教育王國
標題: 小朋友唔接受批評應如何教導 [打印本頁]
作者: 四隻貓 時間: 13-8-1 11:47 標題: 小朋友唔接受批評應如何教導
我仔四歲, 脾氣比之前改善了, 但唔接受批評. 小小批評都會極大反應.
例: 昨天到商場廁所, 我仔企了在開門位, 清潔姨姨好心提醒佢有人推門會撞到佢, 叫佢企另一面, 我仔就立刻發脾氣, 走埋一邊面壁, 唔彩人亦唔肯走.
我地柔言解釋清潔姨姨係關心佢保護佢所以提醒佢, 佢就話:我唔鍾意佢話我, 我唔開心"
我地唯有由佢自己冷靜, 但佢竟然可以面壁左30分鐘....
我真係唔知應該點教佢....
作者: Radiomama 時間: 13-8-1 12:23 標題: 回覆：小朋友唔接受批評應如何教導
四隻貓，你好勁，可以如斯溫柔和有耐性；換著我，已 將個仔罵到體無完膚！
在家適量的打駡，可能有助增強這類孩子的抗逆力。
另外通常一些認真的運動教練：游泳、網球、足球、跆拳道等，在訓練過程中都會駡人。由佢哋充當訓練都唔錯。所以我個仔的琴老師問：罵唔罵得、惡唔惡得，我的回答是：yes sure!
作者: lillymarie 時間: 13-8-1 12:24
你囝囝真有性格！他在學校如何？老師會點樣應付？
作者: lillymarie 時間: 13-8-1 12:32
Radiomama 發表於 13-8-1 12:23 
四隻貓，你好勁，可以如斯溫柔和有耐性；換著我，已 將個仔罵到體無完膚！
在家適量的打駡，可能有 ...
有時小朋友太過敏感，對別人的說話好易上心。我睇過本書，話可以教小朋友睇下眉頭眼額，例如媽媽笑住大聲同小朋友講話，教小朋友學習，除了從聲音辨別之外，亦要看看人家的表情。
作者: kinling 時間: 13-8-1 13:50 標題: 回覆：小朋友唔接受批評應如何教導
有時在街上，家長再喝他，小朋友真係接受不到，為有每晚在家都和他回顧當天發生的事情，一起分析對錯，唔好以為他細路仔唔明，他記在腦內，今日唔明總有一天明白的，我仔的態度由細到大都好差，依家12歲，比以前已改了好多！家長為有等等等，等他有成熟思考！接受別人的意見及批評
作者: MASAYA 時間: 13-8-1 13:52
本帖最後由 MASAYA 於 13-8-1 13:52 編輯
Radiomama 發表於 13-8-1 12:23
四隻貓，你好勁，可以如斯溫柔和有耐性；換著我，已 將個仔罵到體無完膚！
在家適量的打駡，可能有 ...
老師話小朋友覺得老師比家長有權威性，所以會聽老師話多d，報課外活動時知道老師/教練係會鬧人既係好事 
作者: 四隻貓 時間: 13-8-1 14:14
回復 Radiomama 的帖子
佢極硬頸, 係屋企我地會打罵, 但就算打得好勁, 佢都唔怕0架.....
係街我盡量忍佢, 費事俾人拍片放上網呀!!!我幾鬼氣頂呀
真係好難教, 我都俾佢學緊體操同足球, 希望佢學下規舉同合群. 上堂中途都經常會因小事發脾氣, 老師會話下佢, 佢都要一陣先冷靜.
學校老師曾經有一排成日俾電話我, 跟進佢情緒問題, 幸好學校算包容, 老師亦有經驗, 令佢知道老師唔會讓步, 佢一定要守規則, 下學期佢係學校算係合作.不過偶爾都會因小事發脾氣
佢講野唔叻, 但思路好快好清晰. 婆婆見佢發脾氣, 隨手攞份報紙拍佢, 佢唔喊仲義正詞嚴同婆婆講: 報紙係用來睇, 唔係用來打人0架. 打人係唔0岩. 婆婆完全呆了無野講....
