教育王國
標題: 求各細B媽媽分享 [打印本頁]
作者: littlelittlebe 時間: 13-8-13 00:16 標題: 求各細B媽媽分享
大家好, 我小朋友係11年10月細B男仔。衣家正煩惱明年讀N還是K1好 (很苦惱)。你們的小朋友到升小一, 差異跟大B 是否好大呢? 回望過去, 你們會俾小朋友做番細B, 定做超大B 呀? 先感謝大家在此分享分享。
作者: tobe_ng 時間: 13-8-13 00:24 標題: 回覆：求各細B媽媽分享
我女係12月出世，今年升小一。老師話佢樣樣都跟到。我又唔覺佢有乜輸蝕比大b。而且個個都話佢讀到就由佢升，所以我女係五歲9個月讀小一
作者: yammie7928 時間: 13-8-13 00:43 標題: 回覆：求各細B媽媽分享
本帖最後由 yammie7928 於 13-8-13 01:08 編輯
細仔真係有點差距，尤其係幼稚園階段好明顯。俾我會俾佢出年做超大仔，小朋友自信心都大D.
作者: Fionamama88 時間: 13-8-13 01:21 標題: 回覆：求各細B媽媽分享
我仔係12月尾出生，唔足六歲升小一，一至三年班時好明顯唔夠大B定性，理解能力較弱，教佢教到我嘔血。但是升咗四年班之後，佢開始發力，同大B的距離拉近咗，進入了雞精班。如果俾我重頭再選擇過，我或者會俾佢做大B，因為咁樣我同佢都會輕鬆好多。
作者: car817ho 時間: 13-8-13 08:30
回復 Fionamama88 的帖子
我細仔都係細仔10月出世，今年9月未夠6歲讀小一。
佢寫字明顯係弱d，其他尚算ok，希望佢可以跟得上喇。
大仔既同學仔12月出世，都可以考全班第一。
大細仔都係睇小朋友本身既性格同能力。
作者: eggmama 時間: 13-8-13 09:41
分享：
家姐係年尾11月，幼稚園同幾位1-4月同學齊齊考頭三
細佬係年頭2月，醒但教到嘔血！
大仔自信又多半年以上去吸收，做大！
作者: jasonchloema 時間: 13-8-13 10:10
我仔都係細仔, 12月中出世, 暑假後會升三年級, 佢由幼稚園都同其他小朋友都差唔多, 上到小學都追到, 我覺得冇咩問題, 不過真係要睇吓小朋友個別情況
作者: vincat 時間: 13-8-13 10:34 標題: 回覆：littlelittlebe 的帖子
我個女12月尾出世，除左細粒d之外，同其他同學仔分別唔大，成績ok！
作者: gram 時間: 13-8-13 13:33
提示: 作者被禁止或刪除 內容自動屏蔽
作者: Isaacmommy 時間: 13-8-13 13:38 標題: 回覆：littlelittlebe 的帖子
真係要睇吓小朋友嘅發展進度，如小朋友較早熟，語言和大小肌肉發展得快，就不需做大仔。雖然大仔会着數啲，但也有細仔考第一。真係要睇小朋友的個别情況。
作者: hkspiderman 時間: 13-8-13 14:32
本帖最後由 hkspiderman 於 13-8-13 14:45 編輯
總有個別case等別好or特別差，只能講做超大b比超細b所碰到的問題較少。
朋友個仔11月做細b剛完成小一,無補習，每日放學最少玩2hrs,間中温書，考試自己攪掂唔洗大人陪温全級170人考10名內。你以為佢個子矮，大小肌差？原來體能fit過3年班d哥哥姐姐！你問佢阿爸阿媽都認為做超大b好d，起碼唔會比年頭d同學仔老點，始終年尾重係男仔講野係差d.
