教育王國
標題: 媽媽們，你們有沒有放棄工作？ [打印本頁]
作者: pyalisa 時間: 13-7-8 00:02 標題: 媽媽們，你們有沒有放棄工作？
因小孩情況，你們有沒有因此放棄工作？
作者: doubt2012 時間: 13-7-8 10:20
全職揍小孩五年了，很想找part-time呢！
作者: Keibabi 時間: 13-7-8 12:23
我冇, 因為我係個緊張大師。不過正考慮佢上小一前會辭咗份工, 全職湊番佢。
作者: why-me 時間: 13-7-8 12:47
我冇放棄, 治療要用好多
作者: Vichang 時間: 13-7-8 13:18 標題: 回覆：pyalisa 的帖子
我返工嘅，因為份工薪水ok 只返一至五，準時放工，老細ok。我個精神科醫生舊同學話搵專業人士訓練囝囝好d。可能佢知我湊仔太渣了
作者: TRF北村 時間: 13-7-8 13:44 標題: 回覆：pyalisa 的帖子
我返工，因為放工準時，放工後仍然可以去公園玩，訓練小朋友。
我返工時間裡面，小朋友也是上午返學，下午午睡，瞓醒我已放工跟他走在一起。
作者: Capricorn2521 時間: 13-7-8 17:58
我都冇放棄工作，因為上班時間OK，人工OK，老細OK，同事OK，又吾洗OT。
我好貪心，錢又要，仔又要。我仲會在公司上網找資料及做教材，彩色影印，非常好。
返工有錢帶亞仔周圍去玩，可以請工人幫我煮飯做家務‧
剛剛知道亞仔有事時都好想辭職，但老公吾贊成，佢話會配合我教仔，做訓練，周圍去玩。So far so good !
當然有時都會羨慕人地full time mom....
作者: why-me 時間: 13-7-8 18:45 標題: 引用：我都冇放棄工作，因為上班時間OK，人工OK，
原帖由 Capricorn2521 於 13-07-08 發表
我都冇放棄工作，因為上班時間OK，人工OK，老細OK，同事OK，又吾洗OT。
我好貪心，錢又要，仔又要。我仲 ...
Thanks
作者: mckm2007 時間: 13-7-8 19:18 標題: 回覆：pyalisa 的帖子
冇。雖然份工好多嘢做，有壓力，但冇辦法。trainning要用錢，仲有其他支出。唯有平日放工後或放假陪多啲小朋友。
作者: chowqv 時間: 13-7-8 19:43
半放棄，原本唸住做全職，因為阿仔；家下只做兼職。
作者: csy_0101 時間: 13-7-8 20:52 標題: 引用：冇。雖然份工好多嘢做，有壓力，但冇辦法。
原帖由 mckm2007 於 13-07-08 發表
冇。雖然份工好多嘢做，有壓力，但冇辦法。trainning要用錢，仲有其他支出。唯有平日放工後或放假陪多啲小 ...
作者: idak 時間: 13-7-8 23:05 標題: 回覆：媽媽們，你們有沒有放棄工作？
以家返工，合約到8月，已同老細講咗做到合約完，份工都做咗十一年，返工時間好，近屋企，人工一般，大假多（廿一日）。
作者: muimui5 時間: 13-7-8 23:41
我做政府工，穩定收入高，只是車程耐點，都是想做落去，因為quit咗第時搵唔返。而且我唔想C6承擔唒經濟壓力，佢做私人工壓力大OT多，脾氣已好差。真係靠佢一個搵錢可能仲多拗糾。
反之我本來好想C6轉份輕鬆少少的工可以在家脾氣好啲，唔識教大A都陪多啲小B，但似乎冇望了，佢最近叫我cut大A的私人訓練，唔係因為冇餞，只係佢認為教了三年幾言語治療都唔會講，應該先天有糾正唔到的缺陷。我聽到對佢好失望，我預咗自己擔起哂大A全部訓練開支。
作者: BKVIP 時間: 13-7-9 07:58 標題: 回覆：媽媽們，你們有沒有放棄工作？
我有諗過全職揍仔，但自問唔係好有耐性嘅人，加上份工人工高福利好又多津貼，準時5點收工，包車同午餐，唔駛帶錢都返到工，褔利仲要全家都可享用，又穩定又有晉升前景，所以老公100%唔讚成我放棄，我都唔捨得。
