教育王國

標題: 上N班半日好還是全日班好呀? [打印本頁]

作者: yellow20 時間: 13-7-19 17:31 標題: 上N班半日好還是全日班好呀?

在整理幼稚園資料, 其實你地係想自己個BB上半日班還是全日班呀?
我自己屋企有人照顧, 可以不需要上全日班的.點好呢?

作者: ckate 時間: 13-7-19 17:37

如果有人照顧, 好多都讀半日.
不過我想讀全日, 因為唔想比奶奶寵壞佢... 又可以學下自理

作者: Fion_Wu 時間: 13-7-19 17:57

我地都選半日，覺得全日會比較易病，同埋我地都有人照顧既

作者: yyetgohome 時間: 13-7-19 20:57 標題: 回覆：yellow20 的帖子

全日，自理能力高

作者: DollyCC 時間: 13-7-19 21:50 標題: 回覆：ckate 的帖子

我個仔讀全日，自理好些。病都唔係好多，一個個小朋友啦。我都係怕工人寵壞。讀全日有小朋友一齊玩，可以學分享。

作者: Ballballpapa 時間: 13-7-19 23:49

我認識既一些朋友或同事既子女讀全日班, 都好似比較容易染病. 佢地父母話讀嗰一年PN全日班, 計埋有兩三個月既學費係白交....

作者: ckate 時間: 13-7-20 12:26

我覺得睇小朋友體質, 唔一定返全日就成日病~

作者: Deluxemo 時間: 13-7-20 12:50 標題: 回覆：上N班半日好還是全日班好呀?

PN全日，朝八晚六！成十粒鐘，好似好累囉！

作者: crystal媽咪 時間: 13-7-20 15:05

全日都不一家要朝８晚６，可８：４５食早餐前到校，４：３０就可以放學。長Ｄ的開放時間係遷就需要返工又無工人／家人協助的父母。
全日都好，可訓練規律的作息時間，少Ｄ偏食情況，

作者: DollyCC 時間: 13-7-20 15:41 標題: 回覆：crystal媽咪的帖子

同埋全日班有午睡，不是學足全日，下午有大肌肉運動，作息定時

作者: petercck 時間: 13-7-20 18:59

N班通常揀左二近，
行路番到學就岩哂，
唔駛揀名校住，
K1先要搏殺揀間好d。

屋企有人湊就揀番半日學。
全日果d適合日頭要番工的家長。
兩歲B抵抗力低，讀全日好易病。
唔好以為病左實會好番，病係會死會殘廢的。
咁細個好需要親人愛錫，充足的午睡對腦部的發育很重要。

幼兒班讀半日，少病，有人愛錫，健康快樂成長。

作者: yellow20 時間: 13-7-24 17:00

petercck 發表於 13-7-20 18:59
N班通常揀左二近，
行路番到學就岩哂，
唔駛揀名校住，

多謝你們的意見.thank you!
我自己都係想揀讀半日.

作者: Lovely_Babybaby 時間: 13-7-31 09:28

本帖最後由 Lovely_Babybaby 於 13-7-31 09:29 編輯

我仔係細囝,一足兩歲就返全日班,
我覺得病唔病好睇小朋友自己體質,
朋友讀半日病得仲多過我個仔,我個仔N班全個學期,
一共請左8日病假,我諗都唔算多,
有朋友讀半日,一個月例牌請3-4日.

如父母都返工,老人家或工人又縱小朋友,
真係讀全日好過,全日班生活好有規律,
早餐 ->遊戲->水果餐->大肌肉運動->午膳->睡前故事,
午睡->茶點-> 運動->語言學習/認字/實驗/圖工->放學.
一天生活好充實,我覺得會健康過係屋企對住工人姐姐或老人家,
成日食零食同睇電視

作者: 彪馬仔 時間: 13-8-9 22:36

想問半日班的流程大概係點樣?

作者: 彪馬仔 時間: 13-8-9 22:40

我睇到朗思全日班學費要成8,xxx仲貴過聖保祿幼兒園同其他全日幼兒園…佢有咩賣點可以收咁貴? 有冇該校家長可分享下呀?

作者: blythe_baby 時間: 13-8-9 23:16 標題: 引用：我睇到朗思全日班學費要成8,xxx仲貴過聖保

原帖由 彪馬仔 於 13-08-09 發表
我睇到朗思全日班學費要成8,xxx仲貴過聖保祿幼兒園同其他全日幼兒園…佢有咩賣點可以收咁貴? 有冇該校家長 ...

未聽過

名校？國際校？

作者: yenyenBB 時間: 13-8-10 18:06 標題: 引用：N班通常揀左二近，行路番到學就岩哂，唔駛

原帖由 petercck 於 13-07-20 發表
N班通常揀左二近，
行路番到學就岩哂，
唔駛揀名校住，

全日都要睇邊間。
我囝囝番全日，病只係2次3次。
唔一定係學校傳染。
可以係響家人，公園度感染。

N班學好自理，作息定時，同同學仔一齊食飯，午睡，分享玩具，學社交。
多時間相處，老師了解多d，會另有發現（響家中睇唔到既一面）
仲有，老師講一句，係一定好過我地講十句。

今年剛K1開學，有d半日N班既家長同我傾，話好後悔N班冇揀全日。
宜家話想小朋友再學番好d自理，K1轉全日，K2再轉番半日。

N1全日學好左，K1轉番半日。
俾我再揀，我都係咁揀。

自理好緊要！
起碼我仔仔自己肯食飯，單拖帶佢出街都冇咁辛苦。

作者: 彪馬仔 時間: 13-8-10 22:36

朗思即係Think International.

歡迎光臨教育王國 (/)