教育王國
標題: 坐唔定的細囝, 入讀K1後, 會唔會俾人趕出校... [打印本頁]
作者: hippotomato 時間: 13-7-2 16:03 標題: 坐唔定的細囝, 入讀K1後, 會唔會俾人趕出校...
我囝囝係10年12月出世的細囝, 將會九月入讀又一村學校, 之前報果D PN班, 全部都唔收, 只有一間將軍澳廣場比諾收, 點知最近校舍會關閉, 攪到我唯一選擇就係只有一間肯收佢的又一村, 不過宜家最擔心就係, 佢坐唔定, 又未識講野, 又未戒片, 乜野都唔識, 我好怕囝囝入讀後, 老師唔多鍾意佢, 佢可能會俾聲出校, 果時都唔知讀邊一間. 唉....
請問各位媽咪, 知唔知道又一村學校的老師, 是否有耐性及愛心去教一些好動坐唔定的小朋友? 老師會唔會有一些好方法教他們. 
作者: coco1234hk 時間: 13-7-2 17:30
唔會呀? 小朋友梗係要教架啦...少少事就趕出校
其實你可以出年重讀做大b, 到時應該好多選擇
作者: minniebaby1126 時間: 13-7-2 17:37
番了學會變，不過快D train介片！
作者: hippotomato 時間: 13-7-2 23:56
我都諗住出年都會重讀K1, 希望囝囝會變番乖, 聽下人話. 不過講戒片就慘啦, 佢完全唔識得同我地講要痾尿尿, 宜家教佢去廁所痾, 佢就發晒脾氣, 都唔知點解佢咁唔鍾意...
作者: bee918 時間: 13-7-3 12:12
又一村很有愛心, 放心吧.
隻bee非常不定又不專心, 老師都很耐心教導
作者: hippotomato 時間: 13-7-3 13:43
唔該你地, 俾意見我 ! 期待阿囝9月返學有進步!
作者: Allymcbun 時間: 13-7-3 14:56 標題: 回覆：坐唔定的細囝, 入讀K1後, 會唔會俾人趕出校...
點解要佢做細仔？我校長強力叫媽媽三思。
作者: lingan 時間: 13-7-3 15:02
戒片要順其自然，我個b 而家2歲10個月才剛剛戒片 (有時都會失手)。唔駛擔心咁多，開學係9月，仲有2個月，到時可能有改變架。
作者: breadbb 時間: 13-7-3 16:05 標題: 回覆：坐唔定的細囝, 入讀K1後, 會唔會俾人趕出校...
小朋友係特別聽老師話 所以唔洗太擔心
作者: j947 時間: 13-7-3 19:17 標題: 引用：我都諗住出年都會重讀K1,+希望囝囝會變番乖
原帖由 hippotomato 於 13-07-02 發表
我都諗住出年都會重讀K1, 希望囝囝會變番乖, 聽下人話. 不過講戒片就慘啦, 佢完全唔識得同我地講要痾尿尿, ...
作者: hippotomato 時間: 13-7-3 23:54
回復 Allymcbun 的帖子
其實當初係想囝囝入讀pn班, 而又一村只不過係博一博, 點知冇一間pn班肯收囝囝, 反而又一村K1肯收, 另外想囝囝返下學見多D世面, 好過對住我屋企個工人姐姐, 因為個工人姐姐唔識同小朋友玩, 而姐姐又係一個木頭, 完全唔鍾意笑, 攪到我囝囝成日起屋企自己同自己玩玩具, 仲有佢係一個冇記性又唔留意身邊的人, 佢咁樣的性格已令我不相信佢帶我囝囝出街後的後果, 所以我好想好想俾囝囝可以快D返到學去學習群體生活.
作者: hippotomato 時間: 13-7-3 23:55
多謝晒你地, 我會努力教好囝囝去廁所.
作者: Lingfung813 時間: 13-7-4 06:50
會否考慮換工人姐姐?因為姐姐唔懂和小孩相處,長遠落去問題都幾大呢！
作者: hippotomato 時間: 13-7-4 10:23
回復 Lingfung813 的帖子
我地都明白, 其實我地都好想換人, 但係宜家搵好的工人姐姐真係好難求, 上次個果印尼姐姐衰左3次借錢, 跟住自己走人, 宜家請尼個, 勤力就勤力, 不過冇記性, 如果係菲律賓人黎講, 佢真係見之中最蠢的人(完全唔識轉彎), 唉...仲有一個最大唔轉得的原因, 就係: 我阿媽唔會俾我換人, 因為經過上次再請新工人後, 我阿媽強烈不滿(攪到我精神有D問題), 因為基於佢唔想留起我屋企教個新人, 佢好想快D返佢自己的屋企, 所以到最後, 我地都冇轉到.......
作者: rainbowcov 時間: 13-7-4 15:26
Lingfung813 發表於 13-7-4 06:50
會否考慮換工人姐姐?因為姐姐唔懂和小孩相處,長遠落去問題都幾大呢！
對, 係好影響架.
