教育王國

標題: 真心請教ex-維多利亞家長有關升小問題 [打印本頁]

作者: mamaishere 時間: 13-8-3 07:48 標題: 真心請教ex-維多利亞家長有關升小問題

之前係幼稚園版發同一帖, 但可能這邊小學版的家長會俾到更多意見, 非常感激~

本人小朋友會升維記K1。想請教你哋維幼學生考直資私小會較困難嗎？聞說這幾年學校已加深課程方便接小一，是真的嗎？我不會打算升維小因為離屋企太遠，但很喜歡維記的理念和活動教學，所以希望課程不會和其他幼稚園差太遠影響考小學。

另外，你哋有需要額外補中英數嗎？我不是一個谷的媽媽，如程度拍得住其他幼稚園我不鼓勵長期進補。只是過份淺的話會先考慮加強。我只係怕小朋友連叩門做卷也坐不定, 又或是揸筆寫字(尤其是中文字)會真係寫不出來。

多謝指教！

作者: kinder.bb 時間: 13-8-3 11:49

首先要講，我個小朋友今年先升K3. 而由K2 下學期開始，學校已安排有小學老師一星期來校一次，教一啲小學既野，如上堂情況，生字等；而課程的確多咗好多野，如中英文生字。但老實話，如比起一般橾開既幼稚園，可能仲差啲。但睇你點睇，好似佢教小朋友寫自已個名，佢唔係死抄果種，而係有好多唔同型式既投票，如"你最喜歡的天氣，動物或運動", 叫小朋友寫番自已個名上去，就係咁，個學生其實不自覺地練緊寫自已個名。
然而，的確，大部份家長都比小朋友在外學野，而且自已亦放好多心機教個細路。
至於升小，當然不反一條龍幼稚園優勢。而你可睇番佢每間校舍既post, 差不多70%畢業生，都係升私小或直資小學。如果唔係，都係一啲比較出名既政府小學。

作者: musicien 時間: 13-8-3 12:22 標題: 回覆：真心請教ex-維多利亞家長有關升小問題

其實維記程度唔淺不過唔著重抄寫強記。我覺得自學能力高嘅小朋友得益較多。我仔在k2認到好多中英文字。家長要有多嘅input.每星期有書本帶回家亦有功課要家長一起完成。但學校對考小一support好低。成績表唔會特別就，今年開始有reference letter but只有一封。

作者: littlesophie 時間: 13-8-3 14:53

維記的教學是以鼓勵發問和用日常生活學習。而且需要很多家長的參與，如果家長沒有回家陪讀，沒有做閱讀報告，沒有做網上練習，沒有按學校指示做發音練習，當然跟不上，但是維記家長一般會願意花時間和孩子做project，所以k3的學生程度一點都不差，而且英文更加已經懂得都些程度比較深的書。維記考生一般考直資成功率很高，就算考不到，叩門成功率非常高，今年有同學叩到軒小，st joseph等等。。。。

作者: mamaishere 時間: 13-8-3 14:56 標題: 引用：首先要講，我個小朋友今年先升K3.+而由K2+

原帖由 kinder.bb 於 13-08-03 發表
首先要講，我個小朋友今年先升K3. 而由K2 下學期開始，學校已安排有小學老師一星期來校一次，教一啲小學既 ...

維幼課程其實設計得好有心思！奈何香港整個大氣候未能令家長完全地相信學校，只要一比較淺就不安。真希望有一天IB課程能被社會重視，唔好再有周街補習成風，課程鬥深嘅現象發生！

作者: mamaishere 時間: 13-8-3 15:44

littlesophie 發表於 13-8-3 14:53
維記的教學是以鼓勵發問和用日常生活學習。而且需要很多家長的參與，如果家長沒有回家陪讀，沒有做閱讀報告 ...

