27 17:45
本帖最後由 mesmerising 於 13-8-27 17:47 編輯
回復 四隻貓 的帖子
行山加圖書館，我們一家兩大like.最近兩父子還迷上一邊釣魚，一邊談心交流，全部係所費無幾。
作者: judy 時間: 13-8-27 18:05
自己連續兩年報名康樂及文化事務署的游泳班，但名額嚴重不足之下，兩年均未能成功抽籤
下下抽籤, 點解唔早到早得.
作者: item 時間: 13-8-27 18:08
mesmerising 發表於 13-8-27 17:34
回復 annie40 的帖子
要幫基層，踏踏實實落區為成績弱的補習最實際有用。因知識能改變命運。少搞自我感覺 ...
作者: gorbb 時間: 13-8-27 18:19
item 發表於 13-8-27 18:08
完全認同，我曾聽過有位教育界的朋友說，他教的學校(band 2 尾 3頭），學生考A Level 有三科有A、B、 C（用 ...
認同.
我剛大學畢業時, 曾經到一個專為基層/ 新移民爭取權益的機構聽義工talk,我一心希望可以在工餘為基層學生作補習老師. 但o係個talk度個位成日帶住一型新移民爭取權益的女幹事開口埋口就話: 好多大機構, 會計師樓 (o個時仲係 big 5)都同我地合作, 帶小朋友去邊度邊度玩, 食咩野.....聽完後我覺得道不同不相為謀
作者: judy 時間: 13-8-27 18:24
其實抽籤已算是最公平. 先到先得可能會有買位, 瞓街排隊等問題.
瞓街排隊好過抽籤好多.
作者: Yukyuk 時間: 13-8-27 19:00 標題: 回覆：judy 的帖子
抽唔到可以後補其他時間。
康文署course 唔難，看報名者有幾神心！
作者: shadeslayer 時間: 13-8-27 19:24 標題: 引用：Quote:其實抽籤已算是最公平.+先到先得可能
原帖由 judy 於 13-08-27 發表
瞓街排隊好過抽籤好多.
作者: item 時間: 13-8-27 20:33
judy 發表於 13-8-27 18:24
瞓街排隊好過抽籤好多.
作者: crystal媽咪 時間: 13-8-30 17:16
本帖最後由 crystal媽咪 於 13-8-30 17:20 編輯
我細過都唔係日日有安排暑期活動, 都好似係只有暑假學一種班, 每年一次, 今年有畫班, 都有每周一次. 第2年...
而家D小朋友一天走幾埸.
唔一定要比錢的至係好活動, 當時我都同外婆去下行山/公園/逢星期六/日同家人郊餐跑步,去親戚家...
作者: cakids 時間: 13-8-31 18:36
回復 torunpoland 的帖子
agree. They will stay in their "level" and enjoy being "saved".
作者: Band5 時間: 13-9-1 11:50 標題: 回覆：小六生無錢參加活動 「暑假一天都嫌長」
究竟是“好心做壞事”，還是“私心做壞事”呢？
為了滿足宣傳或其他私慾，他們知不知道對這社會有多大的凃毒呢？
作者: BeBe媽媽 時間: 13-9-3 10:56
我都無為仔仔報暑期活動嗗，只係帶佢番教會，去火車博物館，泳池游水，去下朋友家，落下樓下同人玩咋喎，有地方比佢放電，佢已經好開心。
| 歡迎光臨 教育王國 (/) |
Powered by Discuz! X1.5 |