教育王國

標題: 分享經驗 [打印本頁]

作者: Anitalyc 時間: 13-7-15 13:59 標題: 分享經驗

各位好:

我仔仔2Y, 剛剛去完健康院見姑娘做評估, 因為仔仔唔識講野, 又唔識表達自己, 比圖片佢認, 佢完全無反應, 姑娘話仔仔進展慢, 話要見醫生再做評估, 我想問下各位, 呢個情況之下:
1. 係咪即係仔仔有自閉傾向?
2. 仔仔安排左呢個星期去健康院見醫生, 會唔會即係做評估? 還是等再轉介先會做?
3. 一般排政府, 由評估至治療, 成個過程大約要等幾耐?

我個新手媽媽, 真係唔識點樣處理, 請各位幫幫手, 比啲意見, 感激!

作者: Olympian 時間: 13-7-15 16:45 標題: 回覆：Anitalyc 的帖子

是否有自閉要轉介到評估中心，由評估中心的醫生進行評估決定，約1個小時。

作者: Anitalyc 時間: 13-7-15 19:39

Olympian 發表於 13-7-15 16:45
是否有自閉要轉介到評估中心，由評估中心的醫生進行評估決定，約1個小時。

...

意思係健康院醫生唔會做評估, 只會初步估計仔仔係咪有自閉傾向, 如果健康院醫生覺得佢有, 先轉介去評估中心做評估?

作者: cat1028 時間: 13-7-16 00:36

我囝2歲時都被安排見健康院醫生，本來要排半年，但當天醫生有空，做左個簡單評估，説未必係，但仍寫轉介信去cac.
可能我囝係cac見姑娘全無交流（十問九唔應），之後好快（約四個月）見埋醫生做評估.
其實你下星期見醫生，咪等下羅。
我排兼收位，上月後補有學額（排左1年3個月）

作者: ka-sandra 時間: 13-7-16 09:34 標題: 回覆：Anitalyc 的帖子

你跟你仔仔說話時，你仔仔會不會望著你?如果係自閉症，一般都不會有眼神接觸。我有2個小孩，一個係A仔，一個係正常小孩。
從評估到治療，我花了2年時間。總算今年有S位俾我大仔讀。盡快轉介去評估。我細仔1歲7個月評估係正常小孩，只是語言delay.轉介言語治療。現在1歲10個月，開始講好多單字，成日'點'人做嘢。
政府的服務，樣樣嘢都要排好耐。

作者: Anitalyc 時間: 13-7-16 13:23

cat1028 發表於 13-7-16 00:36
我囝2歲時都被安排見健康院醫生，本來要排半年，但當天醫生有空，做左個簡單評估，説未必係，但仍寫轉介信 ...

THANKS CAT1028!
咁CAC評估完, 有冇叫妳帶囝囝去上啲特別班架?

作者: Anitalyc 時間: 13-7-16 13:27

回復 ka-sandra 的帖子

我叫囝囝果陣佢會望下我. 同佢玩果陣都會. 但係靜止同佢傾計果陣同佢講就極少望.

作者: cat1028 時間: 13-7-16 14:37

Cac安排左＂家長工作坊＂，建議自費言語治療，社交班，當時未有學校收，知無論政府定私人治療都要排一段時間，好快就排幾間機構（包括私人s，言語治療），等左4個月開始有回覆。
後來有n收（學校知評估結果），每星期一次午睡後出外言語治療。

作者: Anitalyc 時間: 13-7-18 00:50 標題: 回覆：cat1028 的帖子

今日見左健康院醫生，話囝囝缺乏眼神接觸，語言delaying，情緒較差，轉介去見尤德見姑娘，醫生話一般等個幾月就可以見，不過都係要等我星期五打去book
先知幾時見得。我囝9月返n班，呢段時間我想去報密集式訓練，但我聽聞要排好耐，離返學仲有個幾月，呢段空檔有咩班可以上？可唔可以比啲意見？感激！

作者: Anitalyc 時間: 13-8-5 10:07 標題: 引用：今日見左健康院醫生，話囝囝缺乏眼神接觸，

原帖由 Anitalyc 於 13-07-18 發表
今日見左健康院醫生，話囝囝缺乏眼神接觸，語言delaying，情緒較差，轉介去見尤德見姑娘，醫生話一般等個幾 ...

一陣去cac，姑娘話唔洗帶囝囝去，點解呢？

作者: Capricorn2521 時間: 13-8-5 10:37

回復 Anitalyc 的帖子

你去填問卷

作者: yin-ting 時間: 13-8-8 23:35

發展遲緩唔一定是自閉性的, 因為有唔同原因都會發影響發展遲緩, 如沒有足夠的語言溝通或認知比較緩慢等, 健康院的兒科醫生會作初步的評估, 若是真的不符合同齡的小朋友要求, 會轉介專科再作評估。你可以留意小朋友是否有眼神接觸, 自閉性的小朋友通常喜歡一些重覆性的說話和動作, 由於他們表達自己的情緒, 或會做一些傷害自己的行為, 如不滿的時候, 會撞頭地下彧牆, 我的仔仔歲幾的時候是這樣的.

作者: angielam10 時間: 13-8-9 13:27

回復 Anitalyc 的帖子

是否連單字也不懂講

作者: onsiu21 時間: 13-8-9 14:20 標題: 回覆：Anitalyc 的帖子

我第一日都東九都不用帶仔仔去，去到交健康院封信填問卷，不用一星期就帶仔仔見姑娘，見完姑娘就排期見医生，通常排半年，可能我同姑娘講我姨姓仔都有自傾，加埋仔仔同姑娘有眼神接觸，所以等了3個半月就見到医生

作者: onsiu21 時間: 13-8-9 14:32 標題: 引用：我第一日都東九都不用帶仔仔去，去到交健康

原帖由 onsiu21 於 13-08-09 發表
我第一日都東九都不用帶仔仔去，去到交健康院封信填問卷，不用一星期就帶仔仔見姑娘，見完姑娘就排期見医生 ...

对不起是冇眼神接觸，加上只識說，爸，媽冇其它音，以我所知家族有人用問題會快d見到医生

作者: Anitalyc 時間: 14-5-20 13:27

最後囝囝等了8個月之後做評估, 結果係自傾.
有言語DELAY, 5個月前自己報左私人既既ST, 而家2Y10M, 可以跟人口水尾講出一啲詞語, 佢表達意慾弱. 政府果邊, 言語評估要再排一年先有得見><
醫生仲話佢欠缺社交動機, 認知能力AROUND 2Y.

作者: Anitalyc 時間: 14-5-20 13:28

醫務社工比左好多資料我去睇, 但實在太多, 我都唔知邊啲適合囝囝去...
頭痛中...

歡迎光臨教育王國 (/)