教育王國

標題: 培正vsKentville [打印本頁]

作者: MattiesMom 時間: 13-7-5 00:31 標題: 培正vsKentville

其實培正已上月注冊，但今日下午收到KV call waiting仲係AM，真係十五，十六。兩間都係中文強及很傳統，我仔性格非常活躍，頑皮，但記性強。聽說KV是很有規矩，我都想我仔學好D規矩同禮貌。但好似interview時覺得培幼D老師有愛心。真心求意見。

作者: Happylily2 時間: 13-7-5 00:33 標題: 引用：其實培正已上月注冊，但今日下午收到KV+cal

原帖由 MattiesMom 於 13-07-05 發表
其實培正已上月注冊，但今日下午收到KV call waiting仲係AM，真係十五，十六。兩間都係中文強及很傳統，我 ...

想請問你之前有寫求位信嗎？

作者: MattiesMom 時間: 13-7-5 00:42

回復 Happylily2 的帖子

冇寫呀！

作者: ME1227 時間: 13-7-5 00:45

PC with dragon for sure

作者: JoyceNgYY 時間: 13-7-5 00:46 標題: 回覆：培正vsKentville

建議你先去小一選校版感受下考小一的功夫及壓力，自問自己和囝仔都頂得順先考慮放棄培正，唔係我怕你將來後悔。

作者: Macylau 時間: 13-7-5 01:03 標題: 回覆：培正vsKentville

一定培正！除非你好有信心小一入到一間好過培小，例如你有其他神級津小25分！

作者: chilokbb 時間: 13-7-5 01:42

I will choose PC

作者: MattiesMom 時間: 13-7-5 02:03

多謝晒你們的意見！

作者: yy430430 時間: 13-7-5 07:24 標題: 回覆：MattiesMom 的帖子

提示: 作者被禁止或刪除內容自動屏蔽

作者: ppgirl 時間: 13-7-5 08:58 標題: 回覆：培正vsKentville

其實根本冇得比，KV有的培正一定有，KV冇的是一條龍，band one 中學和超大校園！

作者: hksunshine 時間: 13-7-5 09:30

both are good schools

作者: bingbingo 時間: 13-7-5 09:34 標題: 回覆：MattiesMom 的帖子

一定揀 PC，即使之後再考其他小學，肯定不需要漁翁撒網。況且即使留下繼續讀培小，也是非常不錯的選擇！

作者: BB成長期 時間: 13-7-5 10:20

提示: 作者被禁止或刪除內容自動屏蔽

作者: ckwong1977 時間: 13-7-5 10:30

一定是培正啦，龍校，有小學做back up

作者: Kerokeroppi 時間: 13-7-5 13:14 標題: 回覆：培正vsKentville

一定係培正啦

作者: hoyau 時間: 13-7-5 15:43 標題: 回覆：培正vsKentville

如安心讀中中梗係培正啦

作者: KittyMelody1 時間: 13-7-5 16:14

MattiesMom 發表於 13-7-5 00:31
其實培正已上月注冊，但今日下午收到KV call waiting仲係AM，真係十五，十六。兩間都係中文強及很傳統，我 ...

俾著我就唔使諗, 一定要培正..

作者: Happy_funny 時間: 13-7-5 16:24

PC no doubt

作者: lutang 時間: 13-7-5 16:41

我淨係知考小一是一件痛苦事（雖然我未試過，但身邊d朋友都為呢樣野煩到爆！）如果你谷得到既，讀完培正一樣可以考！

作者: kerkermui 時間: 13-7-5 17:29

本帖最後由 kerkermui 於 13-7-6 12:28 編輯

問自己：想唔想小朋友讀培小？
快d去了解一下！我只知培小老師應該對資優教育培訓不多，未能發現小朋友潛質，有朋友個仔讀得唔開心，轉津小，一轉去d學習興趣返哂嚟，老師建議家長幫小朋友做資優test
當然，係個別例子，但我唔會為咗"壓力"而放棄我覺得更好嘅嘢
但如果你真心喜歡培小 (而唔係因為佢係龍校)咁就當然唔駛多心！

作者: easyview 時間: 13-7-5 20:16 標題: 回覆：培正vsKentville

當然培正了

作者: pattyshukla 時間: 13-7-6 15:07

Pc係咪一定一條龍？

作者: bingbingo 時間: 13-7-6 18:32 標題: 回覆：pattyshukla 的帖子

上小學係 100%，offer 信上有寫明。

作者: butter-fly 時間: 13-7-8 01:12

PC 係一間好好的學校!! 可直上 !!! 校風良好! 但選PC，會定咗小朋友讀中文學校!! 完成中學課程後，如出來社會工作或讀大學時，你會知道佢哋的英文程度真係唔太好!! 但針永遠冇兩頭利 !!

