教育王國

標題: 因昨日發生咗件事, 我就來屈死﹗ [打印本頁]

作者: idak 時間: 13-7-3 09:00 標題: 因昨日發生咗件事, 我就來屈死﹗

昨日差不多放工接到個電話, 係奶奶話囡囡無返密集式訓練班, 原因係瞓咗覺, 已經第四次, 激死我﹗我自己放假湊, 囡囡十二點半瞓一點半起身二點返密集, 有乜問題﹗ 又試過話個女濕疹R到紅晒唔返, 聽到個電話話囡囡無返已經火火地, 又話濕疹R損晒, 重話去游水, 我爆咗﹗我話唔好去, 佢話游池D水殺菌, 我幾想話我就來殺人添﹗我勁忍唔發火, 我話即刻接番個女, 奶奶重話係游泳池附近比囡囡我, 咪玩囡囡見到游泳池會跟我？我接囡囡時係著晒救生衣摞住個水泡, 我話比番嫲嫲, 奶奶重話唔洗﹗返到屋企C6黑晒口面對住我, 都唔知奶奶同佢講過D乜, 黑足成晚﹗

作者: bee918 時間: 13-7-3 10:15

你99真係....

作者: bearclub 時間: 13-7-3 10:23 標題: 回覆：因昨日發生咗件事, 我就來屈死﹗

咁都得

作者: chowqv 時間: 13-7-3 10:27

返密集，無得同阿妹玩；去游水緊要d。

不分輕重。

作者: idak 時間: 13-7-3 10:52

回復 chowqv 的帖子

我幾想同佢講比咗錢唔返個囡都會進步的, 游泳池d水會將d濕疹醫好晒﹗

作者: idak 時間: 13-7-3 11:04

回復 bearclub 的帖子

我99其實唔係咁差, 照顧方面都ok, 但管理就一定有問題, 佢重用緊古代教法。 C6就只係睇表面即時效果, 成日話我搞喊個女, 又唔明只識順從個小朋友, 之後會更加難教﹗我就來痴線﹗

我以家只可以同自己講就來9月, 囡囡返全日 I 位, 自己又轉做全職主婦, 自己湊番個女, 忍多兩個月﹗

作者: pyalisa 時間: 13-7-3 16:34 標題: 回覆：因昨日發生咗件事, 我就來屈死﹗

假手於99，就有做事準則的衝突。鬼叫你又貪假手嘅某D jetso. 溝通多D，唔成功就吞咗佢。我哋呢班媽媽訓練小孩時間寶貴，無咁多精力扭同鬥嘴喇。

作者: idak 時間: 13-7-3 21:54 標題: 回覆：pyalisa 的帖子

我唔係假手於99，醫院覆診其他訓練都係我自己帶，如果真係有鬧過99，就唔係湊囡囡差不多三年，有足夠錢我都想自己湊番，d訓練咁貴。

作者: pinkdoll 時間: 13-7-3 22:48

本帖最後由 pinkdoll 於 13-7-3 22:51 編輯

idak 發表於 13-7-3 09:00
昨日差不多放工接到個電話, 係奶奶話囡囡無返密集式訓練班, 原因係瞓咗覺, 已經第四次, 激死我﹗我自己放假 ...

可能十二點半瞓, 一點半起身, 兩點返密集, 呢度出咗問題

我唔係幫住你99, 但小朋友要日日準時12:30去瞓, 而且要即刻瞓得著, 之後1:30就要起身, 2:00又要出門口, 其實未必日日可以做得到喎. 同埋, 瞓咁短時間夠唔夠架?

另外, 老人家係好難明白返密集式訓練係做乜嘢, 唔好話老人家, 我娘家後生個啲屋企人都唔明我重乜日train夜train個仔, 又唔明啲training係為乜, 所以真係

作者: idak 時間: 13-7-3 23:08 標題: 回覆：pinkdoll 的帖子

我明瞓覺99可能控制唔到，佢太縱囡囡，我只係呻下啫！其實重有其他理由試過唔湊個女返密集，又唔鬧得99，老公又唔明，返到屋企老公重問我囡囡做乜唔去游水，我話R到損晒！細菌感染就大鑊都未講，佢就黑口黑面。

作者: pyalisa 時間: 13-7-4 00:51 標題: 回覆：因昨日發生咗件事, 我就來屈死﹗

99諗嘢唔同，唔出奇。不過，你老公好似唔係咁同你同一個諗法。點解爭咁遠？佢唔認同密集訓練？佢覺得游水有乜咁重要？

作者: bbqiu 時間: 13-7-4 09:40

我覺得你真糸好辛苦,忍忍忍多兩个月.

作者: pinkdoll 時間: 13-7-4 11:33

idak 發表於 13-7-3 23:08
我明瞓覺99可能控制唔到，佢太縱囡囡，我只係呻下啫！其實重有其他理由試過唔湊個女返密集，又唔鬧得99，老 ...

重有兩個月自己就湊返, 咁呢兩個月內發生既事, 唯有當睇唔到啦, 唔好令自己負荷太重.

明白你好愛你個囡, 想佢做多啲training學多啲嘢, 但你自己都要小心身體, 唔好俾太大壓力自己, 你要首先要照顧好自己, 才有力量去幫自己囡囡. Take Care.

