教育王國
標題: 荔天,原來「你」是這樣的 [打印本頁]
作者: daphneleung 時間: 13-7-3 17:04 標題: 荔天,原來「你」是這樣的
事緣今天致電荔天表示小朋友另有學校不去就讀,因要返工緣故,看看可否星期六(無指定那一星期六)去取回註冊証,點知未講完,負責處理的同事(相信應是校長口中的林主任)就話 (有點呼喝語氣)「你聽我講先好唔好」,我呆一呆話好, 之後嗰位女士就斬釘截鐵表示「星期六唔得!我唔得閑,無人幫到你!」,並表示只可於星期一至五辦公時間到學校領取,於是我向佢表示唔好意思,我要返工,平日黎唔到,佢又問我係唔係去其他派位學校,我話唔係,佢再問我經乜途徑入學,我話統一派位,佢問咁有無朋友幫到我攞,我話無,佢再問我幾時可以攞返註冊証,我再話我平日黎唔到,再問可否星期六取,佢又再講佢呢個星期六唔得閑,於是我話我無要求呢個星期六取,佢再叫我(係命令式)先寫封信fax俾佢地做野先,到呢個時候我就問點解我要跟足佢講去做？我由頭到尾都無話一定要黎緊星期六攞,點解佢唔可以態度好啲同我傾下第二個星期六攞？於是呢位小姐就講咗好多次「對唔住囉」「對唔住啦」,我話可唔可以唔好「囉」同「啦」,我再講我唔係打電話黎要聽你講「對唔住」,我話我原意係想盡早通知你地學校安排通知其他學生,佢再話只係想幫我(幫我乜？),我話只係一件咁簡單既事,點解可以咁差態度去處理？係咪係唔讀就唔駛理會我感受？於是我問有無其他人可以幫我？佢話好呀,hold咗我一陣,最後cut埋線,我唯有再打去學校,已經好克制(自問都唔係一個好脾氣既人)好有禮同校長反映(對話主要內容與上重覆,不再多寫),但校長態度冷淡,唔算有禮,亦非無禮,只解釋因黎緊星期六小一迎新,嗰位女同事唔得閑,我再講可以安排任何一個星期六,但校長只話唔緊要,黎囉,問咗我幾點會去,就想打法我收線,完全無打算要同我傾下嗰位女士既態度,我見校長咁既態度,我亦唔想再浪費時間便收線,我知荔天喺40網深受愛戴,我對此學校亦無任何褒貶之意,但對該女士及校長處理手法實不敢恭維!!
作者: AHGU 時間: 13-7-3 17:08 標題: 回覆：daphneleung 的帖子
打上教育局分區主任
作者: dlee_ca 時間: 13-7-3 17:09 標題: 回覆：荔天,原來「你」是這樣的
大佬人哋星期一至五任您揀都唔鍾意，您去新果間就到時間，舊果間就唔到。
作者: daphneleung 時間: 13-7-3 17:33
dlee_ca 發表於 13-7-3 17:09 
大佬人哋星期一至五任您揀都唔鍾意，您去新果間就到時間，舊果間就唔到。
事有緩急輕重之分,另外嗰間學校註冊都係星期六,對我而言,我其實唔急於取回註冊証,無理由為此而專程請假
作者: cherrytam2468 時間: 13-7-3 17:43
本帖最後由 cherrytam2468 於 13-7-3 17:47 編輯
咁都得既
好學校
好老師
請問你叩到邊間？
作者: stingerc 時間: 13-7-3 17:56 標題: 引用：大佬人哋星期一至五任您揀都唔鍾意，您去新
原帖由 dlee_ca 於 13-07-03 發表
大佬人哋星期一至五任您揀都唔鍾意，您去新果間就到時間，舊果間就唔到。
...
