教育王國

標題: 陸慶濤VS 九龍塘聖若望 [打印本頁]

作者: Ricaip 時間: 13-7-4 15:05 標題: 陸慶濤VS 九龍塘聖若望

一間直資，一間私校，邊間好？

作者: Yanamami 時間: 13-7-4 15:07

其實點解會apply聖若望既？ EK上口碑麻麻~

作者: Ricaip 時間: 13-7-4 15:19 標題: 回覆：陸慶濤VS 九龍塘聖若望

因他是直升，是做back up的小學，九龍塘區。

作者: aleelee 時間: 13-7-4 15:22 標題: 回覆：陸慶濤VS 九龍塘聖若望

我都在EK睇到聖若望麻麻，而陸慶濤就正面d，升中一條龍

作者: Ricaip 時間: 13-7-4 15:37 標題: 回覆：陸慶濤VS 九龍塘聖若望

因我有朋友的朋友之前在這學校讀，升到一間好中學，升中後成績都好好，因我又唔知BK 上聖若望D傳聞是真是假，因有時又話搶手寫，又時又話過來人！

作者: karen55407 時間: 13-7-4 15:42 標題: 回覆：陸慶濤VS 九龍塘聖若望

陸慶濤

作者: Yanamami 時間: 13-7-4 16:13

本帖最後由 Yanamami 於 13-7-4 16:17 編輯

Ricaip 發表於 13-7-4 15:37
因我有朋友的朋友之前在這學校讀，升到一間好中學，升中後成績都好好，因我又唔知BK 上聖若望D傳聞是真是假 ...

學校有無公佈P6學生的升中成績呢。很多學校都會話你知它全校的P6學生升到那些中學，不是從朋友的朋友處知道的，應是十分公開的。

好似禁：http://www.sfaeps.edu.hk/

一睇就知呢間喺好，唔洗估估下。

另一個指標喺：網上多人講嗎？好與唔好，總有人講。而且d人好鍾意XXXvsXXX. 不過就總喺無人談論SJC，就喺覺得有d唔對路。喺好既點會無人講？

作者: ac917 時間: 13-7-4 17:06

一定係LHT，St Johanne 物非所值！

作者: Ricaip 時間: 13-7-4 18:55 標題: 回覆：陸慶濤VS 九龍塘聖若望

我應該揀LHT , 多謝大家嘅意見！

作者: mosquito_chu 時間: 13-7-4 19:21 標題: 回覆：陸慶濤VS 九龍塘聖若望

聖若望真是甘差？

作者: Ricaip 時間: 13-7-4 19:49 標題: 回覆：陸慶濤VS 九龍塘聖若望

我都唔知，但真係好少人講，我只知學術是好偏深，課外活動少。

作者: meowmeow727 時間: 13-7-4 23:12

我都想了解多些聖約望，因叩門冇消息，只有此offer,都心大心細，派到果間又好差，請了解家長分享下！thx

作者: elbar 時間: 13-7-4 23:29

Ricaip 發表於 13-7-4 15:05
一間直資，一間私校，邊間好？

陸慶濤

作者: PSYCHEDELI 時間: 13-7-6 12:18

SJC阿仔考到後，曾經到校了解過，學校的校務部給了書單看過，學術的確是頗深，但校園細且簡陋，印象馬馬地，學校有一部份的學生是印巴籍。另外今年學費接近5千，相比CKY等學校真的是不可相提並論。另外，我曾問過仔仔上興趣班家長，其小孩讀聖若望，問他該校是否好的時候，他也搖頭，對我說看我反應也知道吧!問過興趣班老師，他說該校支援較少，如仔仔有選擇，也要他選。我相信該校不是學術不好，而是付出同樣學費，不如挑更好的，應是這個道理吧!

作者: toutou1024 時間: 13-7-6 22:36 標題: 回覆：陸慶濤VS 九龍塘聖若望

我仔仔都係直升聖若望小一，我老公在地鐵見一名小學六年级學生，於是問他呢間學校好唔好，佢話好，不过無乜課外活动，老師教書亦好仔细。有家长接放學時借過一個小一學生嘅書本睇，全英，好深。我亦問過校内做的文書小姐，佢話小學學生一入學校就要講英文，呢度啲小學學生個個英文好叻同好talk得，我去仔仔幼稚园畢業禮，聽到小學生所講的英文口音都好好，不过中文一定要喺外面補習，呢間中文唔係咁好！佢哋啲样亦好讀書样！所以好睇你哋家长想自己仔女要啲咩，而去選擇學校囉！如果我得呢兩間揀，坦白講，我會選擇聖若望，因为我想我仔仔喺英文環境讀書，因为我英文唔好，中文我可以教或者補習，我自己都讀津校大，知道津校所俾到英文環境好少好少，可能只係上英文堂先講英文，每日只得9個字度，第二論學校周围環境，九龍塘緊係好過將军澳好多，由于將军澳童黨問题嚴重，所以我同老公都無揀過將军澳區學校，呢方面我哋都有考虑。雖然佢學校细，但帶靜，而我主要希望仔仔讀書學嘢，有無課外活动對我不大影响，仲有呢間小學最多20人，小班教學，而津校都大概30人以上。最后都好視乎屋企環境，金钱上可否應付，而我公司有津贴，所以我會揀私校都唔會揀津校，除非係喇沙

以上纯粹個人意見，不喜勿插

作者: sukitelfold 時間: 13-7-6 23:04 標題: 引用：我仔仔都係直升聖若望小一，我老公在地鐵見

原帖由 toutou1024 於 13-07-06 發表
我仔仔都係直升聖若望小一，我老公在地鐵見一名小學六年级學生，於是問他呢間學校好唔好，佢話好，不过無乜 ...

