教育王國

標題: 好勝唔輸得小孩啱讀邊類小學 [打印本頁]

作者: boyboy_mama 時間: 13-8-7 12:53 標題: 好勝唔輸得小孩啱讀邊類小學

小兒好勝心重，唔服輸，輸咗冇哂鬥志，即刻放棄，應該啱讀邊種學校?

作者: NeoMom 時間: 13-8-7 12:57

建議多給他參與運動特別是團體性的如足球, WIN下輸下慢慢就會領會輸贏不是什麼大事

作者: ozoz 時間: 13-8-7 13:04 標題: 引用：小兒好勝心重，唔服輸，輸咗冇哂鬥志，即刻

原帖由 boyboy_mama 於 13-08-07 發表
小兒好勝心重，唔服輸，輸咗冇哂鬥志，即刻放棄，應該啱讀邊種學校?

你倒不如比時間去提升佢抗跌力啦。有鬥心係好，只要適當運用，加埋抗跌就做乜都得，讀乜都得。

作者: boyboy_mama 時間: 13-8-7 13:08

多謝你的建議其實一直都有參加
唔知係咪性格生成
以前好似冇咁嚴重

作者: KHbaby 時間: 13-8-7 13:25 標題: 引用：小兒好勝心重，唔服輸，輸咗冇哂鬥志，即刻

原帖由 boyboy_mama 於 13-08-07 發表
小兒好勝心重，唔服輸，輸咗冇哂鬥志，即刻放棄，應該啱讀邊種學校?

好明白你，因我仔仔就是這樣。好烦！同佢参加籃球，第一堂發現自己做得唔好就立即放棄，唔肯再去。仲自己比好大壓力自己，佢一諗起就唔開心，仲食唔落野。我已經時時安慰叫佢不要做最叻，只是去玩吓就算。但佢都係咁性格。所以我都好烦！

作者: hadwinboy 時間: 13-8-7 13:46 標題: 引用：Quote:原帖由+boyboy_mama+於+13-08-07+發

原帖由 ozoz 於 13-08-07 發表
你倒不如比時間去提升佢抗跌力啦。有鬥心係好，只要適當運用，加埋抗跌就做乜都得，讀乜都得。

...

同意，訓練了抗跌力先，因為讀乜學校都會有學習或訓練的時候。我個仔開頭參加圍棋比賽一輸就大喊，喊得超淒厲，到輸多幾次便放開些，有唔開心但冇再喊. 有時放開了輸贏反而更能 enjoy過程而有更佳 result。所以我的方法是令他「習慣輸」，但不知用在你小朋友身上是否 work.

作者: Jessy 時間: 13-8-7 13:48

同佢捉多d琪, 玩多d uno呀, 大富翁, 等佢多d試下輸的感覺.

我覺得好勝的小朋友如果正面的話, 讀傳統學校一定會有很好成績, 因為他要面子又要威, 唔駛逼都會為成績而努力讀書吧!!!

作者: hadwinboy 時間: 13-8-7 13:54 標題: 引用：Quote:原帖由+ozoz+於+13-08-07+發表你倒不

原帖由 hadwinboy 於 13-08-07 發表
同意，訓練了抗跌力先，因為讀乜學校都會有學習或訓練的時候。我個仔開頭參加圍棋比賽一輸就大喊，喊得超淒 ...

補充：我個仔圍棋依然差，比賽仍然輸多過食飯，但他又會不斷要求去比賽.....

作者: ozoz 時間: 13-8-7 14:22 標題: 引用：多謝你的建議其實一直都有參加唔知係咪性格

原帖由 boyboy_mama 於 13-08-07 發表
多謝你的建議其實一直都有參加
唔知係咪性格生成
以前好似冇咁嚴重

我做ftm後,用一年同佢一齊提升抗跌力。每次派評估，成績表甚至功課，同佢由做啱嘅開始睇，問佢點解做得好，秘訣係乜，自己優點係乜？eg 大肌肉好高分，因為有運動又食得健康，之後睇d唔好嘢，傾下用d長處點可以令缺點進步。答錯嘅，點先可以做返啱？佢會好開心，因為自己有優點，欣賞咗先，之後將缺點進步，再傾下＂action plan"。比賽前同佢傾下win會點，無win又點etc . 用呢幾個方法，大約一年後有d效，佢終於輸咗無大喊（頂多2滳眼淚而已），反而同我講，我要咁咁咁做，下次再有機會，我可以叻d嘅。

你當參考下，試下喺你小朋友身上有冇效。

作者: nadal 時間: 13-8-7 16:55

多口答句，"唔服輸"的人一定唔會一輸就放棄

一輸就放棄的小朋友唔係好勝心重，唔係唔服輸，更加唔係有鬥心
反而係怕輸，唔輸得，所以一輸就逃避

多參加比賽「習慣輸」對他們幫助也不大，
反而要幫佢地明白唔應該用比賽贏輸作為自我價值指表

作者: happy_lavender 時間: 13-8-7 17:30

ozoz 發表於 13-8-7 14:22
我做ftm後,用一年同佢一齊提升抗跌力。每次派評估，成績表甚至功課，同佢由做啱嘅開始睇，問佢點解做得好， ...

