教育王國
標題: 點可以容易d記到中文默書的字?? [打印本頁]
作者: Jessy 時間: 13-7-24 14:02 標題: 點可以容易d記到中文默書的字??
我兒小9月升小一了, 但佢記中文默書d字真係好差, 有咩辦法可幫助他呢??
佢很討厭抄寫, 而且有d字真係抄左10次都係轉個頭唔記得.
作者: kinling 時間: 13-7-24 14:22 標題: 回覆:點可以容易d記到中文默書的字
你要分折字比他,例如:用一個正方形格分左右兩邊(eg請、你,件),上下層(eg票,要,)比小朋友容易記得,希望幫到小朋友
作者: Jessy 時間: 13-7-24 15:48
kinling 發表於 13-7-24 14:22
你要分折字比他,例如:用一個正方形格分左右兩邊(eg請、你,件),上下層(eg票,要,)比小朋友容易記得 ...
佢知道係拆開來記的, 但有時佢仲會誇到將某2個字的左右兩邊互相掉轉了再配埋一齊當一個字!!!
作者: yy0601 時間: 13-7-24 22:20 標題: 回覆:點可以容易d記到中文默書的字??
今日響商務見到一本學好中文嘅書,你試睇下有冇一啲方法啱用
作者: Jessy 時間: 13-7-24 22:31
yy0601 發表於 13-7-24 22:20
今日響商務見到一本學好中文嘅書,你試睇下有冇一啲方法啱用
請問書名是什麼?
作者: Ashleykenneth 時間: 13-7-24 23:04 標題: 回覆:點可以容易d記到中文默書的字
會唔會有讀書障礙?
作者: Ashleykenneth 時間: 13-7-24 23:04 標題: 回覆:點可以容易d記到中文默書的字
讀寫障礙
作者: MrBeast 時間: 13-7-25 07:33
咁簡單的字如大小光,etc記到嗎? 認字有冇問題?
作者: Jessy 時間: 13-7-25 09:54
MrBeast 發表於 13-7-25 07:33
咁簡單的字如大小光,etc記到嗎? 認字有冇問題?
你講呢d字記到呀!!! 係筆劃多記唔到, 即係佢岩岩抄完個字就梗係記到, 但刷完個牙就寫唔出了!!!
作者: Jessy 時間: 13-7-25 09:57
Ashleykenneth 發表於 13-7-24 23:04
會唔會有讀書障礙?
佢耐唔耐會將個3字反轉左來寫, 大約1個月1次, 你覺得係咪?? 但我同事都話佢個囡2年班有次都反轉左s來寫喎!!
你地的小朋友係咪完全唔會架??
作者: awah112 時間: 13-7-25 10:06 標題: 回覆:點可以容易d記到中文默書的字
提示: 作者被禁止或刪除 內容自動屏蔽
作者: MrBeast 時間: 13-7-25 17:20
Jessy 發表於 13-7-25 09:54
你講呢d字記到呀!!! 係筆劃多記唔到, 即係佢岩岩抄完個字就梗係記到, 但刷完個牙就寫唔出了!!! ...
中文是像型字,咁我首先會拆開做部件eg 部首,然後作個小故事或圖畫或諗口王,來幫他記,eg, 聽-耳王十四一心,學-上半部似間學校,下半部子就是學生或阿仔。
其他方法如在沙紙上寫也可一試。
作者: gram 時間: 13-7-25 17:25
提示: 作者被禁止或刪除 內容自動屏蔽
作者: Jessy 時間: 13-7-25 17:38
gram 發表於 13-7-25 17:25
中文是有六種造字法,8成以上是形聲字,因此以象形方法记字是不化算
坊間有無d咩書講呢d??
