教育王國

標題: ３歲１０個月咬字不清 [打印本頁]

作者: checkylam 時間: 13-8-22 16:18 標題: ３歲１０個月咬字不清

朋友的仔仔３歲１０個月，仍咬字不清，有時唔知佢講什麼，但係佢阿媽話冇事，唔駛看言語，你哋點睇？

作者: crystal媽咪 時間: 13-8-23 11:37

係講得太快/ 太細聲.定發音不正?
應該在學校老師同同學都未必聽得明佢講咩.
開頭以為你講的係你小朋友, 如果父母認為無問題, 別人好難做野的.

一係多D安排同差唔多年齡的小朋友一起玩/ 活動,讓父母了解下3歲10個月小朋友的表現. 唔看言語, 去健康院/ 西醫寫信轉介, 細過唔跟, 大個好難改得返.

作者: checkylam 時間: 13-8-23 15:06

本帖最後由 checkylam 於 13-8-23 15:10 編輯

佢發音不正, 有時講嘢仲e,e.e., 一心急就漏口, 佢讀的已是有I 位的學校, 不過佢唔係I 位, 但係唔明點解唔幫佢, 又唔話俾我朋友聽, 叫佢快啲跟, 我成日講, 朋友唔覺有問題, 我好想俾多啲資料,等佢唔好唔理, 但係.....
呢間學校都算大機構, 但真係.....唉, 有個小童嗰間呢....
健康院2歲好似去過,不過冇話佢有問題, 我唸下一次就要等到佢4歲去驗眼啦, 不過到時唔知啲姑娘會否同我朋友講, 又或者當冇事發生呢? 因為又時我覺得如果家長唔係好大反應, 佢哋唔會跟進囉!

作者: crystal媽咪 時間: 13-8-23 22:53

讀I位的學校唔會幫唔係I位的小朋友的. 除非經CAC排左隊,入左位至得.
有D老師當打份工, 又或者家長唔接受, 老師同家長講, 有家長會認為老師不是專業人士不能作實, 而且又怕講左家長對她們反感.
健康院方面,係要家長緊張D至得. 有D小朋友2歲多未講野,姑娘照樣話無問題唔轉介見醫生.

你朋友有你都好好,你仲緊張過佢, 不停為她想辦法. 希望她早日發現早日跟進.

作者: py84ko 時間: 13-8-24 15:53 標題: 引用：朋友的仔仔３歲１０個月，仍咬字不清，有時

原帖由 checkylam 於 13-08-22 發表
朋友的仔仔３歲１０個月，仍咬字不清，有時唔知佢講什麼，但係佢阿媽話冇事，唔駛看言語，你哋點睇？ ...

算啦，當初我仔兩歲幼稚園面試時又係未完全識講野，但佢係明你講乜嘢，嗰陣時啲有仔嘅朋友都話男仔係遲啲先識講野，所以我冇一間心儀幼稚園收佢。直至上年9月返K1以為會好啲, 完了一個學期，家長會老師同我講話佢講嘢唔清楚，唔明佢講乜，叫我返健康院揾醫生寫紙轉介，但很不幸过咗年我自己隻脚骨裂瞓咗兩個多月醫院，住院期間便上网揾有關資料，出院之後可以留係屋企兩個月休息唔使返工，下学期老師再見我話佢講野好咗但咬字唔清楚，所以趁這段時間加上佢放暑假，我便找一位可上門言語治療師做評估，診暑假幫佢做training. 而家明顯進步咗，希望快的追回佢應該有嘅程度。

作者: cat1028 時間: 13-8-25 00:45

其實講嘢問題，就算cac評估有報告俾i位學校，未有i位，老師唔會得閒幫你，我囝除了講嘢，仲有小手肌弱（寫字，拎筆），老師都只可做特訓手指，全班有幾個都有排教，仲幫埋訓練講嘢，對他們要求太多了，我係出外自費言語治療。
我都係＂小童＂學校學生。

作者: checkylam 時間: 13-8-26 10:43

就算不是i 位, 不給與服務, 都沒有提意家長去健康院或找言語治療師評估和訓練, 呢點是最不對的啊!

歡迎光臨教育王國 (/)