教育王國
標題: 看請轉直資真面目 [打印本頁]
作者: chanmaymay 時間: 13-7-8 10:38 標題: 看請轉直資真面目
提示: 作者被禁止或刪除 內容自動屏蔽
作者: pooh仔 時間: 13-7-9 01:20 標題: 回覆：chanmaymay 的帖子
喺， 唔喺化， 咁佢又唔去考直資
作者: chingching8888 時間: 13-7-9 07:50
回復 chanmaymay 的帖子
「向轉直資說不！」
作者: whyyou 時間: 13-7-9 10:28
係咪因為佢個女今年升中一, 所以家長要多謝校長幫學校轉直資間接令佢個女明年可以受惠呀?
作者: mobaba 時間: 13-7-17 17:38
回復 chanmaymay 的帖子
"點解要將一間傳統好學校, 能讓社會各階層公平入讀的學校....."
想請問"社會各階層公平入讀"係咩意思? 唔住灣仔區又唔夠20分的有無機會公平入讀聖保祿天主教小學呢?
如果確實做到基層學生學費減免的話其實轉直資先至係會做到能讓社會各階層公平入讀, 而唔係要家長勞師動眾搬去灣仔去搏抽獎
作者: pooh仔 時間: 13-7-19 02:21 標題: 引用：回復+chanmaymay+的帖子 "點解要將一間傳
本帖最後由 pooh仔 於 13-7-19 14:44 編輯
原帖由 mobaba 於 13-07-17 發表
回復 chanmaymay 的帖子
"點解要將一間傳統好學校, 能讓社會各階層公平入讀的學校....."
難道轉直資後，學校收生有自主性，你又能否保証你小朋友一定考入?
你小朋友手上冇10張8張証書，再加流利英普，數學運算面試已考乘數，你小朋友冇上述所講能力都未緊要， 最緊你有冇財力!!
雖則津貼校小學要計分，跟住址，但起碼小朋友已冇心理壓力, 家長亦是, 亦不用每天鞭策兒女! 起碼小學前佢都享受過吃喝玩樂!
所以津助制度先能做到各階層公平入讀。 不會因你家中財力能力去過早支援學前兒童。
作者: chanmaymay 時間: 13-7-19 12:10
提示: 作者被禁止或刪除 內容自動屏蔽
作者: mobaba 時間: 13-7-19 22:53 標題: 回覆：chanmaymay 的帖子
一位無宗教分無世襲分住北角公屋的學生又算唔算社會各階層一份子？佢地同灣仔區的學生又可否公平競爭入聖保祿小學和中學？
就算佢亞媽肯俾錢培育佢，根本無機會俾學校選佢，但係有25分或以上的就零付出就入到小學，呢個制度又有幾公平呀？
明我講咩未？
作者: ramuza 時間: 13-7-20 10:19 標題: 回覆：mobaba 的帖子
Agree with mobaba
作者: pooh仔 時間: 13-7-21 01:30 標題: 回覆：mobaba 的帖子
本帖最後由 pooh仔 於 13-7-21 01:32 編輯
絕對明白你想所講的， 但絕對不認同這家長嘅points.
既然你喜歡st paul，但又因冇宗教分第1輪冇你份; 又唔喺住灣仔，第2輪亦都冇你份。
基於你個人私欲, 就要將間可以為更多基層學童而沒家庭backup而被拒於門外， 如是有感這位家長有點……
聖保祿(同一辦學團體) 在同區有兩所中小學，嘅然你可以有大量資源投於給你小朋友，又覺直資選生過程比津助更為公平，為何偏要選跑馬地這間聖保祿，而不選同區姊妹校st paul convent。將大眾資源分給比你更有需要的人不是公平嗎!
CWB st paul convent 中小一條龍，選校不會因宗教，舊生，住區分等而受影響，完全符合你資格。何必因一己私欲而破壞一些給予大眾共同可擁有資源而佔據!
作者: mobaba 時間: 13-7-21 10:09
感謝chanmaymay開這個題目, 等我有機會對最近一些反對聖保祿中學轉直資的理據表達一些想法.
1) 轉直資有違校訓“為一切人成為一切” , 對基層不公平
要入聖保祿中學, 最大機會一定是先入聖保祿天主教小學. 入聖保祿天主教小學有兩大方法, 自行分配學位(計分)和統一派位(大抽獎).
計分制度下, 有家姐讀緊或父母在該校就職的就必收, 然後母親為小學舊生再加上天主教徒(25分)基本上接近必收. 首名子女加天主教徒(20分)或舊生非教徒(20分)都有相當機會抽到.
