教育王國
標題: 張祝珊英文中學交流區 [打印本頁]
作者: davia 時間: 13-8-8 17:57 標題: 張祝珊英文中學交流區
有冇 ccsc 家長可以交流吓呀
作者: loktungpapa 時間: 13-8-11 23:15 標題: 引用：有冇+ccsc+家長可以交流吓呀
原帖由 davia 於 13-08-08 發表
有冇 ccsc 家長可以交流吓呀
分享吓吖
作者: bobo-chan 時間: 13-8-27 11:01
我也想多些了解下張記的情況.
作者: ccspy 時間: 13-8-28 13:54
Hi! 我曾經係CCSC家長，有mud野你地想知?
作者: loktungpapa 時間: 13-10-14 22:40 標題: 回覆：ccspy 的帖子
你好，本人小兒今年小六，
想知多些張祝珊的學習情況。
請問貴子女及你們對學校有何評價?
老師關心小朋友嗎?
讀書愉快嗎?
壓力大嗎和功課量適中嗎?
作者: janetlam74 時間: 13-10-17 11:07
請問這間中學多活動嗎?
學校對學生支援多嗎?
作者: winniecws 時間: 13-10-21 01:25 標題: 引用：你好，本人小兒今年小六，
想知多些張祝珊
原帖由 loktungpapa 於 13-10-14 發表
你好，本人小兒今年小六，
想知多些張祝珊的學習情況。
請問貴子女及你們對學校有何評價?
作者: maynjune 時間: 13-10-21 10:00
張祝珊的學習情況...?
咪讀書,讀書,再讀書囉
作者: ccspy 時間: 13-12-15 00:40
回覆 loktungpapa 的帖子
You can go to the school's official website:
http://www.ccsc.edu.hk
to gather more information, especially in the School Event section.
作者: 靚靚盧太 時間: 14-1-1 09:44
其實我個仔都系出年升中，已家考慮緊選張記，我都聽好多朋友講張記好谷學生。但我想問嘅系，佢谷學生有冇特別啲嘅方法，你嘅仔女讀得是否感中辛苦呢？
作者: 靚靚盧太 時間: 14-1-1 09:51
我有去學校附近睇過佢哋放學，留意學生嘅表情，睇佢哋都有開心笑容喎！
作者: 囡囡好媽媽 時間: 14-12-14 01:56 標題: 為張記沉冤昭雪
我是張記學生家長，睇到外界諸多誤解，就不如寫幾句，比大家了解下真實的張記吧。
我可以好大大聲話，你們是找不到一間比張記更多活動，更提升學生潛能的學校了！！！至於張記的死讀書，那是陳年爛穀的事情了，現時的張記早已是另一番令外界大跌眼鏡的學校了。
好多家長關心張記功課多唔多，我話你知，比band2中學仲要小。到中三開始先會有小小讀書壓力，因為要選科要分班。中一中二基本就是開開心心過大年，平時少有功課，連暑假功課都少得可憐。
張記測驗考試多唔多？每個學期一次測驗一次考試，時間比較長，基本上要一個月先完成測驗和考試。因為學校會給學生更充足的時間去溫習每門課程。其他學校通常幾日搞定測驗考試，學生冇乜時間溫習好所有科目就要上考場，但張記這一點非常好，學生有足夠時間應付考試。
張記活動多唔多？我話你知，你找不到一間比張記更多活動的學校了！暫且不說眾多社團的小型活動，我就講講一年之間全校性的大型活動吧。
從暑假開始，四社就搵人練跑練水，只要有興趣任何人都可以參加訓練。四社拉拉隊開始集訓，9月水運會，10月陸運會，不但是體育比賽，還是啦啦隊大顯身手的時間。
10月尾學生會搞鬼屋玩，所有同學都可以自告奮勇去扮鬼，而入鬼屋玩的同學仔必須自行4人一組預先報名。鬼屋開心完。11月就進入測驗階段。
11月有代表班級的廣告設計比賽，每年都有一個廣告主題，每班學生根據主題自己創作一分鐘廣告內容，自編自導自演，包括各式道具服飾，都由學生自行解決。代表班級進行年級組比賽，優勝班級將會在聖誕聯歡會上表演。