作者: BravenBright 時間: 13-7-8 08:36 標題: 回覆：butter-fly 的帖子

我知前都同樣有呢兩個offer，同樣係PC PM同KV AM。但無乜爭扎就決定pc。因真係想有個保證，而呢個保證亦唔差！

作者: Lingfung813 時間: 13-7-8 12:39

sure …PC

作者: MattiesMom 時間: 13-7-9 01:21

回復 BravenBright 的帖子

培幼課程是否偏淺，K1,K2無乜功課？

作者: porporchi 時間: 13-7-9 10:09

搵小一既壓力真係唔少, 我當初唔明點解有KV既人都會揀PC (唔好意思, 我當年覺得KV係好top既KG), 但而家我小朋友已經K1, 開始要諗升小學問題時, 就知道原來搵小學都係一個好大壓力既STAGE!

幾位朋友既小朋友係PC生, 大大話話都識4-5位, pc既kg係happy school, 佢地根本唔洗咁快谷小朋友, 佢地慢慢長路上小學中學, 如果唔貪心既, 唔係太介意英文教學與否, 咁就pc啦! 唔洗煩!

去年我見都有唔少人會揀KV唔揀PC, 去年都為此topic呢度有一陣子既debate, 揀KV既係覺得KV高brand過PC, 有信心覺得小朋友比KV train完去見小一有好既學校收, 但今年同一個POST, 我見到既反應已經好唔同, 個個寧願揀一條龍

比多小小意見, 同事個女k3 PC離校就去左另外既小學, 佢話因為PC近年考unseen野太多, 令到佢覺得冇咩把握同個女溫書, 加上因為英文問題, 而令到佢轉左出去其他小學

我覺得如果你唔係target 真係好top既小一, 不如PC算啦! KV 係Train到小朋友好醒, 但係interview既野都係好主觀, 唔知小朋友in成點時, 如上面家長講, 有25分o係手既就穩陣!

作者: porporchi 時間: 13-7-9 10:11

回復 MattiesMom 的帖子

聽聞係, 如果講程度, 同KV好難比, KV K1已經教哂100隻中文字比小朋友, 未計中國數目字同埋好淺既字, 都已經教左100隻, 仲係個個 (連我個小朋友) 都識哂, 認得哂! 不過揀pc既朋友最重要係揀佢一條龍, 非佢名氣或程度!

作者: lovebb2 時間: 13-7-9 10:21 標題: 引用：搵小一既壓力真係唔少,+我當初唔明點解有KV

原帖由 porporchi 於 13-07-09 發表
搵小一既壓力真係唔少, 我當初唔明點解有KV既人都會揀PC (唔好意思, 我當年覺得KV係好top既KG), 但而家我小 ...

我學得主因是: 小朋友越來越多，競爭越來越大。

作者: porporchi 時間: 13-7-9 10:32

回復 lovebb2 的帖子

係呀, 真係好大competition, 而家根本揀KG就係揀佢有幾大優勢上小學, 而唔係可以單純揀o個邊間KG fit自己小朋友!

作者: porporchi 時間: 13-7-9 10:34

剛剛有朋友講我知, 佢仔小六之後升唔番培中, 請問培小唔係100%升培中咩?