作者: tracy59c 時間: 13-7-25 17:57 標題: 回覆:點可以容易d記到中文默書的字
我的方法是。。。。。玩玩玩玩玩,中文遊戲,自己依據字典部首,寫一些字出來,叫阿仔变成另一個字,例如:比個“日“字佢,佢变成“明“字。比個“木“字佢,佢变成“森“字。倒轉叫佢出字比番你。每次出十個部首比佢变字,讓他多動腦。
作者: hinnga 時間: 13-7-26 09:24
小朋友記不起怎書寫中文字有很多原因。請問小朋友知道中文詞語的意思嗎?很多時候因為小朋友不太了解中文詞語的意思影響記憶方面。其次心理上太抗拒阻礙了小朋友學習,例如在抄寫方面重覆太多次記不起可能已經影響心理方面。讀音方面小朋友能否記得?情況一開始便是這樣,還是突然間? 平日教學情況是怎樣?可以說一說嗎?
作者: Jessy 時間: 13-7-26 13:44
hinnga 發表於 13-7-26 09:24
小朋友記不起怎書寫中文字有很多原因。請問小朋友知道中文詞語的意思嗎?很多時候因為小朋友不太了解中文詞 ...
意思佢是知道的, 如"步行"的"步"字, 佢就係轉個頭唔記得. 佢一向不喜歡抄寫, 所以我不想逼他抄, 係上次默極都唔識個"步"字, 先叫佢寫4次, 但刷完牙又唔記得, 咪再寫4次, 之後瞓醒又不記得了,
都有d字佢好快記得, 就算"學"字咁難寫佢都記得.
今年9月才升小一, 佢現只默過2次書, 具體情況要再慢慢了解, 但的確擔心.
作者: momama 時間: 13-7-26 23:39 標題: 回覆:點可以容易d記到中文默書的字
幾多人都係上到小學先知有讀寫障礙,快去評估,搞清楚先。
作者: hinnga 時間: 13-7-27 15:52
本帖最後由 hinnga 於 13-7-27 15:55 編輯
Jessy 發表於 13-7-26 13:44
意思佢是知道的, 如"步行"的"步"字, 佢就係轉個頭唔記得. 佢一向不喜歡抄寫, 所以我不想逼他抄, 係上次默 ...
小朋友未必是讀寫障礙,如果情況持續一段時間,就需要進行測試了。
暫時可從觀察中了解,基本抄寫是需要的,坊間有些練習作業有可愛有趣的圖案吸引小朋友書寫。
另外可帶小朋友到圖書館,讓他多些選擇自己喜歡閱讀的中文讀物,這樣也增加中文知識和興趣,
重要的是看得多自然便會有點印象和記憶。此外增加小朋友對中文的接觸性都是有幫助的。
關注的記憶問題也可從另外的科目和日常生活了解觀察。
倘若小朋友對某一些科目有興趣,接觸得多有關資訊,都有助小朋友對中文的接觸互動。
我教授的小學生有的是讀寫障礙,很多人會誤解了讀寫障礙的學生,其實分析和理解能力都可以很正常,有些學生更有卓越的表現,因此無需太憂慮。
作者: Jessy 時間: 13-7-28 11:39
hinnga 發表於 13-7-27 15:52
小朋友未必是讀寫障礙,如果情況持續一段時間,就需要進行測試了。
暫時可從觀察中了解,基本抄寫是需要的,坊 ...
謝謝你, 我最近都開始同佢一齊睇多d中文故事和文章, 一陣諗住去書局搵下d教記中文宇的書籍看看有沒有幫助.
我都知急唔黎, 但怕一年級默書一開始就好低分, 會令佢無左自信心而失去學習中文的興趣和動力.
我都很想快d發現佢對邊d科目有興趣, 但暫時未知, 好像科科都不太喜歡, 有時真懷疑....佢係咪真係唔太適合咁傳統的學校.
作者: yy0601 時間: 13-8-1 13:29 標題: 回覆:Jessy 的帖子
學好中文,作者何巧嬋
圖片附件: myphoto.jpg (13-8-1 13:29, 101.97 KB) / 下載次數 0
/forum.php?mod=attachment&aid=MTI1MTZ8YTFiNmM1Nzd8MTcxODQyMTg4MHww
歡迎光臨 教育王國 (/) |
Powered by Discuz! X1.5 |