作者: yy430430 時間: 13-7-5 07:41 標題: 回覆：hippotomato 的帖子
提示: 作者被禁止或刪除 內容自動屏蔽
作者: irene_the_pooh 時間: 13-7-5 18:03
大小便訓練唔可以迫，當小朋友個身體機能夠成熟佢自然可以好快唔駛片！
如果你迫，一定會有反效果！
我有朋友迫個小朋友介片，終於個小朋友唔肯痾，谷到個肚好似青蛙咁大都唔痾，終於要去醫院放左先，然後再慢慢等佢克服介片既陰影，然後再慢慢介！
至於學校既阿姐唔鐘意執屎尿，我估做得幼稚園都要預左，因為小朋友得幾歲人仔，如果真係會有說話聽而學校其他老師都坐視不理既，我估呢間幼稚園都未必好有愛心！
作者: feipow 時間: 13-7-6 09:03 標題: 回覆：坐唔定的細囝, 入讀K1後, 會唔會俾人趕出校...
提示: 作者被禁止或刪除 內容自動屏蔽
作者: sbux 時間: 13-7-6 09:14 標題: 回覆：坐唔定的細囝, 入讀K1後, 會唔會俾人趕出校...
我都覺得介片唔駛急，如果佢ready你要佢着住塊焗嘢都難。反而樓主迫切嘅問題係唔講嘢。好明顯小朋友大部分時間無人同佢講嘢，有機會會遲緩嫁，嗰時你就唔係煩介片坐唔定咁簡單。。。附近有無育嬰院，再唔係揾個PG要姐姐帶佢上，TKO應該有好多，真係要盡快刺激佢開口喇
作者: sbux 時間: 13-7-6 09:18 標題: 引用：你囝囝應該已經2歲半，未識講嘢？連單字都
本帖最後由 sbux 於 13-7-6 09:19 編輯
原帖由 feipow 於 13-07-06 發表
你囝囝應該已經2歲半，未識講嘢？連單字都冇定只係句子講唔到？雖然男仔語言發展較慢，但都可以帶佢做一做a ...
贊成，好多媽媽會話唔駛擔心，仔係講嘢遲，但我哋無見過小朋友就罔下定論係好危險，如果媽媽真係大安旨意，而小朋友原來真係有問題，就好易過咗三歲前嘅重要語言敏感期，所以我贊成有疑問用小小錢見下治療師或醫生買個安心先
作者: hippotomato 時間: 13-7-8 16:35
最近囝囝已經開始同佢去痾尿尿, 佢肯了, 不過未識同我地講. 已經佢有好大進步了.
作者: hippotomato 時間: 13-7-8 16:50
佢講野問題, 2歲果時終於排到政府的兒童檢驗中心, 最近都有再上去中心評估, 點知佢地話要等特殊中心訓練, 起碼要等1,2年, 所以要我地出去搵D私人訓練俾我個囝. 所以上個星期開始, 去左灣仔聖公會健苗軒, 搵左個單對單的言語治療師訓練佢, 宜家只希望我個仔能夠在返學前講多D野就好啦.
作者: hippotomato 時間: 13-7-8 16:52
佢宜家只肯講好少單字, 好似"爸爸" "婆婆" "魚魚" , 好似明明識講"媽媽" , 宜家又唔肯講啦, 唉...我地越想佢講, 佢越唔肯去講....真係難教....
作者: breadbb 時間: 13-7-8 17:06 標題: 回覆：hippotomato 的帖子
我仔都係27，28個月先開始講句子 雖然好多人都話男仔遲d 但我嗰時都係好擔心 不過真係迫唔黎 佢要講就自然會講
作者: lokhei1012 時間: 13-7-8 17:11 標題: 回覆：hippotomato 的帖子
俾個提議你丫，我都係咁教我個仔架，去買幾條有佢心愛公仔嘅底褲仔，例如 Thomas, Mickey… 每次佢一瀨濕我就俾佢睇，甚至俾佢摸吓小小，我同佢講:你睇吓底褲仔，好可憐呀，濕哂好多vv呀，下次記得唔好喇，叫媽媽帶你去洗手間。佢好快就明白，唔好睇少小朋友呀。加油
作者: hippotomato 時間: 13-7-8 23:45
其實我地真係好擔心囝囝仲未識講野, 跟電視play along就跟得好足, 但係一教佢認顏色, 或者係學講野, 佢就冇心機, 就會去玩玩具, 唉... 囝囝真係好難教.
作者: hippotomato 時間: 13-7-8 23:48
回復 lokhei1012 的帖子
好多謝你的提議, 近幾個月, 佢突然間好鬼鍾意thomas 或mcqueen的野, 一見到小朋友著住有關的衫/褲/鞋/袋, 佢就會行過去指住小朋友, 而佢要有尼d公仔的野先會著, 囝囝真係好奇怪, 我諗我都要學下你買d佢鍾意的公仔底褲俾佢, 用尼種方法訓練佢.