作者: idak 時間: 13-7-4 19:11

回復 pinkdoll 的帖子

我會忍的﹗我唔會同99反面, 因為知自己個女都惡頂, 我初時一個人帶囡囡睇醫生都想死, 上次覆診醫生重估囡囡似adhd, 我e隻紙老虎係e度發洩下, 減下壓o者﹗我自己湊番想改番好囡囡的飲食習慣同生活習慣, 希望改晒d公主病先﹗多謝你同我分析, 可能當時發"姐"眼 ﹗

作者: maggie38 時間: 13-7-5 07:55

idak: 老人家..愛孫深切呀..睇到自己個孫,濕診發作..R到捐哂..可能又+上有D扭計
,所以你99想個孫,開心返..舒服D.先帶佢去玩下架者.而且游泳對身上都有益GE..加上密集訓練..就黎完啦..唔好咁緊張啦.你要放鬆心情,先會幫到自己同個囡囡架嘛!^^你GE反應同情緒好影響囡囡架!仲有仲有..囡囡快讀全日I位啦..就係代表囡囡已經進步好大..可能你99覺得個孫都咁叻叻,所以偶爾獎勵下佢者!其實你應該開心先係啦..你99咁鍚你個囡囡^^好啦..小事黎咋,,唔好再嬲啦.123.笑XD (係啵..協結業禮,你會去嗎?)PM我

作者: idak 時間: 13-7-5 08:53 標題: 回覆：maggie38 的帖子

結業禮去唔到！要返工，d大假摞晒來同囡囡覆診，老人家真係難教過小朋友，協康個黃姑娘幾好，幫我同99講點教囡囡，可能我99份人唔比人話得，所以咪成日用唔同籍口話唔返，haha~~7，8月我無報訓練比個女，99唔知頂唔頂得順，無報原因係自己大頭蝦，想報時已截止！

作者: checkylam 時間: 13-7-5 10:42

本帖最後由 checkylam 於 13-7-5 10:43 編輯

我都替你唔開心, 上密集都係對小朋友好, 如果唔係都唔會咁貴都俾佢上啦, 上唔到堂, 真係浪費你的心機和金錢, 小朋友又小了一堂訓練, 進步可能又小了, 真係好唔開心, 老人家都唔明白呢啲訓練的目的, 可能會話叫你浪費金錢, 老公又黑口黑面, 佢哋唔明白你的苦心, 唔明白你的擔心, 唔緊要, 呢度有好多同你差唔多遭遇的人, 講出來, 舒發吓心情, 一陣就冇事的,
個人覺得游水都ok ,對小朋友係好的, 但係麻煩在皮膚出現的問題, 我的小朋友都係咁, 現在仲煩緊點搞先唔會游水會發濕疹? 多啲同佢搽保濕cream, 如果唔係又痕, 又抓損, 有排煩,

作者: idak 時間: 13-7-6 17:26

回復 checkylam 的帖子

我99都知知地返密集係重要, 但佢比囡囡自由度實在太大, 鍾意幾點訓就幾點訓, 99都睇到囡囡有進步, 佢只會覺得教只係我做就夠﹗C6都知道囡囡問題, 但佢唔識點樣做, 我事後問番佢點解黑口黑面, 原來佢一見到囡囡塊面爛晒心痛, 佢重話連個頭都痛, 我亦都同C6講之後唔做野你唔好覺得我係做少奶奶, 你個女咁惡頂﹗

作者: checkylam 時間: 13-7-7 02:43

好羨慕你有個照顧你, 唔使你出去返工, 擔起頭家, 又愛鍚女兒的老公,

作者: silvermijar 時間: 13-7-12 18:55

其實樓主你99 已很好了,你諗下一個老人家,對住個孫,當然會緃容D架喇~ 佢對個孫係咁鬧鬧鬧, 你都睇唔過眼喇?? 你惟有忍下喇, 等你唔使再靠佢,可以自己點揍都得... 我都係自己揍,唔使受工人姐姐氣, 個仔進步得好好多, 我真係好後悔初初唔自己一手揍, 攪到個仔個仔進步得好好多, 我真係好後悔初初唔自己一手揍, 攪到個仔好似咁大個先開始學野咁...

作者: idak 時間: 13-7-15 01:45

回復 silvermijar 的帖子

唉﹗其實之後佢又有一日無返, 七月返得個五堂有兩堂無返, 又去游水, 今次我話唔比, 佢話囡囡無損d皮膚好靚, 吹到呢﹗D濕疹會即刻好番。99叫我去陪佢, 我慶到話唔去, 我屋企望到個游池, 見到囡囡又真係玩得幾開心, 我先無咁嬲咋, 我有錢都即刻自己湊番, 好在囡囡9月返 I 位有學券同學生資助, 囡囡返左密集式又真係進步左好多, 希望囡囡返 I 位無問題。

作者: silvermijar 時間: 13-7-15 10:43

想問下咩叫學生資助呀?我排的是e位,返緊主流,所以我唔知除學卷外會有其它資助呢?
你要留意返,到你阿女返i位佢0既進度如何?因唔係間間都咁好資源架,因為都係大班教學,所以如果阿女返學係遊魂,基本上係學唔到野架.(因i位兩星期好似得30分鐘st,其它叫做個別訓練好似一星期一次咋~不過唔知係咪間間都係...)
所以我就辛苦d,都要自己揍,比佢返e位,下午時間我可再出外上訓練或自己在家教,唔使返學唔知佢吸唔吸收到咁...

作者: idak 時間: 13-7-15 19:03 標題: 回覆：silvermijar 的帖子

學生資助係政府的（好似）睇收入再批資助全額，一半定3／4學費，個幼師話到時減學券同資助都係交幾百蚊，如果再有需要可以向學校申請，佢話佢跟6個小朋友，我見女女都聽佢話，重話見言語治療師最好家長在場。

歡迎光臨教育王國 (/)