教育王國
標題: 大學面試踢拖 著卡通衫扣分 學務長﹕家長陪同反映欠獨立 [打印本頁]
作者: elbar 時間: 13-7-27 09:42 標題: 大學面試踢拖 著卡通衫扣分 學務長﹕家長陪同反映欠獨立
本帖最後由 elbar 於 13-7-27 15:10 編輯
http://news.mingpao.com/20130727/gha1h.htm
大學面試近日相繼展開，有大學學務長及教員提醒，過往有學生穿人字拖、短褲、特大卡通圖案衫現身，顯得不成熟；有人則面試時不斷整理衣衫，過分拘謹；另有學生公式化堅持與教員握手，或由父母陪同赴會，這些細節都會被扣印象分。考官想選出熱愛該課程的學生，但有面試者直言報讀該科只為「試吓囉」，亦有人在輔導機構模擬面試扮有熱誠，但終經不起「盤問」招認撒謊。
在新學制之下，不少競逐學額的考生試成績分數相近，大學面試變得相對重要。科技大學學務長譚嘉因表示，去年有學生「踢人字拖」面試，予人不尊重場合之感。另有家長陪同子女面試，等候時表現坐立不安，「行嚟行去，又周不時伸個頭裝吓入面」，他指出，家長過分緊張反映學生不夠獨立，更會騷擾面試。
態度應對最重要
身兼應用社會科學系講師的理大學生輔導網絡主任崔日雄指出，去年有學生穿短褲、大公仔印花T恤出席面試，與場合不符，亦顯得不成熟，印象分大打折扣。崔補充，社工課程強調人性化，面試時毋須過分隆重，不一定要穿套裝，「個個恤衫西褲都黑色、白色，就好似去靈堂咁」，曾有學生因氣氛太凝重，緊張得不時整理衣衫，面試全程不專注。
要有禮貌 尊重別人
他又提醒，面試最着重學生的態度及應對，切勿「有你講無人講」，亦不要做公式化行為，「有學生堅持一定要同教員握手，唔係唔捨得走」。
浸會大學教務長蘇國生提醒，面試時不要穿校服，「係咪想標籤自己來自什麼學校，定係名校呢？」女生亦切忌穿得過分暴露或化濃妝。他說，學生可配合所報學科穿著，如體育相關課程面試可穿「波鞋」，亦有報讀視覺藝術科的學生被要求帶同作品面試，「有人直接著咗作品上身」。蘇國生提醒，個人面試較注重禮貌，學生可於面試前跟考官打招呼；小組討論中，表達自己意見的同時要尊重他人意見。
當「水泡科」「冇得留低」
部分學生因欠誠意遭「叮走」，城市大學創意媒體學院助理教授楊嘉輝透露，曾有面試者被問及為何對該課程有興趣，先是支吾以對，再稱：「冇呀，試吓嚟interview囉。」明顯把該科當成「水泡」，當然「冇得留低」。
學友社學生輔導中心資深督導蔡浩麟表示，有學生參與模擬面試時，扮作對所報讀的課程很有興趣，卻解釋不到原因﹕「問多幾問，佢就認其實係講大話。」他提醒考生，面試前應蒐集相關課程資料，以及思考該課程與自己生活的關係。
作者: elbar 時間: 13-7-27 09:43
刁難測EQ 虛心勿黑面
http://news.mingpao.com/20130727/gha2.htm
大學面試時，若考官吩咐你買早餐、或直斥你「英文咁低分」，你會如何應對？原來部分學系會故意留難面試者，測試其情緒智商（EQ）。有中學特設模擬面試刁難學生，鼓勵他們要有鬥心，被批評時仍要講得起勁；專家提醒學生勿「面黑」或失信心，並要虛心解釋自己的觀點。
面對批評 虛心回應
理大學生輔導網絡主任崔日雄表示，部分考官會即興問一些刁鑽問題，考學生反應，如﹕「我吩咐你買早餐，你會點做？」他估計，有人會質疑﹕「點解我要買早餐畀你？」又或想取悅對方：「咁你想食乜早餐？」崔稱，有關問題沒既定答案，但學生不應很「倔」地回應。