作者: bbq2008 時間: 13-7-3 18:00
本人不是今年派位的，但以版主所說，這間學校其身不正，怎樣教導孩子，作為榜樣！有時熱門的學校，以為多人選，那就不理會家長感受！反而細小，不是千禧校的，相反教師和同工，也比這類學校的老師更好。版主，不要勞氣了，反正你已幫孩子選擇上好的褔份。之前我去協x長沙灣校咪一樣，老師的態度令我不敢恭為，我是九月才選校，已經決定不選了！反正還有其他可以考慮。
作者: hkspiderman 時間: 13-7-3 18:06
佢意思即係要自己閒日請假就唔得，人地特登星期六返工等佢就無問題
作者: nicky888 時間: 13-7-3 18:11 標題: 回覆：bbq2008 的帖子
人地一定要就妳星期六，唔就妳就有問題，如果有間神級收妳，但要一至五至得，甘妳會唔會放棄，是輕重問題，是要尊重學校的規則，如人人都像妳一樣，妳要返工，人地星期六就要開工，人地都係五天工作，要尊重下人，不是上網話人就一定啱
作者: Jane1983 時間: 13-7-3 18:19
無禮貌個位，已經講左好多次對吾住。你又同左校長投訴，仲想點？
作者: whl3868 時間: 13-7-3 18:23
我反為學校方面以為樓主急取喎...出於好心
另一方面講...學校星期六亦未必辦工喎
仲要俾人開埋學校名~~~
作者: ha8mo 時間: 13-7-3 18:27
提示: 作者被禁止或刪除 內容自動屏蔽
作者: Tsundis 時間: 13-7-3 18:32 標題: 回覆：荔天,原來「你」是這樣的
我睇完第一個反應都覺得，點解你請假就唔想，人地星期六ot就要“想“？同埋真可考慮叫親友幫下手？
作者: loveDD 時間: 13-7-3 18:32
ha8mo 發表於 13-7-3 18:27 
我估麻煩家長年年有，有經驗的校長、主任、老師對芝麻綠豆的批評已麻木了 ...
作者: crycryip 時間: 13-7-3 18:34
職員態度或有問題. 但人家星期六無時間處理也很合理. 除了你, 人家星期六也想休息一下吧?
作者: gracelam 時間: 13-7-3 18:39
就算入到神級學校都無用，始終身教最重要！現今教育工作者不易做！
作者: 小兔~阿比 時間: 13-7-3 18:40
平心而論 今時今日咁既服務態度係未夠好
但樓主好似基於背後很偉大既原因將無理要求合理化
人地明明返5日工 講明1至5 但你硬要話自已唔係要呢個星期六
就算人地星期6有其他事做 都唔等同要同你做野
人地都有俾方法你 但你乜都聽唔入耳
校方叫你fax資料俾佢做定野 仲話點解要跟你果套
成件事跟本你硬要人跟你果套
作者: karen55407 時間: 13-7-3 18:41 標題: 回覆：荔天,原來「你」是這樣的
我致電去某小學取註冊証，同樣想約星期六，對方話星期六唔返工，於是我的平日早上七時半，她說無問題，於是我第二日拿拿林返工前取回註冊証，其實我都唔趕，因我當時仲要等半個月先到七月二日新校註冊，但我唔想阻止人等候備位。之前亦試過lunch時間飛的取註冊証，由於面試請咗好多假，唯有用午膳時間啦！
作者: roybee103 時間: 13-7-3 18:47 標題: 回覆：荔天,原來「你」是這樣的
將心比己 如果你返一至五 但你老細要你星期六返工 你會有咩感覺
作者: gisoleung 時間: 13-7-3 18:53 標題: 回覆：荔天,原來「你」是這樣的
你唔要人，還想人點對你！
作者: 百厭豬 時間: 13-7-3 18:53 標題: 回覆：荔天,原來「你」是這樣的
樓主要求人地星期六服務佢，因為閒日攞唔到假，我估講左好耐，接聽果位小姐先會不耐煩咁話“你聽我講左先”，但樓主應該冇比機會同一廂情願一定要人星期六服務佢，
作者: emilylamlw 時間: 13-7-3 18:59 標題: 回覆：荔天,原來「你」是這樣的
提示: 作者被禁止或刪除 內容自動屏蔽
作者: daphneleung 時間: 13-7-3 19:04
搞清楚，我唔係話呢間學校唔好，亦唔會話因為呢兩個人而叫人唔好讀呢間學校，始終每間學校都會有其長短處，差在你同我知唔知，遇唔遇到，每件事，其實要做總有好多方法，可以咁講，我同呢位女士都係站喺自己最大利益立場出發，所以重點唔係邊個讓邊個，而係點解一定要咁嘅態度？
作者: charbaby 時間: 13-7-3 19:05
唔知係咪做admin-係咁上下。。。話說上礼拜去瑪小想攞返註冊証。個女staff話要寫退學信之類。佢語氣都ok . 笑C...佢話每個人一個屁股就得一個位。
咪勞氣。得啖笑
作者: KittyMelody1 時間: 13-7-3 19:10
daphneleung 發表於 13-7-3 17:04
事緣今天致電荔天表示小朋友另有學校不去就讀,因要返工緣故,看看可否星期六(無指定那一星期六)去取回註冊証 ...
