教育王國

標題: 培道vs九龍靈糧,點選擇? [打印本頁]

作者: 鳥媽媽 時間: 13-7-5 16:46 標題: 培道vs九龍靈糧,點選擇?

剛打來收下午, 直上小一,但靈糧話太淺,上小一適應難, 有人話梗係老牌靈糧,有人又話培幼學術好些, 煩惱。大家請賜教

作者: bonnie_snake 時間: 13-7-5 20:46 標題: 引用：剛打來收下午,+直上小一,但靈糧話太淺,上小

原帖由 鳥媽媽 於 13-07-05 發表
剛打來收下午, 直上小一,但靈糧話太淺,上小一適應難, 有人話梗係老牌靈糧,有人又話培幼學術好些, 煩惱。大 ...

我跟你一樣，已一早辦妥九龍靈糧入學了，如今培道收pm, 我哋決定放棄KLLC辦退學，星期一去培道註冊。

作者: hitmanlau 時間: 13-7-5 22:11

呢兩間做比較我會選培道,仲有培道都係一間歷史猶久既學校

作者: Janetlam263 時間: 13-7-5 22:26

一定係培道.

作者: 鳥媽媽 時間: 13-7-5 22:51

回復 bonnie_snake 的帖子

靈糧退學有冇得退些小錢？靈糧你是上/下午？是什麼令你放棄靈糧選培道呢？好想知。。。

作者: yokeeland 時間: 13-7-5 23:06 標題: 回覆：鳥媽媽的帖子

我想知有冇得退錢及及選llc的原因

作者: bonnie_snake 時間: 13-7-5 23:19 標題: 引用：回復+bonnie_snake+的帖子靈糧退學有冇得

原帖由 鳥媽媽 於 13-07-05 發表
回復 bonnie_snake 的帖子

靈糧退學有冇得退些小錢？靈糧你是上/下午？是什麼令你放棄靈糧選培道呢？好想 ...

我剛寫退學信咋，有咩錢可以退都未知。在我角度，KLLC & 培道都係非常好嘅學校，唯一優點真係因為培小直升夠吸引，怕煩嘅我驚3年後接受唔到派位唔好、叩門冇望嘅現實。

作者: 鳥媽媽 時間: 13-7-5 23:41

回復 bonnie_snake 的帖子

謝謝，請看pm

作者: ckhmama 時間: 13-7-6 04:32 標題: 回覆：培道vs九龍靈糧,點選擇?

我會選九龍靈糧堂，因為朋友囡囡而家讀緊k1, 見佢真係德育做得好好，小朋友都有閱讀習慣，而且返到屋企都成日分享學校教既野比我朋友聽，學術方面我覺得兩間都係差唔多，但本人就覺得培道師資比較舊式，因我前年都有同仔仔in過培道，覺得個度d老師年紀都係比較大d同埋學校，老師比我感覺冇靈糧咁親切，佢優勢就係小學直上唔駛再考，不過我媽咪朋友個孫係呢間畢業既，佢話基本上到小一時好多k3既小朋友其實都唔會直上，因為佢小學都唔係d一，二線既熱門小學，所以好多都會去選擇d熱門d既小學大抽獎同埋出去再考其他熱門d既直資或私校，所以如果真係想去讀佢小學，到時先去考一d都唔難，因為佢大部份都唔會選擇直上，所以學位都應該唔會太多人爭，而且佢中學又係女校，男仔黎講，出面更多選擇，而靈糧係老牌出名既傳統學校，睇佢小派位同扣門入到既小學資料都唔差，想當年我都有考kllc,但係後備唔收，因為佢學位實在少喇，我朋友就真係好彩，佢就係後備入既，本身自己就真係好鍾意呢間學校既教學理念同德育，好可惜同呢間學校無緣~

作者: jovirose 時間: 13-7-6 09:46 標題: 引用：我會選九龍靈糧堂，因為朋友囡囡而家讀緊k1

原帖由 ckhmama 於 13-07-06 發表
我會選九龍靈糧堂，因為朋友囡囡而家讀緊k1, 見佢真係德育做得好好，小朋友都有閱讀習慣，而且返到屋企都成 ...

我有兩個朋友跟你說的一樣，話依家應選心儀的幼稚園，到時如想入培道小，再考應該唔會太難吧！

作者: 剛果公主 時間: 13-7-6 11:59 標題: 回覆：jovirose 的帖子

提示: 作者被禁止或刪除內容自動屏蔽

作者: deniseL 時間: 13-7-6 18:00 標題: 回覆：培道vs九龍靈糧,點選擇

路過多口問句：靈糧考直資或私小表現如何？

謝謝！

作者: 鳥媽媽 時間: 13-7-8 23:56

回復 ckhmama 的帖子

多謝大家回覆，最後我仍是選了靈糧，因為他們專做幼稚園，我都係鍾意靈糧多啲嘅。雖然係掙扎了幾日，因為直上真係好吸引唔駛煩！祝福大家無論靈糧培道都適合個小朋友。

作者: bonnie_snake 時間: 13-7-9 02:09 標題: 引用：回復+ckhmama+的帖子多謝大家回覆，最後

原帖由 鳥媽媽 於 13-07-08 發表
回復 ckhmama 的帖子

多謝大家回覆，最後我仍是選了靈糧，因為他們專做幼稚園，我都係鍾意靈糧多啲嘅。雖 ...

揀好咗就唔好再諗，祝福大家開開心心返學

歡迎光臨教育王國 (/)