教育王國
標題: 金文泰中學交流區 [打印本頁]
作者: wwyee 時間: 13-7-26 15:24 標題: 金文泰中學交流區
今年跨區獲派，大家好！
暑期班而家八至十個人一班，去到6/8先上完，正式放暑假。
書已經買齊，獨欠普通話。
呀女好鍾意呢間學校，包括老師同同學校長，不過今年李校長要轉去另一間官校了。
作者: spw 時間: 13-7-27 09:47
係呀,你好,你選擇得好好,師兄師姐,好照顧學弟妹架,學校校風純樸........
作者: wwyee 時間: 13-7-27 11:42 標題: 回覆：spw 的帖子
你好，小朋友今年升中一嗎？
作者: wwyee 時間: 13-7-27 11:53 標題: 回覆：金文泰中學交流區
回校註冊時有個係小學既師姐，佢仲好好人咁話，我話我小朋友唔係好叻，問佢難跟上嗎？佢話唔難應付，而且學校師長都好好人，又話自己都有做d筆記，有唔明開學時可以搵佢。同時都遇上金中幾個無私的學姊，真係慶幸小女係金中就讀。
作者: spw 時間: 13-7-31 12:54
係架,好好人....我的兒子升中二了,初初上中一時,我地都擔心佢唔適應,因為我地都係誇區的......不過亞仔好喜歡返學,好快適應到.......
作者: wwyee 時間: 13-9-22 16:15
已開學三個星期，由開學至今功課量每日都有，而且中文工作紙係每日都有，英文有很多學校編印既筆記，要做英文剪報。
另一方面地理係以英文教的，輔助筆記亦係學校自行編印，以整體筆記量都比我預期的多而學校對英文都非常注重，因為科學科上常用英文名詞係必讀同默。
作者: spw 時間: 13-10-8 15:40
所以,叫係中文中學,但英文都非常重視........
作者: jacylo 時間: 13-10-8 19:09
提示: 作者被禁止或刪除 內容自動屏蔽
作者: Flowery 時間: 13-10-16 22:58
金文泰中學的各位家長 大家好
真的很好呀, 比我在這裡找到這個交流區. 我囝囝今年都入左金中呀! 但唔知係唔係佢懶呢, 見佢日日都冇乜功課, 同小學時 d 功課量真係天壤之別, 手冊又唔寫哦 , 所以我地都唔知佢學成點, 真係有 d 擔心呀
作者: wwyee 時間: 13-10-17 12:44 標題: 回覆：Flowery 的帖子
唔係喎，我個女每日都有功課，作業一做做五至六頁。
作者: Flowery 時間: 13-10-18 08:48 標題: 回覆：wwyee 的帖子
咁可能亞仔自己的問題了，但他這個時間我又唔想日日哦住佢, 所以只得二個字- 擔心。但d 親戚問佢升中後習唔習慣、開唔開心，佢都點晒頭話好好。但見佢咁的學習態度，唔慣的人是我囉
作者: wwyee 時間: 13-10-18 09:20 標題: 回覆：Flowery 的帖子
可能你仔仔唔到限期都唔想做住先，我都有提佢手冊上寫左交功課日期，唔好前一日先做。
就黎測驗呢幾日叫佢溫定，佢話比既範圍有好多未教到，話遲D先喎！由其中史。
我個女最初都擔心識唔到同學，因為小學衹有幾個同校，不過真係唔駛擔心，過左一個月已經識左幾個要好的，而且享受緊佢既初中學生生涯，我見佢愛學校多左，做功比初開學專注左，係駁咀多左。
作者: Flowery 時間: 13-10-18 10:25 標題: 回覆：wwyee 的帖子
有這個討論區真好👍 可以有個地方呻下😅希望多d 師兄師姐的家長可以係度指點下我地這些中一生家長
作者: Flowery 時間: 13-10-18 10:52
原來電話裡的公仔係 show 唔到出黎的, 我係新手, 請大家不要見怪.