12月有音樂嘉年華，以班級形式在年級組中進行比賽。基本都是全班登台表演。亦是學生自編自導自演，非常考驗同學間的合作性。舊年高年級組的全班k pop，看到短片簡直大跌眼鏡，精彩是一回事，要動員全班去排一出k pop，絕非易事。
12月尾聖誕聯歡會，是日學生唯一一次穿便服的大日子，不過校規甚嚴，不允許學生穿裙子，要求學生衣著樸素。是日學校各樂團表演，廣告比賽贏出者表演等。之後班內開party。
1月，狂歡後要搏命讀書，一月幾乎整個月都是上學期期終考試。
考試之後通常就是新春假期。
2、3月有些什麼活動，一時想不起來，等明年再來匯報。
4月開始就有歷史人物扮演比賽。也是班級形式舉行，但只限2-5年級參與。同廣告設計比賽一樣，都會有一個主題，前年是劉邦，舊年是丘吉爾，題材自己選擇，好似話劇那樣很多同學登台表演，勝出班級會在6月尾7月頭的試後活動周表演。角色小至宮女大至皇帝都有戲服有頭飾有妝容，絕對不是小兒科玩玩下。
5月份dse完咗之後，就會有singing con.和服裝設計比賽，兩者都是自行報名參加。singing con分獨唱和5人以下的合唱組別，5月是初賽，勝出者會在試後進行決賽。 服裝射擊比賽必須有模特，有5、6同學一起參與設計、製作，過程中都要遞交設計圖案，製作過程亦要跟進，最後由模特行T台展現設計的服裝。并頒發冠亞季軍獎杯。
6月學年大考。考完試后活動周，專門一日是歷史人物扮演優勝班級的表演。又專門一日是singing con的決賽，通常會請校外專業人士來做評委。王菀之是校友，聽說早些年還曾回校做評委，當然這些年是請不到了。
7月暑假，啦啦隊員排舞，喜歡運動的學生開始練跑練水。
你還能說，張祝珊是死讀書嗎？我是家長，我就是因為外界讀書辛苦的名聲才選擇的張記，怎知張記是不讀書的，讀書全靠學生自覺。
至於張記的老師，很多好老師，跟學生做朋友，同學生好friend。當然間間學校都有不討喜的老師，張記亦是，廢柴老師一樣有，睇自己仔女的運氣。張記的中文教育抓得緊，因為全港總體中文水平太差；反而英文冇乜抓緊，可能學生資質好的緣故，不過校長今年開始注重抓英文能力，為學生提供多種去英文國家交流的途徑。
作者: heiB 時間: 14-12-15 09:49
回覆 囡囡好媽媽 的帖子
好多謝囡囡好媽媽的資料。請問多不多張祝珊學生由炮台山行路上學呢?比較担下雨天。我知學校有校巴，是怎樣走的?學校不需留校午膳，通常去那裡午膳，夠時間去午膳嗎?價錢貴嗎?還有張祝珊好似沒有視藝科，是嗎?
對不起，太多問題，因老師推介小朋友入讀這校，但我又有以上的担心。
作者: 囡囡好媽媽 時間: 14-12-15 17:37
我估三分二學生都是從炮台山行上去，其實好短路程，慢D10分鐘，快d7分鐘就到。
校巴往東面行走，如果你住東區，就有校巴坐，但好貴，比較少人搭校巴。
中一學生必須在校午餐。中二以上自由選擇，可落街食，可叫外賣，可學校小賣部買餐，可飯公司散買，形式好多，你無須擔心。外賣通常在25蚊上下，落街就冇定數，有平有貴自由選擇。山下就有麥記，kfc,吉野家，超市等，十分方便。
你聽邊個講冇視覺藝術課？他們的視藝科不要太深了！我女女成日都為此傷腦筋。而且有陶藝製作，好好玩。分上下學期，一半視覺藝術科，一半家政科。
張祝珊算是東區最好的男女校，又冇宗教。其實小朋友無須太擔心，他們會自己處理好。
作者: laiping 時間: 14-12-15 20:53
回覆 囡囡好媽媽 的帖子
其實好少張記家長响呢度為張記發聲！多謝你！我呢幾年聽好多師弟師妹講今日的張記和昔日好大分別！奈何好多人還是停留在昔日梁校長的年代，講真，連阮校長都退休了，但是....可能梁校長昔日的年代太‘深入民心‘！
現在係新高中學制年代，試問它又怎能靠死讀書？莫非它可以置‘其他學習經歷‘於不顧嗎?
