教育王國
標題: A仔的語言選擇 [打印本頁]
作者: nana1437 時間: 13-8-23 14:46 標題: A仔的語言選擇
Hello我是新會員..請大家多多指教😊
寶寶小時候我地唔知佢有事，想佢英文好d, 爸爸一直同佢講英文，比佢的指令同生字都係英文為主；佢兩歲時有英文學校收佢入PN插班，之後直至我地confirm 寶寶係A仔，醫生建議e/i位，咁照排啦，但因為安排佢訓練知佢會面對好多𨍭變唔想佢太辛苦，就冇轉校。因為佢單字只識英文，私人ST都係英文教。
但自從八月頭入左協康上午五日密集小組（青蔥），導師一直建議我地比佢單一語言，話會對佢好啲唔想佢混淆；但導師又話佢聽得明中文，佢又會講123中文。
我想問問大家小朋友都有冇呢種情況，同導師嘅建議係咁都傾向咁呢？
作者: Capricorn2521 時間: 13-8-23 15:37
本帖最後由 Capricorn2521 於 13-8-23 15:59 編輯
回復 nana1437 的帖子
你屋企/朋友/親戚講中文定英文多? 如果係英文人多，要找英語訓練中心，如WATCH DOG。如果係中文人多，就要轉返中文台。
單一語言對A仔有幫助。
我仔由出世至2歲都係聽英文，直至2歲知道係A後，全部轉返中文，連工人都要學中文。辛辛苦苦4年後的今天，我仔中文有問有答，可能頭2年的基礎，佢一直都好鐘意睇英文卡通片，自己尋找英文youtube片睇，睇英文圖書。我仔讀了2年S位係冇英文課堂，但到佢轉到I位時，英文科成績數一數二，上堂常常回答外籍老師/英文老師的提問。
希望幫到你。
作者: keep-calm 時間: 13-8-23 17:30 標題: 回覆：A仔的語言選擇
我家用廣東話為母語，有人曾提議我為阿仔全家轉講英文，因A仔學英文叻D，英文較易學，及將來上國際學校較多支援及較少歧視。但講英文的3T服務機構較少，及我們應該不會移民其他地方，小朋友畢業後始終都要在香港生活（以廣東話為主），所以現在只用廣東話。
作者: nana1437 時間: 13-8-23 18:15 標題: 回覆：Capricorn2521 的帖子
屋企都係講中文多，但PN全英，佢又好鐘意英文字母同睇英文DVD. 但中文指令佢都做到，只係未識講
作者: nana1437 時間: 13-8-23 18:17 標題: 回覆：keep-calm 的帖子
就係3T少英文服務，但有理由為了3T 而𨍭哂做全中嗎
作者: 小星兒 時間: 13-8-23 20:16 標題: 回覆：A仔的語言選擇
如果打算俾小朋友上本地主流學校，一定要學中文，因為A仔有固執性，學慣英文的話，有可能唔肯學中文。
作者: onsiu21 時間: 13-8-25 14:52 標題: 引用：如果打算俾小朋友上本地主流學校，一定要學
原帖由 小星兒 於 13-08-23 發表
如果打算俾小朋友上本地主流學校，一定要學中文，因為A仔有固執性，學慣英文的話，有可能唔肯學中文。
...
作者: pocoyo123 時間: 13-8-25 19:13
點解覺得英文一定要由細學先學得好呢?
好多新移民小3,4先學英文(我不是新移民, 我只是見到好多例子), 一樣可以上到英文中學, .
A仔用母語係對佢最好, 如父母選擇用英文作為母語, 咁一切訓練都改為英文, 以後上學也不能考慮主流學校, 要選定一條路線, 否則半途而改, 對小朋友會更不好
作者: bearclub 時間: 13-8-31 12:33 標題: 引用：點解覺得英文一定要由細學先學得好呢?好多
原帖由 pocoyo123 於 13-08-25 發表
點解覺得英文一定要由細學先學得好呢?
好多新移民小3,4先學英文(我不是新移民, 我只是見到好多例子), 一樣 ...
作者: bearclub 時間: 13-8-31 12:34 標題: 引用：就係3T少英文服務，但有理由為了3T+而¤
原帖由 nana1437 於 13-08-23 發表
就係3T少英文服務，但有理由為了3T 而𨍭哂做全中嗎
作者: pocoyo123 時間: 13-8-31 12:54
香港英中學生英文好唔好我唔太清楚, 不過, 相信不會太差嘅, 學外語來講, 聽, 講讀, 寫,每樣都有難度, 不過, 寫和讀可以自己溫習, 聽和講就要有對象同佢多練習, 所以, 在香港讀IS對言語環境係有好大幫助.
