教育王國

標題: 代人問，孩子有問題嗎？ [打印本頁]

作者: 康晴比比 時間: 13-7-10 01:06 標題: 代人問，孩子有問題嗎？

1，朋友孩子近三歲，但少有較完整句子，有一半是bb話。而且多是自言自語，說話多不是想同人溝通。2，異常膽小，怕陌生人，包括陌生小朋友。怕鑽牆聲，怕公衆場用咪宣佈聲，很多事不敢嘗試。3，到遊樂場玩興趣不大，多只集中玩一至兩樣，對其他完全冇興趣。唔多願郁。但去圖書館又末能坐定。

不是有好明顯問題，只是好似和同年好似有不同。其實朋友應該去評估下嗎？

作者: kingbbsam 時間: 13-7-11 10:07

回復康晴比比的帖子

應該!

作者: zhfl729 時間: 13-7-13 15:36

应该，早发现早应对是小孩和大人都是好的！

作者: MuiMuiQQ 時間: 13-7-13 19:47 標題: 回覆：代人問，孩子有問題嗎？

儘快搵專業人事幫手！！

作者: shuna 時間: 13-7-13 21:42 標題: 回覆：代人問，孩子有問題嗎？

好明顯言語方面慢左啦，社交亦有問題，盡快評估，對症下藥才幫到個小朋友，否則浪費了黃金治療期

作者: shuna 時間: 13-7-13 21:51 標題: 回覆：代人問，孩子有問題嗎？

感覺統合方面都有問題，可做心理學家評估睇下係咪自閉症，否則做個感覺統合評估先，治療師也可比意見似唔似自閉症

作者: 康晴比比 時間: 13-7-14 00:20 標題: 回覆：代人問，孩子有問題嗎？

多謝各位意見，但又不見他有什麼自我刺激行為，其實係咪有先有事呢？唉不過重點係他媽媽認為孩子只是慢熱膽小一點。

作者: shuna 時間: 13-7-14 10:13 標題: 回覆：代人問，孩子有問題嗎？

感覺統合有問題唔一定要有自我刺激，冇對外界環境咁敏感，咁難適應都係感統有問題的徵狀

作者: shuna 時間: 13-7-14 10:14 標題: 回覆：代人問，孩子有問題嗎？

可叫媽媽留意其他小朋友的表現，正視問題才是最重要

作者: 康晴比比 時間: 13-7-15 10:16 標題: 回覆：代人問，孩子有問題嗎？

其實感统有問題對日後的發展有什么影響呢？會惡化嗎？其實朋友都知孩子和別人不同，但她認為其他小朋友只是較活潑聰明已而。究竟只是性格定有問題真難介定！

作者: shuna 時間: 13-7-15 16:18 標題: 回覆：代人問，孩子有問題嗎？

單睇語言發展就知唔止比其他小朋友冇咁活潑咁簡單，找一本正常兒童發展指南比佢睇下啦，感覺統合有問題好多時會影響社交同學習，成績通常唔會太好。如果智能正常，大大下會識自己適應這世界，但如果智能有問題甚至自閉症，就唔會自己好，家長快d揾人check 下啦！真係好怕見到家長逃避，浪費個小朋友黃金治療期，真係無辜！！

作者: 康晴比比 時間: 13-7-16 14:09 標題: 回覆：shuna 的帖子

真多謝你的意見。在語言方面我這朋友是比較較懶敎仔講話。小孩自言自語時又由佢，很少會搭腔引導佢對話。沒有足夠input孩子又怎好好說話。而且見小孩冇乜動機去試新事物覺得咁會阻礙佢學習。所以才有點為佢擔心。但去說人家的孩子有問題，確實有難度。

歡迎光臨教育王國 (/)