教育王國

標題: 我的ADHD兒子（用藥一個月） [打印本頁]

作者: 家希媽媽 時間: 13-7-1 21:17 標題: 我的ADHD兒子（用藥一個月）

我囝囝被確認為有輕微ADHD，所以開了concerta 18gm俾佢試，睇下有無改善！

初初一個星期，情緒已經有點改善，但同時亦有副作用，好似肚痛頭痛及有啲失眠，令佢原本鋼條身形變成竹條，心痛死！因為醫生之前已經有跟我講過，所以我再觀察一星期。

再過第二星期，頭痛減少，胃口都開番少少，不過還有啲肚痛，跟醫生溝通過後，就帶佢睇中醫，配左一啲湯料煲湯，之後就無左肚痛症狀，胃口亦回復以往。

第三四星期，情緒及活躍情況更明顯，老師讚佢乖左，上堂可以配合，因為無功課，所以未知有無專心，但可以自己一個定定完成一盒lego，加上放假多左見人，個個都讚佢定性同乖左。

整整一個月，反應都係好，但令我感覺矛盾，因為如果可以，我都希望可以唔用藥物。始終囝囝要食藥令我感到有啲心酸。

作者: ntefamily 時間: 13-7-2 11:38 標題: 回覆：我的ADHD兒子（用藥一個月）

提示: 作者被禁止或刪除內容自動屏蔽

作者: fairytail 時間: 13-7-2 20:28

試下食一段時間,等好D再問醫生可唔可以慢慢減藥。最近睇有本書講其實有部份有過度活躍既小朋友會同時有感覺統合問題，係美國有D小朋友食藥再加感統訓練，效果會更好，減藥亦可能可以快D。你可以再搜集下資料。

歡迎光臨教育王國 (/)