教育王國

標題: 大肌肉訓練問題 [打印本頁]

作者: DalaDala 時間: 13-8-9 15:57 標題: 大肌肉訓練問題

囡囡3歲幾, 小肌肉冇問題, 但大肌肉比較差。行路仲係提唔起腳, 成日仆下仆下, 行樓梯又易仆親。學緊跳舞, 老師話佢比較弱, 跳唔起。學遊水, 又踢唔到水。請問仲可以做咩訓練? 日日行樓梯? 有冇需要去健康院檢查?

謝謝!

作者: Letter_lalaland 時間: 13-8-10 00:54

回復 DalaDala 的帖子

可以去請教一下相關的專業人士：足部矯型師、物理治療師（兒科）
建議可去協康排期自費（青蔥計劃）做評估，佢哋嘅意見應該較一般坊間機構中肯。

作者: shuna 時間: 13-8-10 18:25 標題: 回覆：大肌肉訓練問題

以前大肌肉發展有冇遲？步姿有冇問題？有冇常坐地下？會唔會w字咁坐？係咪只係腳唔夠力？通常腰同背肌力都會弱，要訓練，做一輪兒科物理治療會好d.

作者: DalaDala 時間: 13-8-10 23:42 標題: 回覆：Letter_lalaland 的帖子

謝謝你，冇諗過物理治療喎。多謝提醒！

作者: DalaDala 時間: 13-8-10 23:48 標題: 回覆：shuna 的帖子

謝謝意見。你講中晒，佢鍾意坐地下仲w腳坐，已不停提住但見唔到又會。佢行路內八字，上樓梯更嚴重。最近行多左同上多左樓梯好左，雙腳跳剛剛做到d。可能真係要問下物理治療。Thanks!

作者: shuna 時間: 13-8-11 17:02 標題: 回覆：DalaDala 的帖子

有內八字要拉下大腿內側既筋，坐地上雙腳板貼腳板，打開雙膝，成人可輕輕把雙膝向下按，維持10秒，每天起碼1次。另外佢應該有好多其他肌肉力量不一既問題，去菁蔥計劃找物理治療師看看吧。

作者: Letter_lalaland 時間: 13-8-11 20:47

本帖最後由 Letter_lalaland 於 13-8-11 20:51 編輯

同意先尋求專業治療師意見。

內八字步姿有好幾個成因，不同的成因所對應處理方法亦有所不同。 shuna 所提供的方法如果配合治療師的指導能夠放鬆大腿內側肌肉，但始終每個人的情況都有異，「如果」未清楚成因/需要而勉強＂拉筋＂的話，不單未能改善小朋友的問題更有機會產生其他問題。

當然尋求專業意見前，父母亦可以適當地使用一些非常簡單又基本的方法如坐凳，口頭或視覺提示小朋友避免W-sitting，陪伴及鼓勵小朋友以不同姿勢（雙腳站立玩耍，V-sitting，伸長腳坐，雙膝跪，單膝跪）玩耍/進行遊戲。

基本上透過不同姿勢，腹部及背部均會得到不同程度的鍛煉，從而增加肌肉力量。

歡迎光臨教育王國 (/)