大抽奬(中一和小一)基本上就係給灣仔區居住的人抽. 另有少部分學位給所有區的人抽.
在此制度下, 一位住北角公屋無20分的學生可以入讀該小學的機會是極小. 就算真正住灣仔區的基層也要面對一些有能力從其他區搬入灣仔區搏抽獎的家庭的競爭. 所以現行制度只是對世襲得益者和有能力隨時搬入灣仔區的家庭特別有利, 絕對不公平. 反之, 轉直資會有更多學位給其他區的學生去申請, 基層學生又有學費減免安排, 真正做到為一切人成為一切.
講開又講, 現在灣仔區有四間女子傳統名津校(MSS, Paul Sec, St. Francis, 真光), 中西區有三間(St. Stephen’s, St. Clare’s, 英華), 但東區咁大個區先得一間庇理羅士, D議員咁鍾意幫人不如幫吓東區基層女生爭取下啦
作者: mobaba 時間: 13-7-21 10:10
2) 轉直資 = 學校貴族化?
聖保祿中學現建議收取大約$2300一個月的學費. 如果每月俾得起二千幾就可以做貴族全香港將會多左好多貴族, 而所有非學劵的幼稚園都會變成貴族幼稚園.
收費中學學費的例子:
HKIS – 大約$20K一個月
弘立 – 大約$16K一個月
英基 – 大約$10K一個月
聖保羅男女-大約$52K一個月
DBS – 大約$3.5K一個月
St. Paul’s Convent – 大約$2.5K一個月
英華 – 大約$1.6K一個月
由此可見收費學校的學費分別可以好大, 唔係一收錢就等如全校學生都係有錢人. 講真, 好多好有錢的人一係送D仔女去國際學校(CIS, German Swiss, HKIS), 一係去弘立, 一係行local school路線的就先讀寶山幼稚園, 再培育佢地入聖保羅男女/DBS/DGS. 再講, 津校都唔一定係平民, 好似MSS咁, 連何生D女都讀啦, 咁又係咪貴族學校呀?
作者: mobaba 時間: 13-7-21 10:10
3) 轉直資 = 學校想賺錢, 會年年加學費和優先取錄有錢人
大家最鍾意以聖保羅男女做例子來證明呢一點. 我唔覺得要幫佢地辯護, 因為佢地的辦學團體係聖公會, 而聖保祿的辦學團體係St. Paul de Chartres. 無人會知Paul Sec轉直資後的收生準則, 但係我地可以從佢地的Sister school Paul Con 睇到少少端倪. Paul Con學費約$2500一個月, 在直資名校中絕對不算貴. 而眾所周知好多Convent的學生都係由聖保祿幼稚園(SPK)升上去, 所以幼稚園先至會年年幾千人報讀. 近幾年SPK有好多家姐讀緊細妹入唔返, 證明佢地係盡量減少世襲而讓多D家庭受惠. 而學生來自好多唔同地區例如將軍澳, 荃灣等等. 佢地interview唔會問小朋友今日坐咩車來呀, 你屋企住邊呢D查家宅問題. 如果佢有心想收有錢小朋友就專收家住半山, 南區, 跑馬地的小朋友啦. 個修會咁有錢, 又有兩間醫院, 有無需要靠辦學賺錢呀?
作者: mobaba 時間: 13-7-21 10:12
4) 入Paul Sec = 脫貧?
呢個point係無任何數據支持. 一個基層的小朋友讀聖保祿, 小學就要同一班放學去聖利X補習的同學競爭, 中學就要同一班去英X, 現X補習的人競爭, 佢地可能因為無錢補習所以成績一直中下游, 跟住入唔到大學, 咁點脫貧? 可能佢去一間無咁出名的band 1學校讀書成績會更好, 講到尾大家都係考DSE, 港大中大都係睇成績, 唔會因為你讀聖保祿就收你. 分分鐘轉左直資後D人少左錢去補習, D基層學生反而仲著數
作者: mobaba 時間: 13-7-21 10:13
5) 咨詢不足
我無份被咨詢, 不過我覺得修會一定係為左間學校好, 等資金運用更靈活, 最終受惠的都係學生. 你可能會話”我係持份者喎, 我點解無權決定呀?” 我都唔明點解要只係咨詢中學老師同小學家長這兩批持份者. 一批可能轉制後無左鐵飯碗; 另一批要無啦啦叫佢俾多D錢, 喂咁有人反對又有幾出奇? 要講持分者全港19區家長都係持份者, 因為佢地會受惠, 咁不如全港咨詢啦?
