教育王國

標題: 日常言語訓練活動 - 食飯篇 :) [打印本頁]

作者: hazelnuttty 時間: 13-8-26 19:02 標題: 日常言語訓練活動 - 食飯篇 :)

本帖最後由 hazelnuttty 於 13-8-26 19:02 編輯

喺度見到好多BK媽媽做言語訓練或排服務等到無晒心機，等我幫大家打吓氣先 ^^

其實我日常見好多家長對言語訓練嘅概念都係「教發音」、「陪佢玩」、「迫佢講」，不過由於方法唔正確，往往成效不彰，有啲理解能力幾好，家長講咩佢都明，但係就點都唔肯出聲、淨係肯用身體語言或用手指指點點、有啲就組織能力差、有啲就諗嘢唔識轉彎....等等。爸媽於是疲於奔命揾專家，當然專家可以診斷及處理言語障礙，但係講到要將孩子所學的溝通技巧還有賴你哋嘅配合，先能夠將訓練所學發揮得最好！食飯篇呢個例子，其實即使一般孩子都可以做，多學幾個詞語總有用處啦 ;)

食飯時：

言語表達

a. 可以叫孩子幫手擺碗碟，一路擺一路講餐具名稱，例如：碗、碟、筷子、叉、刀 (名詞) 畢、切、吉、倒 (動詞)
b. 將他喜愛的食物刻意擺遠啲，問佢想食咩，鼓勵他說出食物名稱，又或者刻意只係夾好少份量俾佢，鼓勵佢
講出「要/俾多啲XX」等 (形容詞)
c. 鼓勵他夾餸俾其他人，問下其他人想要咩，學習發問，例如：你要唔要X呀? 你要X定Y呀?
d. 鼓勵佢講吓食物嘅味道，例：甜、鹹、苦、酸、辣、熱、凍；質地：好林、好韌、好硬 (形容詞)
e. 食完之後，幫手收嘢又可以講一大餐 ;) ：好飽、好味、食完啦

言語理解

a. 一路食飯一路俾指令，例：畢一舊蕃茄去媽媽隻碗度、幫手拎隻細匙羹俾爸爸（可按孩子能力增減長度）
b. 時態詞理解：問孩子關於時間的問題，引導他觀察及回答「未食」、「食緊」、「食晒」等

就係咁啦，唔洗玩具、唔洗晒時間要小朋友坐定定，小朋友學到嘢又可以類化喺日常生活之中，爸媽創造大量豐富語境，隨機同小朋友互動，學講嘢就係咁簡單!

有機會再同大家分享更多例子，各位加油！ :)

作者: kitty0909 時間: 13-8-26 20:12

多謝分享

作者: Linghongabc 時間: 13-8-27 23:14 標題: 回覆：hazelnuttty 的帖子

多謝分享，很好的事例

作者: sforson 時間: 13-8-28 00:19 標題: 回覆：hazelnuttty 的帖子

很切合生活，謝謝分享！

作者: hazelnuttty 時間: 13-8-28 00:29

最緊要大家啱用，有咩問題，歡迎發問！

作者: heichim 時間: 14-2-11 00:41

提示: 作者被禁止或刪除內容自動屏蔽

作者: ceci1212 時間: 14-2-11 20:28

thanks for sharing

作者: cksy_bb 時間: 14-2-12 18:08 標題: 回覆：日常言語訓練活動 - 食飯篇 :)

最buy 既教學法

作者: Eskridge 時間: 14-2-13 11:41

很好的分享

作者: baubaulee 時間: 14-5-8 01:26 標題: 回覆：日常言語訓練活動 - 食飯篇 :)

Hi

如果小朋友說話組織力弱，時時說話長篇大論都唔到point , 可以如何訓練去改善呢？

謝謝

作者: hazelnuttty 時間: 14-5-8 10:58

baubaulee 發表於 14-5-8 01:26
Hi

如果小朋友說話組織力弱，時時說話長篇大論都唔到point , 可以如何訓練去改善呢？

視乎小朋友幾多歲，小學生同細仔教法同學習重點有些不同...

不過基本上簡單來說有兩個方向：

第一：小朋友有這個問題，反映了問題根源在於他不懂得找重點，媽媽可以留意下平時小朋友是否做師都係橫衝直撞，做完先算，無咩計劃，做功課的時候唔多思考，尤其一些思考性轉彎抹角的題目就唔識理解，如果這樣，就要在呢一方面下多些功夫幫佢打好個底先啦

第二：從語言訓練方向入手。引導小朋友學習故事文法，敘事時一定要有人物地方、前因後果，其他枝節可以加，但這些重點不可以漏，這樣表達就會清楚好多了！

作者: rkowsoakna 時間: 14-5-8 23:54 標題: 回覆：日常言語訓練活動 - 食飯篇 :)

謝謝分享

作者: waiwai2468 時間: 14-5-9 12:34 標題: 回覆：日常言語訓練活動 - 食飯篇 :)

謝謝分享

歡迎光臨教育王國 (/)