教育王國
標題: （求救）中四選科 [打印本頁]
作者: 洋蔥頭媽咪 時間: 13-7-10 11:01 標題: （求救）中四選科
中四選科，我仔學校百幾人但全校只得 22 個可讀phy ，我仔意向想將來修Engin.但今天公佈结果冇份讀 phy.去左 Econ 同電腦，唔知點算！ 
有冇高人可以指點吓？？？ 如果讀 Econ 同電腦大學仲有咩科可選？明明係理科材料制度攪到唔文，唔理，都唔知點算？讀緊b1學校轉校分分鐘跌落b2-b3. 有冇人可以以d意見？
作者: lex 時間: 13-7-10 12:32
本帖最後由 lex 於 13-7-10 12:37 編輯
1)電腦即係Information and Communication Technology(ICT?)?因為近年大學採用學院制收生,單係呢科ICT已經足夠幫令公子晉身為半個理科生,足以係部份大學入讀工程學位
不過要留意HKU同CUHK既工程學院另有要求,ICT+ECON就未能入讀
2)現階段可以考慮以下幾點:
a)工程範疇五花八門,令公子有無一個小小既眉目呢?如果係同電,機械相關,咁physics就真係不可或缺
b)係唔係非入HKU/CUHK不可?
c)只靠ICT,無其他science(特別係physics),亦無maths extended modules(M1/2)係工學院就讀將係一個極為艱鉅既任務...
作者: 洋蔥頭媽咪 時間: 13-7-10 13:29 標題: 回覆：lex 的帖子
多謝你回覆，我囝對ICT極有興趣，不過好似冇左phy 真係大學冇乜科好選擇，佢phy成绩都唔錯架
唔通要轉落b2-b3 中學 ？
作者: 小彬彬 時間: 13-7-10 13:31
或者問下combine science(phy+chem) 仲有冇位, 果d比較少人揀
作者: 快樂鳥 時間: 13-7-10 13:36
洋蔥頭媽咪 發表於 13-7-10 11:01 
中四選科，我仔學校百幾人但全校只得 22 個可讀phy ，我仔意向想將來修Engin.但今天公佈结果冇份讀 phy.去 ...
點解得27 位咁少, 一班都唔夠 ? 
作者: Marco-ma 時間: 13-7-10 13:45
我聽過有朋友寫信返學校, 誠懇地要求替子女轉科, 最後成功咗的......
試下 ?
作者: 洋蔥頭媽咪 時間: 13-7-10 13:48 標題: 回覆：（求救）中四選科
Phy 22 . Chem 33 .勁少位，全校百幾人，佢學校話要配合文中有理、理中有文窩。
我打電話返學校留左言都未覆我。
作者: 洋蔥頭媽咪 時間: 13-7-10 13:51 標題: 回覆：Marco-ma 的帖子
好的，我會盡力試。 Thanks ！
作者: jemm 時間: 13-7-10 14:26
回復 洋蔥頭媽咪 的帖子
好奇怪, Band 1英中得 Phy 22 . Chem 33 個位咁少 ? 我呀仔英中有五班,
Phy 開 2 班 (40 人 + 36 人), Chem 開 3 班 (40 + 36 + 36), Bio 開 2 班 (40 + 36).
如你呀仔 Phy 成績唔差, 最好親自去見校長, 了解情况, 據理力爭, 可否在 Phy 班加人。
作者: YouWakaka 時間: 13-7-10 15:35 標題: 回覆：jemm 的帖子
想知道如有phy和combine(chem&bio),但沒有m1/m2,想修engineering,會否較難被取錄?影響大嗎？
作者: judy 時間: 13-7-10 16:09
奇怪，點解唔可以讀全理或全文。要文中有理、理中有文做咩鬼呢？
讀好中英數通識，咪係文中有理、理中有文囉。
作者: 洋蔥頭媽咪 時間: 13-7-10 16:19 標題: 回覆：jemm 的帖子
我仔學校沒有combine sin. Phy位又少，已寫信同學校反映，但老師話都有部份家長有要求，所以改唔改倒都未知！上前初選我仔都有phy.今次结果就冇份，好希望佢學校肯加多幾個位，因對小兒影響都幾大。
作者: 洋蔥頭媽咪 時間: 13-7-10 16:51
心情太 down , 睇錯左小小 , 原來囝學校 phy 22 個位 , chem 62 個 . 我囝選 core +3 , 派左 ECON , BAFS 同 ICT . 但我覺得 phy 位真係太少 . 