學友社學生輔導中心資深督導蔡浩麟說，曾有學生參加酒店管理課程面試時遭批評：「你英文咁低分，我哋全部用英文上堂，你跟唔跟得上？」該學生即時面色一沉、不敢再多說話。他建議考生被批評時虛心回應：「我會將勤補絀，補習英文。」勿「死撐」：「只係考試一時失手。」
問愈多 對你愈有興趣
馬錦明慈善基金馬可賓紀念中學為裝備考生應付考官刁難，該校校長蘇振威稱，校方故意在又嘈又熱的環境中作模擬面試，即使學生答得好，也質疑其答案：「睇佢哋會唔會面黑，或者問多兩句就嫌煩。」
「考官」又故意挖苦面試者：「參加製服團隊，冇時間讀書，唔怪得你成績唔好。」蘇振威說，部分學生會因此失信心，但其實可謙虛解釋：「參加活動係想平衡發展。」他提醒：「問得你愈多，就係愈對你有興趣，要盡量發揮、有鬥心，人哋咁批評你，你仍然講得起勁！」
說話膚淺失分
蘇又提醒，面試時不宜作「曬冷式」自我介紹：「數一大堆技能，同人鬥多咩？你寧可講點樣從考八級鋼琴中學習到堅持。」說話膚淺亦會失分：「淨係識講參加課外活動『好開心』就已經衰咗，應該講從中有咩反思。」
作者: Bluegene 時間: 13-7-27 10:33 標題: 回覆：大學面試踢拖 著卡通衫扣分 學務長﹕家長陪同反映欠獨立
人字拖、短褲. 超正. 史上最強.
作者: ANChan59 時間: 13-7-27 11:02 標題: 引用：人字拖、短褲.++超正.++史上最強.
+
原帖由 Bluegene 於 13-07-27 發表
人字拖、短褲. 超正. 史上最強.
神科就好些。
作者: Bluegene 時間: 13-7-27 13:12 標題: 回覆：大學面試踢拖 著卡通衫扣分 學務長﹕家長陪同反映欠獨立
中學生唔准著校服去面試？唔怪得我唔掂！原來有考官會咁谂, 以為個個都請假去面試或有專車接送.
作者: Yanamami 時間: 13-7-27 13:30
難以置信~~
作者: nintendo 時間: 13-7-27 13:49
本帖最後由 nintendo 於 13-7-27 13:58 編輯
其實點解會有人著人字拖、短褲去面試？
一般高中老師，唔會係教下學生，大學面試，工作面試 (假如選擇不升學)，應該點做，應該點穿衣？
如果有教，即係呢 d 學生真係好冇誠意
就算老師冇教，其實用下個腦諗，都唔應該會咁著
個學生有得面試，即係個分數係達到 minimum requirement，即係應該成績唔會太差
假設老早有更好 offer，唔在乎，咁不如唔好去面試啦
又要去面試，又咁求奇，根本係浪費時間，學生諗乜？
作者: nintendo 時間: 13-7-27 13:54
Bluegene 發表於 13-7-27 13:12
中學生唔准著校服去面試？唔怪得我唔掂！原來有考官會咁谂, 以為個個都請假去面試或有專車接送.
可以帶定一套衫去換
作者: 小彬彬 時間: 13-7-27 15:04
"穿人字拖、短褲"
正常冇咁離普, 估計是揀科排錯位, 只好博大學唔收, 可以進入排位低d的課程
作者: Bluegene 時間: 13-7-27 15:18 標題: 引用：Quote:Bluegene+發表於+13-7-27+13:12+中學
本帖最後由 Bluegene 於 13-7-27 22:05 編輯
原帖由 nintendo 於 13-07-27 發表
可以帶定一套衫去換
我覺問題係著校服會被人話標籤, 咁好奇怪. 考官唔會唔知黎面試學生嘅基本資料, 點會唔知係邊間學校嘅學生. 除非Admission Office cut 曬有校名的資料, 以確保無名校效應. 但係基本無人得閒咁做, 所以我話著校服係炫耀好有問題.
