教育王國

標題: 比哂學費書簿費先轉校... 好唔好呢? [打印本頁]

作者: littlecake 時間: 13-8-23 17:02 標題: 比哂學費書簿費先轉校... 好唔好呢?

小女9月BB in 咗五間最後得一間威廉收下午班,交哂錢, 點知尋日保護兒童會新航打黎話有個全日班位.

其實2間學校我都唔知邊間好d, 但學費相若,但一間半日一間全日, 保護兒童會新航又近好多, 只係過條天橋, 馬路都唔駛過.......

我想轉全日, 因奶奶阿媽唔駛咁辛苦日日過黎湊(雖然有工人但信唔過), 而且下午班時間好麻煩, 全日班自理又好d, 又唔駛係屋企冇人同佢玩淨係睇電視, 不過就要蝕比咗的學費,同埋驚bb唔適應同埋易病..

老公就想佢返半日, 話bb會好辛苦, 咁細個要佢返全日,但我覺得佢會好開心喎, 咁多小朋友陪佢玩,好過係屋企呀...

為此又拗咗一大餐,都唔知點好, 大家可否比d意見? 謝謝....

作者: stellalamm 時間: 13-8-23 17:46 標題: 回覆：比哂學費書簿費先轉校... 好唔好呢?

你都有決定啦，btw 全日／半日都係易病架喇，又唔可以話辛苦嘅，有得訓有得食有玩具玩咁囉

作者: tommyxsarah 時間: 13-8-23 19:50

如果您真係好想佢讀全日,之前比左都無計LA...^^

作者: wingyan008 時間: 13-8-23 23:31 標題: 回覆：比哂學費書簿費先轉校... 好唔好呢

全日好d, 下午多數訓，返下午班作息要重新適應

作者: sissy0531 時間: 13-8-24 02:10 標題: 回覆：比哂學費書簿費先轉校... 好唔好呢?

不如試下讀埋呢個月再轉，威廉都唔錯！

作者: littlecake 時間: 13-8-24 12:43

回復 sissy0531 的帖子

多謝你們的意見....

sissy0531... 本來我都打算係咁,但一來新航唔會等我, 佢都係要我下星期二前就要交哂學𥄱, 而如果讀咗一個月又轉我怕BB仲難適應, 所以而加把心一橫都係放棄威廉算囉....

不過, sissy0531, 你知唔知新航係咪唔好? 威廉比我感覺好商業, 其實如果有其他offer,我都唔會揀D間....

作者: sissy0531 時間: 13-8-25 02:05 標題: 回覆：littlecake 的帖子

詳情我不太清楚，但身邊有好幾個朋友讀威廉然後考入St'cat!

作者: Jessy 時間: 13-8-25 11:11

梗係轉啦, 全日班下午咪又係瞓, 最主要係近, 大人小朋友都舒服好多喎!!!

作者: breadbb 時間: 13-8-25 12:39 標題: 回覆：比哂學費書簿費先轉校... 好唔好呢?

我覺得讀全日班好慘雖然話小朋友慢慢會習慣但開頭果個月得果2 歲人仔就要長時間同媽媽分離，仲要nap...我都覺得全日班好不過k1 先開始會好小小

作者: cat1028 時間: 13-8-25 15:58

我囝讀全日班。

你k1 會再考學校嗎？如會，兩間其實無分別。唔想姐姐全日對住，就全日班，早上學習（精神最好），下午睡。
2選1直升，邊間學術好就邊間，地點不再是考慮原因。
已交學費那間，轉校要早1個月通知，否則俾多個月學費。

作者: cat1028 時間: 13-8-25 16:01

小朋友下午要午睡，返下午班其實仲辛苦。

作者: terry_andriy 時間: 13-8-27 21:02 標題: 回覆：比哂學費書簿費先轉校... 好唔好呢?

提示: 作者被禁止或刪除內容自動屏蔽

歡迎光臨教育王國 (/)