教育王國

標題: 有冇人可以教我點做? [打印本頁]

作者: irisban 時間: 13-8-10 14:44 標題: 有冇人可以教我點做?

我個 2女剛剛比醫生診斷有自閉, 要見職業治療師做訓練, 佢依得兩歲, 其實我覺得佢平時除咗脾氣大D同上堂唔專心之外都冇咩大問題, 我想問係咪唔可以讀普通幼稚園? 有邊種可以幫到佢? 同埋有冇人有經驗有冇得變番正常?

作者: apple~y 時間: 13-8-10 14:57

回復 irisban 的帖子

如果你覺得無問題,點解會見醫生評估呀?
你咪比小朋友照番n班,睇0下能力,
自閉症輕微容易處理,相反就難攪0的

作者: irisban 時間: 13-8-10 15:12

回復 apple~y 的帖子

不好意思, 不是我不覺得她有問題, 只時不知道原來佢O既問題叫自閉症, 所以依家唔知點做, 醫生叫我唔好逼佢讀D只注重學術的學校, 但我又唔知邊D學校先幫到佢? 有冇人可以教我? 仲有, 醫生話1星期見1小時職業治療師, 但我見D人一星期要上最少15小時, 想問1小時夠唔夠?

作者: apple~y 時間: 13-8-10 15:19

本帖最後由 apple~y 於 13-8-10 15:20 編輯

回復 irisban 的帖子

番n班未0甘快要注重學術,你唔好報名校,報屋村幼兒園比小朋友試0下番
睇0下跟唔跟到,
你係咪私家評估,叫你見ot,ot收好貴,你負唔負擔到呀

上最少15小時邊有0甘多,你講係咪講密集訓練0個0的

作者: irisban 時間: 13-8-10 15:31

係呀, 係私家醫生評話話佢有自閉, 政府要月底先見, 我上網見密集訓練要上15小時, 咁同1小時見職業治療師有咩唔同用途? 我見個女個N班D課本好多同好深, 我知可能唔係咁適合, 但我想問有冇D N班可以照顧到佢呢D需要? 唔好意思, 我今日先知佢有事, 突然間唔知點算

作者: apple~y 時間: 13-8-10 15:53

本帖最後由 apple~y 於 13-8-10 15:53 編輯

回復 irisban 的帖子

你都報0左N班交晒學費,比小朋友試0下番
你囡囡聽指領,得唔得,得就唔使太擔心
就算正常小朋友都有脾氣,番0左幾個月唔對路咪轉
我唔知邊間n班係包容自閉小朋友,睇0下有無其他家長回應你

密集訓練一個月好貴,約一萬,
我呀仔3年前番都係$7500,
睇你負唔負擔到

作者: irisban 時間: 13-8-10 18:21

回復 apple~y 的帖子

我個女係唔會聽指領, 我行我素果D, 平時上堂會係課室周圍走, 唔會坐定定....我想問咁你之前係咪密集訓練同職業治療一齊做呀, 咁言語治療呢? 如果一萬蚊一個月, 咁係咪兩年就唔使做, 我依家想辭職係屋企教佢, 但係又驚仲要使好多負擔唔到, 你有咩意見?

作者: onsiu21 時間: 13-8-10 21:10

回復 irisban 的帖子

你女女言語有冇問題,如言語冇問題你可以比她上下社交班個D,其實耀X同協X有家長資源中心,入會50元一年,可以在那裡借玩具,圖書同參加PLAYGOURD班,PLAYGOURD好平480元8堂,不過要抽籤,你可以試下

作者: lhy168 時間: 13-8-11 21:22

提示: 作者被禁止或刪除內容自動屏蔽

作者: csy_0101 時間: 13-8-12 00:05 標題: 回覆：有冇人可以教我點做

我個細女同你小朋友情況差唔多，依家2歲半，5月評估有自傾，6月開始返密集，今個月開始返埋n 班，學上面的媽媽話齋，橫掂俾左學費，咪俾小朋友試下先lor....但我無預先話俾老師聽佢的情況，我唔想俾人label 左佢，暫時會採取多些跟老師溝通，建議老師點同我女女相處; 但我會作最壞打算，報埋其他幼稚園k1....因為依家個間唔係直升k1的
另外，我依家搵緊d 唔晒返足5日的密集班，因為驚佢太辛苦，到時物極必反!!