我和你的做法幾接近，我個仔都唔輸得，我就和他做檢討，先讚佢做得好和有進步的地方，讓他有興趣聽我講；再引導他和自己比較，不斷求改進！不到一個月已見效，不但不會悶悶不樂，更主動要求我和他練習，我便乘機教他擬定時間表，設定練習目標。

當然，每個小孩的性格不一，所能接受的方法也不同，別人的經驗只可作參考！但重點是了解性格，再以關愛友善的態度引導孩子，切忌急燥及批評。

作者: lin624 時間: 13-8-7 18:46

現在這環境不是適不適合的問題，而是考到先算……
你要的，人哋唔要你
你覺得唔適合嘅…偏偏收左你

作者: boyboy_mama 時間: 13-8-8 00:28

nadal 發表於 13-8-7 16:55
多口答句，"唔服輸"的人一定唔會一輸就放棄

一輸就放棄的小朋友唔係好勝心重，唔係唔服輸，更加唔係有鬥心 ...

我諗我小朋友係你講個類，唔輸得，怕輸

作者: boyboy_mama 時間: 13-8-8 00:30

回復 lin624 的帖子

係好慘嘅現實

作者: 786 時間: 13-8-8 08:24 標題: 引用：多口答句，"唔服輸"的人一定唔會一輸就放棄

原帖由 nadal 於 13-08-07 發表
多口答句，"唔服輸"的人一定唔會一輸就放棄

一輸就放棄的小朋友唔係好勝心重，唔係唔服輸，更加唔係有鬥心 ...

Agree

作者: nadal 時間: 13-8-8 10:33

性格絕對係主要原因，但係都要留意有冇唔覺意過度讚賞

以前家長鬧多讚小，但現今家反而好容易讚得太多，尤其係小學前
前面有家長講得好好，應該學enjoy過程，同佢傾下win會點，無win又會點。。。

贏輸當然重要，但唔係最重要囉

作者: alcwho 時間: 13-8-8 10:34

請問是否獨子？家裡每個人都百般愛護？

作者: sarahli2011 時間: 13-8-8 10:39

提示: 作者被禁止或刪除內容自動屏蔽

作者: sarahli2011 時間: 13-8-8 10:40

提示: 作者被禁止或刪除內容自動屏蔽

作者: MCLIAN 時間: 13-8-8 10:58 標題: 引用：多口答句，"唔服輸"的人一定唔會一輸就放棄

原帖由 nadal 於 13-08-07 發表
多口答句，"唔服輸"的人一定唔會一輸就放棄

一輸就放棄的小朋友唔係好勝心重，唔係唔服輸，更加唔係有鬥心 ...

對，比赛前我會跟孩子定下目標，如跑步自己目標時間，打乒乓球取得一局幾多分(但那目標分數試過可以是一局都贏不到對方)，校際音樂節有信心拿多少分等，總之是強調通過參與來提升自己的能力和經驗，達標已ok, 名次是bonus,但準備時要認真，不要因没認真準備而後悔。不過孩子的老師未必同意我這樣做。

作者: Jessy 時間: 13-8-8 11:12

MCLIAN 發表於 13-8-8 10:58
對，比赛前我會跟孩子定下目標，如跑步自己目標時間，打乒乓球取得一局幾多分(但那目標分數試過可以是一局 ...

咁孩子的老師覺得應該點樣做呢??

我都傾向有盡力就可以, 最緊要認真去準備, 結果及名次不要太著眼.

作者: Ronnym 時間: 13-8-8 11:25

本帖最後由 Ronnym 於 13-8-8 11:26 編輯

boyboy_mama 發表於 13-8-7 13:08
多謝你的建議其實一直都有參加
唔知係咪性格生成
以前好似冇咁嚴重

我大仔以前都係咁~
校長SUGGEST我地同佢玩智力GAME, 捉祺,
最緊要佢輸..

玩左2年~ 已經改善好多~
試下丫~

我覺得呢個ISSUE 唔關搵邊類小學既事...

