教育王國
標題: 為甚麽有如此家長？ [打印本頁]
作者: jeremyphlam 時間: 13-7-17 23:02 標題: 為甚麽有如此家長？
本帖最後由 jeremyphlam 於 13-7-17 23:03 編輯
有個朋友，一直没有offer。大抽奬小朋友派了入某地區名小，但都不太開心，因為目標是超級名校。最近某名直資call waiting 收咗，本來都為佢開心，但今日佢竟然對我地一班好友講，終於可以升呢，唔使讀埋d村校。
聽到佢咁講個下好唔開心，點解一個相識多年的朋友會咁諗嘢，忽然對佢好陌生。好想同佢講，乜宜家讀小學都有階級分，有得升格㗎？
最後忍口冇講，費事朋友都冇得做。
估唔到考小學可睇清一個人的品格。
作者: Greece 時間: 13-7-17 23:11 標題: 回覆：為甚麽有如此家長？
我知我有個朋友都係咁諗，因為佢有咁同其他人講，但佢冇咁同我講過，我諗佢知我一定唔同意，所以選擇唔會同我咁講。
作者: happyty 時間: 13-7-17 23:11
現今香港的家長們, 仿佛只有讀直資或私立才算得上"韾香"吧.......因為這二類學校不斷被催化成貴族學校, 所以入讀的學生,家長都會覺得高高在上
作者: Yukyuk 時間: 13-7-17 23:15 標題: 回覆：jeremyphlam 的帖子
朋友有好多種的。
價值觀不同唔緊要的！
你選擇了唔出聲，已代表不想介入。
能夠看清楚一個人的另面孔，應該開心至係！
作者: boomGi 時間: 13-7-17 23:17 標題: 回覆：為甚麽有如此家長？
有乜咁出奇，有家長話應該以交稅多少來決定選學校的先後啊
作者: jeremyphlam 時間: 13-7-17 23:32
本帖最後由 jeremyphlam 於 13-7-17 23:37 編輯
happyty 發表於 13-7-17 23:11 
現今香港的家長們, 仿佛只有讀直資或私立才算得上"韾香"吧.......因為這二類學校不斷被催化成貴族學校, 所 ...
我朋友應該係要全港知名的學校，全港性名津小佢應該重開心，因為唔使學費。佢成日話之前考唔到學校係因為谷得個小朋友唔夠勁。我地幾個朋友一直勸佢考小學好多因素，唔一定關成績事。也很為他的小朋友擔心，知道佢唔會滿足地區名小，一定會谷個小朋友P2再考插班。
所以名直資（sorry，其實係私小，但未係佢最想入嗰間）收咗我們反而替佢小朋友鬆口氣。我還記得當年佢小朋友未入幼稚園時，佢重話唔想個小朋友咁辛苦，讀番佢小時的地區小學就可以了。。。
冇諗過人會變得咁快，重要咁過份。
作者: lin624 時間: 13-7-17 23:55
所以是私小收了她？
作者: carolmum 時間: 13-7-17 23:56
你朋友這樣是不是膚淺左一點呢...
作者: fion_yinyin 時間: 13-7-18 00:04
你講到咁白，你唔怕你既"朋友"睇到咩？
作者: dlee_ca 時間: 13-7-18 00:09 標題: 回覆：為甚麽有如此家長？
朋友，咁都要上心，真係好唔得閑，呢個 case 除非好有米，我計過，一孩家庭月入冇五萬都唔好小一入直資或私校 (HK$2,000/月 或 公務員 除外），每個月學費加配套，抽走了一大畢資源 (大約7-8千）到高中或大學時（尤其出國）仲邊度搵錢出來？
但讀津校就彈性大一點.
作者: Yukyuk 時間: 13-7-18 00:18 標題: 引用：朋友有好多種的。
價值觀不同唔緊要的！
原帖由 Yukyuk 於 13-07-17 發表
朋友有好多種的。
價值觀不同唔緊要的！
jeremyphlam 謝謝你，不過呢個係好好朋友識咗好多年。個心好唔舒服先開post。 發表於 昨天 23:36
我的意思是你的觀察力及智慧増長了。
其實即使你即場持相反意見反駁她，都未必收效。
平常心吧！
作者: tinnor 時間: 13-7-18 01:06 標題: 引用：朋友，咁都要上心，真係好唔得閑，呢個+cas
原帖由 dlee_ca 於 13-07-18 發表
朋友，咁都要上心，真係好唔得閑，呢個 case 除非好有米，我計過，一孩家庭月入冇五萬都唔好小一入直資或私 ...
