教育王國

標題: 幾歲學游水比較好？ [打印本頁]

作者: irene_the_pooh 時間: 13-8-18 23:18 標題: 幾歲學游水比較好？

阿囝3歲，比佢參加左3-4歲既游泳班，但佢似乎仲係太細，唔係好識跟，好多時係掛住玩。

我以為愈細學會愈好，但似乎對阿囝黎講唔得！

請問你地覺得應該幾歲學會好D？

作者: saiwai 時間: 13-8-19 00:06

回復 irene_the_pooh 的帖子

5歲

作者: lhingw 時間: 13-8-19 01:08 標題: 回覆：irene_the_pooh 的帖子

我仔3歲半開始跟私人教練學，我要求教練慢慢教，因我唔想佢太辛苦，但我估二十零堂應該可以學識自由式了。所以我覺得教練都好重要，我仔去過2個大泳會試堂，我自己覺得麻麻。

作者: irene_the_pooh 時間: 13-8-19 13:35

可能我真係太早，尤其係阿囝樣樣慢半拍，或者我等出年夏天先學會好D!

邊度搵到私人教?

作者: birdbird 時間: 13-8-19 18:26

想 more cost effective, 最好就係5歲先學.
如果係只想比佢玩下水, hea 住學, 3歲都得, 要預o左一個泳式要學好耐 & 唔會游得快.

作者: cyhh 時間: 13-8-19 20:08 標題: 回覆：幾歲學游水比較好？

我個仔2歲幾開始學😊

作者: irene_the_pooh 時間: 13-8-19 20:08

至弊因為阿囝唔識／肯跟，個導師都唔鍾意佢呢!
而家佢一見阿囝就開始黑面，甚至叫另外D人教佢!

作者: mch411 時間: 13-8-20 08:31 標題: 回覆：幾歲學游水比較好？

我個仔小小怕水，我自己帶佢游水，上年五歲上左幾堂暑期班，今年正式學，成班佢年紀最大，其他人四五歲已經係小飛魚，我自己同亞仔都冇要求，所以佢見到細過佢叻過佢都冇唔開心

作者: catcat1027 時間: 13-8-20 09:46 標題: 回覆：幾歲學游水比較好？

我本人就覺得over 5歲學會比較好（一般嚟講），除非你的小朋友好好學＆好定性。我囡囡就係5歲半才學，已學了7堂，而家就學得好好（懂踢水，吸/換氣＆浮水……）。其實我見我d朋友嘅仔女已經喺4歲已經學，而家更是小飞魚（懂游自由式，蛙式＆背泳），但我唔覺我囡囡比人遲，因為人哋可能要用3個月時間才可達到我囡囡嘅效果。仲有，我俾佢游水嘅目的係強身健體及懂得自救。最緊要係你嘅目的係咩！

作者: dorothyc5s 時間: 13-8-20 11:16

我仔3歲我就帶佢去學, 唔知係咪太早,...
上第一堂就喊到死,.. 話以後都唔去游

作者: himuimui 時間: 13-8-20 12:00

提示: 作者被禁止或刪除內容自動屏蔽

作者: irene_the_pooh 時間: 13-8-20 15:37

帶佢去玩真係完全冇問題，但我囝唔係定性型，以我觀察，佢而家學太早!

作者: csiusin 時間: 13-8-22 17:01

我仔都係三歲半而家學緊,其實佢都只係踢下水, 教練一早已同我講左佢呢個年紀學係未必咁快學識, 所以教練話最好5歲, 升小一時. 不過我自己主要都係想佢唔驚水所以都比佢3歲半學.

作者: BB0908 時間: 13-8-23 11:22

我個仔今年暑假開始學, 4.5歲

作者: kwongsy 時間: 13-9-22 08:41

識聽指令基本上就可以學，只係睇下個進度係快定慢

作者: JBee 時間: 13-9-22 22:38

阿囝未夠一歲, 我地夏天就帶佢去泳池玩下水, 兩歲時夏天又帶佢去泳池又玩下水, 3 歲時夏天又帶佢去泳池又玩下水, 今年差小小 4歲比佢學游水, 已經 5 怕水, 可以聽阿 sir 指令了, 慢慢進步中

歡迎光臨教育王國 (/)