教育王國

標題: 請問如果評估報告話小朋友耍sen [打印本頁]

作者: LeeCC 時間: 13-8-11 07:01 標題: 請問如果評估報告話小朋友耍sen

等緊評估

想知萬一係需要sen，在小一申請表填咗,會否影響派位？會否因學校資源，不能抽某些學校？有無學校名單?或只可抽某些學校？其實教育局有咩特別安排?

作者: Charlotte_mom 時間: 13-8-11 08:48 標題: 引用：等緊評估想知萬一係需要sen，在小一申請表

原帖由 LeeCC 於 13-08-11 發表
等緊評估

想知萬一係需要sen，在小一申請表填咗,會否影響派位？會否因學校資源，不能抽某些學校？有無學校 ...

以我understanding，除非學校設施未能配合學生需要（例如學生行動不便而學校無電梯，否則吾會有影響。而學校會在小一開學前經社署得到學生評估報告，而家長亦可以主動搵學校溝通需要，小至座位安排、大至考試、設施配合

作者: MrBeast 時間: 13-8-11 08:52

Officially 唔會，冇你同意教局也不會將有關資料交給學校，如上面提到去到support 唔夠的小學，大人細路都辛苦，不過等評估出了作才決定都未遲。

作者: LeeCC 時間: 13-8-11 08:54

謝謝

但又害怕被標簽

又怎樣知道哪些學校對這類學生較包容?

作者: MrBeast 時間: 13-8-11 14:59

本帖最後由 MrBeast 於 13-8-11 15:02 編輯

LeeCC 發表於 13-8-11 08:54
謝謝

但又害怕被標簽

通常學校的網站應會有info on 融合教育政策（但我估detail 的問題可能要直接問學校主任），如果訓練多是out source 比其他機構, 咁可能校沒有太多資源。有些學校會請多個助教，和丿或將有某一類學生分成一組上課（如數感比較差），咁相對lei類學校support 會好些，note我有留意過的學校都很少學生，當然亦不是什麼出名名校。
利申，以上不是我個人經驗，只是一兩年前聽過一個相關的講座，我想用家口碑也很重要，或可post 去特殊教育問問，如已上一些訓練，通常治療師或姑娘都可比到d good suggestion.

作者: vincher 時間: 13-8-11 15:53

本帖最後由 vincher 於 13-8-11 15:58 編輯

千祈吾好怕被label...否則只會害了小孩子！你仔仲细，吾知，我覺得暫時不用解釋！到小三，要同佢心理輔導！我儿讀寫有问題，到中学我才認真面對此问題，後悔！所以及早处理！尽早同班主任沟通，给適當支援！起碼減功課量，騰出多D时间重温所学知識！严重的，更可減默書範圍！考試時，又可加時！補充:绝不影響大抽獎！大把有名小学收了sen学生！当然我劝你明知学习有問題，绝不宜选劲的小学，否則第曰呈分是第三组別，选中学就头痛！況且他也讀得辛苦及欠自信！add oil

作者: 小曳人 時間: 13-8-12 15:08

舊年有位聲稱有25分嘅家長，話自行入唔到某名小，而亦有會員話20分入到
佢個case咁啱係有special needs嘅，不過佢有報申報我就唔知..

作者: Charlotte_mom 時間: 13-8-12 17:00

MrBeast 發表於 13-8-11 14:59
通常學校的網站應會有info on 融合教育政策（但我估detail 的問題可能要直接問學校主任），如果訓練多是ou ...