唔覺主任同校長有問題WOR....人地學校有學校既規則...要人地特登星期六返工"招待"你, 原因只係你唔想請假, 會唔會霸道左D呢? 有時d野, 過得人過得自己呀...
作者: sukitelfold 時間: 13-7-3 19:17 標題: 回覆：KittyMelody1 的帖子
樓主當一個人話你時，可能係人哋針對你。如果咁多人話你，諗下自己有冇問題!
作者: KittyMelody1 時間: 13-7-3 19:20
daphneleung 發表於 13-7-3 19:04
搞清楚，我唔係話呢間學校唔好，亦唔會話因為呢兩個人而叫人唔好讀呢間學校，始終每間學校都會有其長短處， ...
從你地對話, 幾相信你既態度亦唔見得好.....人地要求你fax野做野, 你就話點解要跟你所講去做....
坦白講, 痳煩家長佢地應該年年遇唔少.....真係唔痳木唔冷淡都唔得...
作者: Charlotte_mom 時間: 13-7-3 19:24
拿, 平心而論, 職員無講過星期六唔駛返, 樓主亦無堅持話一定要星期六wor
如果星期六唔駛返, 職員講句我地星期六無人就大家明白, 唔駛用到唔得閒呢d說話, 點解一面倒講到樓主迫人返工呢?
當然我同意, 好多野大家可以就, 再唸辦法啦
作者: karen55407 時間: 13-7-3 19:25
總言之，求學位時，我隨傳隨到出席面試及註册，哪管人家態度再傲漫，也一於笑臉迎人；但當放棄學位時，就請容我隨時隨地取回註册証，我不能容你有一絲待慢
作者: Cathy.Leung 時間: 13-7-3 19:25 標題: 回覆：荔天,原來「你」是這樣的
如果你去政府部門申請証件，講明要指定時間辦理，閣下去唔到相信人地都唔會特登就你，幚你係人情唔幚亦係道理
作者: garyyu 時間: 13-7-3 19:27
回復 daphneleung 的帖子
當初學校負責處理退回小一註册証的的同事語氣好些就冇問題啦！
作者: happyty 時間: 13-7-3 19:27 標題: 引用：拿,+平心而論,+職員無講過星期六唔駛返,+樓
原帖由 Charlotte_mom 於 13-07-03 發表
拿, 平心而論, 職員無講過星期六唔駛返, 樓主亦無堅持話一定要星期六wor
如果星期六唔駛返, 職員講句我地星 ...
作者: karen55407 時間: 13-7-3 19:37 標題: 回覆：荔天,原來「你」是這樣的
人哋已經提意你揾人代取，想幫你解決問題，你仲話唔一定係呢個星期六，咁即係仲想hold多個位一個星期啦！或者既然又安排唔到取消學位，不如就讀荔天啦！
作者: karen55407 時間: 13-7-3 19:39 標題: 回覆：荔天,原來「你」是這樣的
邊個等緊荔天個位嘅家長，不如請日假幫樓主取回註冊証啦！就可以三贏局面
作者: daphneleung 時間: 13-7-3 19:42
KittyMelody1 發表於 13-7-3 19:20
從你地對話, 幾相信你既態度亦唔見得好.....人地要求你fax野做野, 你就話點解要跟你所講去做....
坦白講, ...
