教育王國

標題: 普教中係咪真係好？ [打印本頁]

作者: rainbowcov 時間: 13-7-21 14:34 標題: 普教中係咪真係好？

依家好多小學都實行普教中，但係咪真係好？我最初都覺得係應該的，但後來遇到一個小三生，拿起本中文書讀，只懂得讀普通話，而不懂讀廣東話，都唔知好嬲定好笑。
大家點睇呢？

作者: Obiepapa 時間: 13-7-21 15:03 標題: 引用：依家好多小學都實行普教中，但係咪真係好？

原帖由 rainbowcov 於 13-07-21 發表
依家好多小學都實行普教中，但係咪真係好？我最初都覺得係應該的，但後來遇到一個小三生，拿起本中文書讀， ...

兩文三語就系噤，又要英文好，普通話不錯的學生其實已經好難。

作者: 已刪除用戶 時間: 13-7-21 15:36 標題: 回覆：普教中係咪真係好？

我兩個仔女都係小一開始普教中（100%中文老師完全吾會講廣東話）。見到「普通話人」都幾自然識轉台果種。讀課本正常都係普通話，因為學開，但真係吾會吾識用廣東話讀，睇一般圖書亦係用廣東話（佢有時見到好笑野會分享俾我聽）

作者: Cathy.Leung 時間: 13-7-21 19:21 標題: 回覆：普教中係咪真係好？

其實我認同普教中可大大提升普通話和中文寫作能力。但亞仔學校不是普教中，但有一科普通話科。校長話因為如學校要普教中，小三要考試的，又話上中學無需考呢科，唔想學生嘥時間考多一科，第時出來社會一般只需聽同講到便可!

作者: momama 時間: 13-7-21 23:48 標題: 引用：依家好多小學都實行普教中，但係咪真係好？

原帖由 rainbowcov 於 13-07-21 發表
依家好多小學都實行普教中，但係咪真係好？我最初都覺得係應該的，但後來遇到一個小三生，拿起本中文書讀， ...

要了解清楚原因。阿女小一開始普教中，自小廣東話基礎好，我只會同佢講廣東話，所以一直冇問題。

作者: 已刪除用戶 時間: 13-7-22 08:40 標題: 引用：其實我認同普教中可大大提升普通話和中文寫

原帖由 Cathy.Leung 於 13-07-21 發表
其實我認同普教中可大大提升普通話和中文寫作能力。但亞仔學校不是普教中，但有一科普通話科。校長話因為如 ...

普教中，即日日有（中文係主科），如果推行得徹底，所有中文老師都吾會講廣東話，情況就似NET一樣，浸得幾年一定有得著，因為師生溝通吾止限於課本內容

作者: 科學 時間: 13-7-22 09:13

本帖最後由科學於 13-7-22 09:14 編輯

如父母喺屋企祗係同子女用廣東話溝通，小學普敎中祗會令小朋友有充足機會接觸應用兩種語言，相信是利多於弊

作者: chanwendy 時間: 13-7-22 11:55

科學發表於 13-7-22 09:13
如父母喺屋企祗係同子女用廣東話溝通，小學普敎中祗會令小朋友有充足機會接觸應用兩種語言，相信是利多於弊 ...

我哥一樣在家只講廣東話, 我姪女普教中, 仍然係有好多字只識普通話. 我姪女都升小四喇, 父母都忙工作, 加上咁大個, 父母都唔會再伴讀架啦, 久而久之, 唔識就繼續唔識.

作者: rainbowcov 時間: 13-7-22 12:28

chanwendy 發表於 13-7-22 11:55
我哥一樣在家只講廣東話, 我姪女普教中, 仍然係有好多字只識普通話. 我姪女都升小四喇, 父母都忙工作, 加 ...

咁會唔會中文用廣東話, 而另有普通話堂會好D呢?