婆婆以前成日話我唔識教仔, 但佢現在明白我仔極難教.
作者: lillymarie 時間: 13-8-1 14:38
本帖最後由 lillymarie 於 13-8-1 14:40 編輯
係街我都唔會罵囝，總要留返D面俾佢。佢若太離譜，我會“耳語”地話佢。
有時可以試下用軟攻。你囝囝發脾氣時會做乜野呢？我囝會哭，有一句話我覺得好好用：“哎吔！乜你流咗兩行眼淚，好傷心喎！”
亦有人教過，話有些時候唔好講道理住，先形容下佢個樣，例如：“你鼓起腮，啫起咀，個樣好嬲好唔開心喎！” 。
有時又可以問下佢：“你打算嬲幾耐呀？3分鐘？5分鐘？” 有些小朋友覺得2分鐘已經係好耐.......如果佢肯答幾多分鐘，就幫佢計時。
我亦試過問囝囝點樣先可以唔嬲？又好誇張咁問佢係咪要“打到哥哥臉腫，個鼻甩下來？” 通常講到極誇張的話，囝囝就會笑出來，一笑，就可以開始講道理。
當然每個小朋友性格不同，媽媽儲多幾招在手，見招拆招。
作者: bbsonyy 時間: 13-8-1 17:59 標題: 回覆：lillymarie 的帖子
每招都好好，受教了
作者: lillymarie 時間: 13-8-1 21:48
有一次囝囝被我罰佢無得玩，我地去公園時，佢哭咗好耐。跟住企定唔肯郁。我當時勸佢，企個個位好晒，會中暑，要企不如企係蔭涼的地方。佢行到蔭涼的地方（厠所門口）企定，我同佢講，厠所好臭喎，唔開心都唔好咁苦待自己。最後我地搵到個舒服的涼亭坐低，佢再喊多十零分鐘先話OK，可以返屋企啦！
返到屋企佢想再發難，輪到我發惡，同佢講：夠啦！唔准再嘈！
作者: venuscc 時間: 13-8-1 23:43
我都頭痛緊點教好呢D小朋友。我個係女，越大越自我，不過她好睇人發脾四，有時她唔發脾氣但就當你講話無到，激c！！！
作者: cch0928 時間: 13-8-2 00:11 標題: 回覆：四隻貓 的帖子
其實邊有人唔鐘意人關心呢？一般人咁講解釋，大部份小朋友都會明，但你小朋友一D都唔接受，可能係佢對你嘅信念同睇法唔同。我估佢唔認識果個人，同佢無關係，所以他感覺唔到佢說話係出於愛同關心。另外，我唸佢自專感極強，可能未必係完全嬲果個人，深層D去睇佢唔接受自己做D嘢做得唔好或做錯，結果令自己比個果人同你話。其實佢嬲嘅源頭係自己。你都好叻，冷靜地唔同佢嘈。我唸每個小朋友嘢氣質都唔同，有D無所謂D，受教D，有D就表面上硬磞磞，乜都撐，但心靈好脆弱。佢四歲，講唔到呢D，發緊脾氣更難，試下冷靜後引導，問佢唔開心係咪其實自己太想做好。長遠來講你多D抓住佢嘅優點去讚，更要多D去比佢支持接受自己比人話。佢唔鐘意人話佢，你當下同果個人講唔該，示範大方接受批評，然後拍下佢shoulder或溫柔地攬住佢話ok 啦，唔加把口話，話佢佢覺得又插多刀。如果當時真係做到唔發嬲就轉頭就讚，話佢唔同咗，具體講佢比起之前佢面對別人說話大方，成熟咗，好欣賞佢，増強佢正面面對批評嘅經驗。唔好唅住一次就得，人嘅氣質同信念唔係一次正面經驗就完全改變。不停抓住機會去做，慢慢佢自己佢經驗自己其實係可以面對批評。
作者: ANChan59 時間: 13-8-2 08:06 標題: 引用：我仔四歲,+脾氣比之前改善了,+但唔接受批評
原帖由 四隻貓 於 13-08-01 發表
我仔四歲, 脾氣比之前改善了, 但唔接受批評. 小小批評都會極大反應.
