教育王國

標題: 好煩呀! 私小好定津小好? [打印本頁]

作者: sunbear_mama 時間: 13-7-8 22:48 標題: 好煩呀! 私小好定津小好?

小女九月要揀小學，究竟私小好定津小好?

作者: spmok1999 時間: 13-7-8 23:22

跟本係兩間分別很大的學校, 睇你想要d乜? 程度理論上私校當然係高d, 家庭背景相對上私校當然係平均較富裕d/家長學歷平均會高d(學歷與收入理論上係成正比)....

比學費vs免學費
返上午vs返下午

作者: LuckyHH 時間: 13-7-9 09:57 標題: 回覆：spmok1999 的帖子

提示: 作者被禁止或刪除內容自動屏蔽

作者: chu-ma-ma 時間: 13-7-9 10:17 標題: 回覆：LuckyHH 的帖子

教深—年

作者: QueenQ 時間: 13-7-9 18:06

私小好些，如果錢不是問題的話。

作者: mark2006 時間: 13-7-9 23:31

回復 spmok1999 的帖子

I wonder some parents with 2 daughters may prefer PM session for the sake of securing a P1 seat under current supply/admission system of P1. IMO

作者: spmok1999 時間: 13-7-10 00:13

mark2006 發表於 13-7-9 23:31
回復 spmok1999 的帖子

I wonder some parents with 2 daughters may prefer PM session for the sake of ...

如果有妹妹跟尾當然係唔洗諗揀津校, 私校收姐姐但係唔擔保收妹妹, 如果兩個都讀私校學費支出也是雙倍的, 咁我相信有好多人負擔得起, 但對於某些人來講還是很吃力的...

作者: BoBoCute 時間: 13-7-10 15:09

津小出路唔錯,今年9個入女拔.津小用普通話教中文科,小一就已經有science科,校舍又好些,又免費,應該津小好些

作者: kinling 時間: 13-7-10 20:31

我囡讀津小升三年級，我覺得幾好，老師有愛心。

作者: kongman 時間: 13-7-12 02:38

kinling 發表於 13-7-10 20:31
我囡讀津小升三年級，我覺得幾好，老師有愛心。

與私小比較，津小班上學生的水平會較為參差嗎？整體學生水平是否私小較高？

作者: kinling 時間: 13-7-12 08:03 標題: 回覆：好煩呀! 私小好定津小好

其實津小都教深半年，最緊要看小朋友程度，津小中文科是普通話教學。英文用英語授課，如考得好可直升中學，都銜接到！

作者: happy105 時間: 13-7-14 11:46 標題: 回覆：好煩呀! 私小好定津小好?

我覺得津小學生應該會參次啲，始終派位梗有啲家庭因為各種原因比唔到支援個小朋友，但我相信大部份都有人幫手溫書、學野等，而係人都會將津小同私小比，何況學校呢！所以都唔可能唔谷，排前嗰啲學生成績絕對唔差過私小，所以如果揀津小就要令小朋友保持前五十名，咁至有用，唔係間學校幾叻都同你個細路無關！
私小我覺得學校教嘅野同津小分別不大，因為知己知彼，兩個校長都知對方用咩野教學生，所以係好嘅都會互相「學習」

私小應該八成人嘅成績都等於津小前五十名嘅成績。
(以上純粹個人意見）

作者: angelshea 時間: 13-7-16 16:42

請問聖心津小小六平均分要有幾多分才可入返"聖心中學"?

作者: BoBoCute 時間: 13-7-30 22:49

本帖最後由 BoBoCute 於 13-7-31 00:28 編輯

今年聽聞津小考全級13x都有幸入到中學, 我估因為隨機number前, 相反考8,90的可能入唔到, 所以不能以平均分一概而論. 另外津小有成三十個叻學生去左比聖心更好的中學.

如果叻女想去聖心中學, 兩間都冇問題,但津小較多課外活動和免費, 上PE堂又唔駛兩頭走, 津小應該係較佳選擇.
如果成績麻麻想去聖心中學, 私小應該係較佳選擇. 因為下午校校長不是修女,到叩門階段可能唔著數.

如果係細女, 津校應該係較佳選擇, 因為如果私小教快半年, 細女會好辛苦. 同埋津校唔知係唔係政府規定收一定數目學障人仕, 應該冇甘易考包尾.

私小一定辛苦過律小,因為assessment較密和考的範圍較多.