作者: 蛋蛋hoyan 時間: 13-7-27 15:31
提示: 作者被禁止或刪除 內容自動屏蔽
作者: nintendo 時間: 13-7-27 15:43
Bluegene 發表於 13-7-27 15:18
所以我話著校服係炫耀好有問題.
我都覺得咁講唔公道
作者: ANChan59 時間: 13-7-27 19:36 標題: 引用：Quote:原帖由+nintendo+於+13-07-27+發表可
原帖由 Bluegene 於 13-07-27 發表
我覺問題係著校服會被人話標簽, 咁好奇怪. 考官唔會唔知黎面試學生嘅基本資料, 點會唔知係邊間學校嘅學生. ...
真有趣！
作者: ANChan59 時間: 13-7-27 19:50 標題: 回覆：大學面試踢拖 著卡通衫扣分 學務長﹕家長陪同反映欠獨立
我奇怪，現在不用上課，不用穿校服，帶多套衣服是不需要，穿甚麼衣服，是自己選擇而已。
在面試前，我跟兒子討論 Dress code, 他傾向Business causal, 我傾向 Business formal. 他接受我的建議，第一次formal 些，然後調整。第二次開始一樣西裝，改了白恤衫，加條校𧘹，似乎老嚟開就不變。
西裝皮鞋早些買，穿多幾次先到正式面試，會自然好多。
作者: liloNstitch 時間: 13-7-27 20:20
本帖最後由 liloNstitch 於 13-7-27 20:20 編輯
ANChan59 發表於 13-7-27 19:50 
我奇怪，現在不用上課，不用穿校服，帶多套衣服是不需要，穿甚麼衣服，是自己選擇而已。
在面試前，我跟兒 ...
"穿多幾次先到正式面試，會自然好多"
good point, 小朋友著晤慣,真係好晤自然, 尤其是呢牌天氣甘熱, 著幾層衫, 晤慣真係好難受,
如經濟許可, 比佢坐的士到試場, 不用行到身水身汗, 影響表現
作者: ohnono 時間: 13-7-28 01:25
「我吩咐你買早餐，你會點做？」同佢買又話擦鞋，質疑佢又話黑面。我都好想知點答先好。係未應該叫阿sir拿拿林面試完一齊去食早餐，抑或索性叫阿sir移師去飯堂面試，一路食，一路面試好呢！
作者: awah112 時間: 13-7-28 22:01
提示: 作者被禁止或刪除 內容自動屏蔽
作者: vincher 時間: 13-7-29 03:25
回復 ANChan59 的帖子
出乎意料之外！不過，通常你叫子女大學面試穿校服，他們怕瘀，吾会着！！！
作者: fion6406 時間: 13-7-29 09:57 標題: 引用：回復+ANChan59+的帖子
出乎意料之外！不過
原帖由 vincher 於 13-07-29 發表
回復 ANChan59 的帖子
出乎意料之外！不過，通常你叫子女大學面試穿校服，他們怕瘀，吾会着！！！ ...
作者: judy 時間: 13-7-29 10:09
我見到嘅情形是個個着套装，悶死人冇命賠嗰隻。
作者: MC1128 時間: 13-7-29 10:41
真係睇科，有次陳惜姿係專欄講新聞系面試，她接受不穿套裝，真我個性重要啲。最有趣她提起一日內幾個學生用自己英文名字母自我介紹，例如Peter,就話自己有Patience,E....（她舉其他例子，忘記了），她反而不喜歡，覺得陳腔濫調，又反咉唔到學生對學科的興趣
作者: ANChan59 時間: 13-7-29 10:59
MC1128 發表於 13-7-29 10:41
真係睇科，有次陳惜姿係專欄講新聞系面試，她接受不穿套裝，真我個性重要啲。最有趣她提起一日內幾個學生用 ...
