教育王國

標題: 仔仔在兼收位(I位)現況... (15/8剛排到S位, 9月入學) [打印本頁]

作者: kikigal 時間: 13-8-10 23:50 標題: 仔仔在兼收位(I位)現況... (15/8剛排到S位, 9月入學)

本帖最後由 kikigal 於 13-8-15 14:35 編輯

update: 剛排到S位, 九月入學, Thanks all!!

------------------------------------

由三月至今, 阿仔(3歲)入讀I位N班.
但因阿仔適應及行為問題(經心理學家轉介, 排緊S位), 只係俾阿仔返半日學(正常係全日班)...但學費收足.
成三千幾, N班無學券, 其實幾肉痛...
學校話, 老師1:6, 如果老師成日要1對1照顧阿仔, 對其他果5個兼收位學生唔公平.

學校無因行為問題趕阿仔出校, 但...又只係比阿仔返半日...可以收一半學費嗎?

I位訓練:
ST: 一個月兩次
PT: 幾個月一次 (一個月一次返醫院複診做運動)
OT: 幾個月一次

其實阿仔, 一直都唔太享受返學... 放暑假日日都好開心無壓力... 一返學就情緒差...

比係你會點呢?

1. 繼續升讀K1, 有學券後都要比二千幾學費, 但暫時都係返半日學.
2. 退學, D學費用來做私人訓練/ 去S位暫托
3. 其他?

作者: onsiu21 時間: 13-8-11 08:16 標題: 回覆：kikigal 的帖子

都照讀，如經濟許何下午帶他去個别訓練，如經濟不可，可參加小組訓練

作者: crystal媽咪 時間: 13-8-11 15:13

唔好退學, 因為未等到有S位, 退左學可能成年都無政府位.
始終而家有ST / OT/幼兒導師等. 唔算太密集,但唔駛去不同地方上堂.
至於學校的做法, 唉.......
可能請姐姐/ 你自己下午跟去學校, 好似影子老師咁.

學校話唔可能1:1咁睇住, 咁上午的情況呢?
除左單對單上堂時, 其他時間(唱遊/ 小組教學)呢?? 佢地都解決到,下午就反而唔得. 又要收全日學費.

作者: checkylam 時間: 13-8-12 11:43

要俾咁多錢, 又唔係1對6, 咁樣返私人位半日要幾多錢,係唔係小啲人啊, 會好啲嗎?唔要I 位等唔如唔要S位? 呢啲問題, 你要問清楚, i 位都只係好似每日半小時是嗎? 其他只與1班十多位小朋友一起上堂的啊, 實際效益見仁見智,
我都聽過有啲I 位小朋友唔係咁喜歡, 始終都係人的服務業, 一定會有不同, 喜歡與否真係好個人, 小朋友都可能感受到,

作者: muimui5 時間: 13-8-12 17:20

要求見教育心理學家或CAC醫生，寫個報告囀轉S位，派到先放棄I位。

作者: shuna 時間: 13-8-14 13:40 標題: 回覆：仔仔在兼收位(I位)現況... 請指教

S位有排都未排到，而家放棄i位，就乜都冇，佢既行為問題係咪感統有問題引起？如果係，自己做多d家居訓練會改善。

作者: kikigal 時間: 13-8-15 14:34

剛排到S位, 九月入學~~!! 中獎一樣......

作者: cat1028 時間: 13-8-15 16:15

恭喜，放心晒。
努力呀！

作者: 已刪除用戶 時間: 13-8-15 19:49 標題: 回覆：仔仔在兼收位(I位)現況... (15/8剛排到S位, 9月入學)

恭喜恭喜

作者: shuna 時間: 13-8-15 22:05 標題: 回覆：仔仔在兼收位(I位)現況... (15/8剛排到S位, 9月入學)

恭喜恭喜！！！

作者: 小草王道 時間: 13-8-29 22:36 標題: 引用：剛排到S位,+九月入學~~!!+中獎一樣......

原帖由 kikigal 於 13-08-15 發表
剛排到S位, 九月入學~~!! 中獎一樣......

恭喜曬

歡迎光臨教育王國 (/)