作者: 囡囡好媽媽 時間: 14-12-16 01:49
回覆 laiping 的帖子
原來是我女女的大師姐，失敬失敬！
我都覺得很奇怪，咁大間學校，又是港島區數一數二的男女名校，竟然好少家長發聲。亦令外界對張記的誤解咁多年都未有改變。這也是我出來發聲的原因。
雖然張記有死讀書的惡名，但冇這樣的惡名，張記學生又點會有被人刮目相看的榮耀？我好感謝前輩們為張記辛苦建立的名聲，我女走到哪裡，只要一講是張祝珊的，無不受人誇讚。哪怕她成績平平，但在人眼中也被戴上讀書好勁的光環。
而我是期望女女用心讀書才選擇的張記，但點知真實的張祝珊跟外界傳聞的大相徑庭。我反而有些失望，活動太多，學生又怎會有心思讀書。
作者: heiB 時間: 14-12-16 10:00
回覆 囡囡好媽媽 的帖子
你的資料好有用。再仔細看看中學概覽和張祝珊的公開考試成績，原來張祝珊中四至中六是沒有視藝科的。
作者: laiping 時間: 14-12-19 10:19
回覆 囡囡好媽媽 的帖子
我何止係大師姐？直頭係老師姐！
我在梁校長年代成長，好明白其他人眼中點睇張記！但無可否認，張記真的高手林立，我讀書年代每年都有學生在會考或高考攞全A！我女當年由小六升中一時(兩年前)，佢地全班小六同學仔，最少暑期功課的竟然係升張記的！嚇死我！
我諗，有咁多勁人，使乜迫佢地做咁多功課，因為個個都會自動波的！
作者: 囡囡好媽媽 時間: 14-12-21 02:37
回覆 laiping 的帖子
老師姐，你地泥地前輩真係好值得後輩敬仰。前2年仲系阮校長年代，有次assembly佢鬧學生就話，“你地要將師兄師姐們辛辛苦苦創建的榮譽都毀於一旦了！”我聽女兒覆述時都不禁動容，看起來他們都是走著前輩們鋪定的路，享受這你們為他們留下的榮譽感啊！
我因為工作關係，接觸到很多他校學生。感覺張祝珊令舍不同。我接觸過很多band1尾同band2頭學校的學生，功課多到癡線，晚晚要搞到下半夜，暑期功課喺成疊成疊上。但我女兒平時常常沒有功課不論，暑期功課就是寫兩篇作文，睇三國演義。我常跟女兒探討呢個問題，功課都冇，考試都是怎樣考的？老師太勁跟不上節奏，老師太廢又不願意聽書，點解逢考試又有甘多叻人無師自通？我個人認為他們的測驗、考試機制非常好，給予學生足夠時間溫習每一科。我女兒亦都養成自己睇書自己消化的習慣。學習能力提升咗。
再者是戀愛問題，張記一貫政策是既不支持也不反對。但學校忠告學生應該有更廣闊的社交圈子，而不是著眼某個人。嚴禁學生著校服做出親熱舉動等等。學校都有不少學生拍拖，但似乎對學業冇造成影響，亦極少有學生在公眾場合做出不雅行為。因為學校活動非常多，高年級跟低年級學生的互動多，所以跨年級拍拖的現象較多。他們會一起放學，一起食飯，一起溫書，男仔同時又教埋女仔，女仔成績仲飛躍性進步。我鬧我個女，人地掛住拍拖成績都好過你，我女就反問我，係咪要搵個高年班男仔拍拖幫佢補習？我就即刻收聲唔敢鬧佢。
仲有超和睦的師生關係。老師同學生做好朋友，忘年交，我想都不敢想。有些老師在學生中口碑甚好，超好人。學生冇嘅嘢，老師買比佢。學生拍片，老師會參演角色，同學生夾band，出去旅行，等等。當然差的老師也難免。
