教育王國

標題: 唔要直資，變返大抽獎同私校?! [打印本頁]

作者: maxtimma 時間: 13-6-30 15:11 標題: 唔要直資，變返大抽獎同私校?!

有人話直資係教育界既怪獸存款，主要覺得直資一邊接受資助，一邊收學費，仲有得揀學生添！睇落好似對學校好有利，而事實亦都係，咁點解唔全部學校或大部分學校都轉直資呢?因為學校要轉直資都要睇下有無學生黎讀(要額外俾學費)，呢D黎讀既學生都係慕名而至，只係以前唔駛經歷面試靠抽獎就得喇(完全講運氣，叩門除外)，現在因要面試要靠抽獎入呢類學校既家長覺得唔公平，無理由納稅既家長要俾埋呢D學校既資助(咁無納稅既家庭既小朋友係咪唔應該享受免費教育呢?)，呢個係一個睇野既角度...我唔評論對錯

不過我覺得如果就基層向上呢方面黎睇，基層要向上，就係小朋友先要有條件才可向上，係要有本身條件(例如：自身能力IQ、AQ、EQ、待人接物能力等等，屬可培養)及客觀條件(例如：背後既支援、家庭環境、學習環境，部分可改善)，如果無條件就唔應入呢類學校我又唔同意，不過直資只係將名校會發生既事情、問題提前，即小朋友已培養至一定程度能力(即係家庭教育，家長對小朋友既支援)，並不是入小學才慢慢培育，咁我覺得直資揀卒又無可厚非，能力唔夠會害左小朋友亦影響小朋友既學習！

讀書係向上既過程：

官校、資助(學校受政府管制)---->抽獎(學生靠運氣)---->唔駛俾學費
直資(學校受政府部份管制，有資助，但有收生自由，學費可平D)---->面試(學生靠實力)---->要俾學費
私校(學校有全面自由，無資助，可自行定課程及收生)---->面試(學生靠實力)---->要俾學費

大家又可以諗o下點解學校唔轉私校轉直資?

另外，如果係資助問題，大家家長揀官校、資助學校都係有政府資助既，只係(對家長黎講)較少揀學校既權利，同樣(對學校黎講)較少揀學生既權利。咁大家都抽獎，一D入出名名校，一D入聽到個名都驚既學校，係咪真正既公平呢?我地想唔想我地既下一代生活o係靠運氣既世界，定係想佢地既世界係講努力、付出靠實力既呢?!。其實大家都知係無絕對公平！不過直資確實係提供左一個要講求實力，脫離靠運、世襲既體制，如果自己享受唔到佢既好，係咪酸葡萄就要拒人於千里呢?

作者: chanwendy 時間: 13-7-2 10:46

直資都唔一定係名校, 好多直資只係二三線, 如果唔轉直資可能會殺校, 因為區內的家長未必會選佢, 但轉咗直資, 吸引好多區外的家長去選佢.

作者: 傻太 時間: 13-7-2 10:54 標題: 回覆：唔要直資，變返大抽獎同私校?!

幾歲人仔可以比咩「實力」？

作者: maxtimma 時間: 13-7-2 11:57

回復傻太的帖子

「實力」可以係待人接物既技巧，可以係英語既能力，可以係數學邏輯能力，可以係生活上既解難能力

作者: hoihoima 時間: 13-7-2 18:44

回復 maxtimma 的帖子

After going through interviews, I do agree that there can be huge differences amongst thousands of 幾歲人仔.

作者: 自由行07 時間: 13-7-2 21:21

現在已有一大批人選擇直資唔抽獎，但中頭三志願的比率都只得六成幾，如果冇左直資學校，所有人湧出來大抽獎，恐怕連5成中籤率都保唔住。

歡迎光臨教育王國 (/)