多謝你支強心針! 我是九龍區的, 知道CWB同HH校應該track record最好, 希望九龍都一樣啦~ 近年升小好大壓力, K1都未開始讀已經驚緊 >.<

作者: littlesophie 時間: 13-8-3 18:18

回復 mamaishere 的帖子

就算到最後叩門，除非家長不熱心安排，否則大部分都叩到心儀學校。維記品牌在小學區是有名望喔。

作者: lin624 時間: 13-8-3 18:30

但是要注意，維記幼稚園不保證直上維記小學，(且比例很大)

作者: littlesophie 時間: 13-8-3 20:30

不過中途很多維記幼稚園學生會放棄維小，所以如果是waiting list，最後成功機會非常大

作者: Jane1983 時間: 13-8-3 20:55

一個4萬幾的保險（收左要交的deposit），真係幾貴。

作者: talent2000 時間: 13-8-3 22:05

提示: 作者被禁止或刪除內容自動屏蔽

作者: mamaishere 時間: 13-8-3 22:44 標題: 引用：回復+mamaishere+的帖子就算到最後叩門，

原帖由 littlesophie 於 13-08-03 發表
回復 mamaishere 的帖子

就算到最後叩門，除非家長不熱心安排，否則大部分都叩到心儀學校。維記品牌在小學 ...

好開心呀！開咗呢個topic估唔到有咁多家長俾咁多正面嘅comments! 我哋都算係同一類型嘅媽媽，可能好多人覺得我哋好奇怪，而家唔開turbo先甜後苦遲D就知味道，但我相信小朋友在快樂不摧谷嘅校園長大，小班教學學習適齡嘅事物，應該是最健康的！好多謝你哋俾信心我呀！

作者: mamaishere 時間: 13-8-3 22:46 標題: 引用：一個4萬幾的保險（收左要交的deposit），真

原帖由 Jane1983 於 13-08-03 發表
一個4萬幾的保險（收左要交的deposit），真係幾貴。

係呀，真係好貴！想問下維小平均一個月學費幾錢？要$10000嗎？多雜費嗎？

作者: Jane1983 時間: 13-8-3 23:11

我無報維小呀！

作者: MissD 時間: 13-8-3 23:18 標題: 引用：Quote:原帖由+Jane1983+於+13-08-03+發表一

原帖由 mamaishere 於 13-08-03 發表
係呀，真係好貴！想問下維小平均一個月學費幾錢？要$10000嗎？多雜費嗎？

...

維小下年學費好似加到around $9.5K per month

作者: Jane1983 時間: 13-8-3 23:29

維記其實教得吾淺，有時同小朋友傾計，覺得佢地識的野幾深入，但真係吾操寫字，要在家寫吓copybook。

另外維記教phonics亦好好，我和小朋友準備Cambridge Starters，佢串字因為phonics的關係，好輕鬆的拿了好成績。求學問，能夠做得好，自己又輕鬆enjoy，真係好難得。

作者: littlesophie 時間: 13-8-4 00:45

回復 mamaishere 的帖子

K3 全日班才要8、9千一個月，K1,K2或是K3下午班就看哪家校舍，大概5，6千左右

作者: littlesophie 時間: 13-8-4 00:47

回復 mamaishere 的帖子

維小聽說連雜費要12000左右，而且每年出國交流活動有很多，真的挺貴喔

作者: talent2000 時間: 13-8-4 01:15

提示: 作者被禁止或刪除內容自動屏蔽

作者: mamaishere 時間: 13-8-4 05:48 標題: 引用：維記其實教得吾淺，有時同小朋友傾計，覺得

原帖由 Jane1983 於 13-08-03 發表
維記其實教得吾淺，有時同小朋友傾計，覺得佢地識的野幾深入，但真係吾操寫字，要在家寫吓copybook。

另外 ...

咁請問中文呢？聞說而家小一嘅中文程度深得好誇張，維幼英文我唔擔心，唔知中文會唔會太淺上到小學想追到追唔到？K3識寫詞語未㗎？中文無捷徑，唔似英文學咗phonics就拼得返出嚟。

作者: mamaishere 時間: 13-8-4 05:58 標題: 引用：給你們參考一下，當年小兒班同學已經就讀香

原帖由 talent2000 於 13-08-04 發表
給你們參考一下，當年小兒班同學已經就讀香港皇仁，LaSalle, St Joe, 華仁，SPCC等一流中学。佢哋共通點係s ...

好似話CWB campus升小record真係好強！但係咁多都係名津校，係咪好多爸爸係old boys所以有分加？抑或真係叩門嘅戰績呢？如果係叩門入就真係好勁喎!!!!