作者: bluetiger1979 時間: 13-8-13 16:30
我個仔9月升小一，11月尾出世，超細仔。
如果你考直資/私校，細仔係冇乜機會，因為冇乜學校鐘意細仔。
如果參加大抽獎，就冇所謂。
其實最最最重要係睇父母有冇心機，有冇時間教！父母肯比心機教，(包括會睇好多教兒書)，細仔都可以好叻; 你冇時間比佢，大仔都可以無心向學。
作者: gracelam 時間: 13-8-13 17:55
我囝囝10月細b, 讀n班時想佢讀多年做大b, 但升k1時，老師話佢ok可以應付k1課程，雖然不是什麼名校，但佢學校k1已經開始寫字，k2已經要默書，一切佢都應付到，宜家升k3了，只是身型比較細粒，一係樓主比小朋友讀k1先，如果跟唔上咪repeat k1， 進可攻，退可守！每個小朋友進度發展唔同，只有觀望！
作者: lin624 時間: 13-8-13 21:08
其實人生那長，求學條路亦都長，做大女/仔玩多一年有什麼唔好？
雖然求學階段你可以幫忙佢讀書，但讀書唔係要靠自己咩？
有些事強逼不得，功課跟到…但邏輯思維騙不到人的，有些事你自己看不到，但人哋睇好清楚的。
作者: emmazlo 時間: 13-8-15 00:33
回復 littlelittlebe 的帖子
樓主不用煩惱, 不要讀N1, 明年讓兒子讀K1, 看看兒子是否跟到進度, 跟到便升K2, 感吃力便重讀K1!
作者: MrBeast 時間: 13-8-15 09:41
除非是學術深的kg, 發展正常的細B(這並不=追到大B）大部份K1都跟到的，變相就一路做細B上k3才真發現有冇須要repeat.
作者: littlelittlebe 時間: 13-8-15 12:54 標題: 回覆：求各細B媽媽分享
謝謝大家的意見，小學我target直資同私立，唔玩大抽獎，咁係咪最好做超大b呢？
作者: Isaacmommy 時間: 13-8-15 13:33 標題: 引用：謝謝大家的意見，小學我target直資同私立，
原帖由 littlelittlebe 於 13-08-15 發表
謝謝大家的意見，小學我target直資同私立，唔玩大抽獎，咁係咪最好做超大b呢？
...
作者: 1209yoyo 時間: 13-8-15 14:34
小女12月細B，操行分不差，成績就中下。但全級考第一個果，都是細女，真是因人而異。
作者: GenevieveTNL 時間: 13-8-15 14:36 標題: 引用：謝謝大家的意見，小學我target直資同私立，
原帖由 littlelittlebe 於 13-08-15 發表
謝謝大家的意見，小學我target直資同私立，唔玩大抽獎，咁係咪最好做超大b呢？
...
作者: little_yolky 時間: 13-8-16 13:40
littlelittlebe 發表於 13-8-13 00:16
大家好, 我小朋友係11年10月細B男仔。衣家正煩惱明年讀N還是K1好 (很苦惱)。你們的小朋友到升小一, 差異跟 ...
我囡係11月底細B, 幼兒園大部份係大B, 佢成績中上, 老師話跟得到, 畫畫仲好好添, 但我發現佢自信心唔係好夠。妹妹係2月底大B, 係醒D, 但醒過頭自信爆棚超難教。大女好順得人。
其實, 你個case都好麻煩, 因為你要注意, 你是11年的細B, 道理上應該做大B好, 但係如做大B就要同班龍B爭學校, 咁就會好辛苦, 仲要你係target直資/私校, 龍B好多, 競爭會相當激烈。所以, 你0既情況係, 可能要避龍B要選做細B。然後, 幼園階段自己辛苦啲, 教佢多啲, 希望可以考到直資/私校。因為好多時都話升小三以後, 大細B的差距基本上會消失了。我讀大學時, First honor的是12月出生的細B。
作者: littlelittlebe 時間: 13-8-17 22:01 標題: 回覆：little_yolky 的帖子
其實兔b仲多過龍b,因為兔年仲有超大批雙非小朋友。單純看競爭人數，做超大b更優勝 。
| 歡迎光臨 教育王國 (/) |
Powered by Discuz! X1.5 |