有好多人都話(包括做SEN行業既人)政府/津貼學校好D, 因為有SEN學生可以申請政府津貼, 學校有資源, 而直資就無
呢個CONCEPT又有幾岩呢?
就算學校拎左資助, 唔等於有心善用舊錢, 我仔幼稚園時I位老師都講過呢樣野, 拎左舊錢話買部電腦入面有軟件訓練小朋友又得, 唔係間間學校都有心去用呢D錢, 我亦有朋友入讀左間津校, 嬲到走, 嬲到打去社署問可唔可以取消舊津貼, 就算去唔到新學校都唔想益左間舊學校, 詳情呢度唔講了
津校有唔同類型, 有d有心幫, 有d無, 直資私校亦一樣, 例如我仔讀直資, 學校annual report會講晒學校做左咩去幫sen學生, 有咩小組咩計劃, 所以最簡單睇, 如果學校連呢d資料都無公開, 証明學校根本唔想正視/或唔想俾人知學校有sen生, 可以不揀, 社工點安排亦可知一二, 有學校連外判社工都無, 訓導主任做埋, 有學校唔係日日有社工, 要share
同意, 口碑最緊要, 咩硬件都係假, 建議去特殊教育被了解一下用家意見

作者: TKma2010 時間: 13-8-12 17:38

唔好意思, 請問咩叫"SEN" ?

作者: TKma2010 時間: 13-8-12 17:42

如果小朋友有ADHD中之"專注力失調", 咩學校對呢類學生有支援或包容?

作者: HaYi 時間: 13-8-12 19:27

ADHD 我估是其中一頂學校最難做到包容的SEN, 因ADHD 需要的野不是一般其它SEN 如讀寫障可以採取加時等較統一的措施. 而且好多時ADHD 不是只是某一些野, 可能有其它的SEN (綜合). 學校未必有資源幫到.

ADHD 大都要靠家長在外找資源, 學校的就小班較好, 聽Cholottee_mom 分享港同對SEN 是較包容及有幫手. 去特殊教育個版我見有好多ADHD 的分享. 去看一看吧.

作者: TKma2010 時間: 13-8-12 23:33

回復 HaYi 的帖子

Thanks so much

作者: a_for_apple 時間: 13-8-13 09:38 標題: 引用：舊年有位聲稱有25分嘅家長，話自行入唔到某

原帖由 小曳人 於 13-08-12 發表
舊年有位聲稱有25分嘅家長，話自行入唔到某名小，而亦有會員話20分入到
佢個case咁啱係有special needs嘅， ...

我覺得佢可能計錯分多啲，我相信呈報 SEN 對派位冇影嚮

作者: 小曳人 時間: 13-8-13 11:15

本帖最後由小曳人於 13-8-13 11:15 編輯

a_for_apple 發表於 13-8-13 09:38
我覺得佢可能計錯分多啲，我相信呈報 SEN 對派位冇影嚮

舊生加宗教，無可能計錯分！
但佢個小朋友其實需要讀特殊學校.... (响其他版見到)

作者: MrBeast 時間: 13-8-13 11:26

小曳人發表於 13-8-13 11:15
舊生加宗教，無可能計錯分！
但佢個小朋友其實需要讀特殊學校.... (响其他版見到)
...

我都有聽過交自行form時有小學問讀什麼kg, 咁實際上自行時學校會否西走一些applicants就不得而知了。

作者: Charlotte_mom 時間: 13-8-13 11:47

HaYi 發表於 13-8-12 19:27
ADHD 我估是其中一頂學校最難做到包容的SEN, 因ADHD 需要的野不是一般其它SEN 如讀寫障可以採取加時等較統 ...

我係charlotte_mom啊

, 我怕樓主跟錯名, 搵極都搵唔到
作為sen家長, 睇到有d學校做法, 真係好鄧小朋友心痛, 講緊日日呀! 如果學校唔包容, 對小朋友同家長都係折磨
校名唔可以post出黎, 實俾人捉住黎鬧, 我就好接受理性批評(對於自己小朋友間學校), 做得唔好就需要改善, 但有好多家長眼中容唔下一粒沙