作者: mamaishere 時間: 13-8-4 06:01 標題: 引用：回復+mamaishere+的帖子維小聽說連雜費要

原帖由 littlesophie 於 13-08-04 發表
回復 mamaishere 的帖子

維小聽說連雜費要12000左右，而且每年出國交流活動有很多，真的挺貴喔 ...

真係好金！

作者: littlesophie 時間: 13-8-4 10:03

回復 talent2000 的帖子

非常同意

作者: littlesophie 時間: 13-8-4 10:06

回復 mamaishere 的帖子

這個要看看家長願不願意付出時間，維記有網上習作每日一遍和每星期閱讀報告，如果你認真和小朋友做，程度真的挺深的喔，肯定足夠應付考直資

作者: MrBeast 時間: 13-8-4 12:13

只是路過，如果target 傳統小學，家長又要involved to make sure 程度跟到，咁點解唔選擇掉換角色? kg takes care of 學術，父母就思考和啟發，小孩就無須上完天堂落地獄。

作者: josephine99 時間: 13-8-4 14:30

小朋友升k3, 中英普課程,維幼pn及k1學術不會太深,較著重肌肉及聽講方面,k2開始較重學術及較多功課, 尤其是閱讀及寫字. 星期一至三功課少,大部分功課由星期四開始分發好像讓家長與小朋友在星期六及日一同跟進. 本人認為維幼普通話課程好且偏深(家長要跟才識讀所有書大部分的字), 英文好(家長也要跟做閱讀報告活動), 中文正常(小朋友在學校學了可自行應付功課除剪報紙認寫字家長要跟), 數學較易. 我不知其他幼稚園如何, 你可問問其他幼稚園家長看看自己的要求, 有的朋友是喜歡每日都有一定功課量的, 但維幼k1不是太多的.

作者: josephine99 時間: 13-8-4 14:39

還有本人覺得學術、啟發、思考非可以分割的東西, 是一些連貫的概念及過程, 無論甚麼幼稚園, 本人認為家長也會看看小朋友功課做得如何, 是否問非所答...所以家長是有一定程度的參與, 家長參與多些, 你小朋友印象更深、啟發更多,家長參與少些,小朋友的印象便淺些,

作者: talent2000 時間: 13-8-4 14:42

提示: 作者被禁止或刪除內容自動屏蔽

作者: mamaishere 時間: 13-8-4 14:46 標題: 引用：只是路過，如果target+傳統小學，家長又要i

原帖由 MrBeast 於 13-08-04 發表
只是路過，如果target 傳統小學，家長又要involved to make sure 程度跟到，咁點解唔選擇掉換角色? kg take ...

可能因為學校俾到嘅學習氣氛，探究活動，知識傳達係家中好難做到。例如主題係「水」，維記會將呢個題目鑽到好深入。由飲水，落雨，河流，水中動物，水的三態，水在自然界作用，水在人體𥚃，水嘅歌、字、書，再一齊research水相關題目做project and presentation，父母自己真係代替唔到學校咁全面！但奈何喺香港呢啲咁有用嘅知識並不稱為「學術」，只有狂串字計數默書攞高分先係叻，所以我哋係真心想小朋友趁年紀小將眼界擴闊，了解世界，唔係兩歲開始刨書為考試。

作者: talent2000 時間: 13-8-4 14:48

提示: 作者被禁止或刪除內容自動屏蔽

作者: littlesophie 時間: 13-8-4 15:56

回復 josephine99 的帖子

非常同意

作者: Jane1983 時間: 13-8-4 16:00

回復 MrBeast 的帖子

吾想小朋友慣左用背去學習，細個功課少，背系easy shortcut，背開就吾願用腦尋根究底。

作者: MrBeast 時間: 13-8-4 16:14

mamaishere 發表於 13-8-4 14:46
可能因為學校俾到嘅學習氣氛，探究活動，知識傳達係家中好難做到。例如主題係「水」，維記會將呢個題目鑽到 ...