作者: ha8mo 時間: 13-7-10 16:52
提示: 作者被禁止或刪除 內容自動屏蔽
作者: jemm 時間: 13-7-10 16:52
回復 洋蔥頭媽咪 的帖子
這關乎阿仔的將來, 你不要被動等回覆, 要主動直接約見校長,
約不到要在校門等他/她, 一天, 兩天 ................ 鍥而不捨, 痛陳
利害, 據理力爭, 死纏爛打, 看看結果如何。一間好的中學, 理應
回應家長合理的素求。守株待兔, 成功的機會幾乎零。Good Luck.
作者: ha8mo 時間: 13-7-10 16:53
提示: 作者被禁止或刪除 內容自動屏蔽
作者: 洋蔥頭媽咪 時間: 13-7-10 17:00
回復 ha8mo 的帖子
佢地A, B 兩班至可選 3 科 ,佢派 B 班只可選 phy 沒有 chem , A 班+B 班只收 22 個讀 phy , 選 chem 就只可 讀 2 科 , 而且學校未必比轉 .
作者: motivator_kids 時間: 13-7-10 17:04
提示: 作者被禁止或刪除 內容自動屏蔽
作者: 洋蔥頭媽咪 時間: 13-7-10 17:04
回復 jemm 的帖子
我已經同老師講到想喊 , 我話害左個小朋友, 
但老師話佢明白 , 但因學校制度 , 唉 !
作者: jemm 時間: 13-7-10 17:10
回復 YouWakaka 的帖子
我不是專家, 但 Eng 有 M1/M2, 一定有幫助, 兼且有不少 U 的學系如HKU, 科大和浸大的理學院會 count M1/M2 為 1 科, 而將來趨勢 M1/M2會越來越受各大學的重視。其他家長可否有D update information 和好的意見, 我都想知。
作者: 洋蔥頭媽咪 時間: 13-7-10 17:11
本帖最後由 洋蔥頭媽咪 於 13-7-10 17:25 編輯
呀囝學校沒 M1 只得 M2, 全級又只得 2X 個位 .
作者: 小彬彬 時間: 13-7-10 18:02
洋蔥頭媽咪 發表於 13-7-10 17:11 
呀囝學校沒 M1 只得 M2, 全級又只得 2X 個位 .
作者: eschung 時間: 13-7-10 18:23
這間什麼鬼學校, 如此不合理, 一定要爭取到底.
作者: 洋蔥頭媽咪 時間: 13-7-10 18:25 標題: 回覆：小彬彬 的帖子
我都覺，我問過學校，校長話M1冇乜人鍾意讀，M2會多d人揀，我都對呢間學校有d失望，可能佢地只係谷d最top既同學卦！
作者: YouWakaka 時間: 13-7-10 18:53 標題: 引用：回復+YouWakaka+的帖子
我不是專家,+但+En
原帖由 jemm 於 13-07-10 發表
回復 YouWakaka 的帖子
我不是專家, 但 Eng 有 M1/M2, 一定有幫助, 兼且有不少 U 的學系如HKU, 科大和浸大 ...
作者: 小彬彬 時間: 13-7-10 18:57
YouWakaka 發表於 13-7-10 18:53
很多謝您的意見，我都明白如選engineering有m12會好D，但學校對修m12的學生有一定要求，所以選唔到。請問有 ...
作者: eschung 時間: 13-7-10 19:15
回復 洋蔥頭媽咪 的帖子
正是如此, 所以真要多做一點, 必要時出國讀書
作者: Marians 時間: 13-7-10 19:53
你間學校咁怪, 既然有男仔學生應該預多些理科班的先得, 我個女讀女校都有40位可揀physics, 而combine science 開2班潻
作者: 洋蔥頭媽咪 時間: 13-7-10 21:20 標題: 回覆：Marians 的帖子
本帖最後由 洋蔥頭媽咪 於 13-7-10 21:23 編輯
如果囝學校phy有40個位佢一定入倒，可能今次考唔倒最Top果22個
我同老師講你一係比佢留班，為左佢前途我唔介意，但老師又話佢既成绩冇可能留班。
作者: Marians 時間: 13-7-11 01:22
吾得, 不可以咁樣晒亞仔時間, 既然亞仔成績都堅好, 會吾會考慮轉校找間差不多級數的中學
作者: Marians 時間: 13-7-11 01:30
M1 M2 是數學的附加品, 如果學校用1000小時教數, 咁報左M1 的同學可能要抽起300小時的課堂來教M1, 報左M2 的同學可能要抽起400小時的課堂來教, 學校吾會因你揀左M1 M2 而把數學的時數加長, 所以一定要數學底子好好才有得報, 我相信不能自修啦
作者: ha8mo 時間: 13-7-11 10:27
提示: 作者被禁止或刪除 內容自動屏蔽
作者: CHAN-2 時間: 13-7-11 11:24 標題: 引用：+本帖最後由+洋蔥頭媽咪+於+13-7-10+17:25+
原帖由 洋蔥頭媽咪 於 13-07-10 發表
本帖最後由 洋蔥頭媽咪 於 13-7-10 17:25 編輯
呀囝學校沒 M1 只得 M2, 全級又只得 2X 個位 . :igiveup ...