作者: irisban 時間: 13-8-12 12:07 標題: 回覆：csy_0101 的帖子

我想問你番邊間？因為個醫生淨係refer個職業治療師比我，我都係係呢度見到有密集訓練?

作者: onsiu21 時間: 13-8-12 14:11 標題: 回覆：irisban 的帖子

耀能，協康，領思，好多都有密集，你上yahoo打密集式訓練可以找到

作者: Vichang 時間: 13-8-12 19:18 標題: 回覆：irisban 的帖子

我個仔20個月評為自閉，唔聽指令、我行我素架。最初上個別一對一幼兒訓練好d. 你都要周圍申請報讀架，好多地方include 私人都要等架。

作者: Vichang 時間: 13-8-12 19:20 標題: 回覆：irisban 的帖子

醫生suggest 排咩位？I 定s?

作者: irisban 時間: 13-8-12 22:19 標題: 回覆：Vichang 的帖子

冇講，因為我睇私家，佢話會寫信比我排政府，我想問係咪一定要讀I／S位?讀普通幼稚園得唔得？咁你個小朋友讀緊咩學校？

作者: Vichang 時間: 13-8-13 00:17 標題: 回覆：irisban 的帖子

我個仔都考到三間n 班架，我本來諗住讀其中一間嘅，但係我好老實同校長講囝囝問題，佢都好老實答囝囝入左嚟幫唔到佢d 乜，因為d老師一對11好難照顧佢;加上我地一早排到協康私人s位，我最後都放棄左呢間n 班。

作者: Vichang 時間: 13-8-13 00:19 標題: 引用：冇講，因為我睇私家，佢話會寫信比我排政府

原帖由 irisban 於 13-08-12 發表
冇講，因為我睇私家，佢話會寫信比我排政府，我想問係咪一定要讀I／S位?讀普通幼稚園得唔得？咁你個小朋友 ...

私家醫生幫你排CAC 做評估定s / e 位先？你其實都有d 迷茫，right?

作者: Vichang 時間: 13-8-13 00:25 標題: 回覆：irisban 的帖子

職業治療一星期一次已足夠，另外帶個囡去遊楽場玩、見多d小朋友都幫到佢架。

作者: chowqv 時間: 13-8-13 04:25 標題: 回覆：有冇人可以教我點做

媽媽你冷靜d。你自己都好亂，不過係正常既反應。
你排左政府既cac未？有期未，要等幾耐？

你唸住未排到s/i/e位之前，自費上堂？職業治療係教小肌既訓練喔。阿妹除左自閉，醫生有話咩既問題？

作者: irisban 時間: 13-8-13 07:23 標題: 回覆：Vichang 的帖子

佢一星期有一次職業治療，醫生冇講排咩學校，淨係話唔好讀得咁辛苦，另外健康院會有assessment, 不過唔知咩嚟，咩叫Cac?咁你個仔唔讀住n 班先,等排到I/e/s 位先轉?

作者: onsiu21 時間: 13-8-13 11:03 標題: 回覆：irisban 的帖子

cas=評估中心

作者: llam1210 時間: 13-8-13 12:03 標題: 回覆：irisban 的帖子

其實你仔係唔係好minor 唔需要任何轉介？

Cac係中央評估中心，健康院護士覺得小朋友有問題會叫你見醫生，醫生都覺得唔妥就轉介你去cac. Cac醫生評估完有需要就建議你去I/e/s位。唔行呢條路也可以私人機構心理醫生評完同你轉介排位又得。究竟你去到邊個階段？

作者: irisban 時間: 13-8-13 13:04 標題: 回覆：llam1210 的帖子

我係私家醫生評估，不過佢要下次睇先refer比政府,我估見政府先幚我排，所以依家係私家度做住訓練先，我見D人話有私人的 s/i位,咁讀果D係咪好過普通N班，同埋可以去邊度搵？

作者: llam1210 時間: 13-8-13 13:19 標題: 回覆：irisban 的帖子

佢講比政府排是排學位？定排評估？

如錢可以，可考慮私人密集，但如果不嚴重或者有某一樣特別需要訓練可讀普通幼稚園加訓練。

作者: Vichang 時間: 13-8-13 13:32 標題: 引用：我係私家醫生評估，不過佢要下次睇先refer

原帖由 irisban 於 13-08-13 發表
我係私家醫生評估，不過佢要下次睇先refer比政府,我估見政府先幚我排，所以依家係私家度做住訓練先，我見D ...

