教育王國

標題: 兩歲八個月都未識講嘢 [打印本頁]

作者: 2299 時間: 13-8-14 10:19 標題: 兩歲八個月都未識講嘢

我女兩歲八個月都只識講爸爸媽媽，唉…好擔心，依家睇言語治療會唔會太遲，政府又未排俾我，請問有咩言語中心好，又唔洗等好耐，又唔太貴呀！我真係好灰，見到朋友仔女個個都識講嘢，我地就唔識

作者: alexcmlam 時間: 13-8-14 12:47

2299 發表於 13-8-14 10:19
我女兩歲八個月都只識講爸爸媽媽，唉…好擔心，依家睇言語治療會唔會太遲，政府又未排俾我，請問有咩言語中 ...

如果2歲8個月只識講爸爸媽媽, 算係比較遲咗. 有冇同健康院嘅姑娘講過呢?

有資助機構網上提供嘅細蚊仔語言發展里程到達嘅程度,

2至3歲語言發展:

說出形容詞，例如：大／小、污糟／乾淨
明白兩部分指令，例如：擺蘋果喺呢度、拍手摸鼻
明白簡單問句，例如：有冇、係唔係、乜野
說出雙詞或三詞短句，例如：飲橙汁、媽媽切蘋果

如果有差距, 唔需要太擔心影響自己. 反而, 依家最重要就盡快找言語治療師作個評估, 有個安心.

有需要這方面嘅資料, 可以提供俾你參考.

作者: crystal媽咪 時間: 13-8-14 15:46

有心唔怕遲, 及早訓練早D追返.
有無聽過庭恩? 多人排但可以好平/ 豁免,你打去問下.

如合資格,試申請關愛基金.

作者: 2299 時間: 13-8-14 16:52 標題: 回覆：兩歲八個月都未識講嘢

除左庭恩仲有邊間可唔洗等太耐有得睇架？我想快啲睇下，thx

作者: 2299 時間: 13-8-14 17:03 標題: 回覆：兩歲八個月都未識講嘢

我女其實係完全明白我地講咩，做指令係係無問題，不過佢唔識講囉，真係好灰

作者: alexcmlam 時間: 13-8-14 22:57

2299 發表於 13-8-14 17:03
我女其實係完全明白我地講咩，做指令係係無問題，不過佢唔識講囉，真係好灰

...

唔好灰心! 因為有唔少細蚊仔經過言語治療訓練後都追回同齡細蚊仔嘅言語發展程度.

始終香港無言語治療 "急症" 服務, 真係明白做媽媽嘅心情, 想盡快知道細蚊仔嘅情況.

資助或非牟利機構嘅言語治療, 如果要資助或非牟利嘅服務, 例如: 庭恩, 協康等等, 預半年排隊(如果好彩, 可能快一點都唔出奇). 如果想盡快有一個細蚊仔嘅言語程度評估, 可以用佢哋嘅自負盈虧服務, 收費同私營差唔多. 又或者想快到最好一兩個星期內做個評估先, 係咁情況下, 可以搵私營言語治療中心. 有需要可提供資料讓你參考.

作者: py84ko 時間: 13-8-14 23:20

我仔而家家四歲先揾言語治療師做評估, 我咪仲遲過你啦!

作者: 2299 時間: 13-8-15 11:44 標題: 回覆：alexcmlam 的帖子

可唔可以pm資料俾我，thx

作者: 2299 時間: 13-8-15 11:51 標題: 引用：我仔而家家四歲先揾言語治療師做評估,+我咪

原帖由 py84ko 於 13-08-14 發表
我仔而家家四歲先揾言語治療師做評估, 我咪仲遲過你啦!

你揾邊度做，可唔可以介紹下，thx

作者: py84ko 時間: 13-8-15 13:01 標題: 引用：Quote:原帖由+py84ko+於+13-08-14+發表我仔

原帖由 2299 於 13-08-15 發表
你揾邊度做，可唔可以介紹下，thx

check PM

作者: cecilau 時間: 13-8-15 13:48

回復 2299 的帖子

返學未呀? 可能返學會好d 呀, 佢見到同學仔講野, 佢會肯講呀.

作者: py84ko 時間: 13-8-15 14:05 標題: 回覆：兩歲八個月都未識講嘢

其實樓主可以揾言語治療師為女兒做評估才決定先啦！

作者: ChattyST 時間: 13-8-16 10:25

仲有樂寧兒童中心 (TE: 2186 8451), 同循道衛理(2743 2555) 都有減免

作者: 2299 時間: 13-8-21 19:48 標題: 回覆：兩歲八個月都未識講嘢

我book左循道上言語治療，thx all

作者: ceciman22 時間: 13-8-22 14:15

提示: 作者被禁止或刪除內容自動屏蔽

作者: alexcmlam 時間: 13-8-22 15:59

ceciman22 發表於 13-8-22 14:15
甚樣分別出寶寶有沒有語言障礙?