作者: eschung 時間: 13-7-11 12:37
同意，誤人子弟！否則將來會越多這情况發生
作者: 洋蔥頭媽咪 時間: 13-7-11 12:38 標題: 回覆：ha8mo 的帖子
我而家等緊，學校話明天有最後结果，希望有好消息啦，攪到我成晚失眠
我仔唔想轉校，佢話唔想冇晒d fd. 佢話最多照讀，我打算如果唔得校長又冇回覆我，開學日我會再去學校爭取，我見好多學校都唔會禁小位，如要讀phy.chem 全校得22個位，我從未想像過。如果最後唔成功，我都想開佢名免得害左其他小朋友。
作者: ha8mo 時間: 13-7-11 12:46
提示: 作者被禁止或刪除 內容自動屏蔽
作者: 洋蔥頭媽咪 時間: 13-7-11 12:51 標題: 回覆：CHAN-2 的帖子
我仔成績未算好好，因為佢唔鍾意背野，所以中史、西史呢d科都唔得，但佢maths 、phy、chem、ecom果d好好，不過F.3計成績全部科目都計，所以拉低晒
佢根本就係理科材料一心諗住明年選理科就可專心讀，有得發圍，而家唔上唔落都唔知點算，如果當初知道我都未必選呢間。
作者: ANChan59 時間: 13-7-11 13:05 標題: 回覆：（求救）中四選科
明白及諒解妳的困局，妳是否會集合多些家長爭取，或跟家校會尋求協助，團結是力量！
好多小朋友及家長忽略一點，選科是以成績作優先選擇，所謂興趣行先，只是口號。成績低就兩頭唔到岸，文理在中三都要Ok，先有得講興趣！
作者: 小彬彬 時間: 13-7-11 13:46
洋蔥頭媽咪 發表於 13-7-11 12:51
我仔成績未算好好，因為佢唔鍾意背野，所以中史、西史呢d科都唔得，但佢maths 、phy、chem、ecom果d好好， ...
作者: jemm 時間: 13-7-11 14:52
本帖最後由 jemm 於 13-7-11 14:53 編輯
wrong posted, deleted
作者: jemm 時間: 13-7-11 15:12
本帖最後由 jemm 於 13-7-11 15:16 編輯
回復 洋蔥頭媽咪 的帖子
如果阿仔想留原校, 唔好等開學日, 明天就去見校長, 據理力争, 做醜人都要, 自己要「不厭其煩」地去煩佢,
人性大都是怕煩的, 可能未必成功, 但都要鍥而不捨, 盡力而為。唉, 俯首甘為孺子牛, 冇法。
我阿仔都是升中四, 這是阿仔升學的一個重要關口, 所以身同感受。
作者: 洋蔥頭媽咪 時間: 13-7-11 18:15 標題: 回覆：（求救）中四選科
多謝各位意見，希望明天有好消息啦！
作者: 洋蔥頭媽咪 時間: 13-7-11 18:40 標題: 回覆：jemm 的帖子
多謝你提醒左我，我都準備定如不成功明天就去學校。 謝謝！
作者: donomother 時間: 13-7-11 18:48
本帖最後由 donomother 於 13-7-11 18:50 編輯
回復 洋蔥頭媽咪 的帖子
真的明白你心情，我囝囝也是昨天剛收到分科結果，他選Bio, chem, geog,結果派咗Phy, bio, ICT比佢，我覺得只要不是文科、中史、中國文學、西史都飲得杯落，因為他理科成績明顯比文科強，所以成績一直比文科科目拉低，如果派不到理科我跟他說考慮轉校，就算band 2直資（如果肯收佢讀理科）都轉，現在見都有一科bio，而我囝囝phy也不錯，跟chem的成績不相伯仲，但他知道結果很不高興，說佢的死黨全部入bio班，佢嗰班叫Phy班，話同學好頑皮，想留班！又話想drop ICT,因為他是蘋果迷，唔鐘意window,覺得學嘅嘢好低能，我真係比佢激死😡。現在最擔心係Phy,他數學不突出，只是合格多少少，本身我讀文科不清楚phy對數要求是不是很髙，現在我勸佢試下讀先，真係有問題搵補習睇下有冇幫助。我都叫佢試下爭取轉ICT做CHEM or Geog,但他不是太有意欲去轉，只是回答我老師話冇位冇得轉，但都明白鬼叫自己個囝唔勤力些，所以選擇權都只在明列前茅的學生身上
但我勸你若你兒子跟我囝囝一樣，轉不到讀自己想讀又有濃厚興趣的科目便寧可轉校，因揀咗對足3年，冇興趣很難捱亦很難有好成績！希望你有好消息。
作者: 洋蔥頭媽咪 時間: 13-7-11 19:00 標題: 回覆：donomother 的帖子
多謝你，好有同感，我情願好似我地以前讀書，文科就文科，理科就理科，如果邊面强就比佢去，揀左理科佢讀唔倒都叫做盡力過，試都冇得試真係死唔眼閉 。而家攪到不文、不理，唉！制度真係不知所謂。
作者: Marco-ma 時間: 13-7-11 22:50 標題: 回覆：洋蔥頭媽咪 的帖子
其實DSE 原意都是任揀文科理科的，
應該好似自助餐咁任你pick up。
但吾同學校有吾同演繹，
有d 可能資源有限，（吾夠老師吾夠班室）
又或者純粹因行政方便就set 死個餐單俾你，個餐單仲要跟學業成績來分先後，
真係好慘！
但吾明既然都開一班，點解只得廿二個位咁少！咁中史文學西史又係廿二人？得一班？？