當然課程設計kg有專人付責，會全面很多，但至於培養小孩的學習興趣方面，不是那麼難，搭巴士mtr都好多teaching moment, eg, 點解馬路上有黃綫和方格，點解d人要衝習上車。
Anyway, 我都只是提出個問題等大家思考下，不是說那一個會好d，每個家庭都不同。

作者: MrBeast 時間: 13-8-4 16:48

Jane1983 發表於 13-8-4 16:00
回復 MrBeast 的帖子

吾想小朋友慣左用背去學習，細個功課少，背系easy shortcut，背開就吾願用腦尋根究底 ...

這我也同意和理解，但點解又會target傳統小學呢? 雖然有家長說3-6歲學到的會仲係到，但亦有可能只是個別例子。

作者: Jane1983 時間: 13-8-4 17:25

回復 MrBeast 的帖子

系target好學校，中英并重，local 或Is吾系問題。
讀傳統學校系繁重d，不過都見過快樂學習，成績超好的examples，有機會的!

作者: mamaishere 時間: 13-8-4 17:26 標題: 引用：Quote:Jane1983+發表於+13-8-4+16:00+回復+

原帖由 MrBeast 於 13-08-04 發表
這我也同意和理解，但點解又會target傳統小學呢? 雖然有家長說3-6歲學到的會仲係到，但亦有可能只是個別例 ...

以我本人為例，其實我唔係想"target"傳統小學，盡可能希望入到直資私小，就可以比較「活」去學習（例如CKY, TSL, 優才, 港同，etc.)，所以先開topic問下其他家長維幼生會唔會程度淺考唔到。如果萬一考唔到都要面對現實讀津校。我唔會考慮VSA or 其他IS，第一係因為有2個小朋友太大負擔，第二亦無怕佢哋太自由放任好容易學壞。做咗人哋阿媽先發現淨係讀書都可以有好多嘢要考慮！

作者: talent2000 時間: 13-8-4 20:34

提示: 作者被禁止或刪除內容自動屏蔽

作者: Jane1983 時間: 13-8-4 23:15

回復 mamaishere 的帖子

中文教的課本，每星期要做閱讀報告的書，一d都吾淺。小朋友如果用心讀，家長又肯陪，認得的字一定多。再加埋自家加操寫字，一定好ok。

但如果家長吾得閒理，小朋友吾交功課、吾看書，學校又吾操寫字，咁學左的野係好容易水過鴨背。

作者: chowhui97 時間: 13-8-4 23:36 標題: 回覆：真心請教ex-維多利亞家長有關升小問題

好開心見到咁多正面的 comments!

自己都係維記的家長，好明顯係每個家長都好緊張小朋友，大部份都會考直資私小，好少只等大抽獎的！

作者: DalaDala 時間: 13-8-5 01:04 標題: 回覆：mamaishere 的帖子

K3要寫詞語，作句，童心集（週記）。小一適應課會學部首，填充閱讀理解。每星期一本圖書，有部份要做習作（要寫好多嘢下）。網上有免費exercise。普通話課程係校本，要做功課。以上係返屋企做，堂上亦有好多活動會需要佢地自己寫嘢。課程一d都唔
Hea。以上只係中文課程而已。英文多一倍。

作者: DalaDala 時間: 13-8-5 01:06 標題: 回覆：DalaDala 的帖子

修正，小一適應課係堂上做，唔使返屋企做。

作者: MrBeast 時間: 13-8-5 09:23

mamaishere 發表於 13-8-4 17:26
以我本人為例，其實我唔係想"target"傳統小學，盡可能希望入到直資私小，就可以比較「活」去學習（例如CKY, ...

明白，建議在K1尾K2頭時留意一下EK家長分享這些小學面試內容。

作者: venetamama 時間: 13-8-5 13:33

維幼淺唔淺其實好睇你要咩，我個囡黎緊升K3，我好記得阿囡K1嗰年有一日放學返嚟，拎住條毛毛蟲嘅手作仔同我講"mami，caterpillar munch the leaves"....
整体上，我認同串字同寫字方面比較弱d，但oral & listening 都好好，仲有大部分同學仔都好有自信，就以我個囡為例，佢好鍾意拎d嘢返學校show & tell! 仲有我個囡勁鐘意返學！

作者: mamaishere 時間: 13-8-5 13:47 標題: 引用：K3要寫詞語，作句，童心集（週記）。小一適

原帖由 DalaDala 於 13-08-05 發表
K3要寫詞語，作句，童心集（週記）。小一適應課會學部首，填充閱讀理解。每星期一本圖書，有部份要做習作（ ...