作者: a_for_apple 時間: 13-8-13 14:18 標題: 引用：+本帖最後由+小曳人+於+13-8-13+11:15+編輯

原帖由 小曳人 於 13-08-13 發表
本帖最後由小曳人於 13-8-13 11:15 編輯

噢…………

作者: louiseter 時間: 13-8-16 23:09 標題: 回覆：請問如果評估報告話小朋友耍sen

其實而家教署係有比資助學校去買外判服務比SEN學生，尤其ADHD &自閉症，而外判服務除咗社工外，有D機構仲會加入其他professional, 包括職業治療師，言語治療師，教育心理學家等。問題在於學校肯唔肯買呢D服務，定係情願將D資助放喺其他地方。
利申: 我在社福機構做的，機構有提供呢類外判服務比學校，但要說服學校肯用這類服務實在唔容易，呢team同事要花九牛二虎之力，才能搵到10間8間學校肯買服務。
但事實係SEN學生真係需要多D資源，政府已比錢，由專業人士幫助學生同教職員，點都好過D老師盲摸摸去做。

作者: Charlotte_mom 時間: 13-8-17 09:38 標題: 引用：其實而家教署係有比資助學校去買外判服務比

原帖由 louiseter 於 13-08-16 發表
其實而家教署係有比資助學校去買外判服務比SEN學生，尤其ADHD &自閉症，而外判服務除咗社工外，有D機構仲會 ...

都係你心水清！有錢吾代表要買d咩，有時間吾代表要做d咩。事實就係咁！我仔在學校曾經「使用」過社工、訓輔組老師主任、負責傾計既老師、教育心理學家、連學校關係組警察EE都黎做大龍鳳。我做媽媽，尷尬架講真，不過我感激。人地吾知以為老師特別關照我仔，事實係佢需要多方面monitor同輔導，呢d心機時間我見得到。其實sen吾止我仔，學校有開小組for自理、社交、寫字、讀障等，講真丫邊間學校無sen? 分別在學校點去處理姐（積極主動？勸走？吾理但睇到實？）

作者: MrBeast 時間: 13-8-17 10:12

補充一句，講座有提到老師培訓這還，教局有$比老師進修，對sen support 好的學校會多些老師揀這方面的培訓，可在學校報告中看到。

作者: Haz-mama 時間: 13-8-17 10:13

我朋友的小孩有ADHD, 就讀津小, 學校話就話包容和有支援呢類學生, 但實在幫助不多, 所以, 朋友最終都要自己比$$出去做好多的治療！

作者: Radiomama 時間: 13-8-17 10:15 標題: 回覆：TKma2010 的帖子

SEN=Special education need, 專注力失調都可以是其中一種，當然其他肢體傷殘、長期重病等都是。

作者: Radiomama 時間: 13-8-17 10:21 標題: 回覆：TKma2010 的帖子

不應問「咩學校」因不能籠統地說，要逐間學校仔細查詢。有些做緊SEN的學校不想高調，因怕招來太多這類學生令老師吃不消。
如：有學校收了一位玻璃骨學生，其實已用不少學校資源和人力，所以也要體諒校方。

作者: Charlotte_mom 時間: 13-8-17 11:53 標題: 引用：SEN=Special+education+need,+專注力失調都

原帖由 Radiomama 於 13-08-17 發表
SEN=Special education need, 專注力失調都可以是其中一種，當然其他肢體傷殘、長期重病等都是。

...

對，我assume呢度講既sen係比較普遍的專注力失調，自閉，社交障礙，輕微讀寫等。如果情況特殊，我相信更要小心揀，好多學校都無經驗同資源

作者: MrBeast 時間: 13-8-17 14:11

Haz-mama 發表於 13-8-17 10:13
我朋友的小孩有ADHD, 就讀津小, 學校話就話包容和有支援呢類學生, 但實在幫助不多, 所以, 朋友最終都要自己 ...

我聽過一個case, 一間頗出名的地區官津，直頭同個父母講冇資源support

作者: pocoyo123 時間: 13-8-17 16:31

sen家長真是要小心選學校, 每人CASE不同.