作者: 洋蔥頭媽咪 時間: 13-7-11 23:03 標題: 回覆：Marco-ma 的帖子
本帖最後由 洋蔥頭媽咪 於 13-7-11 23:10 編輯
我都唔係好明，我唔係好識，佢地除core 外，只有phy .chem. bio. bafs. Ict. Geog. Econ. 中史. Dat 同 M2. 其他乜都冇. 如果派唔倒，我都要再問校長點解得22個位！
佢地連中國文學 , 西史都冇.
作者: Marians 時間: 13-7-12 11:01
唉我都好緊張, 亞女返學攞成績表及公佈分科結果, 她揀左中史, 西史和Eng Lit, 如果派左理科和ICT 就死得, 要我返去appeal.
作者: Yukyuk 時間: 13-7-12 11:17 標題: 回覆：Marians 的帖子
請問St Mary 有冇初選？
作者: 168148 時間: 13-7-12 11:22
Marians 發表於 13-7-12 11:01
唉我都好緊張, 亞女返學攞成績表及公佈分科結果, 她揀左中史, 西史和Eng Lit, 如果派左理科和ICT 就死得, ...
Usually science subjects have more competiton in S4, may be the girl's school have some differences at all. 
作者: Marians 時間: 13-7-12 11:36
yukyuk,
St Mary's 有初選, 在3月底開始揀, 做完2nd 統測再揀, 今次考完final, 派科, 如果不滿可再appeal, 不過未必理你
作者: Yukyuk 時間: 13-7-12 11:42 標題: 回覆：Marians 的帖子
Marian's,
多謝回覆。
真是獨特！Good Luck!
作者: Marians 時間: 13-7-12 11:49
168148
學校文理科各有fans, 只是亞女經歷左一年phy, chem, bio, 後, 佢覺得中西史比較得心應手, 每次都有80-90分, 理科+埋補習都係7x分, 佢自知轉數吾夠快, 她的同學好堅, 可以9x分, 咁拜下風
作者: 9498mami 時間: 13-7-12 12:26
Marians
唔洗擔心，通常理科比較多人選擇，位又少，先會出現競爭大，文科應該無咁激烈嘅。
作者: Marians 時間: 13-7-12 12:33
雖然舊年DSE 讀bio 的人全部4級以上, 但今年揀bio and chem 的人明顯少左, 有點擔心
作者: ha8mo 時間: 13-7-12 12:42
提示: 作者被禁止或刪除 內容自動屏蔽
作者: Marians 時間: 13-7-12 13:14
掂左, 1st choice -- 中西史, Eng lit, 安落晒
作者: 洋蔥頭媽咪 時間: 13-7-12 13:44 標題: 回覆：（求救）中四選科
好多謝樓上比意見我嘅jm.尤其 jemm.提醒我今早去學校，派科结果同之前一樣，我立即去學校约見班主任、校長，老師回覆我太多同學選phy.已有40個位，但我仔入唔倒，我真係好唔明，我仔phy全级考28.點解都冇份
我同老師講到喊，問佢可否通融處理，校長話都有其他人想讀，加得一個又要加第二個，我問點解唔開多d？佢話學校資源有限，又話叫我睇遠d，而家好多出路，讀全理科已經落後woo... 唉！最後經我苦苦哀求，佢比我仔讀M2. 因我仔maths好好，總好過冇，黎緊呀仔要讀8科，佢話都好辛苦。
作者: jemm 時間: 13-7-12 14:31
本帖最後由 jemm 於 13-7-12 14:40 編輯
中四選科最緊要公平及有透明度, 我呀仔學校共５班, 上月出通告選M1M2跟Maths名次排, 全級頭 80名可優先。其他選修科跟全級名次揀, 即第一名先過第二名揀 3 科, 第160名先過161揀3科。
以你兒子全級百多人考 28 名, 如有公平及有透明度的學校, 就一定可以入到 共40人的 Phy 班。
你兒子學校一時話 22 Phy 位, 一時話 40 Phy 位, 行政相當混亂, 又可能冇公平及冇透明度, 除非它是十分出名的名校 (睇落又唔似), 真是要考慮其他家長的意見, 嘗試去轉校。
作者: 小彬彬 時間: 13-7-12 14:49
科目任學生揀是沒可能, 但我覺得最少要比學生自由揀文或理, 我見小兒有個同學文科料但夾硬要讀理科, dse 全軍覆沒
作者: Marians 時間: 13-7-12 15:03
Yes, 我就係最怕文科料要去讀理科, 係handle 吾道, 我個女係真心鍾意讀中史, 所以將來好醜都自己攞黎
作者: gabriela0407 時間: 13-7-12 15:50
本帖最後由 gabriela0407 於 13-7-15 00:52 編輯
回復 Marians 的帖子
Marians, 你女選 "051"??