例: 昨天到商場廁所, 我仔企了在開門 ...
體育運動及紀律團隊的訓練有幫助！
作者: lillymarie 時間: 13-8-2 09:05
“只讚不罵”確有問題。
有時候對囝囝誠實也不容易。
有次囝囝拉完首歌問我拉得好唔好，我“鼓起勇氣”答他：不好。他呆了一呆問我點解，我再話佢知邊度唔好。當時我心裏好驚他會好唔開心喊。
作者: himuimui 時間: 13-8-2 10:39
提示: 作者被禁止或刪除 內容自動屏蔽
作者: cch0928 時間: 13-8-2 16:32 標題: 回覆：ANChan59 的帖子
我都認為不可以只係讚，讚係positive reinforcement，不係係唔係都讚，我都覺得學課外活動教練係一個好嘅途徑去學紀律。但我覺得父母同教練唔同係父母係同子女的關係係永遠，父母點樣讓小孩子知道被明白，被信任佢哋可以改好係佢地學識改過嘅第一步
作者: LeeMama328 時間: 13-8-5 14:04
1 - 讚是讚實際付出， 如“我見你坐左1個鐘都無走來走去，好盡力來專心呀” ， 而不是虛無飄渺的 ”你好叻呀“。 這種讚賞是多多無妨的。
2- 罰是對過去已發生的事，對預防將來再發生無作用。
3-講道理，引導小朋友自己去判斷，才可以改變將來。 但要在小朋友冷靜才有效。如在讚他後的冷靜位。
4-同理心 - 大人可以說出自己的做錯事經驗。 小朋友喜歡聼故事，大人可以說 ” 我以前都係一樣。。。。“ [作古仔都無妨]，當故事帶他們的思想去了另一個幻想時空後，再囘來，他們通常都已經怒氣全失。那時便是講道理的時候啦。 再者，通常小朋友最反感的是父母永遠無錯，如果你用自己做錯的經驗來教，他們會受教好多。
講到底，改變是長期戰爭。 另外我會推薦讀 弟子規。大人都受用，好簡單的道理，但好有意思。
作者: babyislove 時間: 13-8-6 10:44
本帖最後由 babyislove 於 13-8-6 10:45 編輯
四隻貓 發表於 13-8-1 14:14
回復 Radiomama 的帖子
佢極硬頸, 係屋企我地會打罵, 但就算打得好勁, 佢都唔怕0架.....
我覺得俾佢學D靜態o野係有助佢收吓D火氣，學吓平心靜氣去聽、去感受一下其他人o既說話，e.g., 畫畫。
另外，同佢出街時，若果路經一D小朋友剛在發脾氣etc., 你同佢行過之後，少少遠時，就問佢覺得o個個小朋友做咩/你覺得佢咁樣做有咩感受etc。
其實佢一定係覺得唔舒服、覺得個小朋友唔乖/好醜怪etc(以上字眼係我個仔用)，之後你就解釋如果佢發脾氣，其他人o既感受同你係一樣etc...循循善誘，慢慢就明。
另外，我個仔睇完呢本書之後，佢都醒晒
作者: aquasee 時間: 13-9-2 23:46 標題: 回覆：小朋友唔接受批評應如何教導
我會俾小朋友知道後果及選擇： eg. 在街發脾氣，我會同個囡講無問題，媽咪帶你回家任你發脾氣，反正你都吾想行街，全程家長不用及不要生氣，只需保持平常心，不過如果小朋友真的選擇發脾氣，家長真的是要帶小朋友回家發脾氣。講得出做得到。
作者: 傻太 時間: 13-9-3 14:45 標題: 引用：我仔四歲,+脾氣比之前改善了,+但唔接受批評
原帖由 四隻貓 於 13-08-01 發表
我仔四歲, 脾氣比之前改善了, 但唔接受批評. 小小批評都會極大反應.