作者: ttrrmm 時間: 13-7-9 11:31
我原本FULL TIME accountant （一周五天半）, 从五月份转到一周工作三天，钱差不多少了一半，但是没有帮上很多忙，主要时间都花在接送个仔去培训的路上了。所以7月份，我做一周工作4天，其实做FULL TIME都OK， 但是也想给自己一点休息。收工后及周末都陪仔仔，同埋老公都很早下班陪仔，所以给仔仔的时间都不算少。
作者: apple~y 時間: 13-7-9 13:31
本帖最後由 apple~y 於 13-7-9 13:43 編輯
你0地0的工作0甘"正",比我都做啦
以前我份工日日ot,人事關係又煩,係現代金枝慾孽,人真係好恐怖對唔同人有唔同臉孔
工作好大壓力失眠,放工巳經人都散晒勁累,
如果我放工仲要跟呀仔訓練,我真係會死,情緒大爆炸
所以我好羨慕你0地
作者: pocoyo123 時間: 13-7-9 16:54
我以前份工係要跑數, 壓力大, 時間長, 有時放工亞仔已訓左, 終於亞仔去年小學決定不做啦, 想全心跟佢功課, 而且工人姐姐不太好, 不如唔要工人, 自己溱順便等佢自理好些, 希望到三年級可以搵返份工做
作者: bbpigbb 時間: 13-7-9 23:34 標題: 回覆：pyalisa 的帖子
我是在職媽媽，而且每天回家后是沒有時間教仔做訓練，真的很想唔做，由於小孩上的訓練費實在太貴了，開支上實在有困難，所以現在都打消了念頭。
作者: Keibabi 時間: 13-7-10 16:52
Capricorn2521 發表於 13-7-8 17:58 
我都冇放棄工作，因為上班時間OK，人工OK，老細OK，同事OK，又吾洗OT。
我好貪心，錢又要，仔又要。我仲 ...
我同妳嘅情況一樣, 所以好唔想放棄份工.........
作者: silvermijar 時間: 13-7-12 12:13
我想同大家講,轉做全職媽媽係值得,先唔講小朋友係咪a仔,就算普通小朋友,家裏的工人可以陪伴到小孩子,但並不能像父母咁,豪無保留地教導他們...
我明白如家裏真的付擔很重,未必能辭掉工作,全心做好一個全職父母,我很理解...
我只是想分享一下我的經歷.我仔仔很小時候我己經覺得他有a仔的症狀,無回應,無感覺,打針都唔會點喊,一去陌生地方或環境轉變就大喊大吵...等等等等...
到我於我個仔歲半果陣自己真的辭退工作後,我發覺雖然小朋友的進步未必可以因我照顧他的幾個月內有改善或進步,但當日子久了,而他自己本身的能力可以提升時,你就會知道自己的努力沒有白費~好像我的兒子,他是兩歲兩個多月先開口叫bye bye(之前就咩都叫daddy),到現在兩歲八個月,他能組織句字,說出自己需要,回答我問題,聽從指令等等,我自問,自己的功勞是最大,我之前就是忙著去不同地方聽講座,帶著兒子去參加小組,去上訓練,全部都是由我自己去陪伴他,我將學到0既技巧,全部都用返落日常生活度,雖然好多時都好勞氣,但請明白,最好的老師就是父母,父母是可以豪無保留咁教導他們,不像其它照顧者,如工人咁,佢地只會當是工作去照顧小朋友,有誰會真的當少主是自己子女看待?只要他們食得飽,穿得暖,佢地己經盡了責任.
我不是在這裏提議所有a仔父母都轉做全職父母,只係想帶出,自己在家如何教導子女,己經比你付出很多金錢找老師教小朋友更好,因只有自己才能1日24小時去照顧子女...
我老公都覺得我好叻,雖然我還要繼續努力,但至少我能帶我的兒子去做到早期介入,我真的很為自己驕傲能放下工作,全心全意照顧我兒子,因他的進步,我感到莫大的高興和滿足.這些都是金錢不能替代~
作者: 新手好媽咪 時間: 13-7-12 18:56 標題: 引用：我想同大家講,轉做全職媽媽係值得,先唔講小
原帖由 silvermijar 於 13-07-12 發表
我想同大家講,轉做全職媽媽係值得,先唔講小朋友係咪a仔,就算普通小朋友,家裏的工人可以陪伴到小孩子,但並不 ...