哈哈,係架,講到呢到已經有啲火火地
作者: 三眼怪 時間: 13-7-3 19:48 標題: 回覆：AHGU 的帖子
少少野就話打上分區，好心各位家長不要濫用啦
作者: Clearsky 時間: 13-7-3 19:55 標題: 回覆：荔天,原來「你」是這樣的
提示: 作者被禁止或刪除 內容自動屏蔽
作者: daphneleung 時間: 13-7-3 20:00
Clearsky 發表於 13-7-3 19:55
一件小事！
各有著與不著！
香港人，放鬆些！
作者: karen55407 時間: 13-7-3 20:02
回復 daphneleung 的帖子
同意放鬆啲又何解打咁大段文章数荔天呀？
作者: daphneleung 時間: 13-7-3 20:13
karen55407 發表於 13-7-3 20:02
回復 daphneleung 的帖子
同意放鬆啲又何解打咁大段文章数荔天呀？
作者: cautionchan 時間: 13-7-3 20:15 標題: 引用：回復+daphneleung+的帖子
同意放鬆啲又何
原帖由 karen55407 於 13-07-03 發表
回復 daphneleung 的帖子
同意放鬆啲又何解打咁大段文章数荔天呀？
作者: karen55407 時間: 13-7-3 20:24
如果想解決問題是有好多方法，包括委托他人代辦、返工前或午膳時間取、或書面通知放棄學位，好給人家有手照盡快call後備。我提議決定放棄學位的話，應刻不容緩地讓出學位，才是大愛表現。
作者: karen55407 時間: 13-7-3 20:27
回復 cautionchan 的帖子
楼主解釋咗啦「事有緩急輕重之分」嘛！梗係請假去註册啦！唔知我有無理解錯誤
作者: silvia_ng 時間: 13-7-3 20:29 標題: 回覆：荔天,原來「你」是這樣的
去麥當當order 肉醬意粉，人地話冇，但仲要人講對唔住？
作者: GSS 時間: 13-7-3 20:32 標題: 回覆：cautionchan 的帖子
中哂point.
作者: karen55407 時間: 13-7-3 20:36 標題: 回覆：silvia_ng 的帖子
我唔係要而家食，幾時整好都得，但我一定只能食肉醬意粉，明白未？
作者: happyty 時間: 13-7-3 20:40 標題: 引用：我唔係要而家食，幾時整好都得，但我一定只
原帖由 karen55407 於 13-07-03 發表
我唔係要而家食，幾時整好都得，但我一定只能食肉醬意粉，明白未？
作者: be 時間: 13-7-3 20:46
荔天之福
作者: Jane1983 時間: 13-7-3 21:07
EK家長真係好高水準、又客觀！
作者: BabAjOe 時間: 13-7-3 21:10
講到自己理直氣壯你請假巴啦
作者: 心朗小B 時間: 13-7-3 21:22 標題: 回覆：荔天,原來「你」是這樣的
以前媽媽教我，要别人幫你是要忍氣吞聲的。有些事情要忍只因自己要别人幫。這種忍耐現今孩子少有。提醒 我也要教自己的小朋友，如果别人幫你，這些忍耐就是你要别人幫的代價了。一句言兑話，幫你人情，唔幫道理。
作者: 柏禧BB 時間: 13-7-3 21:27
其實學校同家長呢段時間都忙得天昏地暗，先退一步唔代表理虧，樓主不如試下返工前後丶午飯時間去學校處理吧，畢竟你就佢容易過佢就你，不要太執著
作者: mch411 時間: 13-7-3 21:27 標題: 引用：Quote:karen55407+發表於+13-7-3+20:02+回
原帖由 daphneleung 於 13-07-03 發表
啱啱想讚你提出最有建設性建議,我再講唔係荔天唔好,只係一兩個人處事手法問題,我只係表達個人感受,唔通要為 ...
作者: Jessy 時間: 13-7-3 21:27
karen55407 發表於 13-7-3 18:41
我致電去某小學取註冊証，同樣想約星期六，對方話星期六唔返工，於是我的平日早上七時半，她說無問題，於是 ...
作者: Freeb 時間: 13-7-3 21:35 標題: 回覆：daphneleung 的帖子
樓主太過自我...希望你能停一停...想一想多為別人設想...如每個人能多為別人設想, 那麼世界會更美好!
作者: eddiehon 時間: 13-7-3 21:44
呢個遊戲,每個人壓力都咁大,何必為這麼小的事情,去花那麼多時間打電話及打那麼長的文章,我想學校和酒樓餐廳是有分別的,如果總是以顧客心態去和學校相處,不管在什麼學校,樓主日後可能有更多的不愉快的經歷,多一分包容和體諒吧!
作者: familyhei 時間: 13-7-3 22:00 標題: 引用：呢個遊戲,每個人壓力都咁大,何必為這麼小的
原帖由 eddiehon 於 13-07-03 發表
呢個遊戲,每個人壓力都咁大,何必為這麼小的事情,去花那麼多時間打電話及打那麼長的文章,我想學校和酒樓餐廳 ...