可以參考政府CAC嘅資料, 睇睇細蚊仔的言語發展嘅程度.

http://www.dhcas.gov.hk/tc_chi/health_pro/develop_dis_ld.html

如果家長自己真係未能分辨得到有冇言語遲緩, 而細蚊仔都2歲以上, 真係要搵個言語治療師做個評估先知.

作者: 康晴比比 時間: 13-8-25 00:35 標題: 回覆：兩歲八個月都未識講嘢

朋友個仔已足三歲，但說話中仍有聽唔明的BB話，是否正常呢？

作者: hazelnuttty 時間: 13-8-25 08:07 標題: 回覆：康晴比比的帖子

咁就要睇下係邊啲音唔啱啦，一般嚟講，三歲應該可以講到b、m、t音，例如爸、媽、打等，四歲又學講第啲音，咁所以要睇下佢嘅發展追唔追到同年齡嘅進度，唔一定要全啱先叫正常

作者: sweetheart_caro 時間: 13-8-26 12:44

我仔仔2歲7個月...都係未識講野....唉..政府果邊...你唔好旨意...我排左成年啦...最終排到言語治療...但治療師做完評估...結果係....緩慢.........跟住就無follow up...繼續排兼收位....>.<

我幫仔仔搵過好多資料..
1.. 理工大學...有做過言語治療評估...但佢地太新...就算我上次係搵導師去做...我都覺得佢地經驗唔夠....好理論性.....(價錢中)
2. 私人上門言語治療服務....(個人認為最sign 錢..最無咩用), 原因: 治療師上黎...都係用阿仔既玩具去引導佢講野...(其實自己都做到)...eg. 拎住個蘋果,,,同佢係咁果果...仲有由於自己地方..係阿仔主場...佢專注力唔會好長...好快佢就自己拎自己想玩既野自己玩..唔理個治療師....
<我上左5次....每次$700 , 50mins> 完全無任何進步...@@...我有問過治療師佢有無接觸過既case 係好似我仔仔咁...連發音都未有(當時阿仔係連爸媽都無講)...佢答我...佢未接觸過...原來佢係係小學度做治療師, 根本未接觸過咁細既小朋友 >

{我同老公睇過佢上堂模式, 都覺得其實自己都教到...駛乜比咁貴人地上黎玩煮飯仔}

3. 庭恩....我由1歲開始排...排左成年...都未有位...
4. 協康會....我由2歲開始排....佢都話好多人排緊...未有位...
5. 楊震社會服務中心.....岩岩比我排到....剛上左第1堂........個治療師好識handle 幼兒....阿仔係度上堂都好合作.... ($3xx/半小時) , 佢會同仔仔做d口肌訓練, 按摩... 亦會叫家長示範同小朋友點玩...之後會比返d 建議家長點樣改善以加強小朋友說話能力...(個人意見: 覺得佢好pro, 好識handle 小朋友)

btw, 我之前比阿仔係楊震自悠天地上個別訓練 (自幼成長基礎個別訓練)..姑娘好好...阿仔既理解力叻左好多...上左8堂後...阿仔識得數1, 2, 3...(雖然講得唔正)..佢想要既野...會講...""要"...依家識講..."媽咪"" "爸爸" "婆婆", "姨姨"...

作者: 2299 時間: 13-8-26 23:37 標題: 引用：我仔仔2歲7個月...都係未識講野....唉..政

原帖由 sweetheart_caro 於 13-08-26 發表
我仔仔2歲7個月...都係未識講野....唉..政府果邊...你唔好旨意...我排左成年啦...最終排到言語治療...但治 ...

hi 我就係book左楊震，不過係油麻地個間，你係邊間上，油麻地要1800蚊四堂，我諗住循道衛利都應該專業掛，所以就想試下

作者: 2299 時間: 13-8-26 23:43 標題: 引用：回復+2299+的帖子返學未呀?+可能返學會好

原帖由 cecilau 於 13-08-15 發表
回復 2299 的帖子

返學未呀? 可能返學會好d 呀, 佢見到同學仔講野, 佢會肯講呀.

我個女返左學都無進步，所以好擔心

作者: 2299 時間: 13-8-26 23:46 標題: 引用：我仔仔2歲7個月...都係未識講野....唉..政

原帖由 sweetheart_caro 於 13-08-26 發表
我仔仔2歲7個月...都係未識講野....唉..政府果邊...你唔好旨意...我排左成年啦...最終排到言語治療...但治 ...