小學要請新校長, 又有無需要咨詢小學所有家長呀? 換校長咁大件事喎! 直接影響小學喎! 快D去搵議員爭取要求一人一票選校長, 反對辦學團體黑箱作業啦!
作者: mobaba 時間: 13-7-21 10:14
6) 直資學校把「消費」引進了師生關係中
社會的風氣在這三四十年變了很多. 當年的父母大多教育程度不高, 對老師和學校給予絕對的尊重和信任. 可惜隨著大部分家長的教育水平的提高, 令某部分家長對學校和老師採取不尊重和不信任的態度, 子女自然對老師也會有相同的態度. 這根本上是關乎個人修養的問題, 跟階級無關係. 當學生看見社會上有人以納稅人身分大聲跟警察說”你分糧都係我有分出架!” 津校學生和家長也可以用同樣態度對待工資跟公務員掛鈎的老師, 這並不是在直資學校才會出現.
作者: mobaba 時間: 13-7-21 10:14
7) 不少基層家長嚇怕而不敢貿然提出申請
基層學生在聖保祿中學從來不會因為要申請書簿津貼而被標籤, 而他們和其他來自中產或以上家庭的學生都能和洽相處, 如果學費減免計劃能幫助此類學生, 為什麼這種風氣會因為轉直資而改變呢?
傳媒和反直資的人士不停以直資=學校貴族化或經常以聖保羅男女作為直資名校年年加學費的例子, 自然地某些教育水平不高的基層家長會因此而放棄報讀. 但我們都不能否定其他區的基層家長會視之為一個好的機會去入讀一間好學校, 最重要是學校有無心去主動招攬該批學生
作者: mobaba 時間: 13-7-21 10:27
回復 pooh仔 的帖子
多謝你的回覆. 我quote的例子係一個住北角公屋的基層家庭, 並不是我自己, 所以無關我一己私欲. 現有制度下佢地係被拒於門外, 而你所指的所謂基層家庭都只係within 12網, ie 灣仔、銅鑼灣、跑馬地、大坑、渣甸山、掃桿埔、肇輝台、東山台、勵德邨、玫瑰新邨、松柏新邨. 請問基層家庭在這個list又有幾多呀?
作者: chungtai 時間: 13-7-21 12:36 標題: 回覆：mobaba 的帖子
請問mobaba你有咩理據轉直資系好？吾轉有又咩吾好？似乎你系有備而來，冲着我地依班比吾起錢又申請吾到資助嘅家長，模非……
作者: chungtai 時間: 13-7-21 12:38 標題: 回覆：chungtai 的帖子
點解樓主你又吾去舉牌支持轉直資？
作者: mobaba 時間: 13-7-22 10:01
多謝chungtai的回覆. 先旨聲明, 我只係一個好普通的家長, 我自己都係灣仔名津男小的舊生, 我的小朋友係世襲制度下的得益者, 正如pooh仔所言, 我小朋友可以享受下小學前生活, 唔使好緊張要幫佢build portfolio. 如果我母校要轉直資, 我將會算盤大亂, 但我唔會因為咁就話對灣仔區基層唔公平, 因為現行制度亦唔見得十分公平. 我中小學校長都叫我一定要送佢入母校, 唔好入Co-ed/DBS呀. 喂講真, 我小朋友入唔入到唔係我的決定, 亦都唔係佢地的決定, 係由個計分/抽獎制度決定. 我好彩d有25分, 機會尚算高, 我中學同學唔係教徒得20分, 佢就要同好多同分的人抽籤. 講真, 你小學品學兼優出來社會做份正當職業又係20分, 另一個操行C-年年記過最後成績唔好升唔上中學出來加入黑社會又係20分, 但同分抽籤係靠運氣, 所以佢只好K3前搬入灣仔區加入大抽獎, 抽中先搬返走. 咁對一直住在灣仔區的基層又係咪好公平?
你覺得我有備而來, 只不過係好多反直資的人(esp學生)根本唔明現行制度係點work, 剩係聽到d反直資口號就話要反, 我見有呢個題目先抒發吓意見, 等多d人睇到唔同的觀點.