曾經聽過有家長說, 某地區名津小, 將政府津貼用來放在清貧學生補課上, 反而, SEN學生就好小支援, 到時後悔都無用.

作者: Charlotte_mom 時間: 13-8-18 02:20 標題: 引用：sen家長真是要小心選學校,+每人CASE不同.曾

原帖由 pocoyo123 於 13-08-17 發表
sen家長真是要小心選學校, 每人CASE不同.

曾經聽過有家長說, 某地區名津小, 將政府津貼用來放在清貧學生補 ...

地區名校想上位，果d至易出事！（我意思吾想湊sen學生）

作者: TKma2010 時間: 13-8-19 01:01

回復 Radiomama 的帖子

Thanks for your reply.

作者: ryanjojo 時間: 13-8-29 19:19 標題: 回覆：請問如果評估報告話小朋友耍sen

我仔升小一美孚某英文私小（不想開名免影响），剛做完評估話有過度活躍及缺乏專注力。請問学校會否不于机會請他轉校？

作者: baubaulee 時間: 13-8-30 09:40 標題: 引用：等緊評估想知萬一係需要sen，在小一申請表

原帖由 LeeCC 於 13-08-11 發表
等緊評估

想知萬一係需要sen，在小一申請表填咗,會否影響派位？會否因學校資源，不能抽某些學校？有無學校 ...

要坦白填，是為小朋友好!
如果唔填，入咗，唔包容，冇支援，傷害的只是小朋友。

作者: MrBeast 時間: 13-8-30 09:56

我估樓主個dilemma 是未能確定是否sen, 如填了但不是又怕影響派位。

其實可直接打去教局小一派位組問清楚好處和壞處，那些主任和學校無直接關係，雖然答案都可能是along official line, 但一定是中肯，如好彩撞到個對sen有經驗（而你又問得有技巧），都可攞到好多料。

作者: Charlotte_mom 時間: 13-8-30 10:20

ryanjojo 發表於 13-8-29 19:19
我仔升小一美孚某英文私小（不想開名免影响），剛做完評估話有過度活躍及缺乏專注力。請問学校會否不于机會 ...

真係要了解下, 有D學校, 當你坦白就係惡夢開始 (sorry 現實就係咁)

作者: Charlotte_mom 時間: 13-8-30 10:24

MrBeast 發表於 13-8-30 09:56
我估樓主個dilemma 是未能確定是否sen, 如填了但不是又怕影響派位。

其實可直接打去教局小一派位組問清楚 ...

預左係官腔lor

尋日至有家長同我呻, 話慘啦, 個仔返學幾日(小一), 見左學校負責sen個老師, 態度擺明唔合作(唔好問喇, 總之個樣同講既野一聽就知佢都唔想做果種), 仲同家長講明: 細路曳我會鬧爆佢, 家長而家勁頭痕......都要頂硬上啦, 我話以你full time mom既時間精神, chur盡佢lor! 仲可以點

作者: baubaulee 時間: 13-8-30 11:22 標題: 引用：Quote:MrBeast+發表於+13-8-30+09:56+我估

原帖由 Charlotte_mom 於 13-08-30 發表
預左係官腔lor
尋日至有家長同我呻, 話慘啦, 個仔返學幾日(小一), 見左學校負責sen個老師, 態度 ...

小朋友好慘!父母要想定轉校!
曳的定義人人不同，會唔會問多兩問老師，答慢啲，唔答佢，都俾人鬧爆呢?!
Sen的小朋友好多好叻，老師冇心教，幫佢取長補短，是害咗佢囉!