例: 昨天到商場廁所, 我仔企了在開門 ...
作者: 傻太 時間: 13-9-3 14:51 標題: 引用：我都認為不可以只係讚，讚係positive+reinf
原帖由 cch0928 於 13-08-02 發表
我都認為不可以只係讚，讚係positive reinforcement，不係係唔係都讚，我都覺得學課外活動教練係一個好嘅途 ...
作者: Anniemun 時間: 13-9-3 23:59
LeeMam32 發於13-8-5 4:04
1 - 讚是讚實際付出， 如“我坐左1個鐘都無來走去，好盡力來專心呀” ， 而不是虛飄渺的 ”你攬叻 ...
作者: Anniemun 時間: 13-9-4 00:05
排除先天問題影響的情緒。小孩白紙一張，身邊的人是一面镜吧！
作者: 圍棋周教練 時間: 13-9-22 04:14
提示: 作者被禁止或刪除 內容自動屏蔽
作者: 四隻貓 時間: 13-9-23 15:44
呀仔近來似乎進步左, 當然脾氣仍然唔多好, 但有時肯妥協, 無之前0甘硬頸了.
也用了大家分享的方法, 例如第一時間講出佢感受, 表現出我好理解佢果下既心情, 佢就會比較易平伏, 之後先慢慢講道理.
同埋每晚都玩大富翁/Uno, 佢輸左會接受唔到, 發脾氣發顛, 但慢慢日日玩慣左, 好似易接受左.
作者: breadbb 時間: 13-9-24 01:18 標題: 引用：呀仔近來似乎進步左,+當然脾氣仍然唔多好,+
原帖由 四隻貓 於 13-09-23 發表
呀仔近來似乎進步左, 當然脾氣仍然唔多好, 但有時肯妥協, 無之前0甘硬頸了.
也用了大家分享的方法, 例如第 ...
作者: lillymarie 時間: 13-9-24 06:49
我最近仲發現一招好好用。當小朋友好激動時，用一把好單調沉緩的聲綫，慢慢同佢講野。原來咁樣佢地反而會聽到。
作者: 四隻貓 時間: 13-9-24 10:05
本帖最後由 四隻貓 於 13-9-24 10:07 編輯
lillymarie 發表於 13-9-24 06:49
我最近仲發現一招好好用。當小朋友好激動時，用一把好單調沉緩的聲綫，慢慢同佢講野。原來咁樣佢地反而會聽 ...
我都有招, 就係轉移視線. 係佢0依0依哦哦因為小事發緊爛時, 問佢數學題(e.g. 13+5=?), 佢一聽到數目字就會掛住解題, 其他野全部都會好合作.
總之一定要管好自己情緒, 先可以同佢大鬥法.
作者: 四隻貓 時間: 13-9-24 10:20
breadbb 發表於 13-9-24 01:18
我仔又係咁 玩親大富翁都唔認輸 點教？平時都係咩都要贏 咩都要第一
之後我就做返"輸左唔緊要可以再玩過"既正面態度, 跟住daddy, 家姐都讚我態度好, 等佢知輸左係好小事.
佢輸時發脾氣就由佢, 其他人繼續玩, 等佢知佢發脾氣係無用. 之後再同佢講: 輸左真係好唔開心呵, 我之前輸都唔開心, 不過再玩過今次就無再輸啦, 你不如再玩過啦. "
暫時都係0甘教, 我希望晚晚玩多d, 慢慢會有進步啦.
作者: lillymarie 時間: 13-9-24 13:35
回復 四隻貓 的帖子
叫他計數是好方法！是呀！可能甚麼招式也不重要，囝囝是看我們身教EQ，任他們怎樣發癲我們也臉不改容。
| 歡迎光臨 教育王國 (/) |
Powered by Discuz! X1.5 |