我女都係掂左[size=15.200002670288086px],
1st choice
作者: Marians 時間: 13-7-12 16:58
吾知架, 讀上去先至算啦, 最緊要考得好, 過到大學門檻至算
作者: 洋蔥頭媽咪 時間: 13-7-12 18:43 標題: 回覆：jemm 的帖子
學校一路比我資phy科都係開22個，或者真係我理解錯，但就真係唔止計果科成绩黎揀，呀仔成績表寫住佢全级排28.資料一定冇錯，所以唔明佢點計，入唔倒已是事實。而家加讀M2.希望冇揀錯啦！
作者: ivantissue 時間: 13-7-12 19:43
洋蔥頭媽咪 發表於 13-7-12 18:43
學校一路比我資phy科都係開22個，或者真係我理解錯，但就真係唔止計果科成绩黎揀，呀仔成績表寫住佢全级排2 ...
作者: jemm 時間: 13-7-12 20:04
事到如此, 兒子唔想轉校, 都無法。他修Eco, Bafs & ICT, 組合重"商"多過"理"和"工程", 但"商"衹要Maths / M1/M2 好, 又可以 ignore Eco & Bafs, "理" 也是如是。但冇須灰心, DSE core subjects 重於一切, 尤其是 English & Maths plus M1/M2, (HKU, 科大, 浸大自理學院將 M1/M2 count 1 科), 只要 4 core subjects 有好成績,雖然入 "工程" 有難度, 但 "商", "理", Architecture, "法", "Soc Science" 爭住收你。兼且孩子志趣是會變的, 像我兒子是理科人, 但萬料不到他決定選 Phy, Chem, M2 & 「History」, 真是理中有文, 他說 History 可以給予他較宏觀去睇問題, 我尊重他的決定, 世事無絕對, 話唔定 「History」是他將來入大學的救命科, 放手由他去决定。
亦話唔定M2對你兒子入大學有決定性的作用, Good Luck.
作者: Marco-ma 時間: 13-7-12 20:35 標題: 回覆：Marians 的帖子
恭喜哂！見你個女好似我個女呀！中三phy chem bio 全fail ！佢升中六啦，讀緊中史，中國文學和eng lit！
作者: Marco-ma 時間: 13-7-12 20:41 標題: 引用：吾知架,+讀上去先至算啦,+最緊要考得好,+過
原帖由 Marians 於 13-07-12 發表
吾知架, 讀上去先至算啦, 最緊要考得好, 過到大學門檻至算
當年成績俾phy chem bio 拖低哂，好彩鍾情文科無人争。
PS 我阿女現在讀得好開心，有心理準備要勁背嘢啦，哈哈。
作者: Marco-ma 時間: 13-7-12 20:45 標題: 引用：學校一路比我資phy科都係開22個，或者真係
原帖由 洋蔥頭媽咪 於 13-07-12 發表
學校一路比我資phy科都係開22個，或者真係我理解錯，但就真係唔止計果科成绩黎揀，呀仔成績表寫住佢全级排2 ...