作者: spw 時間: 13-10-18 15:35
回復 Flowery 的帖子
你好,我的小兒讀中二了,很喜歡金文泰中學,
係呀,我都係中一的時候問老師,亞仔日日都寫手冊,好好呀,
老師話,佢地唔迫學生寫手冊架啦,係自己自發抄的........
Flowery,你要提醒仔仔盡量都要寫手冊,因為有默書啦,又有D專題功課,要
一個月等先交.......唔寫,唔記得交,會留堂架..............
作者: Flowery 時間: 13-10-18 16:42
哦, 原來中學係唔會強迫D學生寫手冊架
我因為有朋友的仔女今年係升中一, 見佢地話好多功課, 但反之我又見亞仔成日懶懶散散咁, 所以........
好, 多謝大家的提醒, 我會再同亞仔傾下, 要佢一定要寫手冊.
都想再問一問各位D冬季校服的事, 夏天體育堂就帶條短褲及社服返去上PE堂, 咁冬天係唔係應該帶套風褸上堂呢? 因派左校服供應商的單張返黎話會有人去學校幫學生踱身, 都我唔知點選擇, 所以都係諗住去門市問清楚, 即場買好D.
作者: spw 時間: 13-10-19 07:53
回復 Flowery 的帖子
你好，冬天著長褲做運動，都係短袖衫，而個件風褸就少機會著的，不過可以買，如出席一些活動等，都可以著。我們買的公司是成xx，較好些，門市個姨姨又有禮貌，你比仔仔自己訂校服啦，要放手啦，學校安排得好好架，你放心啦，無謂自己又走一轉。係呀，記得星二交$啦
作者: Flowery 時間: 13-10-19 10:07 標題: 回覆：spw 的帖子
多謝你提醒spw, 可能我得一個小朋友，所以凡事都好緊張咁，依家真係要學習下慢慢放手了。
咁長褲係指套風褸嗰條褲？我地第一次買校服時已經買左一套風褸連褲的了（係尼龍料的），咁即係唔使再買？
我地昨晚有返去開家長會，對亞仔的在校情況了解了很多，班主任真的好好，感恩！
作者: wwyee 時間: 13-10-19 19:05 標題: 回覆：金文泰中學交流區
我禽晚無出席家長會，因為係選家長教師會既會員，所以我無去。
作者: spw 時間: 13-10-20 10:43
回復 Flowery 的帖子
係呀，應該係個條了，不過我唔記得咁早就比埋你架？
作者: Flowery 時間: 13-10-21 10:27
回復 wwyee 的帖子
唔係袛係家教會選舉架, 6點度到就先上課室, 見班主任都有家長提問時間, 都有成個鐘呀.
到左7點度先落禮堂食飯及選舉, 又有學生表演時間添.
作者: Flowery 時間: 13-10-21 10:37
spw 發表於 13-10-20 10:43 
回復 Flowery 的帖子
係呀，應該係個條了，不過我唔記得咁早就比埋你架？
注冊嗰日有供應商係現場, 校服就即場買左攞了現貨, 跟佢問要唔要埋風褸就連同社服件短袖衫一并訂埋的了, 顏色都係跟社服, 但我幫衬嗰間係金X
作者: wwyee 時間: 13-10-21 12:05 標題: 引用：回復+wwyee+的帖子
唔係袛係家教會選舉架,
原帖由 Flowery 於 13-10-21 發表
回復 wwyee 的帖子
唔係袛係家教會選舉架, 6點度到就先上課室, 見班主任都有家長提問時間, 都有成個鐘呀. ...
作者: Flowery 時間: 13-10-21 18:08
wwyee , 你個小朋友咁自覺, 唔使擔心啦, 想下月 test 完都會有見老師時間
我仔仔真係有欠功課及欠帶書本呀
要留堂呀
老師就話比個機會佢地, 當係比佢地有個適應期, 唔記缺點, 但下個月就要按校規執行了.
