教育王國
標題: 搵上門補習導師,有咩要注意? [打印本頁]
作者: ChrisWu1 時間: 13-7-23 17:45 標題: 搵上門補習導師,有咩要注意?
搵上門補習導師,有咩要注意?
小女下年升小五,想趁暑假搵定導師幫佢下年補英文。
我唔太想搵補習社,導師一對幾都唔知教到小朋友啲咩:;pppp:
想搵上門補習多人,針對幫囡囡補英文,但想請教下咁多位家長:
1.係邊到可以搵到啲好既上門導師?(我上網搵過啲agent,但好多都係我留低資料後轉介個我唔識既比我,補成點都唔知就要收錢),依家仲有冇得係超級市場貼廣告?
2.請導師有咩要注意?係咪要睇曬佢既Cert?
3.好多導師都話自己有經驗,有冇家長有計試下個老師係咪真係有教過?
4.係咪好多上門導師都係仲讀緊書既大學生?係邊搵到啲現職既老師?
唔該曬!!
作者: mandyho0306 時間: 13-7-23 18:08
1. 你想搵有經驗既最好吾好係AGENT 度搵,,有經驗既其實多數都係補習社OR 一個傳一個
2.你應該要諗下對老師有咩要求先,,當然可以要求佢地出CERT 俾你睇
3.你睇下佢同你個小朋友夾吾夾到先最重要,,佢有冇經驗可從中知,,有時新人未必吾好,,(佢地會上心D)
4,現職既老師人工高好多,,同冇咩時間,,你要諗下你俾到幾多人地先
作者: boboee 時間: 13-7-28 23:30
提示: 作者被禁止或刪除 內容自動屏蔽
作者: bbnataliechan 時間: 13-8-13 10:58
同意mandyho0636.我覺得同老師夾吾夾最重要。我有個以前阿女補中文的老師都不錯,有與趣PM我。
作者: manwaimail 時間: 13-8-13 11:08 標題: 回覆:搵上門補習導師,有咩要注意
我試過揾agent 揾老師,真係一肚氣。d大學生無責任,又唔識得教。自己考得好同識教係兩回事,又成日話唔得閒上堂,我個囡少少進步都無
後尾我都係去返d小班補習社,一對二,始終人地有經驗,教材又齊d
作者: Joyceyim 時間: 13-8-30 10:57
請問bbnataliechan, 可說多點有關你亞囡補習老師的好? 因為我正在找一位有口碑的補習老師給我讀小一的亞囡。 謝謝!
作者: Jennyycl 時間: 13-9-10 23:15
其實想知好唔好可以試堂 我同人補都係試堂 雖然要收錢不過可以睇下老師同學生夾唔夾
之前我個學生補咗我半年 佢覺得貴轉咗第二個 點之二個月後佢都係搵番我
有時教得好唔好係睇學生同老師夾唔夾 佢同我夾 所以以加都補緊
歡迎光臨 教育王國 (/) |
Powered by Discuz! X1.5 |