作者: 已刪除用戶 時間: 13-7-22 12:32

果日同個台灣同事傾開普/廣問題, 佢都黎左香港好多年
大家同意有d字, 廣東話/本地書真係少用(一般香港人寫既中文真係好有限), 所以莫講過小學生, 連我都唔識讀, 例如睏, 憋, 有d識讀但細心唸其實真係唔多用, 如呆, 棒(棒極了果個棒), 我女都要我提左幾次至讀得岩
至於係咪因為"唔識用廣東話讀"就否認普教中, 就好似"唔識讀d字所以唔好隨便睇書"一樣, 似乎本末倒置了, 唔認就更應該去學, 對嗎

作者: chanwendy 時間: 13-7-22 15:14

rainbowcov 發表於 13-7-22 12:28
咁會唔會中文用廣東話, 而另有普通話堂會好D呢?

我個人係 buy 呢套的, 所以我唔會選普教中學校.

作者: tws2010 時間: 13-7-22 15:52

回復 chanwendy 的帖子

I also buy this approach

作者: kawaiiliz 時間: 13-7-22 16:13

回復 chanwendy 的帖子

Me2, 費時兩頭唔到岸

作者: mandyk105 時間: 13-7-22 17:20

語言一定要浸, 活學活用咁先有得著, 無論英文好, 普通話也好. 我一定舉脚筫成普教中, 為迎接十年二十年後的中國香港. 如有家長持反對, 當然無問題, 咪遲d學囉. 不過錯過了語言黃金期, 就要吃力點加把勁了.

作者: gram 時間: 13-7-23 00:33

提示: 作者被禁止或刪除內容自動屏蔽

作者: 已刪除用戶 時間: 13-7-23 00:48

真人真事.

我老公朋友細女同我囡讀埋同一間小學, 大女係某直資讀, 大女學校係普教中, 讀左兩年發現大女睇報紙唔識用廣東話讀返出黎, 搞到要細妹教佢點讀, 之後個爸爸就去搵人幫大女補廣東話.

作者: janetlam74 時間: 13-7-23 01:33

阿仔讀無普教中的,但他聽得到又答得到講普通話的人,仲好好TIM...
呢科我幫佢唔到,我普通話唔掂但覺得佢OK!
至於中文作文....無問題

作者: sampapa 時間: 13-7-23 03:11 標題: 回覆：rainbowcov 的帖子

樓主見到的那個小朋友，可能實際生活地方或由小長大至今天的語境已是全普通話。而有這99%語境地方便是......

作者: 已刪除用戶 時間: 13-7-23 07:58 標題: 引用：根據多年不同的專家研究﹑報告,普教中定廣

原帖由 gram 於 13-07-23 發表
根據多年不同的專家研究﹑報告,普教中定廣東話學中文,兩組學生的中文水平高低是完全沒分別,即沒有關係,這是 ...

呢樣我認同。我鐘意普教中純粹係多時間去浸／學另一種有用語言。我吾覺普教中會令作文好左，相反亦吾覺會令廣告話差左或者學習中文蝕底左

作者: CrabPincers 時間: 13-7-23 08:03 標題: 回覆：普教中係咪真係好？

不知你們當中，有無中學生的家長？

check一check, dse中文聆聽係用乜野語言，同埋even中學初中中文係普教中，高中時又係不係？

我個
女小學到中學都是全廣東話上堂，中一時，普通話考試試過考第十（全級由尾上）.之後搵人補左大半年，今年中三，變返全級頭十

講聽併音無問題，中文寫作雖然不是十分好，但都ok

語文係須要浸，有得必有失

作者: CrabPincers 時間: 13-7-23 09:23 標題: 回覆：CrabPincers 的帖子

講漏，還有dse口試的語言

作者: rainbowcov 時間: 13-7-23 13:49

CrabPincers 發表於 13-7-23 08:03
不知你們當中，有無中學生的家長？

check一check, dse中文聆聽係用乜野語言，同埋even中學初中中文係普教 ...

都有唔少學校係用廣東話考DSE中文口試同聆聽, 中一至中三有普教中, 但到高中已全轉用廣東話教學,

作者: Wincy0729 時間: 13-7-23 14:48

回復 rainbowcov 的帖子

唔係喎,我個仔都係普教中架, 但係學校要佢地學埋廣東話, 而家佢係屋企有時都同我用普通話傾計 ...