媽媽你仲係好亂。

其實你個私家醫生係做左專業自閉症評估定普通私家醫生？你俾左錢，佢應該會俾report 俾你架。仲有，通常小朋友咁細個係做左幼兒訓練，聽得明指令、情緒穩定後先做職業治療。因為職業治療都貴架。

作者: lilbee 時間: 13-8-13 14:32

cac系政府評估機構，評估咗會話俾你知需要滴咩training.不過通常都要排位等好耐。

作者: irisban 時間: 13-8-14 07:25 標題: 回覆：Vichang 的帖子

你好，我依家都冷靜咗，其實個醫生係專科，不過未得閒比報告我，佢話依家要做一對一職業治療先，遲D先言語治療，職業治療一星期一沒，我都幫佢問step,佢地話比佢一星期兩堂，不過我唔知上埋step好唔好,可否比D意見?

作者: emilykyho 時間: 13-9-24 17:33

my son was diagnosed in June. Went to One-on-One in July. Change to intensive group training in Aug. Already see improvement in discipline in week 3. Really feel wasted time to do one-on-one because the intensive training is like at kindergarten. 6-7 kids together in a class. He is happy to be with other kids and like the taste of school.(training is Mon to Fri, 9-12) Recommend!

作者: maymay621 時間: 13-9-24 21:57

上密集式還是個別職業治療要看看小朋友需要, 而有些密集式訓練會包括職業治療師同導師個別訓練, 有些更包括音樂治療小組, 可考慮參考不同中心的資料對比一下.

作者: zhfl729 時間: 13-9-24 23:37 標題: 回覆：csy_0101 的帖子

我仔都系话自闭上左幼儿园N班半个月加上自己每天训练他半小时依家进步很明显

作者: chowqv 時間: 13-9-29 17:55

irisban 發表於 13-8-10 15:31
係呀, 係私家醫生評話話佢有自閉, 政府要月底先見, 我上網見密集訓練要上15小時, 咁同1小時見職業治療師有 ...

可以搵村校讀n班。應該係無功課可言，都係教自理，同小朋友相處。守下規矩。起碼阿仔果間學校都會收呢類小朋友，佢之前k1有個同學係等S位，讀2年k1都係咁。

如果政府評估真係有自閉，會check埋其他野。仲會排埋S/I/E位。

阿仔有自閉，ADHD，都係一星期一堂一個鐘。仲係要3T加情緒訓練，即係4個鐘。

你唔知點算係正常。我當時喊左2個week。

可能你俾私家醫生嚇一嚇。

如果你排左政府，就算政府。

作者: irisban 時間: 13-9-30 22:32 標題: 回覆：chowqv 的帖子

女女上咗職業治療依家好好多，雖然都係成日發脾氣同成日尖叫，但係開始講多咗嘢，不過我都唔知報咩學校比佢好，佢依家個間pn教k1嘢，又多功課，我想下年幫佢轉，但佢唔講嘢又好難搵學校收，點算？

作者: KINGKI0308 時間: 13-10-3 16:06

其實好多朋友講私家評估會特登評低d 小朋友嘅能力，因為想你買佢地嘅服務！最好就係政府醫院或d 公共機構去做評估

你上網搵下心橋兒童發展計劃，可以申請做評估先(不過，佢話明要等)
我之前寄咗申請做言語評估，8月尾寄，10月中至做評估

如果你會係政府醫院做評估，而出黎結果係話小朋友有問題 (發展慢，自閉傾向……)佢即時會有个社工幫佢排d EETC 服務

但慈善機構就好多要輪候，你一定要早排囉！

歡迎光臨教育王國 (/)