作者: Charlotte_mom 時間: 13-8-30 11:53

baubaulee 發表於 13-8-30 11:22
小朋友好慘!父母要想定轉校!
曳的定義人人不同，會唔會問多兩問老師，答慢啲，唔答佢，都俾人鬧爆呢?!
Sen ...

exactly, 佢地唔係學唔到, 不過真係要花多心機時間黎提高學習興趣, 咁講真收左個學生返黎, 一係就佢走, 一係就教足6年既姐, 如果老師無心機, 小朋友更無心機更pair, 家長跟進都無用, 只係惡性循環
另一朋友個女, 聽力有問題, 有晒醫生信要求坐前面, 有次掉位, 小朋友返屋企話掉左去最後, 家長咪問老師係咪有咩原因呀(事實係睇下佢係咪唔記得), 老師答, 無呀, 唸住試下睇下點之嘛, 你話激唔激死

作者: HaYi 時間: 13-8-30 16:05

其實真架, SEN 如過度活躍個D, 如果要教到佢坐定真係冇可能(除左食藥), 只可以在他可以合作的範圍內改進, 靠學校真的好難,

作者: taylortse 時間: 13-11-17 16:15

我仔有發展遲緩，讀左兩年k1,今年讀k2進步左好多，而家只係認讀方面未跟得上，應該揀邊種小學?

作者: erniewellie 時間: 13-11-17 17:35 標題: 引用：我仔有發展遲緩，讀左兩年k1,今年讀k2進步

原帖由 taylortse 於 13-11-17 發表
我仔有發展遲緩，讀左兩年k1,今年讀k2進步左好多，而家只係認讀方面未跟得上，應該揀邊種小學? ...

記得之前聽 Ian Tsang 私校講座時提到私校因資源問題，未必能配合小朋友一些特殊需要，或者你可在這方面研究一下。

作者: Charlotte_mom 時間: 13-11-17 18:36 標題: 回覆：請問如果評估報告話小朋友耍sen

都係果句，有政府funding吾等於有心做，無政府funding又吾等於學校吾肯俾。而管理層追求咩選直接影響教職員管理手法（例如專項培訓，校長吾批fund吾批假，老師點去上？呢d同政府有無sen學生津貼根本無關）。之前我寫過一篇給SEN家長，呢度我吾重覆了。

作者: MrBeast 時間: 13-11-17 18:51

回復 taylortse 的帖子

如只delayed, 咁你覺得和同年級的差別有多少? 因為大了一年，有可能差不多，如家庭有足夠support, 只要不是教快\超前的課程，或者問題不大。

作者: taylortse 時間: 13-11-18 21:37 標題: 引用：回復+taylortse+的帖子如只delayed,+咁你

原帖由 MrBeast 於 13-11-17 發表
回復 taylortse 的帖子

如只delayed, 咁你覺得和同年級的差別有多少? 因為大了一年，有可能差不多，如家庭 ...

同班同學細佢一年，已經識認讀數字，但我個仔認唔到，圖形一時識一時唔識，顏色只係記得紅色，但識得分配顏色，英文abc只係認讀到少部份，喺屋企自己教同出面揾幼兒導師教，教極都唔識

作者: taylortse 時間: 13-11-18 21:42 標題: 引用：Quote:原帖由+MrBeast+於+13-11-17+發表回

原帖由 taylortse 於 13-11-18 發表
同班同學細佢一年，已經識認讀數字，但我個仔認唔到，圖形一時識一時唔識，顏色只係記得紅色，但識得分配顏 ...

同埋同班已經數一至一百，但我個仔只係識一至十，我只係想佢識返啲幾本野，已經用左好多方法，但係都唔太見效

作者: MrBeast 時間: 13-11-18 22:32

taylortse 發表於 13-11-18 21:37
同班同學細佢一年，已經識認讀數字，但我個仔認唔到，圖形一時識一時唔識，顏色只係記得紅色，但識得分配顏 ...

