教育王國

標題: 初步評估有亞氏特癥,應否遲一年升小一? [打印本頁]

作者: LeeCC 時間: 13-8-10 06:20 標題: 初步評估有亞氏特癥,應否遲一年升小一?

8月底足5嵗

感統社交訓練班的姑娘話佢社交能力只有3歲,上堂每次調位都喊，認知表現不到出來，只係跟人講跟人做，建議我俾讀多一年K3

上其他興趣班都喊,去新環境喊

小童群益會初步評估有亞氏特癥同焦慮，做緊遊戲輔導

請問大家有冇類似經驗?

12月才可見政府醫生，9月就要報小一了，怎麽辦?

作者: angels'mom 時間: 13-8-10 12:26

聽落唔多似亞氏保加喎，讀多一年幼稚園總比讀多一年小學好吧，況且，小學的要求同幼稚園差很遠的

作者: pocoyo123 時間: 13-8-10 22:21

語言能力如何?

亞氐保加小朋友語言能力好, 表達能力都強, 但一般社交,固執行為比較明顯差.

作者: LeeCC 時間: 13-8-11 06:11

中文講得流利,在家和熟人面前可以停的講,但係只是佢自己講 ,唔理人反應，逼人聽佢重覆講

但在校不開囗,在社交訓練班表現不到認知,只不開囗或跟人講,但其實同樣的問題，他在家—定答到,甚至可滔滔不絕

認到好多好深的中文字,英文認字較差,英文只可簡單對答

記性好,但只限有興趣的東西，地鐵路線圖,商場平面圖,反斗城catalogue,可記得每一細節，音樂記憶也很強,可彈出聽過的歌曲和音樂

有感統問題，

怕改變,好固執,少少改變如上堂轉位可以喊好耐,課室內用品改變位置又喊

還有焦慮情緒

是否似阿氏?

真的要重讀k3?幫助有幾大?

作者: bee918 時間: 13-8-12 13:17

本帖最後由 bee918 於 13-8-12 13:18 編輯

即2014年9月6歲時重讀k3? 亦即2015年才入讀小一? 會否因過了小一的適齡兒童界別, 而影響小一自行分配學位計分呢?

作者: pocoyo123 時間: 13-8-12 22:32

學術上OK嗎? 寫字, 認字得唔得?

講真, 重讀多一年, 如不能對症下藥, 都係浪費時間, 搵唔搵到問題所在, 或者做一次全面評估, 會唔會好些.

如果純粹社交問題一樣, 上到小學都有些學校是有社交訓練跟進, 你可在搵小學時留意下, 不過, 如果唔合群, 有情緒問題, 家長要預備學校會有壓力比你.

作者: LeeCC 時間: 13-8-13 14:55

可認到好多好深的中文字,寫字整齊

但似乎未能自己閱讀故事，要人讀給他和解釋
聽完可背出來，
老師說記性好

數學只識5+5以下,6+?以上教極都唔識,佢話一隻手得5隻手指，點加?唔肯接受另一方法，望住5隻手指發呆

英文聽OK,跟到指示認字較差

但社交真的好弱,怕陌生

我也有想過讀多一年K3是否真的幫到改善社交嗎?幼稚園的環境同小學差好遠啊

在熟人面前，表現好聰明，有親戚話佢觀察力和思考比得上8歲的表哥,但在校和陌生人面前，完全係2個人

上社交班,治療師話佢認知有問題，但我想認知有問題的4歲半小朋友會追問地心收力的各種問題嗎?

佢真的要因為社交問題和固執而重讀?

作者: pocoyo123 時間: 13-8-14 11:50

照睇學術上問題不大.

但社交班的治療師話佢認知有問題, 我諗佢係講在社交層次方面, 不是在學術方面, 社交方面的認知, 應該是與人相處時的認知能力, 即是, , 在一個嚴肅的地方, 佢要知道不可大叫, 大笑, ......等等, 又或者一班人正在玩緊遊戲, 佢又想玩, 但又唔跟守則玩, 又或者同朋友不停說一些自己有興趣話題, 不理其他人有無興趣, 又有不能睇人眉頭眼額等等

仲有一年追, 試下這一年早些上小一適應班, 多些接觸小學上課流程, 或者有改善

作者: LeeCC 時間: 13-8-14 19:24

謝謝你的意見

我問幫阿仔遊戲輔導的社工,佢話社交班個間中心好sell課程，又話唔覺得阿仔的問題應該無治療師講得咁大,要留K3，反而佢覺得阿仔認知唔差,唔明治療師咁講

搞到我莫名其妙

作者: happykaho 時間: 13-9-26 14:47

我同你情況差不多，也是認知能力差，各方面都比較弱，導師也是建議重讀K2 OR K3 我也是煩死了。。。現在都K3開學了。。重讀K2沒可能了，小朋友都覺得是自己是K3的大同學了。。。現在也是要交自選小學了，還沒決定是否重讀！！是擔心重讀對他是否有幫助！

作者: chowqv 時間: 13-9-28 14:57

咁學校點講？

唔可以淨係聽導師講既野。

作者: fatjaimama 時間: 13-9-29 00:01

回復 LeeCC 的帖子

我小朋友都係亞氏小朋友. 依我愚見, 正正因為佢地記性好, 認字能力高,小學校本課程對這些小朋友係完全無難度.佢地的問題是適應力, 溝通及社交. 因此我無DELAY我囝囝一年, 反而為他安排參加小學適應班, 讓他未入學已經歷入學後的生活. 另參加"蕊展計劃", 讓一班專業人士在他一入小一便同步幫佢調適.

既然你小朋友不是智力問題, 根本無需延後入學.

作者: catmervin 時間: 13-9-30 10:36

不必重讀,重讀多數俾學術上未能追上的學生,你阿仔係社交同適應問題,應該去找一些小一適應課程或社交小組,讓他學習一下。

作者: LeeCC 時間: 13-9-30 15:24

本帖最後由 LeeCC 於 13-9-30 15:28 編輯

謝謝大家的意見

我哋決定不重讀

老師覺得他聰明，但固執和怕改變

而且我們已知他所謂認知差其中一個原因是視力問題，老師和我們正研究怎協助他學習

因爲只得15分，阿仔的私校面試表現不合作、視力問題亦可能是答不到問題的原因，恐怕冇私校backup，而且我們也沒能力供他讀6年私校，所以，自行放棄了多年來希望入到的地區一線學校，選了一間機會較大（20分）的小班支援較好的2線學校，希望派到，不用擔心大抽獎晤知派到去邊，叩門又吾合作考吾到，教書朋友亦提醒我阿仔咁情況叩門冇乜學校會收，要穩陣啲

老師和社工都覺得小班比較適合他，重升中派位成績的地區一線學校就算好彩派到，對他未必是好事

歡迎光臨教育王國 (/)