我學得有人反Paul Sec轉直資係正常, 不過係咪以基層為main point呢? 講真聖保祿中小學學生最多係來自咩家庭呀? 咪就係中產囉. 現時小學係基層學生的基本上會受惠於學費減免, 所以轉唔轉都係唔使俾錢, 但係中產呢? 家庭入息又唔乎合學費減免, 又要供樓供車供保險, 又要交足稅, 原先諗住中學唔需要交學費宜家無啦啦每個月話要交二千幾, 有兩個女的仲要交四千幾, 咁好多人都會失哂預算. 好多人覺得每個月省回二千幾俾個女補習/學琴/暑假去遊學團好過啦. 但係點解報紙無呢d聲音的呢?
不過現今社會政治環境就係咁, 一定要打擊有錢人, 幫窮人, 收窄貧富懸殊先至會有noise. 我地呢d唔富唔貧的中產就無人為我地出頭. 我聽講反直資的人會要求政府廢除直資制度, 我真係O哂咀. 如果無直資小學大部分EK的家長都反對啦, 咁係咪要所有唔夠分的中產家庭都搬哂入灣仔/中西區/油尖旺/九龍塘, 推高哂d樓價同租金, 變相逼走哂所有該區的基層先安樂?
作者: chanmaymay 時間: 13-7-22 12:40
提示: 作者被禁止或刪除 內容自動屏蔽
作者: chanmaymay 時間: 13-7-22 13:05
提示: 作者被禁止或刪除 內容自動屏蔽
作者: chanmaymay 時間: 13-7-22 13:11
提示: 作者被禁止或刪除 內容自動屏蔽
作者: chanmaymay 時間: 13-7-22 13:15
提示: 作者被禁止或刪除 內容自動屏蔽
作者: chungtai 時間: 13-7-22 13:20 標題: 回覆：chanmaymay 的帖子
我正正系因爲學费而曾經想放棄的呀！
作者: chungtai 時間: 13-7-22 13:21 標題: 引用：我正正系因爲學费而曾經想放棄的呀！
+
原帖由 chungtai 於 13-07-22 發表
我正正系因爲學费而曾經想放棄的呀！
作者: chanmaymay 時間: 13-7-22 13:25
提示: 作者被禁止或刪除 內容自動屏蔽
作者: chanmaymay 時間: 13-7-22 13:29
提示: 作者被禁止或刪除 內容自動屏蔽
作者: pooh仔 時間: 13-7-22 18:07 標題: 回覆：看請轉直資真面目
本帖最後由 pooh仔 於 13-7-22 18:52 編輯
有些人睇嘢聽嘢，喺知一半作一半。
SPSS 大多是一般家庭，談不上中產，有財力嘅一早都去考paul con.
首先mobaba 亦要搞清楚，反對直資嘅人， 不是完全反直資，而喺直資制度對津助絕不公平，有時間唔該刨下文先講。
唔好以為自己好仁義。
多的人為博名校網賣樓買樓都抽唔到，有些只靠甲部大抽獎第一志願入，你可選誇區去博，亦睇你想唔想博! 不是冇機會比北角區居民。
作者: pooh仔 時間: 13-7-22 18:09 標題: 引用：回復+mobaba+的帖子
小學提倡就近入學.+SP
提示: 該帖被管理員或版主屏蔽
作者: pooh仔 時間: 13-7-22 18:49 標題: 引用：多謝chungtai的回覆.++先旨聲明,+我只係一
本帖最後由 pooh仔 於 13-7-22 18:53 編輯
原帖由 mobaba 於 13-07-22 發表
多謝chungtai的回覆. 先旨聲明, 我只係一個好普通的家長, 我自己都係灣仔名津男小的舊生, 我的小朋友係世 ...
要搞清楚一點，教育不是買賣，亦是教育局規定6歲小朋友接受12年教育。
嘅然喺法例規定，為何我哋要比錢讀書，仲要唉學校減免學費!
免費教育是學童應得嘅權利，唔想付學費而用作去旅行有何不妥?! 點解說到交學費喺應份，去旅行是多餘的。又或者說有錢去旅行為何冇能力付學費!
請這位家長不要本末倒置!
作者: Charlotte_mom 時間: 13-7-23 09:52
本帖最後由 Charlotte_mom 於 13-7-23 14:18 編輯
各位:
直資本來就係惹火議題, 傳統津校轉直資就更惹火
麻煩大家討論時, 互相尊重大家意見好嗎? 我屏閉左某d留言, 唔係因為我唔同意言論, 而家用語有不尊重別人之處
大家都係家長, 可以互相包容嗎? 我唔想出警告或封艇, 盞大家都唔開心
作者: chanmaymay 時間: 13-7-23 10:44
提示: 作者被禁止或刪除 內容自動屏蔽
作者: pooh仔 時間: 13-7-23 11:23 標題: 引用：各位:直資本來就係惹火議題,+傳統津校轉直
原帖由 Charlotte_mom 於 13-07-23 發表
各位:
直資本來就係惹火議題, 傳統津校轉直資就更惹火
麻煩大家討論時, 互相尊重大家意見好嗎? 我屏閉左某d ...