希望亞仔真係要習慣寫返晒手冊啦
作者: spw 時間: 13-10-22 14:03
回復 Flowery 的帖子
Flowery，真係提提兒子寫手冊，養成習慣。我的兒子讀中二，有兩日無寫，我就問佢，佢又寫反，係呀，佢地因為係學習食飯，所以會有時間，可以叫仔仔，食過飯就寫手冊。。。咁會好些
作者: Flowery 時間: 13-10-24 14:56
各位金文泰中學的家長, 最近學校好多人病呀 我仔仔都中左招, 好彩只係傷風感冒 冇發燒, 昨日請左病假, 今日冇乜事啦, 可以正常上學去了
, 所以大家記得多點注意下自己的小朋友呀.
作者: Flowery 時間: 13-11-4 12:41
明天中一生要去維園泳池做水測, 但天氣好凍呵, 跟住 2日後又要 Test 了, 千奇唔好凍病先得呵
作者: wwyee 時間: 13-11-6 21:53 標題: 回覆：Flowery 的帖子
昨日發燒無返喇，明天測英文，佢話學校老師同佢溫過下，測驗完左好多活動，佢地真係幸福。
作者: spw 時間: 13-11-7 15:53
測驗完,係好多活動架,大家加油,努力呀................
作者: Flowery 時間: 13-11-8 15:00
今日係中一生測驗的第二日了, 想起小學時每次評估, 考試我地都會幫亞仔溫習, 就好似係我地家長上考場一樣. 但今次亞仔話佢自己溫習得啦, 最近每天都要求早點出門, 話返學校和同學溫書. 希望佢能繼續keep住這種學習精神, 大家一齊努力...... 加油……
作者: wwyee 時間: 13-11-9 09:09 標題: 回覆：Flowery 的帖子
小學呈分我都會同佢溫下常識課外題，其他科都有伴讀既。
但而家上中學，我點可能再幫佢貼題呢？其他科別想要我伴讀喇，中學階段學習方式唔同小學，所以我衹會提示佢溫習，等佢自己尋找下溫習既方法，我自己都有擔心佢會比人落後，我果個係女仔，駁咀好叻，正值反叛期，所以比佢自己黎。
剛中文作文比賽，佢好比心機，仲好開心咁分享話，人生中第一次中文作文貼左係壁報上，雖然唔知入唔入圍，但係佢有滿足感，自己想做既，真係有可能。
英測話GE佔50分，都算簡單，其他佢就無提，我估唔提既，可能唔掂多喇。
而中文話差點唔夠時間做，文言文佔分都幾高，詳情無再提過喇。
其實中一第一次測，高分雖則未必有可能，但求佢全部合格，若果係有好成績，那就係佢應得既獎勵。
作者: wwyee 時間: 13-11-11 16:41 標題: 回覆：Flowery 的帖子
放手後，今日第一個英文成績，合格，不過唔算高分，我收貨喇。
作者: Flowery 時間: 13-11-11 17:35
回復 wwyee 的帖子
亞女能同你分享咁多學校的野真係好好呀, 她的作文能夠貼堂已經好值得開心啦, 
我就簡直唔知有作文比賽這件事添, 係呀, 女仔講野係叻D. 我嗰個就暫時無乜點駁嘴, 但話佢乜, 問佢乜都話OK la, 唉, 算了, 只要佢攪冇乜亂子出黎, 順利過渡這個反叛期就算了.
作者: Flowery 時間: 13-11-11 17:38
哈哈哈, 亞仔打比我都話英文合格呀 ( 依家D求要降低晒咁, 只係合格都好似咁高興咁了: 
)
作者: wwyee 時間: 13-11-11 19:52 標題: 回覆：Flowery 的帖子
係呀，係呀，合格先，之後再適應，適應後再提高要求，爭取高分。我氹緊我自己炸，佢醒醒定定就ok喇。聽日測is連書都無帶返黎，想溫都唔得，又一個大大既值口。
作者: spw 時間: 13-11-12 11:13
你地唔好怪佢地啦(留低書係locker),我個位中二了,時常都係咁,唔上心,初初留左書係locker,忘記帶番黎溫習和做功課,於是我鵝佢啦.......依家成日都唔執書包,話練力,怕又唔記得帶書,我又曹.......