其實D功課都真係算係豐富喎！不過睇起上嚟幾有趣，全部都唔係抄寫練習，小朋友應該都會做得開心投入。多謝你嘅分享呀！

作者: mamaishere 時間: 13-8-5 14:00 標題: 引用：維幼淺唔淺其實好睇你要咩，我個囡黎緊升K3

原帖由 venetamama 於 13-08-05 發表
維幼淺唔淺其實好睇你要咩，我個囡黎緊升K3，我好記得阿囡K1嗰年有一日放學返嚟，拎住條毛毛蟲嘅手作仔同我 ...

同好多維記家長傾計都發現有一個共通點，就係小朋友成日都會返屋企講咗一啲嘢surprise咗父母，多數都係無諗過佢哋咁細個會識講或者諗得咁深入！好impressive!!

我朋友個仔Vic K3時問爸爸知唔知地球上有些人飢荒會餓死，但又有些人會因為食太多junk food食到有病而死，佢問爸爸點樣先可以叫那些食太多嘅人分D食物去地球另一邊。我朋友都即時諗唔到點答，無諗過佢咁細個腦仔會諗呢D世界問題，但好開心小朋友可以放眼世界！

作者: picture 時間: 13-8-5 18:59 標題: 引用：只是路過，如果target+傳統小學，家長又要i

原帖由 MrBeast 於 13-08-04 發表
只是路過，如果target 傳統小學，家長又要involved to make sure 程度跟到，咁點解唔選擇掉換角色? kg take ...

我都有咁諗過

英文串字中文抄寫加減乘除數學好容易係屋企做到

啟發性的實驗小朋友之間互動在課堂上自我表演屋企做不到的

作者: picture 時間: 13-8-5 19:10 標題: 引用：K3要寫詞語，作句，童心集（週記）。小一適

原帖由 DalaDala 於 13-08-05 發表
K3要寫詞語，作句，童心集（週記）。小一適應課會學部首，填充閱讀理解。每星期一本圖書，有部份要做習作（ ...

我小朋友完成了 pn 但我已經講得學校 d 功課可以好多亦可以小朋友用心做的話其實可以學到好多野

至於互聯網上的額外功課我更加是成年做到一分金多已經無曬時間

我唔咁講我小朋友學左好多野但係一定係唔少

作者: Isaacmommy 時間: 13-8-5 19:24 標題: 引用：維幼淺唔淺其實好睇你要咩，我個囡黎緊升K3

原帖由 venetamama 於 13-08-05 發表
維幼淺唔淺其實好睇你要咩，我個囡黎緊升K3，我好記得阿囡K1嗰年有一日放學返嚟，拎住條毛毛蟲嘅手作仔同我 ...

我都buy維記嘅雙詞環境，可訓練小朋友oral 同listening. 寫方面會比不上傳統幼稚園，但這問題不難解決，家長可比小朋友寫 copy book.

作者: luckybug 時間: 13-8-6 01:28

小女兒在維幼由playgroup到K3,雜費不多！自理能力很強，如果小朋友怕羞及無自信，老師會鼓勵發問，培養閲讀興趣，但抄抄寫寫真的比較少（重要嗎？）小女兒有幸在這所幼稚園裏成長，九月她便到小學學習新的事物，她不怕，還很期待小學生活的來臨

作者: mamaishere 時間: 13-8-6 08:32 標題: 引用：小女兒在維幼由playgroup到K3,雜費不多！自

原帖由 luckybug 於 13-08-06 發表
小女兒在維幼由playgroup到K3,雜費不多！自理能力很強，如果小朋友怕羞及無自信，老師會鼓勵發問，培養閲讀 ...