作者: lokhei1012 時間: 13-7-9 10:05 標題: 回覆：hippotomato 的帖子
講野方面再俾多小小時間啦，我呀仔係10月B，佢两歲返學都唔識講嘢架，返左兩個月N班，開始識講，半年之後，已經不停口，有時我都講笑話 :呀仔，俾媽咪靜5分鐘丫… 唔洗太擔心，佢仲細，放鬆D 
作者: irene_the_pooh 時間: 13-7-9 23:23
我個囝都係呀！PN開學時基本上識叫爸爸媽媽姐姐公公婆婆，但返左學幾個月後，多野講到你怕！
作者: hippotomato 時間: 13-7-9 23:34
宜定真心盼望佢返左學之後, 會學講野.
作者: cat1028 時間: 13-7-10 23:30
開學後，老師用了8個月幫我囝介片，穿學習褲（買親都6包），你發覺孩子穿學習褲去街一小時以上唔濕就差不多可以訓練了，即他不喜歡濕片後的感覺。
作者: hippotomato 時間: 13-7-11 09:22
佢近牌已經識得見到廁所就痾尿尿, 但係未識企起度痾, 宜家教跟佢, 希望返學前會識啦. 唔知K1 D老師會唔會教佢地呢?
作者: JFNL 時間: 13-7-11 16:31 標題: 回覆：hippotomato 的帖子
朋友教我一個三天戒片法，是外國育兒書教的，我和朋友都work，你可以試試。預留三天整天留在家中，讓BB多飲水並不穿片，首天他一定整天瀨濕褲，第二天他開始感覺到何謂急尿的感覺而開始明白點解會濕褲，第三天應該掌握得更好並識得叫去廁所。當然這方法未必適合用於年紀太小的小朋友
作者: bbqueendom 時間: 13-7-11 17:08
提示: 作者被禁止或刪除 內容自動屏蔽
作者: vanvan1999 時間: 13-7-11 18:57 標題: 回覆：bbqueendom 的帖子
想問大便又掂呢？由得佢疴係under度？thx!!
作者: bbqueendom 時間: 13-7-11 22:28
提示: 作者被禁止或刪除 內容自動屏蔽
作者: vanvan1999 時間: 13-7-11 22:53 標題: 回覆：bbqueendom 的帖子
但我个囡大便冇定時架，戒片吾係大小便一齊开始？我煩梗大便问題，佢話疴就疴，吾著片的話，咪好難搞？ 佢肯坐potty....但就冇疴过，次次得过坐！所以想試吾著片！
作者: bbqueendom 時間: 13-7-12 11:20
提示: 作者被禁止或刪除 內容自動屏蔽
作者: 阿豆豬 時間: 13-7-12 12:20 標題: 引用：佢近牌已經識得見到廁所就痾尿尿,+但係未識
原帖由 hippotomato 於 13-07-11 發表
佢近牌已經識得見到廁所就痾尿尿, 但係未識企起度痾, 宜家教跟佢, 希望返學前會識啦. 唔知K1 D老師會唔會教 ...
作者: hippotomato 時間: 13-7-12 23:40
好多謝晒各位媽咪俾我方法, 我會慢慢有耐性教佢, 佢今日都好乖好叻, 發緊高燒, 飲左好多水, 好急尿, 終於拉我去廁所門口同我講"chuchu", 睇到佢有成功, 已經好開心.
作者: hippotomato 時間: 13-7-12 23:43
而佢大便, 係好鬼得意, 佢一想大大的話, 就會去sofa隔離的地方, 閃埋一邊, 靜靜地去慢慢痾, 我地一見到, 就會帶佢去廁所, 抱住佢痾, 不過有時唔知佢去左sofa, 就會任得佢痾起底褲裡面......
作者: vanvan1999 時間: 13-7-13 08:38 標題: 回覆：bbqueendom 的帖子
Many thx!! 
作者: siufung 時間: 13-7-13 10:35 標題: 回覆：坐唔定的細囝, 入讀K1後, 會唔會俾人趕出校...
我囡2歲時戒片，失敗左，我灌足水丹比她坐potty，50分鐘都未起身，話唔急...
一企起身即瀨！
我停左，等2個月後再試，期間日日同佢講急weewee要同mami講，瀬尿好醜怪...
2個月後再試，4，5日就戒清
1.有耐性同她一起坐廁所
2.小朋友成功時要誇張地讚揚她
3.衰左要表示可惜，但不要強烈責備，鼓勵她下次成功
4.戰蹟(濕了掠起們小內褲)掛起當眼處，一見到就提她今日瀨了幾次，明日我地要掠少d底褲喺度
5.瀨左不立刻同她處理，比她感受瀨尿的“呢hea“、羞愧，要她一同善後(如抹地)
努力！加油！
| 歡迎光臨 教育王國 (/) |
Powered by Discuz! X1.5 |