教育王國
標題: 又想變, 又唔想變, 請大家比D意見 [打印本頁]
作者: 彈弓狗 時間: 13-8-12 13:22 標題: 又想變, 又唔想變, 請大家比D意見
小朋友暑假後升K2, 而家讀緊一間普通過普通嘅超級村校全日班, 照顧上都OK無問題, 但學術上當然無咁多資源, 應該有嘅都會有, 如英文每星期三堂, 每堂大概30MINS, 普通話就只係每星期一堂. 但係校舍細 (只有一層, 每班一個課室再加個天台), 而同學當中都有4-5個跨境. 整體上, 小朋友返學係開心的.
前兩日打電話到區內另一間比較出名嘅, 有位插下午班, 個間校舍有兩層, 大間D, 同埋上網見到間學校嘅小朋友好似成日攞獎.
問題就係如果轉校, 爺爺嫲嫲對多左佢, 驚佢地頂唔順 (因小朋友屬於活躍型, 但已問左佢地口講就話OK), 另作息方面要重新適應.
如果你地係我, 會唔會轉校呢 ? 唔該晒
作者: 晞晞爸b 時間: 13-8-12 15:02
彈弓狗 發表於 13-8-12 13:22 
小朋友暑假後升K2, 而家讀緊一間普通過普通嘅超級村校全日班, 照顧上都OK無問題, 但學術上當然無咁多資源, ...
路過:
其實樓主要考慮你想要小朋友返邊類型學校?
想轉去果間係咪有D野真係咁吸引到你值得去轉?
例如英普班?(多D英文) (如KM SC 樂基 LH 英普班出名好)
有小學BACKUP? (龍校)
傳統名幼(如KV)
神校CCKG (K2 OFFER)
你話: "區內另一間比較出名嘅, 有位插下午班, 個間校舍有兩層, 大間D, 同埋上網見到間學校嘅小朋友好似成日攞獎"
小朋友好似成日攞獎~ 邊類獎?
自己要衡量呢D講係咪對你好重要?
又你小朋友轉過去之後係咪一定會攞獎?
如果係我呢D所謂怪獸家長.我會睇升小成績..英普班(學多D學好D英文)
另外樓主要考慮:
1.全日VS 半日(下午)
2. 距離遠近
3 小朋友可否適應新環境
如果係我...除非係好勁果類學校(KV/KM/SC) & CCKG (K2) & 全龍校(PC) (以上係九龍區ONLY) 俾OFFER我仔..先值得去搏轉校...如果唔係...要再考慮清楚值唔值得去做
以上只是我自己愚見....非喜勿插..謝謝
作者: wingmanlam 時間: 13-8-12 15:08
回復 彈弓狗 的帖子
我同你差唔多, 等到有位插班諗都唔諗即刻say yes, 又係全日轉半日, 我都驚奶奶唔like, 因為平時佢湊, 不過佢知我都係為個女好, 所以最終都唔反對我幫佢轉校, 個女已經返左2日新學校啦
同埋私校d資源點都俾有學劵學校好, 至於攞獎你就唔好祈望太大, 因為好多都係家長自己係出面谷, 攞到獎再通知學校, 未必係學校訓練出黎
只要你小朋友鐘意間新學校就唔好諗其他, 佢讀得開心最緊要
作者: 彈弓狗 時間: 13-8-12 16:20
回復 晞晞爸b 的帖子
晞晞爸B, 幸會, 成日見到你D POST 或回复, 覺得你真係好勁, 好少爸爸會好似你咁熱心自己小朋友升學
其實個間出名少少都係講緊區內, 唔係英普班, 只係地方大d, 多d唔同種類嘅野玩, 小朋友可以睇多d野. 獎方面, 我見係d團體跳舞獎, 老實講, 攞到獎又唔一定曉飛, 但好似可以比小朋友有途徑去嘗試呢d野.
派位方面, 都係大抽獎, 唔係直資, 我諗無乜關係 ?
唉, 當然如果有好大轉變嘅, 唔使諗即刻轉 (如果kv waiting 收左, 唔使諗幾辛苦都即轉), 但而家就係, 我表面睇到呢一浸係咪真實而又係咪值得我咁做.
作者: deniseL 時間: 13-8-12 16:24
回復 彈弓狗 的帖子
我都同意wingmanlam 所講, 特別係如果target直資/私小, 學券學校始終較有優勢.
另外我個人都幾著重校舍, 雖然校舍大你都未必每日用到盡, 但始終大少少, 走動空間點都多少少o既.