我個人感受，學校內叻仔叻女好多，拍拖的並非不讀書，佢地可以做到兩不誤，超勁。老師大多nice，校園生活基本上都會好開心。
但我始終覺得，冇之前梁校長年代那麼勁了吧？畢竟是一分耕耘一分收穫。
作者: 囡囡好媽媽 時間: 14-12-21 02:44
回覆 heiB 的帖子
好似喺喎，我都不清楚。如果想喺視覺藝術方面修學分的，可能不適合讀張祝珊呢。大概是極少有人揀這一科吧？
作者: chingbb 時間: 14-12-24 14:36
囡囡好媽媽 發表於 14-12-21 02:37 
回覆 laiping 的帖子
老師姐，你地泥地前輩真係好值得後輩敬仰。前2年仲系阮校長年代，有次assembl ...
但睇完你們的回覆, 令我可以計劃下年一定要帶囡囡去"簡介會"!
謝謝!
作者: Daddle 時間: 14-12-24 23:14
chingbb 發表於 14-12-24 14:36
很多謝囡囡好媽媽和其他的回覆~坦白講, 張祝珊真是太"深入人心"了! 我囡囡現在小五, 要呈分, 揀學校, 所以 ...
作者: gsrover 時間: 14-12-30 12:37
我跟太太都係梁校長後期年代的畢業生，而家有小朋友黎緊小學，將來都會比佢揀張記。
我諗同梁校長的年代比，會放鬆左小小，但係將成績放響第一位， 到現在的區校長都唔會作出大改變。特別係而家DSE，同埋全級百幾人上大學，個成績同入大學率都變得十分透明。以前5個BAND，加上中六自校生都係頂尖學生， 基本上100﹪入U的招牌手到拿來，相反較差的學生的成績唔會好覺眼。呢幾年啱啱開始DSE，入U﹪在60﹣7X﹪上上落落（全港只得SPCC100﹪，其他名校都係50﹣70﹪），學校都好注意呢方面。我諗黎緊會緊D成績（呢排有同現職老師交流過）。
我會咁睇，NO PAIN NO GAIN，放響讀書的時間同心機一定唔會少， 輕輕鬆鬆又有好成績，萬中無一。CCSC俾到你會係一個良好的讀書風氣，一班良師益友，公開試的好成績，而中間你有個人的發揮，例如音樂，美術，呢D你自己要好好計劃一下，學校都好NEUTRAL，唔係要你讀死書，但係你要發展讀書以外的事情，就要主動一D。
作者: laiping 時間: 14-12-30 14:09
回覆 囡囡好媽媽 的帖子
你也講得好仔細！講真，我細仔來緊升中，如果佢成績標青的話，我都會考慮張記！但真的要睇佢做化！今日响香港讀書仍然是成績行先，讀書風氣好的學校絕對係我們的首選！
作者: avislai 時間: 15-1-4 18:15
想請教:1. 明年中一會開多少班? 4/5班?
2. 聽說自行收生就算成績好, 操行也要A- 或以上才會收, 如果小兒成績好但操行只得B+, 是否完全沒有機會?
作者: ET.UFO 時間: 15-1-5 07:17 標題: 引用：Quote:chingbb+發表於+14-12-24+14:36+很多
原帖由 Daddle 於 14-12-24 發表
小心D先，那位家長所說張記多姿多彩的學校生活，細心睇真D，其實只是一些中學生的校內小玩意，完全不是現今 ...