阿仔真係唔介意三年讀一些吾喜歡的科？
作者: 洋蔥頭媽咪 時間: 13-7-12 22:17 標題: 回覆：Marco-ma 的帖子
多謝大家建議，我仔唔係唔喜歡而家呢幾科，佢對ict興趣都多，econ成績亦算top.只係單靠呢d科目又冇m2日後出路唔多.而家有番m2呢科希望真係幫倒佢。
想請問各位知否 econ 同 bafs 有咩唔同？如果唔要bafs 只留econ 有咩影响？如果影响唔大打算讀完一年就唔要bafs.始終應付八科辛苦好多。
作者: Marians 時間: 13-7-13 00:29
本帖最後由 Marians 於 13-7-13 00:30 編輯
我都吾識, 不過亞女有試上一堂 BAFS 教 cash book, 和stocks是什麼, 我亦查看過dse past paper, 考 入ledger, balance sheet, 好似我地的book keeping, 若你做account, 你會知, long question 有其他野, 我就吾識, 而最重要佢會cut syllabus, too long, 所以將會無甘辛苦
作者: Marians 時間: 13-7-13 00:34
Marco ma
我想八下Eng Lit難吾難讀, 在我年代, 成績無甘上下吾駛諗, 我見佢而家吾止要讀書and poetry, 還要看電影, 吾同晒了
作者: Marco-ma 時間: 13-7-13 00:49 標題: 引用：Marco+ma我想八下Eng+Lit難吾難讀,+在我年
原帖由 Marians 於 13-07-13 發表
Marco ma
我想八下Eng Lit難吾難讀, 在我年代, 成績無甘上下吾駛諗, 我見佢而家吾止要讀書and poetry, 還 ...
因阿女中一至中三都讀過的，
所以揀呢科時佢無疑惑過。
點知中四五竟然請咗位好後生的miss來教，阿女成日呻，我先get 到要讀好多詩，
詩的用字用詞都幾深，要分析下詩的修辭技巧，詩意之類，係要睇電影的，總括是英文底要好，仲要吾怕悶的人先啱讀囉。
作者: Marco-ma 時間: 13-7-13 01:14 標題: 引用：Marco+ma我想八下Eng+Lit難吾難讀,+在我年
原帖由 Marians 於 13-07-13 發表
Marco ma
我想八下Eng Lit難吾難讀, 在我年代, 成績無甘上下吾駛諗, 我見佢而家吾止要讀書and poetry, 還 ...
其實個syb 都超長，好多學校都趕吾切教的，(情況吾會好過basf) 補課情況都好普遍。
仲有呢科一定要勁背嘢，記性好有著數。
最後仲要勁寫字，寫足兩小時的中文字真係辛苦 (寫英文無咁辛苦架!) 我個女成日呻: 俾部電腦我打得吾得呀，改嘢又煩！
不過呻完哂，佢都仍然好鍾意呢科。
希望你個女都會。
作者: kls12 時間: 13-7-13 06:10
本帖最後由 kls12 於 13-7-13 06:12 編輯
洋蔥頭媽咪 發表於 13-7-12 22:17
多謝大家建議，我仔唔係唔喜歡而家呢幾科，佢對ict興趣都多，econ成績亦算top.只係單靠呢d科目又冇m2日後出 ...
BAFS可說是最實用的一科,其他科目已忘記得一乾二淨.不過,有人話入了U才讀都未遲,讀些有把握的科目先,亦有道理.
作者: ANChan59 時間: 13-7-13 07:31 標題: 回覆：（求救）中四選科
BAFS 的 syllabus超長，我最初以為教局有冇搞錯，但有朋友當年參與課程會議，教局原本少三份一，是校長及科主任認為要加多些，教局擔心教不完，但他們認為沒有問題。
今次教局是食死貓，所以今次教育界沒有落井下石。
作者: 洋蔥頭媽咪 時間: 13-7-13 08:00 標題: 回覆：（求救）中四選科
我見呀仔最後公怖選科结果中大部份 Appeal 都係同我仔獲派科目近似，個個都係冇左科phy 局住要人讀bafs.亦只有1個同學申請成功，唉！ 我真係覺得呢間學校誤人子弟，害左d细路.
呢次事件亦令我學多左，奉勸各位選中學家長真係要考慮學校開辨中四學科才好讓子女就讀。
作者: Marco-ma 時間: 13-7-13 11:03 標題: 引用：我見呀仔最後公怖選科结果中大部份+Appeal+
原帖由 洋蔥頭媽咪 於 13-07-13 發表
我見呀仔最後公怖選科结果中大部份 Appeal 都係同我仔獲派科目近似，個個都係冇左科phy 局住要人讀bafs.亦 ...
係我地呢幾年經歷過高中選科，
先知內俚乾坤。
作者: kls12 時間: 13-7-13 11:39 標題: 引用：Quote:原帖由+洋蔥頭媽咪+於+13-07-13+發表
原帖由 Marco-ma 於 13-07-13 發表
但可惜大部份人升中選校時，都未意識到呢個問題，又或者只睇資料，見有十科八科揀，有文有理就收貨囉！
係 ...
