教育王國

標題: 如仔女成績不錯, 何時申請轉校 [打印本頁]

作者: Samba 時間: 13-7-22 04:21 標題: 如仔女成績不錯, 何時申請轉校

小女升小三, 小一及小二成績都很好, 想小四試找一些較佳的小學, 應何時申請, 是否自薦寄信到學校插班? 還是學校會安非申請插班申請時段???謝解答

作者: 已刪除用戶 時間: 13-7-22 08:37 標題: 引用：小女升小三,+小一及小二成績都很好,+想小四

原帖由 Samba 於 13-07-22 發表
小女升小三, 小一及小二成績都很好, 想小四試找一些較佳的小學, 應何時申請, 是否自薦寄信到學校插班? 還是 ...

通常4、5月係高鋒期，可以約2、3月問定，就算佢講明吾收亦不妨寄份去試試，話吾定有意外驚喜呢

作者: silvia_ng 時間: 13-7-22 11:31

小朋友會捨得舊同學嗎?

比我就唔會因為佢叻而轉佢去另一間了, 否則佢每次叻都要換朋友, 佢唔開心啦!

作者: 科學 時間: 13-7-22 11:42

要子女重新適應一個校園生活似乎唔係咁容易，有時成人轉咗返新工作都有好多適應人際配合嘅複雜問題要面對

作者: aliceandleo 時間: 13-7-22 12:01

我問過亞女佢都唔肯,因為唔捨得D朋友仔 :)

作者: Mikiwong 時間: 13-7-22 12:38 標題: 回覆：aliceandleo 的帖子

要考慮清楚，小心適得其反

作者: shadeslayer 時間: 13-7-22 12:50 標題: 回覆：如仔女成績不錯, 何時申請轉校

成績好，點解要轉校呢？因為成績唔夠好？入更勁的學校，如果排中下，信心也無埋。

作者: 瑩瑩老豆 時間: 13-7-22 18:20

本帖最後由瑩瑩老豆於 13-7-22 18:22 編輯

Samba 發表於 13-7-22 04:21
小女升小三, 小一及小二成績都很好, 想小四試找一些較佳的小學, 應何時申請, 是否自薦寄信到學校插班? 還是 ...

成績都很好即係點好 (全級三名內?)? 為何就要另找學校從頭開始? 最重要讀得開心又間學校中學派位不錯就不定要轉. 要小朋友重新適應一個全新學校, 老師和同學會有相當大壓力的.

作者: A-Mum 時間: 13-7-22 19:45

轉校好唔好，都好睇小朋友性格。我識人轉校後要做心理治療，不過我讀過三間小學，每兩年轉一次又無問題。最緊要瞭解小朋友性格，了解佢意願，俾足夠支持佢。

間間學校程序不同，有心就早啲打電話去問定啦。

作者: kitbebe 時間: 13-7-23 16:06

除非轉去有直升中學, 或大機會入番既中學, 否則不值得要小朋友重新適應

歡迎光臨教育王國 (/)