教育王國

標題: 校車服務態度差 [打印本頁]

作者: 翁心怡 時間: 13-7-26 03:37 標題: 校車服務態度差

本帖最後由翁心怡於 13-7-26 04:15 編輯

4/7曾傳真了校車的回條給民安校車公司（註明10/7前傳真，否則當後補.)但一直未收到他們的確認回覆，留了數次囗訊又唔回覆，今日電話終於有人接聪，接著我問那職員有否收到我的傳真，她態度惡劣地回答:唔知喎，點同你chec呀，傳真左就得㗎啦!"，跟住我再問有冇其他電話可詢問，佢話"冇喎!"咁都得，跟住我反駁佢，你留個電話比人做咩？跟住收線，真不知所謂！

唔confirm下校車，随時返学都有問題，D巴士好唔方便呀。

作者: maggiefung421 時間: 13-7-26 12:22 標題: 回覆：翁心怡的帖子

打去confirm 無人聽，我fax左二次，保險D

作者: M.H媽咪 時間: 13-7-26 21:17

我們都做了相同的行動！得到相同待遇！同樣也Fax咗兩次，為求保險！

作者: 翁心怡 時間: 13-7-26 21:49

睇嚟真係要加入佢地來年嘅家教會, 校車公司好唔掂!

作者: 2rpiglet 時間: 13-7-26 23:48

我都FAX左2次

, 再打電話都係態度

, 你打算參加來年家教會

作者: jswailam928 時間: 13-7-27 09:23 標題: 回覆：2rpiglet 的帖子

我打過數次都沒有人聽，但我未收到電話confirm lor!

作者: 肥嘟媽 時間: 13-7-27 13:48

校車公司向來都得到眾家長的關注
我打比學校通常得兩樣事情, 一)幫小朋友告病假, 二)投訴校車
通常校車公司八月底會打電話比家長,告知等校車地點及時間
其實佢地都改善了,但學期初首數天總有些事情要向校方反映,救命!

作者: 翁心怡 時間: 13-7-27 14:54

服務態度差，條款差(因課外活動而延遲之回程安排一般唔會另收費)，仲可继續續約可想而知，学校看似照單全收(官校作風？)，唔知其他家長对這校車公司的印象如何？因我們是剛插班的。

作者: cwinnie 時間: 13-7-29 16:33

校車問題已存在好久了, 是一個解決不了的問題.
當我大女第一日正式返小一果時, 放學我工人姐姐去接校車, 接唔到, 我打去學校問, 冇人知發生咩事, 校車沒點名, 所以有沒有上車也沒人知, 好在最後有人在學校找回我女兒.

還有早上要我地提早5分鐘到站等, 佢遲到好地地, 但佢車到我地人未到, 唔理幾點..照開車, 後來經過幾次投訴, 終於會等到夠鐘才開車.

作者: 肥嘟媽 時間: 13-7-31 13:59

本帖最後由肥嘟媽於 13-8-4 01:30 編輯

校車公司每年都重覆失憶,改善過的項目總會隨著新學年開始又再出現
一年班開學初期,校車姨姨會到班房接小朋友,到熟習後自行到上車地點,但有無點名就唔知啦
囡囡六年班時,有次跟兩位同學放學找老師,到達上車地點時看著校車駛離,幸好仍有架同路線校車未開,三人急急上車. 我都唔明,該段期間已無課後活動,所有同學都一齊放學,但都漏左三個
另一次,小一囝囝課後活動補堂,得佢一組(向學校投訴後才知),所以得數個小朋友搭校車,正常課後活動校車4:30到,但4:12打比我話校車站無人接我仔,要車佢返學校,大佬!仲同我拗話平時4:15到站,係我問題
但係人都知,4:10-4:15課後活動先完,有咩可能呀

老師都話校車無通知家長早等,係佢問題

作者: jswailam928 時間: 13-8-1 15:37 標題: 回覆：翁心怡的帖子

請問係咪全部人已經收到校車通知呀？打電話唔通，怎樣辦

作者: maggiefung421 時間: 13-8-1 21:53 標題: 回覆：jswailam928 的帖子

我未收到！

作者: 肥嘟媽 時間: 13-8-1 23:35

唔駛心急,校車公司八月底會打電話比家長,告知等校車地點及時間,佢地年年都係咁

作者: jswailam928 時間: 13-8-2 08:11 標題: 回覆：肥嘟媽的帖子

好，謝謝！

作者: maggiefung421 時間: 13-8-3 08:52 標題: 回覆：jswailam928 的帖子

謝謝！你經常幫我地解答疑難

作者: 翁心怡 時間: 13-8-6 22:28

回復肥嘟媽的帖子

逄學期尾，學校有冇做校車服務問卷？

作者: 肥嘟媽 時間: 13-8-9 00:24

年年都填，家長亦收到報告，但好似得呢間入標，唯有繼續用

作者: 翁心怡 時間: 13-8-9 22:53

本帖最後由翁心怡於 13-8-12 22:42 編輯

聞說校巴沒從前好搵，故有些學校明知校巴唔掂都繼續約用，蕭小已是一個好例子，就算有學生曾在校巴受傷，懷疑司機危險駕駛，但校長唔想和校巴公司關係變得緊張，企圖淡化事件，不了了之。原因是怕找不到其他校巴頂替。但第二年招標的時段，學校沒積極找校巴公司入標，亦沒通告家長，最終因沒對手而自動續約。這被家長投訴到爆的校巴仍可自動續約，大家可想而知，接下來這校車公司會提供些甚麼樣的服務結給學校。

作者: mch411 時間: 13-8-13 18:52 標題: 回覆：校車服務態度差

沙官校巴幾錢？, 朱小到而加仲未搵到校巴公司入標

作者: maggiefung421 時間: 13-8-15 10:57 標題: 回覆：肥嘟媽的帖子

校車問題可每間學校都存在，以前間幼稚園都好麻煩:;pppp:

歡迎光臨教育王國 (/)