作者: mokchingyin0910 時間: 13-7-3 22:06 標題: 引用：樓主當一個人話你時，可能係人哋針對你。如
原帖由 sukitelfold 於 13-07-03 發表
樓主當一個人話你時，可能係人哋針對你。如果咁多人話你，諗下自己有冇問題!
...
作者: teambuilder 時間: 13-7-3 22:11
回復 familyhei 的帖子
講得好好呀！
作者: karen55407 時間: 13-7-3 22:27 標題: 回覆：荔天,原來「你」是這樣的
我的學生家長，原來「你」是這樣的！
作者: cellon 時間: 13-7-3 22:36
本帖最後由 cellon 於 13-7-4 00:00 編輯
daphneleung 發表於 13-7-3 17:04
事緣今天致電荔天表示小朋友另有學校不去就讀,因要返工緣故,看看可否星期六(無指定那一星期六)去取回註冊証,點知未講完,負責處理的同事(相信應是校長口中的林主任)就話 (有點呼喝語氣)「你聽我講先好唔好」,我呆一呆話好, 之後嗰位女士就斬釘截鐵表示「星期六唔得!我唔得閑,無人幫到你!」,並表示只可於星期一至五辦公時間到學校領取,於是我向佢表示唔好意思,我要返工,平日黎唔到,佢又問我係唔係去其他派位學校,我話唔係,佢再問我經乜途徑入學,我話統一派位,佢問咁有無朋友幫到我攞,我話無,佢再問我幾時可以攞返註冊証,我再話我平日黎唔到,再問可否星期六取,佢又再講佢呢個星期六唔得閑,於是我話我無要求呢個星期六取,佢再叫我(係命令式)先寫封信fax俾佢地做野先,到呢個時候我就問點解我要跟足佢講去做？我由頭到尾都無話一定要黎緊星期六攞,點解佢唔可以態度好啲同我傾下第二個星期六攞？於是呢位小姐就講咗好多次「對唔住囉」「對唔住啦」,我話可唔可以唔好「囉」同「啦」,我再講我唔係打電話黎要聽你講「對唔住」,我話我原意係想盡早通知你地學校安排通知其他學生,佢再話只係想幫我(幫我乜？),我話只係一件咁簡單既事,點解可以咁差態度去處理？係咪係唔讀就唔駛理會我感受？於是我問有無其他人可以幫我？佢話好呀,hold咗我一陣,最後cut埋線,我唯有再打去學校,已經好克制(自問都唔係一個好脾氣既人)好有禮同校長反映(對話主要內容與上重覆,不再多寫),但校長態度冷淡,唔算有禮,亦非無禮,只解釋因黎緊星期六小一迎新,嗰位女同事唔得閑,我再講可以安排任何一個星期六,但校長只話唔緊要,黎囉,問咗我幾點會去,就想打法我收線,完全無打算要同我傾下嗰位女士既態度,我見校長咁既態度,我亦唔想再浪費時間便收線,我知荔天喺40網深受愛戴,我對此學校亦無任何褒貶之意,但對該女士及校長處理手法實不敢恭維!!
「可以星期一至五辦公時間到學校領取嗎?」
－－我要返工，只可以星期六！
「可以叫朋友幫你攞嗎?」
－－無！
「可以先寫封信fax俾我地做野先嗎?」
－－點解我要跟足你講去做？
「對唔住囉...對唔住啦」
－－我唔係打電話黎要聽你講「對唔住」！
校長：「唔緊要，黎囉，你幾點會黎呢？」
－－你想打法我收線！完全無打算要同我傾下嗰位女士既態度！收線！
作者: karen55407 時間: 13-7-3 22:36 標題: 回覆：荔天,原來「你」是這樣的
依家好多老師都係EK嘅擁躉，話唔定聽朝一早林主任會將樓主嘅註冊証親身送到樓主公司，咁就乜嘢問題都解決晒！
作者: baba3506 時間: 13-7-3 22:42
現在香港社會嘈嘈敝，就是缺乏了同理心，個人利益大於一切，不去思考自己的行為或要求有否影響他人。
妳有情緒，他人也有情緒，當人家提議方法，妳又不去遷就，當人家不耐煩，妳又說人家態度不好，當人家說對不起時，妳又說人家用"囉"而不滿。其實妳付出咗什麼，要人家恭恭敬敬？人家提出平日做，或Fax，或找代表，而妳只要人家星期六，試問誰在雕難對方？唉，不如樓主同她換換角色，思考當妳遇到這情況，妳如何合理處理？
作者: cellon 時間: 13-7-3 22:58
本帖最後由 cellon 於 13-7-8 00:06 編輯
karen55407 發表於 13-7-3 22:36
依家好多老師都係EK嘅擁躉，話唔定聽朝一早林主任會將樓主嘅註冊証親身送到樓主公司，咁就乜嘢問題都解決晒！.