我想問你個個自悠天地個別訓練係咩來？同唔同我依家約個個言語治療呢？庭恩我都fax左去，但佢地未有人聯絡我，聽到你仔有進步，我內心好像有一點曙光，因其實我真係好驚佢以後都唔識講嘢

作者: sweetheart_caro 時間: 13-8-27 21:36 標題: 回覆：2299 的帖子

楊震自悠天地-有唔同既課程，個別訓練係for 自閉症or 懷疑自閉症幼兒上既training,你可以上去佢地既website 睇，另外佢地都有的是個別言語治療服務，我同仔仔剛上左第一堂，治療師好識handle

作者: sweetheart_caro 時間: 13-8-27 21:37 標題: 回覆：2299 的帖子

我係長沙灣廣場果間

作者: 2299 時間: 13-8-27 22:20 標題: 回覆：sweetheart_caro 的帖子

thanks! 個日我打左去深水埗個間，因佢中心只做有自閉症小朋友，所以轉介左油麻地個間俾我，三十分鐘要四百幾，來緊星期六會上堂！我想問下你個仔係咪初初單字都唔識？我女依家唔識單字，只識講爸爸媽媽，真係好擔心

作者: hazelnuttty 時間: 13-8-28 00:07

回復 2299 的帖子

[size=1.25em]如果識講爸媽，就即係話阿女現階段可以掌握合唇音，你唔好一跳就跳去教佢講不同嘅單字，要考慮埋阿女可以掌握到啲咩咀型先，建議你可以試下都係合唇/m/音嘅字，例如「抹」、「掹」、「搣」、「冇」等等，一路做動作一路講，同埋要製造多啲機會俾佢，令佢覺得有需要講同講嘢係可以對身邊人有影響嘅，可參考吓我前兩日寫「食飯」嗰個例子。唔駛擔心，調整啱訓練嘅方向同心態，進步指日可待！ :D

作者: hazelnuttty 時間: 13-8-28 00:08

回復 2299 的帖子

如果識講爸媽，就即係話阿女現階段可以掌握合唇音，你唔好一跳就跳去教佢講不同嘅單字，要考慮埋阿女可以掌握到啲咩咀型先，建議你可以試下都係合唇/m/音嘅字，例如「抹」、「掹」、「搣」、「冇」等等，一路做動作一路講，同埋要製造多啲機會俾佢，令佢覺得有需要講同講嘢係可以對身邊人有影響嘅，可參考吓我前兩日寫「食飯」嗰個例子。唔駛擔心，調整啱訓練嘅方向同心態，進步指日可待！ :D

作者: 2299 時間: 13-8-28 10:39 標題: 引用：回復+2299+的帖子如果識講爸媽，就即係話

原帖由 hazelnuttty 於 13-08-28 發表
回復 2299 的帖子

如果識講爸媽，就即係話阿女現階段可以掌握合唇音，你唔好一跳就跳去教佢講不同嘅單字， ...

thx 我會努力

作者: sweetheart_caro 時間: 13-8-30 08:46 標題: 回覆：2299 的帖子

我仔初初連單字都無，係最近先識媽咪，婆婆，爸爸，同埋比野佢食時佢識得“我要“

作者: 2299 時間: 13-8-30 23:30 標題: 引用：我仔初初連單字都無，係最近先識媽咪，婆婆

原帖由 sweetheart_caro 於 13-08-30 發表
我仔初初連單字都無，係最近先識媽咪，婆婆，爸爸，同埋比野佢食時佢識得“我要“

...

依家你仔仔幾大？睇到佢有進步真好開心，我聽日就上第一堂，好緊張呀

作者: bb68 時間: 13-9-17 23:39

2299 發表於 13-8-27 22:20
thanks! 個日我打左去深水埗個間，因佢中心只做有自閉症小朋友，所以轉介左油麻地個間俾我，三十分鐘要四百 ...

hi, 請問油麻地邊間中心,效果如果呢?? 我BB 兩歲幾仍未說單字,很擔心!
謝!

作者: momo;);) 時間: 13-9-18 15:34

回復 alexcmlam 的帖子

我都想要言語治療訓練d資料呀..可以去邊做評估先?
仔仔差不多2歲..但講野仲係未識...單字都一時時...下個月仲要in k1
真係超擔心..有冇d即時可以做評估睇下咩情況先??thxthx

作者: 2299 時間: 13-10-5 23:19 標題: 回覆：兩歲八個月都未識講嘢

我係油麻地循道做緊，但個治療師做到10月尾唔做了，我都要再揾過

作者: kentlg 時間: 13-11-6 14:27

可唔可以pm資料俾我，thx

歡迎光臨教育王國 (/)