作者: lhy168 時間: 13-7-13 13:26
提示: 作者被禁止或刪除 內容自動屏蔽
作者: silvermijar 時間: 13-7-13 15:14
回復 lhy168 的帖子
大家一齊加油呀! 你未必會於幾個月內即時見到改變, 但當你日子久了, 你會發覺你的付出不會白廢架! 我好相信希望在明天架, 初初無左工人係屋企, 雖然好似好辛苦, 但個仔會成日見到我, 我亦都可以隨時隨地咁教導佢, 當你見到佢有反應時, 你就會知道一切都是值得的!! ^^
作者: cat1028 時間: 13-7-14 23:12
我係全職媽咪，原本打算照顧囝囝到返學（全日班）就去搵工，後來有評估結果當然要同囝囝出外訓練，搵工大計一拖再拖，老公一個工作，俾埋訓練費用，真吃力。
作者: BKVIP 時間: 13-7-15 08:01 標題: 回覆：媽媽們，你們有沒有放棄工作？
講得無錯，工人實在難以替代父母角色。所以我從不假手工人教仔，但自己又無耐性，有時講講下就語氣唔好會忟，通常係阿仔叫做訓練，而我就話唔做，好累，真慚愧，不過就算唔做嘢，我想信我會仲懶。所以我俾仔入s位全日班，一年後的今天，佢畢業了，出返主流k2，我幫佢搵左唔同興趣班，無人覺得佢係a，因佢各方面都有很大進步，我慶幸阿仔係個很努力的人，如果唔係個媽媽咁懶真係害c佢。我的所長唔係教仔，而係搵錢找專業的人教，同搵不同興趣班去開發佢
作者: Capricorn2521 時間: 13-7-15 11:41
BKVIP 發表於 13-7-15 08:01
講得無錯，工人實在難以替代父母角色。所以我從不假手工人教仔，但自己又無耐性，有時講講下就語氣唔好會忟 ...
弓起你呀，個仔有咁大進步。你咁懶個仔都進步神速，證明你個仔本身好叻。你個仔係咪細仔呀? 吾係K3咩?
其實返工媽媽都吾一定要工人同小朋友做訓練。以我自己為例，我公司同S位中心好近，我一定係自己去上示範課，自己跟進，星期六親自帶仔上訓練課，工人做返工人野。亞仔在校不適，我一定早走親自接仔回家。
S位同I位都係，每天都由我同老公揸車送亞仔返學後我地先返工，亞仔放學回家都5時多，我7時回家，工人要煮飯，每日沖涼半小時，工人只係對住個仔1個鐘，而且小朋友都要自選時間做自己野。星期六，日，公共假期父母都全天侯一齊，3人一間睡房，每天已經好多親子時間。
天父賜比我地一份好嘅工作，可遇不可求，有思考空間，又有好的設置做訓練教材，幫助我地教仔，我地應該珍惜。但如果工作令身心疲累，令我地處理吾倒家庭問題，我當然贊成放棄工作。每個人性格，環境吾同，濟遇都吾同，只要一家人能開開心心地生活就可以了。
作者: sochi81 時間: 13-7-16 21:54
很欣賞全職媽咪。不容易。因我老友也是為早產孩子放棄工作。但我同佢傾計過數。。我有兩個仔同父母要養。加供樓同訓練。。無病無痛就可以。但父母有事就有問題。所以暫時唔辭。反而兩年後工人走。我可能轉全職媽咪。因為未必找到而家咁好的姐姐。佢好錫阿仔也肯配合我們。見步行步咁啦
作者: lhy168 時間: 13-7-16 22:06
提示: 作者被禁止或刪除 內容自動屏蔽
作者: rabbit1411 時間: 13-7-17 11:47 標題: 引用：我想同大家講,轉做全職媽媽係值得,先唔講小
原帖由 silvermijar 於 13-07-12 發表
我想同大家講,轉做全職媽媽係值得,先唔講小朋友係咪a仔,就算普通小朋友,家裏的工人可以陪伴到小孩子,但並不 ...
作者: sandy1109 時間: 13-7-19 01:00 標題: 回覆：媽媽們，你們有沒有放棄工作？
放棄了，因公司太多嘢做，人工又唔十分高，不成正比
作者: cksy_bb 時間: 13-7-19 01:14 標題: 回覆：媽媽們，你們有沒有放棄工作？
沒有，自己訓練不夠，不上班無錢比仔做訓練，下班又要做訓練
，很累但滿足
| 歡迎光臨 教育王國 (/) |
Powered by Discuz! X1.5 |