樓主, 可能以上說話有些離題, 我只是作為一個過來人的經驗說, 以前, 小兒也有相似情況, 我當時曾經考慮移民, 去一個英語世界, 希望可以將問解決, 最後, 我聽從ST的指導, 及改用中文作為母語, 直到5歲幾, 小兒的言語能力已追得8899, 我先開始同佢惡補英文, 想當日, 佢好似一個英文文盲咁, 但現在, 佢在一間一線中的小學讀, 英文科是A級, 絕對是可以追到, 不過, 你要先睇下, 當前乜野對小朋友係最重要為先.
作者: Charlotte_mom 時間: 13-9-1 00:39 標題: 回覆：A仔的語言選擇
現實問題：i位s位6歲就完。要上的話應該係esf，但吾夠位。無書讀就要去私家。我識人去過私家s位，一個月5位數字，如果家境富裕如我朋友當然無問題，但一般家庭負擔得起嗎？如果一般家庭，到時被迫返本地主流，要小朋友由頭開始學中文，似乎仲弊
作者: irisban 時間: 13-9-1 07:57 標題: 回覆：nana1437 的帖子
我同樓主嘅情況好似，不過我個女完全唔識中文，平時淨係夜晚放工同放假可以同佢講，其實我想問佢地係咪番唔到主流學校，我有朋友個仔就算讀主流都好辛苦，又會比人歧視，如果係咁不如自己辛苦D比佢讀國際？起碼包容D？
作者: yaulinda 時間: 13-9-1 09:17 標題: 回覆：A仔的語言選擇
要放遠D諗埋將來擇友與就業。A仔最大挑戰，是難以掌握比喻丶暗諷丶言外之音丶婉轉語氣丶間接提示等高功能語言使用，要是將來長大，還是見人多過見鬼的話，最好早D用中文來學，否則中英兩頭唔到岸，仲煩。
作者: pocoyo123 時間: 13-9-1 16:52
回復 irisban 的帖子
現在主流小學的中文深到無朋友, 如學校是普教中, 仲大挑戰, 唔識中文, 如讀中小, 好大機會追到氣喘, 否則, 考慮讀英小, 佢地的中文都深, 不過, 其他用英文教, 會比較易跟
作者: bearclub 時間: 13-9-3 14:48 標題: 引用：香港英中學生英文好唔好我唔太清楚,+不過,+
原帖由 pocoyo123 於 13-08-31 發表
香港英中學生英文好唔好我唔太清楚, 不過, 相信不會太差嘅, 學外語來講, 聽, 講讀, 寫,每樣都有難度, 不過, ...
作者: pocoyo123 時間: 13-9-3 20:30
我真係唔知喎, 多謝你的資訊, 不過, 知唔知都無所謂, 因為相信我個A仔都入唔到呢D神級學校, 我只希望佢的英文係可以應付到已OK
作者: Y123 時間: 13-9-4 17:39
nana1437 發表於 13-8-23 14:46 
Hello我是新會員..請大家多多指教😊
寶寶小時候我地唔知佢有事，想佢英文好d, 爸爸一直同佢講英文， ...
一定以廣東話/中文為主
因應能力,教小小英文
作者: idak 時間: 13-9-18 00:30
yaulinda 發表於 13-9-1 09:17
要放遠D諗埋將來擇友與就業。A仔最大挑戰，是難以掌握比喻丶暗諷丶言外之音丶婉轉語氣丶間接提示等高功能語 ...
我 終於搵到原因點解囡囡有自閉特徵, 你講果d我老公齊晒﹗
作者: Marnipigpigpig 時間: 13-9-19 00:52 標題: 回覆：nana1437 的帖子
想請問協康係用中文定英文做訓練㗎?同埋係咪所有政府s/i位都只有中文？謝謝!!
作者: bauhiniakan2000 時間: 13-9-19 02:23
回復 Marnipigpigpig 的帖子
上社署網页,康服服務,再入學前康復服務就睇到,得好少係英天,印象好以得 WATCHDOG.
作者: kelvincare 時間: 13-9-22 20:59
要睇返小朋友生活環境,如果佢係生活在全英環境,當然學英文啦。
但係一般生活在香港,其他小朋友講中文,讀S/E/I training ,D老師,治療師又係講中文,選擇英文做溝通語言就會令小朋友遇到更大困難。
作者: 小星兒 時間: 13-9-23 10:18
回復 Marnipigpigpig 的帖子
Child Development Centre 有英文 training
http://cdchk.org/
| 歡迎光臨 教育王國 (/) |
Powered by Discuz! X1.5 |