呢位網友的想法也很另類喎!

1）吡$讀只想英文好，點解唔去95%係外國人的融合小學（免費）呢? 2）讀書只想學嘢，有冇課外活動唔緊要，那課外活動唔係學嘢嘅一部分嗎? 3）TKO多童黨，你試下係播道、真道、優才、LHT及一些比較好嘅津校，搵D童黨吡我哋睇下? 攞聖若望同LS串聯，會唔會抬高咗前者呀?

作者: Irismammy 時間: 13-7-7 01:55 標題: 回覆：陸慶濤VS 九龍塘聖若望

LHT 唔係直資，已經要一早選擇咗㗎咩？

作者: applebebe 時間: 13-7-7 02:02 標題: 回覆：陸慶濤VS 九龍塘聖若望

因为聖若望是私校呢

作者: toutou1024 時間: 13-7-7 10:04 標題: 回覆：sukitelfold 的帖子

首先我一早講咗係如果得呢兩間選擇的話，我會選擇聖若望呢！第一：我夠知學英文可以去國際學校呢！咁今年竸爭大，唔係你想入邊間就入邊間！我夠知入名校好啦！咁如果得呢兩間揀，聖若望俾到我所需囉！每個父母所想都唔同，我一早講呢段係纯粹個人意见！第二：每個父母想要啲仔女學唔同嘅嘢！但我只想學校教好書本上嘅嘢已很足够，考试會考課外嘢嗎？課外所學嘅，我可以從外邊學，例如彈琴，籃球，足球等等，如果間學校書都未教得好，課外嘢教得好，你會接受嘛？邊样重要呢？第三：將军澳童黨嚴重係人都知，我意思唔係講間學校有童黨，而係每當放學有幾個喺學校等，你會擔心嘛？我都係將军澳大，讀將军澳嘅學校，我曾经所接触過嘅事，令我唔會選擇呢區，仲有請你睇清楚我最後嗰段，我話我唔會揀津校讀，除非嗰間係喇沙呀！我無將聖若望同喇沙比喎！係人都知無得比啦！

作者: Yanamami 時間: 13-7-7 10:21

本帖最後由 Yanamami 於 13-7-7 10:21 編輯

SJC外籍畢業生多去了美國國際學校？同一個老板。如中文弱，就好難入本地津中。SJC有無呈分試的呢？學生會否有全港排名的？樓主想小朋友他日中學條路喺點？

作者: evacalbee 時間: 13-7-7 10:39 標題: 引用：我仔仔都係直升聖若望小一，我老公在地鐵見

原帖由 toutou1024 於 13-07-06 發表
我仔仔都係直升聖若望小一，我老公在地鐵見一名小學六年级學生，於是問他呢間學校好唔好，佢話好，不过無乜 ...

Support！因為睇得出你好清楚自己想要咩野，小朋友又需要乜。

作者: toutou1024 時間: 13-7-7 14:16 標題: 回覆：Yanamami 的帖子

以我所知，美國國際學校係哥哥做老细，而聖若望係妹妹做老细的。其实可以咁講，呢間又唔係國際學校，如果上返local 學校，小朋友應該會好容易容入到！好視乎你小朋友適應能力！其实唔明家长點解要介意學校有没有全港呈分或者全港學生排名呢？我個人覺得，做父母嘅，只係想自己仔女開開心心讀書，身体健康，生活愉快，如果你仔女讀書叻，但唔開心又如何？讀書普普通通，不过不失，但係開心，没有壓力成长，請問你想自己仔女係邊样呢？我只係想個仔開心快乐囉！其他唔太重要，但點解我要佢英文程度好，係因为喺外邊工作，所接触的文件，電腦都係全英的，對我嚟講，英文真係好重要。

作者: toutou1024 時間: 13-7-7 14:24 標題: 回覆：evacalbee 的帖子

好多謝你的支持，其实我唔明點解有咁多父母在bk成日將xxx vs xxx，點解要問人呢！乜唔係最清楚自己仔女嘅，就係你自已咩？？唔通十個家长回應A學校好，你就俾自己仔女就咁讀A學校咩？自己問下自己，你想仔女需要咩！想俾咩仔女！同埋再想想仔女性格所长是否適合仔女！希望家长唔好不其然做咗白老鼠同怪獸啊！

作者: ozoz 時間: 13-7-7 22:34 標題: 引用：以我所知，美國國際學校係哥哥做老细，而聖

原帖由 toutou1024 於 13-07-07 發表
以我所知，美國國際學校係哥哥做老细，而聖若望係妹妹做老细的。其实可以咁講，呢間又唔係國際學校，如果上 ...

你如果計畫小朋友喺香港升學的話，要留意中文呀，不能太差。

歡迎光臨教育王國 (/)