作者: 大件仔 時間: 13-7-18 01:28
呢個地球真係乜人都有, 我以前個同事, 問我簡乜小學, 佢一聽津校, 就嘴妙妙咁, 咁又係, 人地KG讀IS, 一個月學費都6K幾, 每日放學仲學呢學路, 個個月都使成15K, 我同人講讀津校, 即時比人眼超超.
不過, 都有人同佢講, 話佢個仔一出生就要食好, 住好, 讀好, 佢個仔食條蕉都要有機, 唔貴唔買, 100左右先食得入口, 因此, 簡小學好頭痛, 唔知有無咁TOP學校, 我聽完呢兩個同事講完後, 我都好為佢小朋友担心, 因為, 佢父母係有病呀.
P.S. 我有D離題, 希望樓主勿見怪
作者: tinnor 時間: 13-7-18 01:38 標題: 引用：呢個地球真係乜人都有,+我以前個同事,+問我
原帖由 大件仔 於 13-07-18 發表
呢個地球真係乜人都有, 我以前個同事, 問我簡乜小學, 佢一聽津校, 就嘴妙妙咁, 咁又係, 人地KG讀IS, 一個月 ...
作者: dlee_ca 時間: 13-7-18 01:47 標題: 引用：Quote:原帖由+dlee_ca+於+13-07-18+發表朋
原帖由 tinnor 於 13-07-18 發表
sorry 唔明，… 2仟？ 學費？
作者: tinnor 時間: 13-7-18 02:14 標題: 引用：Quote:原帖由+tinnor+於+13-07-18+發表sorr
原帖由 dlee_ca 於 13-07-18 發表
除非入到一d直資，學費少於二千一個月，例如：玄圓，嶺大同學，陳守仁，等等，如果唔係超吃力。
...
作者: Unclejt 時間: 13-7-18 02:33
我是這樣想，我們大(?)部份人的心目中，都有一些我們不願意我們孩子入讀的學校。只不過我們會說：這些學校不適合我們的小朋友。而不會去得那麼盡罷。
作者: teresayc 時間: 13-7-18 02:54 標題: 回覆：Unclejt 的帖子
係讀得嘅，將來結果都一樣啫！
作者: sampapa 時間: 13-7-18 04:46 標題: 回覆：tinnor 的帖子
Internation School, 國際學校。
也有分真假的。
直IS是主要給自己國民為主，可以和自己國家的學校接軌，隨時回國繼續升學。如星加玻國際學校，德瑞，還有許多。
而假國際就自己想想吧。
但有些直資或私小，從不標榜國際兩字，但他們的學生類別很多國的，或敎學模以國際模式運作，例如陳守仁，蔡繼有等。這些學校的英語水準，肯定不用擔心或懷疑的。
作者: Yanamami 時間: 13-7-18 07:59
家長有不切實際的期望，只會苦了孩子。不是心痛為甚麼朋友變成這樣，而是心痛有這樣想法的父母，他的孩子以後的日子怎樣過。。。
作者: bonnycai 時間: 13-7-18 08:15 標題: 回覆：jeremyphlam 的帖子
人總會分高低，但成功勵志故事總需這些人陪襯，又無需太介懷!
作者: MrBeast 時間: 13-7-18 08:37
每人價值觀和life experience 都不同，又唔係殺人放火，偷呃拐騙。
作者: king.bo88 時間: 13-7-18 09:22
好老實講, 我覺得樓主有咩錯, 做父母是為了自巳的小朋友, 現今D 父母, 大部份都會咁做.
作者: 蓮蓉包 時間: 13-7-18 09:30
jeremyphlam 發表於 13-7-17 23:02
有個朋友，一直没有offer。大抽奬小朋友派了入某地區名小，但都不太開心，因為目標是超級名校。最近某名直 ...
感同身受..有了小朋友後，看到身邊的朋友、甚至家人的種種想法和行為..
也感到大家原來變得很遠.................
有朋友說過冇錢就唔好生..基層長大的我，心想那就沒有我了..
最後..我也是和你一樣..選擇不回應...VV
坦白說...回望數年前的自己..也覺得今天的自己有點..陌生...
作者: Gerard 時間: 13-7-18 09:34 標題: 回覆：為甚麽有如此家長？
提示: 作者被禁止或刪除 內容自動屏蔽
作者: taktakchichi 時間: 13-7-18 10:22
jeremyphlam 發表於 13-7-17 23:02
有個朋友，一直没有offer。大抽奬小朋友派了入某地區名小，但都不太開心，因為目標是超級名校。最近某名直 ...
