教育王國

標題: 中學女童軍 [打印本頁]

作者: Umi 時間: 13-7-31 18:46 標題: 中學女童軍

小女現升中二，記得中一見家長時，老師有提過叫小女升中二時試下參加一d制服團隊以training她其他能力。老師話e+只係讀書叻唔夠嫁！
所以現在遊說近阿女參加，但佢又唔係好想，仲話咁會少左時間溫書n做功課，如果到時退步左就唔好怪佢

！（把口果然夠辣）所以想問下各位，女童軍會否真的阻了許多時間嗎

作者: kitbebe 時間: 13-8-1 10:07

我女小學時有參加女童軍, 但中學不參加了!! 因為要去camping, 阿女最不喜歡

作者: 杰杰媽媽 時間: 13-8-1 12:12 標題: 回覆：中學女童軍

童軍係一個好好既活動，對佢做人都有幫助，好難用讀書去衡量，基本上會每星期集會幾小時，所有戶外活動係自由參加，但最好盡量參加，好有用，細路最怕煩&辛苦，呢樣更加要去磨練

作者: maychan1997 時間: 13-8-13 22:31

我都十分贊同呀女參加童軍這些團體活動，可以訓練下她的待人接物和領導能力，這些是書本中學不到的，而且可以平衡下讀書的壓力。可以的話，最好是有朋友一起參加，樂趣更大。

作者: ki_1124 時間: 13-8-14 16:20 標題: 回覆：中學女童軍

其實我本身都係一個女童軍隊長我個人覺得並不影響學業反而您可以認識更多高年級師姐可以向佢哋問功課之類同埋如果您個女女怕參加會令成績變差我諗未必會因為多數學校集會會選擇禮拜五最多都一個鐘至個半鐘。同埋戶外活動真係可以選擇去唔去不過多數學校搞戶外活動都會揀試後或者長假例如暑假
但係最終參加與否都好應該睇下女女自己既興趣因為無興趣但係又參加佢唔會玩得開心同投入到時就會好驚去甚至會恐懼。咁參加黎都無謂啦係咪先？

作者: 杰杰媽媽 時間: 13-8-14 18:40 標題: 回覆：中學女童軍

最好唔好係學校玩，悶到死，都冇野玩，又少戶外活動（學校唔批）

作者: ksnghk 時間: 13-8-14 20:06

對啊！
參加公開隊可以識到其他學校唔同年級的人，而且公開隊的活動多校隊好多，又唔駛又對住同一班老師。

作者: tolovewithheart 時間: 13-8-16 00:16 標題: 回覆：中學女童軍

其實可以參加民安隊少年團，多野玩，但唔洗比钱，有政府資助的，制服都免費，小兒都玩梗。

作者: hogwarts 時間: 13-8-16 10:02 標題: 回覆：tolovewithheart 的帖子

也有功課、活動同進步的，真光書院女童軍入HKU的大有人在。

作者: 杰杰媽媽 時間: 13-8-16 13:00 標題: 回覆：中學女童軍

我仔話民安太長時間唔肯玩，成日要去全日

作者: tolovewithheart 時間: 13-8-16 13:27 標題: 回覆：杰杰媽媽的帖子

每週番一次兩個钟，出服務先時間長。一般唔野用好多時間。

作者: kcimum 時間: 13-8-16 14:44

本帖最後由 kcimum 於 13-8-16 14:45 編輯

我仔有參加公開隊既男童軍, 由小五開始(幼童軍)至現在升S2(童軍). 每星期集會3小時, 佢哋既旅團活動較多元化, 例如:社會服務、户外活動(農耕、遠足、踏單車)、宿營、露營. 我覺得除學習新事物外, 又可廣寬視野, 對青少年成長有好大幫助

作者: 杰杰媽媽 時間: 13-8-16 17:58 標題: 引用：每週番一次兩個钟，出服務先時間長。一般唔

原帖由 tolovewithheart 於 13-08-16 發表
每週番一次兩個钟，出服務先時間長。一般唔野用好多時間。

就係見朋友個女個個月最少1次守水塘，都去左全日，太經常性長時間啦

作者: Charlotte_mom 時間: 13-8-21 19:42 標題: 引用：最好唔好係學校玩，悶到死，都冇野玩，又少

原帖由 杰杰媽媽 於 13-08-14 發表
最好唔好係學校玩，悶到死，都冇野玩，又少戶外活動（學校唔批）

你真心水清

。學校活動，師生比例有指引，而且星期六日係老師假期，老都要放假，吾同公開旅領袖真心鐘意訓身都樂意攪，自然有趣。不過我贊成尊重小朋友意願，我女小學玩左童軍公開旅多年，12歲升左童軍團突然就話吾再好玩，吾想去。我都吾想迫佢。講真除左學業的確好多野可以學，但一定要係童軍嗎？我女有玩樂團、學琴、音樂劇、出年老師想佢玩debate。都好多需要團體合作既活動，最緊要佢enjoy

作者: kitbebe 時間: 13-8-22 10:31

本帖最後由 kitbebe 於 13-8-22 10:32 編輯

基本上我同意做童軍是十分好的訓練, 只不過是香港的營地, 營舍未能好好配合, 連最基本的熱水沖身也沒有, 阿女次次去完都冷病

昨天中學有派紙招募女童軍, 我女決定唔參加!! 其他活動她是ENJOY的.

歡迎光臨教育王國 (/)