作者: janicetsang 時間: 13-7-29 11:23
我都覺得面試大學不應穿校服，咁樣好細路，尤其是，大學生根本不穿校服，是人生另一階段了。
如果考官問買早餐，我會答，禮貌上我會應承，但我知道這不是學生的義務。
作者: JustAParent 時間: 13-7-29 12:59 標題: 回覆：大學面試踢拖 著卡通衫扣分 學務長﹕家長陪同反映欠獨立
我唔覺得穿校服有甚麼問題，大學點會唔知學生來自邊間中學，開玩笑。但人字拖，短褲太唔尊重人。至於買早餐？教授，我入學後如果和你成為朋友，咪話幫你買，請你食都得。依家？一我不想人話我擦鞋，大學生有大學生的尊嚴，我來面試大學學位的，二我不想你給人說以權謀私，我幫你買，你損失的肯定遠比得的多。
作者: Charlotte_mom 時間: 13-7-29 13:34
我個人覺得預備自己個look都係preparation一部分, 校服似乎俾人覺得學生少左一重考慮 (預備套衫好難咩, 點解要搵呢d野黎搏)
買早餐.....懶正義就中左考官試eq果part lor
作者: ohnono 時間: 13-7-29 13:44
本帖最後由 ohnono 於 13-7-29 14:32 編輯
昨晚跟兒子吃飯時提起面試時買早餐的問題，他給了我一個答案。
若面試的老師要求他買早餐的話，他說：「幫老師你買早餐是一件好容易辦到的事，但我唔希望老師你因為我幫你買早餐而獲得額外的分數，我只是希望能憑自己的實力贏取老師的信任和評分。你喜歡食甚麼早餐................」。
面試時穿衣的問題。
「如果是面商科的，就穿西裝連領呔。面醫科的，都係西裝連領呔。工程學科的，一件普通淺淨色的恤衫加西褲。運動和體育的，就索性一套運動衫加運動鞋，顯示自己對運動的喜愛和熱衷」。
作者: ANChan59 時間: 13-7-29 16:05
回復 ohnono 的帖子
Sensible answers.
作者: JustAParent 時間: 13-7-29 17:59 標題: 引用：我個人覺得預備自己個look都係preparation
原帖由 Charlotte_mom 於 13-07-29 發表
我個人覺得預備自己個look都係preparation一部分, 校服似乎俾人覺得學生少左一重考慮 (預備套衫好難咩, 點 ...
作者: ANChan59 時間: 13-7-31 09:39
item 我們是駕車送小女去大學面試的，但只是在餐廳等她，相信沒有問題，她是申請商學院， 所以著suit. 發表於 1 小時前
********
我通常車他到大學面試，特別是落雨天，途中可以幫他減壓。我在正門放下他，然後去泊車，面試完在指定地方碰面。
我相信教務長指的是家長入到面試樓層，透過玻璃觀看兒女或其他學生面試情況，如果是這種情況，就不太恰當！
作者: ohnono 時間: 13-8-2 00:18
本帖最後由 ohnono 於 13-8-2 00:18 編輯
ANChan59 發表於 13-7-31 09:39
item 我們是駕車送小女去大學面試的，但只是在餐廳等她，相信沒有問題，她是申請商學院， 所以著suit. 發 ...
我都好羡慕你，係非常時期你可以在途中幫他減壓。我通常係只能在途中本來想幫他減壓的但最後竟變成為他增壓。
作者: ANChan59 時間: 13-8-2 08:52
ohnono 發表於 13-8-2 00:18
我都好羡慕你，係非常時期你可以在途中幫他減壓。我通常係只能在途中本來想幫他減壓的但最後竟變成為他增 ...
| 歡迎光臨 教育王國 (/) |
Powered by Discuz! X1.5 |