2012 DSE 狀元: 皇仁書院 (2), 嘉諾撒聖瑪利書院, 聖言, 培正 (全部為官津中學)
2013 DSE 狀元: 皇仁書院 (2), 中華基督教會協和書院、喇沙書院、真光女書院, 英華女學校 (以上皆為官津中學); 德望學校 (私校), 聖保羅男女中學 (直資) , 香港青年協會李兆基書院 (直資)
都唔見得D直資學生真係叻過官津學校學生
作者: CoffeeCake 時間: 13-7-18 10:39
好多”真正”有錢人（即係有晒咩咩會藉，司機出入），都係讀津小（當然都係有名果D）。
津小 ＝ 降”呢”？
呢位家長要去見識下用瑪莎拉堤／法拉利去津小接放學既情景吧。
作者: 熙fi媽媽 時間: 13-7-18 11:05
好多謝佢放位給有需要的人
作者: 科學 時間: 13-7-18 12:13
有時家長都係隨着環境嘅客觀因素而改變自己嘅想法和行為，其中一個適者生存嘅做法，人各有志而巳
作者: happy_lavender 時間: 13-7-18 12:24
本帖最後由 happy_lavender 於 13-7-18 12:34 編輯
大件仔 發表於 3-7-18 0128
呢個地球真係乜人都, 我以前個同事, 問我簡乜小學, 佢一聽津校, 就嘴妙妙咁, 咁又係, 人地KG讀IS, 一個月 ...
我上大陸識的駕保時捷的工廠老闆都無咁嘅暴發戶咀臉！身為香港人聽到都感到羞家。
作者: jeremyphlam 時間: 13-7-18 13:27
taktakchichi 發表於 13-7-18 10:22
睇唔起屋村(官津)學校, 叫佢睇下呢2年班DSE狀元係邊度出嚟啦:
2012 DSE 狀元: 皇仁書院 (2), 嘉諾撒聖瑪利 ...
佢唔係睇唔起官津，係睇唔起非全港知名的學校。皇仁，MCS, LS, WY呢d當然冇問題。
作者: Senseiwu 時間: 13-7-18 13:39 標題: 回覆：為甚麽有如此家長？
換個角度看，我朋友本來buy快樂成長，所以只有一個仔都冇讀PN班，且讀學券村幼。怎料小朋友k1已經學識講「廢柴」，話因為某同學仔教，同學個嫲嫲成日話爸爸廢柴喎。之後小朋友轉名幼，第一個月去海洋公園就指住條魚叫hammer shark, 話某某同學教。
樓主的朋友話「升呢」應只係呢個意思，請不要不開心，應該不是誤交損友。
作者: 男仔頭 時間: 13-7-18 13:48
我身邊有好多呢類型家長，十分討厭，覺得名校好巴閉，格衰！
作者: conhui1223 時間: 13-7-18 14:45
樓主唔駛太介懷，呢d都係你朋友嘅選擇，就好似有啲人覺得出街一定要拎名牌手袋一樣，又或者佢覺得呢間學校較適合佢個小朋友。講真最重要係個小朋友本身。眼見個DBS畢業嘅男仔，睇CV文武雙全以為好smart, 見到真人先知一般。所以冇話啱定唔啱，只係一個選擇同喜好。不過我希望你朋友係從小朋友角度去揀。
作者: easybring 時間: 13-7-18 14:56
語言藝術和同理心要從人生經驗中努力學習, 好多上左年紀既都係成日開口得罪人唔知. 仲有D指住校工, 叫個仔勤力讀書, 否則第日要做校工.......好多呢D例子. 總之, 世上每個人都有自己既position. 唔好理人咁多. 盡力做好自己先.
作者: Jane1983 時間: 13-7-18 15:34
有個朋友，女入左女拔，他叫個女比心機讀，話“系果間學校包尾果個，去到第二度都考第一!”。同場有些人聽了好吾舒服...
我覺得無所謂，他一時over 左，又吾系大奸大惡，又無害我，吾上心。
作者: jcmchan 時間: 13-7-18 15:35
回復 jeremyphlam 的帖子
講真~~我覺得樓主你太敏感la !!! 可能你朋友講者無心 ,你聽者有意 !! 如果佢知道你聽完之後反應咁大 又 唔即場問個明白,仲要係bk咁講佢 , 佢一定會對你尼個朋友超失望!!