現時一般的小孩很叻，有時又不能咁比（我有些自打嘴巴herer).
Anyway, 找一個你仔仔click 到的教法和堅持好緊要，trial and error, 每天repeat 練習才會見效。我得k2無須太早決定學校(當然做定兩手準備is wise), 當小孩開hill會進步得很快。meanwhile, 排期做評估，我有fd有學習困難，最後find out 原來是adhd. 盡量找時間去增加他的生活體驗（和improve 他的vocab,聽說方面)，如帶他去不同的地方接觸不同的事物，吃不同味道的食物。如你家中main lang 係cantonese, 就stick with it, 搞好一樣（如中文）才tactle 第二樣。

作者: taylortse 時間: 13-11-19 08:47 標題: 引用：Quote:taylortse+發表於+13-11-18+21:37+同

原帖由 MrBeast 於 13-11-18 發表
現時一般的小孩很叻，有時又不能咁比（我有些自打嘴巴herer).
Anyway, 找一個你仔仔click 到的教法和堅持 ...

有排智能中心，真係好怕佢係智能問題，我而家每日同佢玩遊戲，等佢從遊戲中學習，但係好多時遊戲中做到，但日常生活又變返唔識，不過我而家重揾緊方法，努力中

作者: Charlotte_mom 時間: 13-11-19 09:23

我仔細個都係global delay, 主要係speech同小肌, 不過好彩主要學習能力又無問題
唔好睇少佢地, 學樓上話齋, 搵到個click得中既方法分分鐘學得好勁, 個天好公平架! 所以我話sen又好, 唔sen又好, 一路大, 一路就有唔同挑戰, 邊樣唔夠就補足佢

如果小朋友本身學習比較難追上, 最好搵間包容既學校, 點去睇一間學校包唔包容, 對sen學生付出幾多, 可以睇下面條link, 切記切記: 自己sell自己融合/包容係無用的, 有d學校真係衰到, 自己收生不足就扮包容sell小班, 然後靠呢d政府資助去維生, 實際由得d學生自生自滅, 呢d野, 只有身邊有sen用家至清楚
http://www.edu-kingdom.com/forum ... ;extra=#pid37169088

加油

作者: MrBeast 時間: 13-11-19 12:16

回覆 taylortse 的帖子

我個都是delay, 曾懷疑讀寫障礙，現在一間頗谷的官津小學就讀，so far 也survive 到，有時都要講際遇，暫時就要maintain 正能量。分享一下經驗：1）中文是像型字，可用一些圖片幫他記一些簡單旳字（人，水，刀，etc)，認到的出街時point out, 等他realize 認字在生活上有用，認到少少可試認港鐵站名和街名，eg, 上水，天水圍，etc, 盡量生活化。
2) 數數，做一活動時數做左幾多下。
3）英文就唱abc 歌仔，build up vocab 後start phonics, 初初玩starfall.com 便可，不要上普通小組課程。
4）中文到了深一些的字可試用故事法，板主charlotte mum 之前有分享個些eg，都時你再請教她吧。
5）每晚丿天伴讀，用口語，不要讀字，小孩子一定喜歡聽故事。

作者: Charlotte_mom 時間: 13-11-19 13:39

哈, 你記得

一個文字一個故事
http://www.edu-kingdom.com/forum ... ead&tid=2295911

最近都分享左, 教作文, 我仔係零想像力, 尤其拎起支筆就呆左(專注力已經夠差), 所以咪又唸計, 一路行街一路up, 見到個旦糕俾車車扁左就唸首詩, 加d擬人擬物, up up下希望佢易d入腦啦

試過佢樂團隻表演歌(長笛), 我成隻填詞tim呀, 我都好佩服自己

, 鬼叫我係佢阿媽, 咩計都要唸架啦, 花多左時間但滿足感double上

作者: bobbob 時間: 13-11-19 14:51

taylortse 發表於 13-11-19 08:47
有排智能中心，真係好怕佢係智能問題，我而家每日同佢玩遊戲，等佢從遊戲中學習，但係好多時遊戲中做到，但 ...