作者: hecabb 時間: 13-8-8 11:38 標題: 回覆：好勝唔輸得小孩啱讀邊類小學

怕輸可能係自信心低嘅表現，多啲鼓勵佢參與，教佢重視過程多於結果，大人有時一開口就講結果先，例如：＂嘩，你跑第一喎，好叻呀！＂或者＂輸咗唔緊要＂，我覺得要小朋重視過程，家長應該先重視過程先，例如可以講，＂嘩，頭先我覺得你做得好好，好努力去比賽呀！無論輸贏，我都覺得你好叻！＂
要比小朋友覺得無論佢叻唔叻，父母都係咁欣賞佢，佢自然肯去嘗試，對輸贏冇咁執著。可能少咗心理壓力，贏得仲多

作者: CutieHeart 時間: 13-8-8 12:28

回復 hecabb 的帖子

非常認同你既講法, 但有時係d大人無意中比左d壓力個小朋友而不自知, 特別係當果d係其他大人(祖父母或其他親戚), 咁就好難控制!

作者: edea 時間: 13-8-8 14:01 標題: 引用：回復+ozoz+的帖子 ftm系乜啊?+我仔都5輸得

原帖由 sarahli2011 於 13-08-08 發表
回復 ozoz 的帖子

ftm系乜啊? 我仔都5輸得, 老師話下還可以, 同學話下就一定5得拉…唉…都5知點算 ...

Ftm = full time mother 全職媽媽，沒有工作

作者: sarahli2011 時間: 13-8-8 14:31

提示: 作者被禁止或刪除內容自動屏蔽

作者: 四隻貓 時間: 13-8-8 15:12

我仔四歲, 就係同樓主仔仔一樣, 一輸就放棄, 又唔接受批評....
一般唔太熟既都以為我地縱佢, 唔鬧只讚, 但事實唔係0甘...
我大女細個都有少少唔輸得, 但玩下uno 捉下棋慢慢就輸得起. 呀仔一樣教法但就反應大好多, 主要都係天生性格影響.
我都係用大家既方法, 同佢捉飛行棋大富翁( 一打佢返大陸佢就發爛搶走粒"息"仔) , 俾佢參加足球班, 運動班, 多同佢每次賽後檢討...
暫時無大起息, 希望慢慢會有改變啦.

作者: MCLIAN 時間: 13-8-8 15:13 標題: 引用：Quote:MCLIAN+發表於+13-8-8+10:58+對，比

原帖由 Jessy 於 13-08-08 發表
咁孩子的老師覺得應該點樣做呢??

我都傾向有盡力就可以, 最緊要認真去準備, 結果及名次不要太著眼.

我有聽過老師說參加得比賽就要想贏，我估老師是想孩子鬥心大一點，而且最後孩子無赢都冇責備，但我估老師唔想我把目標set得太低，不過我不想孩子把輸贏等同成與敗。

作者: Jessy 時間: 13-8-8 16:04

MCLIAN 發表於 13-8-8 15:13
我有聽過老師說參加得比賽就要想贏，我估老師是想孩子鬥心大一點，而且最後孩子無赢都冇責備，但我估老師唔 ...

老師的方法對於很有鬥心的小朋友或會有用, 不過如果清楚自己小朋友的性格, 就更應用適當的方法去引導他.

作者: Jane1983 時間: 13-8-8 16:30

吾輸得，其實好多小朋友都會有，但一輸就頹就難搞d。

多d講道理會有用。

作者: 喵媽 時間: 13-8-8 16:51

本帖最後由喵媽於 13-8-8 16:52 編輯

同意輸得多就會改善!
因之前聽過朋友由細開始玩什麼都讓小朋友贏, 所以佢小朋友就唔輸得, 一輸就發脾氣!
所以我地從仔一開始識玩益智遊戲都唔會讓佢, 但之後開始讓佢少少等佢冇輸咁多, 之後阿仔開始玩得叻老公就會讓佢贏, 我仍然係唔讓會贏佢. 佢就由尾變第二, 就會好開心同更努力, 到最後佢真係玩到我地認真都唔夠佢玩, 變成第一. 從中同佢講天外有天, 好多人仲叻, 但只要努力不放棄, 終有成功既一日!

作者: boyboy_mama 時間: 13-8-9 11:46

細時覺得我個仔無乜信心，樣樣都唔想試，所以好多時玩乜都俾佢贏，依家佢好多嘢都敢試嘞，但唔知係咪咁養成咗唔輸得嘅心態，唉！

作者: loveDD 時間: 13-8-9 12:32

boyboy_mama 發表於 13-8-9 11:46
細時覺得我個仔無乜信心，樣樣都唔想試，所以好多時玩乜都俾佢贏，依家佢好多嘢都敢試嘞，但唔知係咪咁養成 ...

會唔會係自信心問題呢? 你有無經常因為怕危險會叫小朋友唔好做依樣唔好做嗰樣?

歡迎光臨教育王國 (/)