作者: Marco-ma 時間: 13-7-13 14:51 標題: 引用：Quote:原帖由+Marco-ma+於+13-07-13+發表但
原帖由 kls12 於 13-07-13 發表
我女剛升中,我是想了解多些選科的問题,但我可以做甚麽？小女未知甚麽是文、理,更不知甚麽是商科.
...
其實無咩好做架，睇下呢兩三年阿女的志向向文多定理多囉。
學校每年實有中三選科講座，試下有無得博大霧入去聽下。
最後辦法就係去問高年級家長囉，真係間間學校都有吾同玩法。
不過剛玩完升中，放鬆下先啦
作者: gabriela0407 時間: 13-7-13 17:31
回復 Marco-ma 的帖子
見你講解好似好有難度(在我來講), 我女入到這科, 希望佢堅持到啦, THANK YOU.
作者: ha8mo 時間: 13-7-13 18:32
提示: 作者被禁止或刪除 內容自動屏蔽
作者: Marians 時間: 13-7-14 01:19
多謝Marco-ma 的教路, 我會同亞女講下。亞女無野叻, 就勝在肯背書, 記性好, 一味死讀, 所以同phy, chem, bio 無緣。不過一山還有一山高, 有好幾次測驗考試85-90分, 我心諗咁正既, 實中史料top ten, 點知都係全級2x名, 有人可拿98, 99 分, 真吾講得少.
至於Eng lit, 她喜歡睇書, 中英文都like, 所以想試下, 全form 得一班讀 Eng lit,她覺得好特別.
作者: donomother 時間: 13-7-14 09:17
本帖最後由 donomother 於 13-7-14 13:00 編輯
jemm 發表於 13-7-12 20:04
事到如此, 兒子唔想轉校, 都無法。他修Eco, Bafs & ICT, 組合重"商"多過"理"和"工程", 但"商"衹要Maths / M ...
想請教你或大家，如前文所講我兒子原本楝Bio,Chem,Geo,但學校派咗Phy, Bio, ICT 比佢，但他不高興而主動跟老師要求把phy改轉修Geo，老師商量後又肯比佢轉，昨天他才告知我們，我當然不理解他及責怪他沒有跟我們商量，怎料他說是我讀又唔係你哋讀，我話男仔讀phy出路廣闊些，很多工程科目都要有修Phy又加上他Phy全班排第6名而Geo都只排16,但他說沒有興趣讀Phy有興趣讀Geo, 其實他Chem全班排第3，Phy第6，Bio第5，所以明顯地理科強文科弱，但Chem全收平均分高的學生，因醫科要修chem，他說排名在他前一位那同學都入到，但他稱現在有佢想讀的Bio及Geo已很滿足
想請問大家修讀Bio,Geog及ICT有何出路？
作者: kls12 時間: 13-7-14 11:03
Marians 發表於 13-7-12 11:36
yukyuk,
St Mary's 有初選, 在3月底開始揀, 做完2nd 統測再揀, 今次考完final, 派科, 如果不滿可再appeal, ...
初選的目的是否調節所開學科,學科是否因應有多少人選來開設?即是多人選便會開二班.
知不知今年有沒有Econ,BAFS及ICT的組合?
作者: kls12 時間: 13-7-14 11:04
ha8mo 發表於 13-7-13 18:32
令千金入左邊間？
作者: gabriela0407 時間: 13-7-14 11:36
回復 kls12 的帖子
[size=15.200002670288086px]今年有Econ,BAFS及ICT的組合可選擇
作者: Marians 時間: 13-7-15 01:40
kis12
學校無好詳細解釋初選的目的, 只是係家長會到講要我地揀出心目中的6科, 好等學校評估下學生的興趣心水, 我個人覺得學校要估算人手安排, 每年總有老師retire, or quit.
至於每科開幾多班,學校憑經驗都估到, 只是人手不足VA and IT 都是22人一班。
你的小朋友Form 幾？
作者: ha8mo 時間: 13-7-15 11:28
提示: 作者被禁止或刪除 內容自動屏蔽
作者: ANChan59 時間: 13-7-15 11:56
ha8mo 發表於 13-7-15 11:28
我見迦密有個powerpoint好似都講到D野俾家長同學生考慮，大家可以望望
當然，佢地係用Band 1頂的角度睇
作者: ha8mo 時間: 13-7-15 12:00
提示: 作者被禁止或刪除 內容自動屏蔽
作者: YouWakaka 時間: 13-7-15 13:00 標題: 回覆：（求救）中四選科
修讀combine science會遇到什麼問題呢？
作者: CrabPincers 時間: 13-7-15 19:54 標題: 引用：多謝Marco-ma+的教路,+我會同亞女講下。亞
原帖由 Marians 於 13-07-14 發表
多謝Marco-ma 的教路, 我會同亞女講下。亞女無野叻, 就勝在肯背書, 記性好, 一味死讀, 所以同phy, chem, bi ...