現今父母好辛苦,每個人都只希望比最好的給自己小孩.考小一是一個好變態的遊戲,不是人人能夠明白當中的苦甜!當你朋友心儀學校唔收,佢一定好失望.收了開心過頭,也因為當你們是好友,沖口而出,無諗過自己的話讓人不安..姐!
佢未必是你想像中的意思!!
現今的確有好多私校及直資學校比較開心學習.傳統學校的確好谷好辛苦! 當中原因,你未完全了解佢心中所擔憂的.
難怪 有一日死佬好認真同我講,你千萬唔好同第二個人講唔like SL,會比人打死!! 佢就係擔心人地唔明,當我貪心~~當我變態~~當我怪獸~~哈哈!!!
作者: tws2010 時間: 13-7-18 16:52
回復 大件仔 的帖子
Similar here. I go to fast food restaurant for lunch. My friend will go to 5-star hotel for lunch. She spends over 300 dollars and I spend around 40. If said i wanted to go to cheap cheap restaurant, she will black face...
作者: 男仔頭 時間: 13-7-18 16:52
最討厭係踩人地間學校唔好，差，垃圾之類說話而抬高自己嗰間超好的說話！
唔係個個父母想入名校，人地讀得的學校更係有佢原因！
作者: hadwinboy 時間: 13-7-18 18:07 標題: 回覆：為甚麽有如此家長？
如果真的是村校，資源是會少些，比起直資私校而覺得是升呢，無可厚非。但如果用村校形容地區名小，真的有點...... 那個
作者: chymama2 時間: 13-7-18 19:04 標題: 引用：朋友有好多種的。
價值觀不同唔緊要的！
原帖由 Yukyuk 於 13-07-17 發表
朋友有好多種的。
價值觀不同唔緊要的！
作者: Winnie0615 時間: 13-7-18 23:13 標題: 回覆：boomGi 的帖子
咁佢係咪自覺交左好多稅呀？ 咁叫稅局出封感謝狀比佢咪得囉！我覺得講呢d說話嘅人好井底，一山還有一山高呀！
作者: teambuilder 時間: 13-7-20 08:16
上得ek的家長有邊個未幫仔女報過學校？有邊個未失敗過？問心，如果有間傳統名校如maryknoll，LS話收自己孩子都唔會抗拒吧。雖然沒有說出口，但行動會證實多數人都愛入某些名校。如果有人跟你說“女拔收了我女兒不過我還是揀津校，我認為津校都可以讀得好好”，這樣你會舒服嗎？不過人家原來抽中了st. Mary。到時你又覺得別人在說風涼話了。睇開d啦，媽媽。
作者: lbbk 時間: 13-7-20 12:20
放輕鬆, 用精神時間去煩惱一些更有價值的事情吧!
作者: little_yolky 時間: 13-7-22 17:34
Jane1983 發表於 13-7-18 15:34
有個朋友，女入左女拔，他叫個女比心機讀，話“系果間學校包尾果個，去到第二度都考第一!”。同場有些人聽 ...
佢唔係over咗, 係老實咗。我老細個伯爺年青時响中山大學讀書(注: 中山大學都係重點大學, 名校了), 有一年, 有一位轉校生, 來自清華大學, 因為考第尾, 好似被退學, 入中山大學考第一。
作者: Chantalchan 時間: 13-7-22 21:37
本帖最後由 Chantalchan 於 13-7-22 21:39 編輯
希望我們都不要任何事情都用錢去量度，這樣只會累了孩子！
作者: toutou1024 時間: 13-7-22 23:18 標題: 回覆：teambuilder 的帖子
完全認同！人各有志，俾着我，我都會選名私校都唔會選屋村學校啦！有邊個唔想做有錢人，而做窮人呀
作者: 小雞組 時間: 13-7-23 17:07
jcmchan 發表於 13-7-18 15:35
回復 jeremyphlam 的帖子
講真~~我覺得樓主你太敏感la !!! 可能你朋友講者無心 ,你聽者有意 !! 如果佢知道 ...
作者: skmibb 時間: 13-7-23 17:32
大件仔 發表於 13-7-18 01:28
呢個地球真係乜人都有, 我以前個同事, 問我簡乜小學, 佢一聽津校, 就嘴妙妙咁, 咁又係, 人地KG讀IS, 一個月 ...
| 歡迎光臨 教育王國 (/) |
Powered by Discuz! X1.5 |