至於全日班轉為半日, 仲要係pm, 我諗如果小朋友適應力ok, 再加上照顧者願意, 其實唔係太大問題, 反正都有d幼稚園係一年am一年pm o架啦~ 個人認為k2至k3返半日都有好處, 如果小朋友仲要nap就nap, 唔需要nap的話又可以多d時間上下興趣班.
作者: 彈弓狗 時間: 13-8-12 16:25
回復 wingmanlam 的帖子
咁係插班 k2 ? 即係由有學卷轉無學卷? 我小朋友比較樂觀, 但相信好難令佢唔開心, 我就係擔心究竟個好d, 個一"d" 係咪足以要轉校, 而令到全世界要就我呢個決定
作者: wingmanlam 時間: 13-8-12 16:42
回復 彈弓狗 的帖子
係呀, 由有學劵村校轉左去sn插班k2, 因為我好like佢地個環境, 我個女去到好鐘意
我個女適應力都好強而且自理好ok, 所以我唔太擔心
我都有唔捨得舊學校, 因為舊校有d興趣班好平好抵玩, 不過一分錢一分貨, 如果你想考私小or直資, 學校o既名氣唔多唔少都有d影響
你有無帶過你小朋友去新o個個間學校, 佢有咩反應? 如果佢好抗拒就無謂轉
作者: 晞晞爸b 時間: 13-8-12 17:31
彈弓狗 發表於 13-8-12 16:20
回復 晞晞爸b 的帖子
晞晞爸B, 幸會, 成日見到你D POST 或回复, 覺得你真係好勁, 好少爸爸會好似你咁熱心 ...
其實看完你的回覆及你回覆 wingmanlam 的帖子
似乎你已心有所屬..
我同意deniseL所說的...校舍大點 走動空間點都多少少o既.所以我去年去IN又一村既時候..我真係迷戀上它的校舍..又大又寬敞...
話說回來...可能我自己TARGET直資...所以我會比較現實D...寧願俾錢(無學卷)搵有NET教英文既學校係我不二之選..始終日日班主任係NET..每一句說話都係用英文...小朋友日日浸係全英環境總好過一日只得15/30分鐘英文
(當然喇...無得同IS比...始終唔同級數)
一分錢一分貨..雖說回報不一定有guarantee..但係有時就係咁現實...有學卷但要放學出去補...我同我太太係全職返工又行唔開...不如讀無學卷英普(國際班)...如果你唔甘心(好似我咁)..我會今年再戰K1...
我地做父母既可以做既就係盡量俾最好既自己仔女..但有時要認命...就好似我等緊KM&LH call 都係無下文一樣..認命再來過..最少唔會後悔
既然樓主都已心有所屬..那就去做吧(最緊要係要得到你另一半同意...畢竟兩公婆一起去分擔一起去努力)..我相信你一定會為你小朋友找一間比較好的學校..我們都是這樣的...不是嗎?
加油!
作者: 彈弓狗 時間: 13-8-12 18:47 標題: 回覆：deniseL 的帖子
我都認同你所講，校舍大d都多d地方走動。而且到k3都要nap , 升小一又nap 咩
作者: 彈弓狗 時間: 13-8-12 18:52 標題: 回覆：晞晞爸b 的帖子
你真係好明事理(尤其係要得另一半認同), 因為爸爸唔多理，一講佢就夠覺得，唔差得多就無謂轉，佢唔理，佢根本唔知而家考幼稚園，考小學係點樣，佢會覺得實有書讀嫁，每間學校都有第一名嫁啦，所以我更驚自己做錯決定
作者: wingmanlam 時間: 13-8-12 19:29
回復 彈弓狗 的帖子
我老公都係咁，就係K1個時聽佢講，做錯決定，勁後悔，好彩插班成功，就算日後上普通小學都可以讀得輕鬆D
作者: 彈弓狗 時間: 13-8-12 19:47 標題: 回覆：wingmanlam 的帖子
我地都好似
咁我要把心一橫先得
請問Sn 學費幾多？
作者: lovebb2 時間: 13-8-12 19:51 標題: 引用：回復+彈弓狗+的帖子
我老公都係咁，就係K1
原帖由 wingmanlam 於 13-08-12 發表
回復 彈弓狗 的帖子
我老公都係咁，就係K1個時聽佢講，做錯決定，勁後悔，好彩插班成功，就算日後上普通小 ...
作者: wingmanlam 時間: 13-8-12 20:06
3650, 不過其他雜費都唔平
作者: 晞晞爸b 時間: 13-8-14 07:03
彈弓狗 發表於 13-8-12 18:52
你真係好明事理(尤其係要得另一半認同), 因為爸爸唔多理，一講佢就夠覺得，唔差得多就無謂轉，佢唔理，佢根 ...