佢分析過，讀 eng lit好處
1。對英文有幫助
2。佢暫時校內英文成績ok, 老師十分鼓勵佢讀
3。 不駛做校本（呢個係佢講，我無研究過係不係）
4。上學期佢eng lit成績好過bio
5。佢鍾意poem同看書，我上網都幫佢買過poem
最後佢揀bio，因為
1。佢看過上年dse bio同eng lit paper, 佢覺得eng lit好深，反而bio不是深
2。下禾期bio成績上返黎同eng lit差不多
3。dse會考一篇unseen poem
最最重要的是
佢話eng lit好難在市面搵到參考書或者exercise, 而bio好多，就算真係讀不掂都好容易搵到補習，但eng lit難搵
以上係佢分析，我不知岩不岩，但我尊重佢最後決定，因為個人而言，我係想佢讀eng lit的，因為佢擺到明不鍾意bio, 開學時，一考bio就鬧神鬧鬼，相反考eng lit時好輕鬆，同老師都suggest佢讀，佢又無諗過做物理/言語治療師，但最後都是讀bio
作者: yklee 時間: 13-7-16 10:07
Marco-ma 發表於 13-7-12 20:41
恭喜哂！見你個女好似我個女呀！中三phy chem bio 全fail ！佢升中六啦，讀緊中史，中國文學和eng lit！
...
Marco-ma ,
我女升中三,佢中文成績幾好,phy chem bio 都合格,佢想修讀中國文學,中史,想請教文學難讀嗎?
作者: 杰杰媽媽 時間: 13-7-16 13:09 標題: 回覆：（求救）中四選科
死啦， 個仔宜家先升中二，真係冇諗過一間 band 1中學得咁少理科位，宜家開始要問定學校到時揀科隨左跟全級名次揀先外，仲有冇咩組合限制先得
作者: kitty 時間: 13-7-16 13:55
我女揀左生物化學經濟,我都唔識,
佢本身數學好好,因為大病一場冇考試,所以入不到m2
唯一憾事,
想問大家佢讀中中,唔知將來考DSE係用英文考或中文考?
同埋佢揀的科目對佢將來有咩工可做?
因為本身想揀,生物化學地理(佢地理成績好好)但又話讀地理出路小
佢都想自修M2
作者: ha8mo 時間: 13-7-16 14:36
提示: 作者被禁止或刪除 內容自動屏蔽
作者: Marco-ma 時間: 13-7-16 21:11 標題: 引用：Quote:Marco-ma+發表於+13-7-12+20:41+恭喜
原帖由 yklee 於 13-07-16 發表
Marco-ma ,
我女升中三,佢中文成績幾好,phy chem bio 都合格,佢想修讀中國文學,中史,想請教文學難讀嗎?
另外樓上有位家長提出是對的 :
坊間很少雞精書或補習班的給呢幾科文科的，可能market 太細！
中史開始有d 參考書出咗，但阿女寧願再買另一出版社的中史教科書當參考書。我從未想過可以刨多套教科書當雞精書的。
另外，阿女上咗一年中文補習班，吾係因為佢中文差，而係佢話呢位星級阿sir 教中文，滲透哂中國文學的料入去教，阿女當補兩科，好抵喎！
阿女仍在努力摸索中，但佢估計就算點努力，呢幾個選修只會是4 or 5 囉，擇星可能要靠中英文，咁同其他理科生來計，可能蝕底d，不過呢幾科係佢真心鍾意的，所以我好支持佢架！
作者: Bluegene 時間: 13-7-17 09:16 標題: 引用：我女揀左生物化學經濟,我都唔識,佢本身數學
原帖由 kitty 於 13-07-16 發表
我女揀左生物化學經濟,我都唔識,
佢本身數學好好,因為大病一場冇考試,所以入不到m2
唯一憾事,
讀地理唔會做地理學家
讀物理都未必做物理學家
係基礎知識, 唔好當可以實用於工作
作者: yklee 時間: 13-7-17 09:33
Marco-ma 發表於 13-7-16 21:11
文學同中史都幾考答題技巧(或者其實DSE好多科都係) 阿女好多時溫哂背晒答哂，但都拎吾到高分囉。佢仍在努力 ...
我個女係鍾意讀中史,文學,佢應該多數會選文科,我都以佢興趣為先,祗是對答題吾中point拿吾到高分,佢都要學答題技巧.
| 歡迎光臨 教育王國 (/) |
Powered by Discuz! X1.5 |