佢亦不是sppcs 家長， 佢亦明顯喺度挑釁在讀家長情緒。
學校有冇做足本份，在校家長完全親身感受， 亦不用外人指桑罵槐。
作者: JoJo 時間: 13-7-23 12:18
本帖最後由 JoJo 於 13-7-23 12:18 編輯
在這個公開的平台, 大家能作理性討論, 家長能獲取多方面的資訊是不錯, 但如會員因過份激動而出言引發罵戰. 版主是有責任作出提醒及勸喻.
希望各位能保持冷靜, 如遇上違規回覆, 請按下舉報鍵, 謝謝!
作者: Charlotte_mom 時間: 13-7-23 14:19
pooh仔 發表於 13-7-23 11:23
版主， 我句說話有影射佢咩?
佢亦不是sppcs 家長， 佢亦明顯喺度挑釁在讀家長情緒。
學校有冇做足本份，在 ...
多謝提醒, 已更改
作者: whyyou 時間: 13-7-23 21:30
否決了，一天光晒
作者: pooh仔 時間: 13-7-23 23:12 標題: 引用：否決了，一天光晒
原帖由 whyyou 於 13-07-23 發表
否決了，一天光晒
只要我哋團結就可事成
作者: Bettylau 時間: 13-10-7 12:58
我都唔明你地 D 家長開口埋口眼裡面只係睇到 $$$$$ 交幾多 $$$ 學費
你地究竟係唔係咁無知政府堅決推行 校本條例 強行參予學後行政 和 教學方針 
根住 就加入洗腦學科 
所以點解 天主教學後會陸陸續續轉直資
你地一日到刻就係到嘈學費 又 嘈 話世襲 老老實室 , 你地咁既質素父母真係無謂讓女兒讀呢一個級數既學校 浪費學校資源同你地溝通
唔通學校大大聲話反政府 ???? 用下腦啦
作者: chanmaymay 時間: 13-10-14 16:27 標題: 引用：我都唔明你地+D+家長開口埋口眼裡面只係睇
提示: 作者被禁止或刪除 內容自動屏蔽
作者: chantm1812 時間: 13-10-14 17:41
本帖最後由 chantm1812 於 13-10-14 18:41 編輯
chanmaymay 發表於 13-10-14 16:27 
唔係掛？呢個至係真正原因？你即可係話學校講大話？你即係話資詢會只是一場大龍鳳，校長聲淚俱下只是交戲？ ...
1.天主是愛，不宜隨便醜化引用作此類負面批評，也會破壞自己及天主名聲。
2.補充：不是「懷疑」被追數，而是慘被「抵譭」、「無中生有」! 當事人已發出律師信聲信表示與收害人無關！
3.聖保祿中小學一等校譽，也希望大家做家長的，真不要言詞刻薄；儘管在論壇上看不見對方，但也應言詞有修養一點，因這是尊重他人和自己。{:1_1:}
作者: YongXin 時間: 13-10-15 21:56 標題: 回覆：看請轉直資真面目
請問天主教區對校本條例提出訴訟, 紛紛轉直資, 這些都是事實, 對正苦政策説不, 有何抵毀?
對前任中學校長作出人身攻擊, 對學校嚴重不信任/踐踏的, 是一眾在這裏講錢失感情的反直資家長; 現在又忽然維護學校的崇高教育理念?
在2011年及之前, 這裏融洽, 熱鬧, 踴躍發言, 無私分享. 現在這裏不是叫平靜, 而是免得過都不想在單向區發言.
作者: lcdtopcon 時間: 13-12-7 02:26 標題: 回覆：YongXin 的帖子
「 在2011年及之前, 這裏融洽, 熱鬧, 踴躍發言, 無私分享. 現在這裏不是叫平靜, 而是免得過都不想在單向區發言. 」
十分認同!
很懷念及感激以前家長無私的幫助，大家互相幫助、互相勉勵丶以禮相待、和諧共處；以前家長的素質感動很多很多後輩，使我們獲益良多。
但這一兩年的風氣與以前已不同了，很多家長的言詞帶有欺凌辱罵及無禮刻薄，對人及對學校都非常不尊重。
感覺非常失望！
| 歡迎光臨 教育王國 (/) |
Powered by Discuz! X1.5 |