作者: wwyee 時間: 13-11-12 13:41 標題: 回覆：金文泰中學交流區
佢之前比我鵝得多，足之將所有書執都唔執，日日咩舊大石返學，佢又抵得咁鬼重:;pppp:我咪又鵝佢囉，日日咩咁重想高都幾難啦，佢咪時執時唔執，我投降
最閉佢成日咩住個中文科既文件夾，大大件，而且好多工作紙，叫佢放學校又唔肯。英文工作紙同課本作業，我由買書比佢見過一次後，到而家我一次都未見都過，唔知係咪錯得多，唔敢攞返黎
，好想知佢學校英文既進度，有無中文咁有系統同條理（欣賞中文科既進度同教學）
作者: Flowery 時間: 13-11-13 11:03
依家我真係好少理佢D功課, 所見就係中文科都好多worksheets, 老師很用心, 改得好仔細, 好多紅色 X . 英文多數係一本本的, 但我只係記得有 Grammar book 但冇乜點改, 唔知係唔係老師係堂上講呢.
作者: wwyee 時間: 13-11-13 21:18 標題: 回覆：金文泰中學交流區
我個女今日番校溫習，佢話有老師同佢地補課，唔係佢一班，係全級都可以，老師貼左重點叫佢地溫，唔係呀女有無講大話，但佢又真係用學校電話通知我留校，你個仔知唔知道有呢種背課呀？
作者: wwyee 時間: 13-11-13 21:18 標題: 回覆：金文泰中學交流區
係放學留校
作者: Flowery 時間: 13-11-13 22:54 標題: 回覆：wwyee 的帖子
問過亞仔，係 book 左課室，可以自願留係班房溫習，但佢話佢嗰班冇老師係度
作者: wwyee 時間: 13-11-14 11:15 標題: 回覆：Flowery 的帖子
係，咁佢地學校真係貼心喎，而我女最初比老師話數學唔太好，所以要留校補數，每星期五一堂，不收費而且有好多工作紙要做，我幾想佢英文都補。
我個仔果間中一無呢樣野，呀女話地理都有反而科學無，因為呀女講老師話科學唔難，所以唔需要補，。
作者: spw 時間: 13-11-14 15:38
依,咁好?我沒有聽亞仔講過.........
作者: wwyee 時間: 13-11-14 17:24 標題: 回覆：spw 的帖子
你好似Fowery咁，問返個仔，佢先話你知架，我個女有時有咩野都講既，唔好既咪蛇咬都唔認囉。
聽日去旅行，佢果班好似話燒野食喎。
作者: spw 時間: 13-11-15 15:49
回復 wwyee 的帖子
係呀,去旅行,好開心WOR,佢地去大澳門.....
作者: wwyee 時間: 13-11-19 08:07 標題: 回覆：金文泰中學交流區
派卷派得慢，而家先派左兩科，英文同中文。
之前老師要求我個女同幾位同學，午膳時間去佢度做文言文練習，又要佢睇金庸，我仲擔心佢因為特別差先要去，好彩中文合格，不過佢地成半班人唔合格
作者: spw 時間: 13-11-19 15:31
係呀,學校極重視中文架,仔中二啦,極力狂做文言文練習..............
作者: wwyee 時間: 13-11-19 17:29 標題: 回覆：spw 的帖子
中文係我地既母語，係我地語文既基礎，如果連中文都唔掂，英文就無辦法突破。
由開學至今，我覺得學校老師好願意付出，午膳同放學時間幫學術唔係咁好既學生，亦都可以話學校為保持
質數，而心靈方面班主關顧學生，來電話比我地知，個小朋友係各方面既適應，唔會將問題推比家長處理，而係家校合作，一齊尋求方法去解決，我好認同學校既做法。
例如小朋友欠帶或者無交功課，老師反而安排一位有交帶既同學坐係佢隔離，等呢位同學提點下同感染下，希望有改進，如果再持續先再搵第二個方法。
作者: spw 時間: 13-11-20 15:34
係呀，明天水運會，天氣咁涼。。。大家要加衣呀
作者: Flowery 時間: 13-11-20 16:30
wwyee 你囡囡真好, 成日都會同你分享咁多學校的野,
幸好你都係這裡再同我地分享下, 等我地都知得多左好多.