當初搵乜人做評估？評估完有無recommendation？

作者: MrBeast 時間: 13-11-19 15:18

本帖最後由 Charlotte_mom 於 13-11-19 15:20 編輯

回覆 Charlotte_mom 的帖子

好野梗係要記著la, :)
Taylortse - 之前另一網友分享過以下的片, skip to 29:00 看看一些similar eg:

http://m.youtube.com/watch?v=Osj_VYPNNyk&sns=em&desktop_uri=%2Fwatch%3Fv%3DOsj_VYPNNyk%26sns%3Dem

有時間就從part 1 開始看。

作者: taylortse 時間: 13-11-20 09:41 標題: 引用：哈,+你記得一個文字一個故事+http://www.ed

原帖由 Charlotte_mom 於 13-11-19 發表
哈, 你記得
一個文字一個故事
http://www.edu-kingdom.com/forum.php?mod=viewthread&tid=2295911

作者: taylortse 時間: 13-11-20 09:42 標題: 引用：Quote:taylortse+發表於+13-11-19+08:47+有

原帖由 bobbob 於 13-11-19 發表
當初搵乜人做評估？評估完有無recommendation？

有，職業治療，聽力，眼力測試

作者: taylortse 時間: 13-11-20 09:42 標題: 引用：+本帖最後由+Charlotte_mom+於+13-11-19+15

原帖由 MrBeast 於 13-11-19 發表
本帖最後由 Charlotte_mom 於 13-11-19 15:20 編輯

回覆 Charlotte_mom 的帖子

Thx我會試下

作者: bobbob 時間: 13-11-20 14:00

taylortse 發表於 13-11-20 09:42
有，職業治療，聽力，眼力測試

即係評估完淨係叫你做pst？如果唔太嚴重，通常會排政府i位或者e位service，再續樣評估需唔需要further training.我經驗係3歲前pst成效唔錯，但之後要再搵專門嘅治療師作supposed有系統性治療訓練。好似先前個版友post嗰段片咁講，見個小朋友視覺學習困難，咪用聽覺學囉，呢啲真係要你幫佢行多步，因為只有你先最清楚佢嘅能力。又如果智力無問題，會唔會係專注力不足？學習環境係咪好易令佢分心（e.g. 開住電視，週圍好多嘢好distracting）？單對單訓練同小組訓練嘅成效有無分別？

作者: taylortse 時間: 13-11-20 19:34

bobbob 發表於 13-11-20 14:00
即係評估完淨係叫你做pst？如果唔太嚴重，通常會排政府i位或者e位service，再續樣評估需唔需要further tra ...

單對單訓練個導師覺得啊仔專注力不足,可能係關前庭,感統問題,但係職業治療師評估同智能中心都話冇問題,啊仔同我係屋企玩遊戲唔多集中,對眼周圍望,但係做功課好認真同快,同埋導師話佢配對同認知好差,最怕係智力有問題,我問啊仔班主任,佢話啊仔上堂好乖坐定定,好留心,所以我真係唔太清楚究竟係咩問題

作者: MrBeast 時間: 13-11-20 20:59

本帖最後由 MrBeast 於 13-11-20 21:04 編輯

回覆 taylortse 的帖子

我個就是前庭問題，之前complained 看英文字不清但驗眼又正常，看書或文章時會跳行跳字。在cac做了讀障評估，很詳細但我覺得少少outdated or 個bar set too high (to be recognised as problem). 個Result 冇point out 到有前庭問題，但的確在協康做了有關訓練後有很大improvement（但以我所知不是每個組員的效果都一樣）.
這是個漫長的路程，在這階段可能做很多但return\mprovement 很少，但日子有功，只要你堅持，每日重複練習和去找更好的方法，日後一定會見到成果。

作者: Charlotte_mom 時間: 13-11-21 12:45

"但日子有功，只要你堅持，每日重複練習和去找更好的方法，日後一定會見到成果。" EXACTLY

歡迎光臨教育王國 (/)