作者: gsrover 時間: 15-1-5 11:51
ET.UFO 發表於 15-1-5 07:17
是的，那些活動梁校長年代已經有了，無大改變
作者: chanyukyan 時間: 15-1-5 16:02
我都想知 ( 2015-2016 年度) 中一會開多少班? 4/5班?
作者: 囡囡好媽媽 時間: 15-1-10 18:28
多謝各位留言。
梁校長年代系點，我真係唔知。而家女女從阮校長時代轉入歐校長時代，感覺紀律方面更加嚴厲，比如遲到要計black mark一次，并要降低操行分，好得人驚。其他變化就好少。
至於有前輩話個人的多元化發展，系張記新生是要強制性參與一人一才藝計劃，報讀有關才藝課程，從樂器到運動到藝術，任君選擇。上左f2就冇規限。校內的社團眾多，小女在f1-f2期間就參加了什麼中文辯論隊，演講隊，合唱團，中樂團，籃球隊、紅十字會，還有射箭，書法班，奧數班等等，都是校內舉辦的。每晚不到天黑見不到人影，好在學校基本沒有功課，也讓她有盡展所長的時間和空間。經過一年洗練，上了f3我為女女削減了這些多元化發展的項目，保留主要的運動和音樂各一項。
學校西樂、中樂、合唱、藝術等團體一應具有，不過並不是學校的強項。學校比較注重體育賽事，田徑隊十分厲害，訓練也跟到足。
至於有前輩提到的“谷”，一個連功課都少有的學校，谷字又如何體現呢？近年已有不少家長向學校反映，功課太少，學業太鬆散，學校都跟家長溝通，要比學生更多時間空間。而我亦因工作關係接觸好多他校中學生，都是趕功課日日趕到半夜12點冇得瞓，我就不免覺得好彩，至少女女有足夠時間睡眠，保證健康成長。
最令我滿意的是他們的測驗、考試制度。學校預留了大量的時間給學生自主學習。測驗歷時二個月，在授課期間進行，平均一星期測2課；考試也要大半個月，考之前有長假，期末是返半天，考試基本一日一課，有大量時間溫書，學生並不辛苦，而對知識的掌握也更加充分。但其他學校都是一個星期或二個星期搞定，一天考幾課，學生都是挨通宵去應付考試，相比來說，張記這個制度是最令我滿意的。
作者: 囡囡好媽媽 時間: 15-1-10 18:48
回覆 avislai 的帖子
明年應該是開5班，我自己計算的，具體還是上學校網址去看看學校公告比較穩陣。自行收生，如果你小朋友有全級前三名，就有希望。因我女入讀的那屆，自行收的幾乎都是全級頭三。多數都是統一派位睇彩數。
作者: 囡囡好媽媽 時間: 15-1-10 18:49
也不要把張記想象得太厲害，自從新高中制以後，張記的生源質素也在下降，學校是要被強制收錄問題學生的。以我所知，兩極分化的現象也頗嚴重，叻的學生叻到飛起，差的學生留級復讀比比皆是。
現時社會貧富差距增大，而張記是一間平民化學校，家境好的學生會被窮到窿的學生仇視、排擠也時有發生，加之現時問題學生頗多，聽我小女講，上屆dse剛畢業的就有一個癲佬，成日唔讀書系網上蝦低form小朋友，上堂就瞓覺，老師都拿佢冇辦法。聽講而家某年級的問題學生特別多，而跨年級拍拖也很多。
作者: greenapple1093 時間: 15-1-10 19:12
十分感謝妳的分享，我細仔今年中一，絕對贊成你所說測驗及考試制度，同學有充足時間去準備考試。另外，活動及比賽多的是，以我所知，高中同學有機會參予年宵。請問你那年級學生問題特別多？
作者: falafala 時間: 15-1-10 21:50
本帖最後由 falafala 於 15-1-10 21:52 編輯
囡囡好媽媽 發表於 15-1-10 18:49
也不要把張記想象得太厲害，自從新高中制以後，張記的生源質素也在下降，學校是要被強制收錄問題學生的。以 ...