大錯特錯！
1. 不應送到公司，很明顯，樓主應該是一個公主，應該送到公主的堡壘。
2. 如果只係送註冊證到堡壘，明顯毫無誠意，只想打法公主收聲，完全無打算要傾下嗰位女士同校長既態度！校長應該親身押同嗰位女士，肉袒負荊， 至堡壘謝罪。
作者: sumaggie101 時間: 13-7-3 23:31 標題: 回覆：荔天,原來「你」是這樣的
提示: 作者被禁止或刪除 內容自動屏蔽
作者: cautionchan 時間: 13-7-3 23:34 標題: 引用：我的學生家長，原來「你」是這樣的！
+
原帖由 karen55407 於 13-07-03 發表
我的學生家長，原來「你」是這樣的！
作者: lawsonmoon 時間: 13-7-3 23:41
cautionchan 發表於 13-7-3 23:34
我想樓主就來delete title ! 估唔到唱人變唱自己！
作者: karen55407 時間: 13-7-3 23:50 標題: 回覆：lawsonmoon 的帖子
投訴咗可能海洋公園將企鵝館轉營駱駝館呢！
作者: siuyan1212 時間: 13-7-3 23:52 標題: 回覆：荔天,原來「你」是這樣的
如果荔天是電訊公司，林主任係客戶主任，校長係客戶經理，你係消費者，可能好多人會幫您!
作者: 高齡牛師奶 時間: 13-7-4 00:02 標題: 回覆：lawsonmoon 的帖子
我是過來人。
我于2 星期前放了荔天。
聴電話那職員十分有禮，亦有表明要12：00 前到，因她放lunch
之後因為我自己安排不到，我再call ，另一位 ee 聴，說1：00 也ok
之後Hubby take taxi 去 . 但12：45 到了，那個 staff 去了lunch. 最後拎唔到。因為趕上班。
我唯有叫老爺2：00 再幫我取。我1：30 再打去問多次，2：00 ok 嗎，那職員午飯回來了，我說： Aiyo ! 又說1：00 可以，我白行了啦！
她： 我說了我12：00 會去lunch 啦！
我： 我之後有問，1：00 可以嗎，有個ee say ok 嘛。
她： 她不太了解的，你第一次是問我嘛。
我： 哦！明白，咁，我叫老爺2：00 到。
她： 你叩門定抽籤入？如叩入，可以拎埋張reciept , 我退回書簿費給你。
我： 叩的，多謝曬！
之前叩入成功那天，已經一早表明不會退 $$$
但荔天很有良心。我實在有愧，並且，只可以說，整個面試過程，她們以學生為本，老師及上下職員很有愛心！我們也很不捨得放荔天的！
Sorry ! 我不認為你有心放位。有心放唔係用這方式，亦不會拖到7／3 才放。
如果你叩到津校我可理解你不是有心 hold. 只是我們思想上有點文化差異而已。
作者: 高齡牛師奶 時間: 13-7-4 00:07 標題: 回覆：高齡牛師奶 的帖子
我強調一點，我們不是因為荔天退 $$ 便光說她有多好。
她們面試日及多次電話溝通，令家長感覺良好。有禮！ nice ! 好到不得了！10000000000 讚！
作者: Jane1983 時間: 13-7-4 00:09
siuyan1212 發表於 13-7-3 23:52
如果荔天是電訊公司，林主任係客戶主任，校長係客戶經理，你係消費者，可能好多人會幫您!
...