我太太跟你先生一樣，不太理讀書嘅事，經過呢半年我不停同佢溝通及分析，尤其佢開始留意升小及升中派位的新聞，佢開始明白我做緊嘅野係用意。你嘗試同你先生溝通，俾d新聞及數據佢睇，俾d時間佢，希望慢慢可能佢終於會明白你嘅用意及苦心。加油喇！
作者: sophieL 時間: 13-8-15 16:14
wingmanlam 發表於 13-8-12 20:06
3650, 不過其他雜費都唔平
請問大約有什麼雜費? 加埋約共多少$?
作者: lingan 時間: 13-8-16 12:02
晞晞爸b 發表於 13-8-14 07:03
其實兩公婆最緊要多d溝通，尤其揀學校（正式決定讀邊間或轉學）咁大件事，我覺得最低限度最少另一半都要知 ...
我都係路過，搭下訕。
晞晞爸b，你真係似足我地d 媽咪咁著緊仔女升學，我又係諗到頭爆，我老公就唔多理。
不過我同我老公有樣嘢大家都好同意，就係讀英普。我都好肉赤每月學費，但我好同意你所講，在職的爸媽真係無乜時間再去補呢樣果樣。每日都有NET咪仲好。
作者: Mymelody33 時間: 13-8-16 16:15
我都係路過, 講兩句...
我小朋友今年岩岩返K1, 都係讀SN, 我同老公一向都唔知道小朋友世界既事, 以前我冇諗住生, 更加唔會主動去問朋友關於小孩讀書既野, 直到有左小朋友, 我老公又係唔理既, 只有我不停上BK睇, 同朋友傾, 但好好彩佢唔主動理, 但佢會聽我講, 佢自己亦會分析, 我地唔係好富裕, 但由最初大家都諗住比小朋友讀有學劵既幼稚園, 到依家比左一間私校佢讀, 我覺得係正確既決定, 最初諗住除非龍校或且KV收, 如果唔係就讀有學劵既幼稚園, 我地考左十幾間幼稚園, 但全部龍校都只係WAITING, 小學我地都係諗住大抽獎的, 但依家既競爭真係好大, 我知九龍城區果邊唔夠位, 要分到過黎我哩邊既校網, 我驚我唔比一間好D既幼稚園佢讀, 萬一派唔到我地心宜既小學, 要叩門都要有好既BACKUP先可以同人爭, 所以我最後決定自己放棄一D野, 去比一個叫做好D既環境佢, 而且適應左比較谷既學習環境, 希望佢將來升小冇咁辛苦.......
作者: deniseL 時間: 13-8-16 16:39
回復 Mymelody33 的帖子
我同你情況都好相似, 不過我老公比我更加鍾意小朋友, 只係佢對讀書o既事冇我咁著緊. 我一路都希望幫阿仔搵冇學券o既學校, 雖然我地冇乜錢, 但亦都係希望盡量比小朋友多個選擇, 尤其是而家小學學位面對咁大壓力, 都希望阿仔第時考小學時競爭力大少少. 同lingan一樣, 我都鍾意英普班多d.
樓主, 你有最後答案未呀?
作者: 彈弓狗 時間: 13-8-16 23:38 標題: 回覆：deniseL 的帖子
已經In 左個間好少少嘅，但in 個陣自己好似都無咩heart. 仲要等兩個星期寄信通知，我都無太大反應。 真係唔知，或者只好呢一年好好裝備小朋友，希望到時考到心儀小學
作者: 彈弓狗 時間: 13-8-28 19:23 標題: 回覆：彈弓狗 的帖子
過左兩星期都無收到信，今日打去學校問，接電話嘅話負責老師行開左叫佢复我，個陣3點幾。
我5點再打去佢，係負責老師聽，但佢又話有d野攪緊，轉頭复我
到5:30 佢复我，話問左校長ok, 我問佢唔係寄信复嫁咩？佢之吾以對
想轉間好少少姐，都咁多阻濟
作者: wingmanlam 時間: 13-8-28 19:55
你終於決定轉啦，仲要咁快in左第二間。
好多學校都開左學，轉就要跟緊啲，不如直接去學校，咁佢一定要俾個答案，無得再避
作者: 彈弓狗 時間: 13-8-28 21:09 標題: 回覆：wingmanlam 的帖子
其實就係好少少個間，我只in 左呢間插班。係in 個日話會兩個星期內寄信通知，到今日都兩星期無收到信，先打電話去學校問，但d跟進又咁差，另我有d卻步 
| 歡迎光臨 教育王國 (/) |
Powered by Discuz! X1.5 |