問心，有無抄寫練習真係一啲都唔重要，最重要係認到字(考到小一), 同埋上到小學後唔好被left behind得太過份。對我嚟講，中文程度可以用半年時間內追得返已經無問題，最多家長小朋友一齊努力。相反，幼稚園學到嘅語言思維自信並唔係咁容易大個咗都追得返！

作者: kongman 時間: 13-8-6 09:47

維記的雙語環境是它的強項，但在德育方面的培養又如何？有沒有家長可以分享一下？

作者: DalaDala 時間: 13-8-6 10:50

本帖最後由 DalaDala 於 13-8-6 10:51 編輯

學校upload左個parents presentation, 裡面有好多關於課程既資料, 睇到學生上堂情況。有興趣睇下:

http://www.victoria.edu.hk/files/NewsAndEvents/ps(20130321).pdf

作者: ltpp 時間: 13-8-6 14:50 標題: 回覆：DalaDala 的帖子

總結維幼小朋友presentation still好好，請問他們考小學前是否不需要參加什麼面試班也能在面試中有突出表現呢？

作者: littlesophie 時間: 13-8-6 16:37

不需要哦！我是今年畢業生家長,很多時都和其他家長聯繫,我們很多家長都沒有參加面試班,但是大部份小朋友都考到滿意小學

作者: ltpp 時間: 13-8-6 23:40 標題: 回覆：littlesophie 的帖子

謝謝回覆！還有一個問題請教，請問以你們所知，k3轉全日班是否對考小一和適應小一是否有幫助？

作者: MGPAPA 時間: 13-8-7 09:04 標題: 回覆：真心請教ex-維多利亞家長有關升小問題

可唔可以share入到邊D直資和私小?

作者: MGPAPA 時間: 13-8-7 15:45 標題: 回覆：真心請教ex-維多利亞家長有關升小問題

可唔可以share吓呀。唔該！

作者: Jane1983 時間: 13-8-7 16:24

維記網站有每間分校的升小學校名單。

作者: MGPAPA 時間: 13-8-7 17:09 標題: 回覆：Jane1983 的帖子

Thx. I got it. 平均三成去VSA。如果淨計直資和私校，平均45%去VSA.

作者: mamaishere 時間: 13-8-7 18:54 標題: 引用：Thx.+I+got+it.+平均三成去VSA。如果淨計直

原帖由 MGPAPA 於 13-08-07 發表
Thx. I got it. 平均三成去VSA。如果淨計直資和私校，平均45%去VSA.

其實好睇邊間分校。九龍區去VSA的應較港島區小，始終咁遠又唔係guarantee直升。

作者: MGPAPA 時間: 13-8-7 20:12 標題: 回覆：mamaishere 的帖子

Yes. HMT ~20% to VSA.

作者: littlesophie 時間: 13-8-9 20:45

回復 ltpp 的帖子

是的，因為中午要自己拿盤拿食物，還有自己收拾，學校訓練的挺好

作者: 魚王 時間: 13-8-9 23:29 標題: 回覆：真心請教ex-維多利亞家長有關升小問題

真心個句，若錢不是問題，維記收，就讀啦！中文的，一個公文或早慧就攪店了。

作者: ltpp 時間: 13-8-11 01:26 標題: 引用：回復+ltpp+的帖子是的，因為中午要自己拿

原帖由 littlesophie 於 13-08-09 發表
回復 ltpp 的帖子

是的，因為中午要自己拿盤拿食物，還有自己收拾，學校訓練的挺好 ...

謝謝回覆！除了自理外，學術或心理上，全日班小孩在考小學有否優勢？

作者: littlesophie 時間: 13-8-11 22:17

回復 ltpp 的帖子

就我觀察其他沒有讀全日班的同學，應該就沒有特別關係喔

作者: chanshing8020 時間: 13-8-12 12:32

我仔之前讀下康的，他那班同學仔一班有3個入入St Paul Ce ed, 1個女拔，2個 St. Joe, 幾個St. Stephen, 所以維幼絕不會比其他幼園有什麼不足，要對自己小朋友有信心。

作者: chanshing8020 時間: 13-8-12 12:33

我仔之前讀下康的，他那班同學仔一班有3個入入St Paul Co ed, 1個女拔，2個 St. Joe, 幾個St. Stephen, 所以維幼絕不會比其他幼園有什麼不足，要對自己小朋友有信心。

作者: mamaishere 時間: 13-8-13 08:17 標題: 回覆：chanshing8020 的帖子

歡迎光臨教育王國 (/)