係呀, 佢校的老師又真係幾好, 之前我都誤解了, 總覺得官校的老師會係好嚴肅
可能我地之前有返學校見過老師, 所以我係未收過老師的電話, 除左有次囝請病假, 學校打過黎問過情況.
作者: wwyee 時間: 13-11-21 09:59 標題: 回覆：spw 的帖子
今年班豬仔要做啦啦隊
作者: spw 時間: 13-11-21 10:36
回覆 Flowery 的帖子
仔仔努力呀
作者: Flowery 時間: 13-11-21 11:19
回覆 spw 的帖子
哈哈哈! 體育精神, 志在參與下, 感受下氣氛
作者: Flowery 時間: 13-11-27 14:57
wwyee 你囡囡嗰班派晒UT 成績未呀, 我亞仔嗰班只係派得中, 英, 其他嗰D都未派, 但都考完咁耐了......
作者: wwyee 時間: 13-11-27 15:36 標題: 回覆：Flowery 的帖子
仲未，數學老師同佢地講未改添呀~我個仔讀另一間，中五UT測完第日已經派晒
作者: Flowery 時間: 13-11-27 16:55
回覆 wwyee 的帖子
哦, 唔該晒!
我係突然有點擔心: 係唔係佢考得唔好, 所以話未派呢
作者: spw 時間: 13-12-23 17:42
今個假期好好安排啦，考試了，大家加油
作者: Flowery 時間: 14-1-8 13:26
踏入左2014年, 最近都少上黎同其他家長打招呼
考試週過左差不多一半, 主要嗰幾科都考左了, 姑且勿論考出黎的成績如何, 我個心都的輕鬆了不少啦.
重有幾科未考架, 金中的同學們你地可不要鬆懈呀, 要繼續努力埋佢呀, 加油
作者: spw 時間: 14-1-9 13:52
謝謝你的加油呀
作者: Jasmine-4711 時間: 14-1-22 17:05
回覆 Flowery 的帖子
請問你排金文泰第幾而抽中?第一階段有選佢嗎?
作者: Flowery 時間: 14-1-22 18:45 標題: 回覆：Jasmine-4711 的帖子
你好，我嗰個係跨區自行入的
作者: wwyee 時間: 14-1-22 19:22 標題: 回覆：Flowery 的帖子
你仔仔好叻^^
作者: wwyee 時間: 14-1-22 19:23 標題: 回覆：Jasmine-4711 的帖子
跨區统一，有聯繫。
作者: Jasmine-4711 時間: 14-1-22 19:56
回覆 wwyee 的帖子
統一你排金文泰在#1?
作者: wwyee 時間: 14-1-22 22:55 標題: 回覆：Jasmine-4711 的帖子
係呀！
作者: spw 時間: 14-3-14 13:09
大家會否去開放日呢?很熱鬧的,學生的負責攤位,簡直是讚嘆呀,我去過,好像置身於大專院校咁,很有水準的
作者: wwyee 時間: 14-3-14 14:23 標題: 回覆：金文泰中學交流區
我個女都有出力架
作者: spw 時間: 14-3-14 14:50
我個仔,當值同玩咋,你女女叻叻呀
作者: wwyee 時間: 14-3-14 16:42 標題: 回覆：spw 的帖子
佢出力佈置攤位，唔知你仔仔認唔認得出佢既作品呢
圖片附件: 1394786522361.jpg (14-3-14 16:42, 59.13 KB) / 下載次數 19
/forum.php?mod=attachment&aid=MjA2ODF8ZjZhYThmOTV8MTc2MDU5NDEwOHww
| 歡迎光臨 教育王國 (/) |
Powered by Discuz! X1.5 |