樓主咬住吾放，投訴到校長，仲吾忿氣。
要開名上EK數學校，真係自暴其短！
作者: jacobkit 時間: 13-7-4 00:20
睇哂咁多POST，我其實有D身同感受。
我在醫院工作，部份病人同家人想約見醫生覆診果D嘢時，都會係用呢種態度，就係要就哂佢，但現實真係安排唔到。就唔到就起勢起度大駡，有時我地都要CALL保安來。
真係要多D諗下人地的困難，香港人，太過自我，以為咩都係講服務，你係消費者，對方要以你為中心服務你。但係，學校公立醫院呢D唔係商業機構，現在唔係要賣服務俾你。
作者: ballmini 時間: 13-7-4 00:25 標題: 回覆：荔天,原來「你」是這樣的
可能主任說話和EQ真的有点問題，但樓主的EQ比主任更下一層樓！
作者: teresayc 時間: 13-7-4 00:29 標題: 引用：Quote:原帖由+eddiehon+於+13-07-03+發表呢
原帖由 familyhei 於 13-07-03 發表
十分讚同。呢個年代，父母已經當學校變成消費場所了，以用家自居，學校是提供服務的地方。久而久之，學子已 ...
作者: hadwinboy 時間: 13-7-4 00:49 標題: 引用：拿,+平心而論,+職員無講過星期六唔駛返,+樓
原帖由 Charlotte_mom 於 13-07-03 發表
拿, 平心而論, 職員無講過星期六唔駛返, 樓主亦無堅持話一定要星期六wor
如果星期六唔駛返, 職員講句我地星 ...
作者: 嗅頭豬 時間: 13-7-4 00:53 標題: 引用：Quote:原帖由+karen55407+於+13-07-03+發表
原帖由 cautionchan 於 13-07-03 發表
我想樓主就來delete title ! 估唔到唱人變唱自己！
作者: hadwinboy 時間: 13-7-4 00:57 標題: 引用：依家好多老師都係EK嘅擁躉，話唔定聽朝一早
原帖由 karen55407 於 13-07-03 發表
依家好多老師都係EK嘅擁躉，話唔定聽朝一早林主任會將樓主嘅註冊証親身送到樓主公司，咁就乜嘢問題都解決晒 ...
作者: Jessy 時間: 13-7-4 01:03
但或者林主任都很想樓主快快取回註冊證，讓學校可收其他人。
樓主唔急姐，但等位的人好急呢！
作者: Ben2003 時間: 13-7-4 01:45
cellon 發表於 13-7-3 22:58
大錯特錯！
大錯特錯！
1. 不應送到公司，很明顯，樓主應該是一個公主，應該送到公主的堡壘。
2. 如果只係送註冊證到堡壘，明顯毫無誠意，只想打法公主收聲，完全無打算要傾下主任同校長既態度！校長應該親身押同林主任，肉袒負荊， 至堡壘謝罪。
3. 校長和林主任還要在全港各大報章頭版刊登道歉啟示，讓公主的怒氣消減！
4. 最好校長和林主任自拍道歉短片放上 Youtube，事件必可和氣收場，否則沒完沒了！走著瞧！！
作者: IloveCS 時間: 13-7-4 01:52 標題: 回覆：荔天,原來「你」是這樣的
真的替荔天高興
作者: Boomwow2001 時間: 13-7-4 02:30 標題: 回覆：荔天,原來「你」是這樣的
我都有野想講，個林主任真係冇咩禮貌，針唔吉到肉係唔會明！事情係我係統一派位第一志願係選荔天的，但係入唔到只好叩門啦！不過唔好彩小朋友剛出水豆一個多星期，心諗都冇緣面試，但又唔想冇左個機會，未打去學校可唔可以比個機會小朋友第日再見，老師聽完佢就話同主任講睇下可唔可以，叫我留下電話，等主任回答我。到了五點幾就六點我見仲未打來，我未打去問，老師話主任行開了，叫主任再打比我！過左一陣，林主任打來，咁我再同佢講發生咩事啦，但佢用一個不禮貌的聲缐回答我，入面內容唔講啦，但真係好串，好冇禮貌的！而我因為有事求人，所以一路忍讓！到後來從佢口中話以通知我太太唔可以面試，問我有冇問太太。我太太係有講唔可以面試，不過唔係荔天！之後佢就再用冇禮貌的聲音講到收線。之後我問太太，太太話係有個叫林主任打黎，但冇講咩學校，佢仲以為係第二間學校，因為太太叩第二間學校係叫林主任，所以唔會了。成見事我覺得係我地攪錯但都唔洗咁冇禮貌，何況佢仲係為人師表！
作者: hobbywet 時間: 13-7-4 06:19 標題: 回覆：荔天,原來「你」是這樣的
以為會有人共鳴，其實一切以自己為先的態度真要檢討，好好反省