作者: mandyk105 時間: 13-7-23 15:32

重申, 要學普通話, 不是想提高作文能力, 只想"浸"另一種語言. 能夠與中國人溝通, 不致於雞同鴨講.

作者: Wincy0729 時間: 13-7-23 16:50

回復 Wincy0729 的帖子

佢今年升小二。。。

作者: kinling 時間: 13-7-23 23:52 標題: 回覆：普教中係咪真係好？

其實以我個人意見，都是識多一種語言咪仲好，等同英語，為何學校有英文學，家長又比錢小朋友補英文，普通話在學校免費有得學，梗係好啦，呢個吹世，有d學校有西班牙語好tim.

作者: chanwendy 時間: 13-7-24 11:22

kinling 發表於 13-7-23 23:52
其實以我個人意見，都是識多一種語言咪仲好，等同英語，為何學校有英文學，家長又比錢小朋友補英文，普通話 ...

冇人反對學普通話喎, 只係反對普教中啫, 要學普通話應該獨立成科, 而唔係用嚟普教中, 咁咪容易做成小朋友只識讀普通話好多字唔識廣東話的問題囉. 除非配套做得好好, 如樓上有 jm 話會用廣東話教多次點讀.

作者: jojoplanet 時間: 13-7-24 11:28

rainbowcov 發表於 13-7-21 14:34
依家好多小學都實行普教中，但係咪真係好？我最初都覺得係應該的，但後來遇到一個小三生，拿起本中文書讀， ...

如果你讀得到咪可以增值, 否則咪係一種負擔囉....如果你中文科唔好仲要唔係母語教就衰上加衰..

作者: Trista0816 時間: 13-7-24 12:09

其實係咪普教中, 小朋友都多用普通話講野﹐因為好多都是新移民同學，想唔講普通話都唔得啦！
我仔升小二，已經說得一口流利普通話！
不過佢講廣東話都無問題呀！

作者: rainbowcov 時間: 13-7-24 13:42

jojoplanet 發表於 13-7-24 11:28
如果你讀得到咪可以增值, 否則咪係一種負擔囉....如果你中文科唔好仲要唔係母語教就衰上加衰.. ...

應同, 普通話只係一種溝通語言, 如果本身流利的話, 學任何科目都無問題, 莫說只是中文科, 相反就真係負擔, 仲學唔好中文TIM.

作者: jojoplanet 時間: 13-7-24 14:54

rainbowcov 發表於 13-7-24 13:42
應同, 普通話只係一種溝通語言, 如果本身流利的話, 學任何科目都無問題, 莫說只是中文科, 相反就真係負擔, ...

我一路以為D學校好多都全普教中. 個時同個仔去扣門, 點知叩咗幾間都只係精英班先係普教中, 其中一個校長話家長咪對普教中咁迷痴以為一定好...本身成績唔好既會差上加差....

作者: polly0503 時間: 13-7-24 23:04 標題: 回覆：普教中係咪真係好？

大女小二會普教中，常識係用廣東話我覺得都可以識多些廣東話，我會繼續陪佢睇圖書用廣東話講。

作者: chymama2 時間: 13-7-27 15:52 標題: 引用：Quote:科學+發表於+13-7-22+09:13+如父母喺

原帖由 chanwendy 於 13-07-22 發表
我哥一樣在家只講廣東話, 我姪女普教中, 仍然係有好多字只識普通話. 我姪女都升小四喇, 父母都忙工作, 加 ...

作者: chymama2 時間: 13-7-27 15:56 標題: 引用：真人真事.我老公朋友細女同我囡讀埋同一間

原帖由 miriam 於 13-07-23 發表
真人真事.

我老公朋友細女同我囡讀埋同一間小學, 大女係某直資讀, 大女學校係普教中, 讀左兩年發現大女睇 ...

作者: tws2010 時間: 13-7-27 23:12

回復 rainbowcov 的帖子

True. Afterall, the history of PTG is still short. The vocab are comparatively fewer. In fact, if one's Chinese is not up to standard, learning Chinese thru PTG will be a burden. On the other hand, it's not difficult to learn PTG through other channels, just like the time we learned Japanese when we were young. We learned Japanese through Japanese pop songs.

歡迎光臨教育王國 (/)