我對張紀也有一些認識，就我所知談一下吧。
1.特殊學生是自己考入去的，確是BAND 1學生。
2.學生的貧富差距確不少。但小女認識的富學生，都很低調，也如其他同學一樣叫外賣，吃快餐。如果有被排擠的情況，相信是個別學生的人際相處技巧有問題，而非因家境。
3.學校每年都會向學生發出問卷，調查他們的情緒與壓力狀況，方便老師跟進輔導。如某年級問題較多(如中三)，下學年(中四)會安排雙班主任，加強輔導工作。通常中三年紀較反叛，中四未適應高中課程，多在這兩級有雙班主任。
作者: gsrover 時間: 15-1-12 16:29
囡囡好媽媽 發表於 15-1-10 18:49
”跨年級拍拖也很多“
作者: chingbb 時間: 15-1-16 10:56
囡囡好媽媽 發表於 15-1-10 18:49
也不要把張記想象得太厲害，自從新高中制以後，張記的生源質素也在下降，學校是要被強制收錄問題學生的。以 ...
今年CCS 45周年校慶, 會不會有OPEN DAY?
上次的中一簡介會錯過了, 所以希望有儘快可以去參觀下, 不用等今年尾!!
作者: falafala 時間: 15-1-16 23:10
本帖最後由 falafala 於 15-1-16 23:10 編輯
chingbb 發表於 15-1-16 10:56
HI! 囡囡好媽媽 and all,
今年CCS 45周年校慶, 會不會有OPEN DAY?
上次的中一簡介會錯過了, 所以希望有儘快 ...
作者: avislai 時間: 15-1-16 23:22
回覆 囡囡好媽媽 的帖子
謝謝您的回覆. 因小兒成績只是全級頭十, 加上班主任說張記少參加科學比賽和很嚴很谷, 勸我選其他中學, 所以仍心大心細!
作者: falafala 時間: 15-1-18 01:29
avislai 發表於 15-1-16 23:22
回覆 囡囡好媽媽 的帖子
謝謝您的回覆. 因小兒成績只是全級頭十, 加上班主任說張記少參加科學比賽和很嚴很 ...
作者: avislai 時間: 15-1-18 14:29
中西區普通小學全級第九，奧數一等獎有沒有機會？
作者: Lutherkam 時間: 15-1-18 21:26
avislai 發表於 15-1-18 14:29
中西區普通小學全級第九，奧數一等獎有沒有機會？
http://www.edu-kingdom.com/home.php?mod=space&uid=890144&do=blog&id=52462
作者: chingbb 時間: 15-1-19 15:47
falafala 發表於 15-1-16 23:10
45周年校慶活動已於上學年圓滿結束。
作者: falafala 時間: 15-2-15 07:34 標題: 回覆：張祝珊英文中學交流區
今日張祝珊家長日，部份校園開放。9:00-3:30，有學生搞的茶座，又有校刊可供購買。
作者: falafala 時間: 15-2-15 07:35 標題: 回覆：張祝珊英文中學交流區
今日張祝珊家長日，部份校園開放。9:00-3:30，有學生搞的茶座，又有校刊可供購買。
作者: doleeme 時間: 15-3-29 21:39
回覆 囡囡好媽媽 的帖子
想問老師是否唔係點教書，任憑學生出外補習或自修？
作者: kongchiki 時間: 15-4-29 15:53
提示: 作者被禁止或刪除 內容自動屏蔽
作者: doleeme 時間: 15-6-22 09:53
本帖最後由 doleeme 於 15-6-22 09:53 編輯
thanks for sharing
作者: winniecws 時間: 15-7-7 00:07 標題: 引用：我估三分二學生都是從炮台山行上去，其實好
原帖由 囡囡好媽媽 於 14-12-15 發表
我估三分二學生都是從炮台山行上去，其實好短路程，慢D10分鐘，快d7分鐘就到。
校巴往東面行走，如果你住東 ...
步行由地鐵上去大約十分鐘？背了重重的書包上山會很吃力嗎？
| 歡迎光臨 教育王國 (/) |
Powered by Discuz! X1.5 |