作者: karen55407 時間: 13-7-4 06:27 標題: 回覆：hadwinboy 的帖子
我就是不值這種行為！
作者: hkspiderman 時間: 13-7-4 06:39
直升機，怪獸，就快又有新名由你而起 “霸王家長”
作者: sunnygirl 時間: 13-7-4 06:54 標題: 回覆：荔天,原來「你」是這樣的
學校都好慶幸「你」小朋友唔去讀，唔洗驚咩都要就「你」，運動會、頒獎禮、親子旅行、家長日、家長講座……全部都係平日？我星期一至五放唔到假你地改星期六啦！改唔到？我要去教育局投訴
怪獸家長何其多，多「你」一個唔多，少「你」一個唔少
作者: Melody_BB 時間: 13-7-4 07:53 標題: 回覆：荔天,原來「你」是這樣的
樓主你祗看到自己的需要，看不到别人的難處，自私，自我到不得了，職員冇禮貌但相信你也好不到那裏，取回注册證雞毛蒜皮事都要揾校長，正一五十步笑百步。
作者: cautionchan 時間: 13-7-4 08:11 標題: 引用：Quote:原帖由+Charlotte_mom+於+13-07-03+
原帖由 hadwinboy 於 13-07-04 發表
我睇到呢度，都想講你講的說話，個女士由頭到尾都沒有表明學校星期六不辦公，只是說「我呢個星期六唔得閒， ...
作者: karen55407 時間: 13-7-4 08:20 標題: 回覆：cautionchan 的帖子
請問仲有幾多個星期六就放暑假呢？我女學校下星期五就結業了！如果唔係小一迎新日，林主任都返屋企陪家人啦！
作者: 高齡牛師奶 時間: 13-7-4 08:31 標題: 回覆：Boomwow2001 的帖子
我唔肯定接我電話是否林主任，那位小姐態度可能直D，未致於惡劣。
我想表達的是，即使，可能她們的語氣不大好，我們可以多一點包容，事情會變得很簡單了。
作者: jessicali 時間: 13-7-4 09:02 標題: 回覆：荔天,原來「你」是這樣的
提示: 作者被禁止或刪除 內容自動屏蔽
作者: edmone731 時間: 13-7-4 09:33
我明白為什麼沒有朋友幫到你，
作者: KK07 時間: 13-7-4 09:38
學校不是消費場所，唔係你俾錢出嚟買服務，所以其實你係無權要求學校員工特別為你服務。就算人哋星期六辦公，佢都有權安排自己當日處理甚麼工作。人哋定了星期一至五服務你的時間，你要就嚟，唔要就算。正如星期六銀行收支票都講明星期一先會處理，樓主你憑甚麼要special arrangement? 如果你真係要做事分緩急，咁咪等有日咁啱放假先去囉，駛乜咁勞氣！
作者: Tsundis 時間: 13-7-4 10:40 標題: 引用：去麥當當order+肉醬意粉，人地話冇，但仲要
原帖由 silvia_ng 於 13-07-03 發表
去麥當當order 肉醬意粉，人地話冇，但仲要人講對唔住？
作者: Tsundis 時間: 13-7-4 10:44 標題: 引用：Quote:原帖由+karen55407+於+13-07-03+發表
原帖由 cautionchan 於 13-07-03 發表
我想樓主就來delete title ! 估唔到唱人變唱自己！
作者: nicky888 時間: 13-7-4 11:02
我諗樓主都未醒,唔覺有問題, 但願唔好禍延下一代
作者: Tigger2012 時間: 13-7-4 11:11
其實如果真的只是星期一至五才可取回張註冊証,我覺得主任應該強烈表明,不是話自己唔得閒!
作者: boomGi 時間: 13-7-4 11:13 標題: 回覆：荔天,原來「你」是這樣的
鬧衰人，把責任推向别人，就係現今香港精神
作者: cautionchan 時間: 13-7-4 11:14 標題: 引用：Quote:原帖由+cautionchan+於+13-07-03+發
原帖由 Tsundis 於 13-07-04 發表
請問點樣可delete?
作者: KK07 時間: 13-7-4 11:20
『其實如果真的只是星期一至五才可取回張註冊証,我覺得主任應該強烈表明,不是話自己唔得閒!』
真係唔好要求學校員工好似PCCW嗰D專業客户服務員咁識講嘢 (都有例外架)
| 歡迎光臨 教育王國 (/) |
Powered by Discuz! X1.5 |