作者: pamelaywy 時間: 13-7-9 11:45

培中培小只屬直屬關係，頭100名必收，101-180 （據以往紀錄）可經派位穩入， 180以後機會就微，成績不算band 1, 難以入番培中band 1中學

作者: Julybabe 時間: 13-7-9 14:16 標題: 回覆：培正vsKentville

培正d英文好似較其他弱？

作者: tam_bb 時間: 13-7-9 15:03 標題: 回覆：培正vsKentville

俾我會揀培正，起碼有小學backup，就算第時小朋友想挑戰吓自己，再出去考其他名小一，個心都會定好多，因為已sure培小會收番自己。講真，邊間幼稚園邊方面強又點？大部分家長都會俾小朋友出去補！我唔信KV, SC學生唔出去補！反而，如果揀培幼，就算課程淺都唔係乜大問題，最多出去補！反而，100%升培小呢樣嘢，真係冇得出去搞！

作者: butter-fly 時間: 13-7-13 01:04

回復 BravenBright 的帖子

其實，比我咁好彩，有得選擇，都可能選PC !! 有好私小直上，真係好令人放心!! 我有個同事，佢兩边都有offer，我問佢點解唔選PC ，但她唔想個女讀中文學校，入得PC，就預咗將來讀PC 中中。佢唔想喎!! 結果，考私小又考倒傳統名英文小學(學費不算貴)。派位又派倒名英文女小學(一條龍)。其實，最重要是你想佢將來讀边類中/小學。不過，真係要三思才可決定!!

作者: mong_l 時間: 13-7-13 14:09 標題: 回覆：butter-fly 的帖子

培正係中文學樣
但英文水平都好高

作者: Taimum 時間: 13-7-13 16:15

BravenBright 發表於 13-7-8 08:36
我知前都同樣有呢兩個offer，同樣係PC PM同KV AM。但無乜爭扎就決定pc。因真係想有個保證，而呢個保證亦唔 ...

培小唔係100%上培中，大約85%，今年1~110屬band1全收111~200屬band2要抽獎，201~245屬band3 就危險啦!大部分band2都可派回培中，因band1 or band2一定有部份人走，成績好嘅人望高處，有部分找直資！今年全級第一仍留培中，仍有男女拔已收，但都放棄，留培中！

作者: Taimum 時間: 13-7-13 16:19

Julybabe 發表於 13-7-9 14:16
培正d英文好似較其他弱？

我又唔覺培正D英文弱！阿仔有好多同學D文都好好！

作者: Taimum 時間: 13-7-13 16:26

tam_bb 發表於 13-7-9 15:03
俾我會揀培正，起碼有小學backup，就算第時小朋友想挑戰吓自己，再出去考其他名小一，個心都會定好多，因為 ...

同意呀!100%入小一，真係支强心針！培幼都嗜係咁容.入到！有家姐阿哥讜，細佬妹都未必入到！我識幾個家長，由培幼開始考唔得，再考培小都唔得，最後小二插班先入到！我阿仔小三下學期插班，今年9月上培中啦!好開心！

作者: Taimum 時間: 13-7-13 16:39

其實我有D經驗想分享下！我大仔今年9月升F4，讀九龍城某英中，大家不要標籤英中英文一定好好，佢這間英中成績一般，入大學率只有一班約35人！其實中中不太緊要，最緊要學校点教！我大仔9月會去英國讀Year10,因佢自知繼續讀兩年後都無可能有大學位！細仔就仍未有出外升學打算，因佢係培小好開心，9月成班好好朋友齊上培中，佢怎會想出外升學呀！

作者: MattiesMom 時間: 13-7-14 00:24

回復 Taimum 的帖子

想問下培小是否好多功課好谷？會不會每個週末都要溫習做功課？

作者: luvgaga 時間: 13-7-14 09:42

I prefer kv

作者: lutang 時間: 13-7-14 10:30 標題: 回覆：培正vsKentville

其實我見好多家長都會將pc同其他學校比較，而最終嘅關鍵就係大家都質疑佢地嘅英文程度，而呢類家長其實心裏已有答案，又何須再多此一問呢？老實講，我唔知小朋友如果讀pc一路上都唔補習嘅話，佢嘅成績會點？我淨係知而家個個都會出去學！
好多人揀pc其一原因係可直上培小，如果你對小朋友有信心，大可選擇更好嘅學校，又想有升小嘅優勢，又想英文可媲美神級學校，這未免太貪心了！

作者: Taimum 時間: 13-7-14 16:52

MattiesMom 發表於 13-7-14 00:24
回復 Taimum 的帖子

想問下培小是否好多功課好谷？會不會每個週末都要溫習做功課？ ...

阿仔未讀之前我都以為好多功課，但阿仔應付到和感覺頗輕鬆！但始終各人不同！

作者: Taimum 時間: 13-7-14 16:58

lutang 發表於 13-7-14 10:30
其實我見好多家長都會將pc同其他學校比較，而最終嘅關鍵就係大家都質疑佢地嘅英文程度，而呢類家長其實心裏 ...