作者: BoBoCute 時間: 13-9-27 20:07

我女中一笫一次默英文,冇得溫,全unseen, 最高分的兩人都是下午班生, 竟然不是傳說中英文較好的上午校生和超勁的外校生

作者: 小K 時間: 13-9-28 10:17

本帖最後由小K 於 13-10-29 22:06 編輯

回復 BoBoCute 的帖子

作者: 11gk 時間: 13-11-5 11:54

我好感深到聖心小學的「愛」, 所以我選擇了下午的津校.
而家好多小學生都有補習, 補完真的勁啲? 只是英文教得深啲就是好啲, 有機會的話訪問下中學部的學生或家長會有意想不到的答案。

作者: 200709 時間: 13-11-5 12:24

我認識前聖心老師, 佢上下午都教過. 佢意見係兩間學術水平差不多, 上午英文教深D, 下午比較谷D. 去到小五小六基本上已大家差不多了. 另由於上午是私校, 所以一般家庭是比較OK的, 可能呢個緣故, 上午校有(很小量)囡囡上到小五小六仍有些"公主". 下午校是津校, 所以比較參次, 反而令學生更平均, 比較沒有"公主". 當然上下午校校長都會出盡法寶, 始終"良性競爭"麻 (

). 總括而言, 兩間都是好野, D囡囡很乖很得體. 這些都是她個人感覺, 我覺得很中肯. 希望呢個分享可幫到大家. 另我覺得唔好話邊間勁D, 上下午都是一個大家庭, 只要揀適合自己小朋友的便OK了. 其實聖心咁好, 是但入一間都開香檳啦... :)

作者: sunbear_mama 時間: 13-11-26 00:29

入到津小la

作者: pingulolo 時間: 13-11-26 00:42 標題: 回覆：sunbear_mama 的帖子

請問幾多分入？

作者: kongman 時間: 13-11-30 03:07

同樣係聖心，邊一間宗教氣氛重啲、宗教活動多啲？

作者: polo819 時間: 14-1-8 17:53

BoBoCute 發表於 13-9-27 20:07
我女中一笫一次默英文,冇得溫,全unseen, 最高分的兩人都是下午班生, 竟然不是傳說中英文較好的上午校生和超 ...

其實是要看你女女那一班。因上下午班分佈在各班比例都不同，每班讀書氣氛都不同，不能一慨而論。
我覺得如想兩間學校都各有長處，只是看家長的時間和經纃能力，如覺得早返早放好些和唔介意比學費，就選上午。如全職媽媽和小朋友比較自律和做功課快，就選下午好些。

作者: lukimama 時間: 14-1-10 02:28 標題: 回覆：polo819 的帖子

兩間分別上聖心書院的比例是多少？

作者: sunbear_mama 時間: 14-6-6 07:57

25

但有同學仔20分入到

作者: barbie89 時間: 14-6-15 09:43 標題: 回覆：kinling 的帖子

提示: 作者被禁止或刪除內容自動屏蔽

作者: BoBoCute 時間: 14-7-3 20:18

本帖最後由 BoBoCute 於 14-7-3 21:31 編輯

下午班好多人唔鐘意揀返SHCC的,心態有D似大人經常轉工甘,希望越轉越好.
聽講上午班A grade俾得好緊, 好難攞A, 冇下午班甘易, school report 唔靚, 難轉去其他更好中學, 所以上到中學會覺得上午班叻D, 因為下午校的叻人已經走晒.

中學A,B,C 是輔導班, D,E,F 是"精英'班, it seems that 1A, B,C have more students from 下午校, 但其實唔係分得好準, 我女喺所謂精英'班中都好多同學成績差,考試肥佬,輔導班中都好多同學好叻 .

我女話generally上午校的同學英文好D, 下午校的同學putonghua好好多, but it may not be the case now because seven years ago, pm school used putonghua to teach Chinese Language from P.1 onwards.  At that time, I think am school used Cantonese instead.  Need to ask current parents of am school to see their policy for the coming school year.

下午校P.5, P.6 變全曰制, 要返全日. P.5有個幾demanding的思辨課程 ,  P.5 2nd term 都未考呈分試, 就已經教緊6上嘅數,所以P.5讀得好辛苦, the students cannot get enough sleep.  P.6 全日制已適應, 又輕鬆返,  下午校normally won't teach Math in advance from P.1 to P.4, but will do so in P. 5 and P.6.

上午校P.5冇思辨,又返半日,相對應該輕鬆些.

選校就時間啦!  If am class won't change to whole day school, I'd prefer am class.  I guess pm class will change to whole day school soon.  Half day school is much better than whole day school.

作者: 小K 時間: 14-7-21 23:58

本帖最後由小K 於 14-10-30 16:51 編輯

Thanks

作者: sasayung_mimiko 時間: 15-5-17 22:49

回覆 BoBoCute 的帖子

good

歡迎光臨教育王國 (/)