應同呀!經常話培小培中係中文教學，但我可以好肯定培小畢業的學生去考中學是很受歡迎的，培中學生去考海外學校也一樣！

作者: mawilson953 時間: 13-7-15 00:28

提示: 作者被禁止或刪除內容自動屏蔽

作者: porporchi 時間: 13-7-16 15:29

LUTANG 所講呢句 "好多人揀pc其一原因係可直上培小，如果你對小朋友有信心，大可選擇更好嘅學校，又想有升小嘅優勢，又想英文可媲美神級學校，這未免太貪心了！"

非常岩! 其實對小朋友有信心既, 去kv啦, 揀pc唔係揀佢點樣課程叻, 又或許點樣師資好, 最重要係佢一條龍呢個優勢! 我係kv 家長, 我當初唔揀龍校唔多唔少係覺得龍校程度未必及得上出面自己考既, 但係考慮到而家升小既壓力, 唔係你想入, 就一定入到, 所以怕有壓力既, 揀pc啦! 冇咩必要去擔心pc英文程度了! 如上面朋友所講, 又要龍校, 又要程度好似kv咁深教得咁好, 真係超難wow!

作者: Taimum 時間: 13-7-18 16:41

回復 MattiesMom 的帖子

考到培幼真係好smart！其實PC都係要守規矩嘅學校！我選一定PC

作者: MattiesMom 時間: 13-7-19 01:52

回復 porporchi 的帖子

多謝你哋好好的意見，我最終都係選了培正。留返個位比喜歡KV的家長啦！其實不是貪心又想龍校又想谷英文，而是我老公不懂看中文，培正所有D通告都是中文。KV 重中，數但at least D notice 係全英文。遲D做功課就只有我幫阿仔。我都有報幾間熱門英普幼稚園但全部都不收。真係有D搞笑！

作者: tangotango 時間: 13-7-19 20:50 標題: 回覆：porporchi 的帖子

其實要宏觀d睇PC嘅課程，最少係幼稚園加小學共9年，更甚是再加6年中學，所以不能咁短視淨係睇3年課程係深定淺。培中係band1A中學，程度一點也不低，如果培小有85%學生升上培中，即表示培小學生嘅平均水平已屬於band1，根本不用擔心學校嘅課程，反而係要考慮如何令小朋友配合學校要求取得好成績。

正如校長在幼稚園畢業典禮上所講，9成以上培幼學生會原校升讀培小，不會轉去其他小學，故學校會有較多時間培養學生嘅品格和對培正嘅歸屬感，在小朋友心中植下了愛學校的幼苗。至於學業就按部就班用九年時間慢慢培養，不會苦苦於三年時間內催谷小朋友，讓他們渡過愉快的幼稚園生活。

作者: mena 時間: 13-7-21 14:01

仲洗諗梗係培正, 一條龍上band1A中學, 唔通又要３年後為升小又煩一餐

作者: Julybabe 時間: 13-8-24 10:00 標題: 引用：Quote:Julybabe+發表於+13-7-9+14:16+培正d

原帖由 Taimum 於 13-07-13 發表
我又唔覺培正D英文弱！阿仔有好多同學D文都好好！

As if native?

作者: behappydad 時間: 13-8-24 10:26 標題: 回覆：培正vsKentville

入到kv, 升小又報培正等等
咁做乜唔去培正

作者: Bmwbobo 時間: 13-8-24 10:29

Just wondering如果介意培正係中中，係米就唔應該揀. 如果佢既backup(即係中中）父母係介意，係米應該放棄？

作者: lovebb2 時間: 13-8-24 11:54 標題: 引用：Quote:Julybabe+發表於+13-7-9+14:16+培正d

原帖由 Taimum 於 13-07-13 發表
我又唔覺培正D英文弱！阿仔有好多同學D文都好好！

點為之英文好好? 願聞其祥。thanks

作者: behappydad 時間: 13-8-24 13:25 標題: 回覆：培正vsKentville

如果培正都未夠好，無話可說。

k3你可照報神级学校
得就开开心心
唔得又开心

唯一考虑是培小workload 頗重
其他嘢唔好想太多。因乜已經是一綫学校

歡迎光臨教育王國 (/)