教育王國

標題: 代友問有無過來人告訴我針灸能幫到自閉症嗎？ [打印本頁]

作者: 藍天海岸 時間: 13-6-30 08:53 標題: 代友問有無過來人告訴我針灸能幫到自閉症嗎？

本帖最後由藍天海岸於 17-5-3 01:48 編輯

作者: misshk12 時間: 13-7-1 16:12

我看過的一位針灸中醫，坦白告訴我機會是一半，同埋越細個針越見效。不過，唔係一次半次就見效的，起碼要二十次。我自己的經驗是幫到開口發音，亦聽到有家長說沒有效果。針灸最難捱的是父母的心理壓力。中醫直頭話叫菲傭帶好過自己帶孩子去。

作者: bearclub 時間: 13-7-1 18:29 標題: 引用：我看過的一位針灸中醫，坦白告訴我機會是一

原帖由 misshk12 於 13-07-01 發表
我看過的一位針灸中醫，坦白告訴我機會是一半，同埋越細個針越見效。不過，唔係一次半次就見效的，起碼要二 ...

其實點樣肯定「開口發音」係針灸的功勞

因我覺得大大下都會開始發音。

作者: misshk12 時間: 13-7-2 09:44

當時我小朋友係一針完，在診所裏就開口一輪咀話醫師，又講一陣搭咩車走。情況不只一次…(那時雖然只講幾粒字，但肯講，同埋講多過單字，已叫我們好驚喜)。我同意有時難確定甚麼因素幫到小朋友，但我回想由唔開聲到肯開聲，係最critical

作者: csy_0101 時間: 13-7-5 02:40 標題: 回覆：有無過來人告訴我針灸能幫到自閉症嗎

請問你地小朋友針灸時幾多歲? 針灸好似係針在舌頭上，你地點樣令個小朋友唔郁?

作者: fandd 時間: 13-7-6 11:21

回復藍天海岸的帖子

我囝囝於兩年前曾做過針灸四個月，平均每週做兩次，但效果極不理想，原因是每次針灸過程中囝囝都極度抗拒，並好激動地大喊，針灸後1小時才能平復心情。經過四個月的治療後，眼見對佢毫無幫助，但又要令佢激動大哭，我擔心長遠會影響佢既情緒及心智發展，所以就停咗。

雖然有報導指針炙能有效幫助部份患自閉症既小朋友，但我相信未必人人啱，我囝囝就肯定唔適合啦！反而之後增加言語治療既時間，仲有唔錯既效果。

P.S. 針灸既費用都唔平，每次收$300(兩年前)，藥費另計(每劑約$30，1日食2劑)

作者: muimui5 時間: 13-7-6 23:52

兩年前我62睇到浸大中醫部發報的針灸自閉証治療，就即要我哋俾個囡針灸。做了四十八次一個療程，一點幫助都冇。半年後亞囡有三隻大牙蛀得好勁，要用藥物鎮靜來進行杜牙根手術。後來99才話我聽62在亞囡針灸時不斷俾糖亞囡食等佢喊少啲。

A仔食咁多糖咪仲衰，仲要攪到落埋麻醉葯。唉！！！

作者: lhy168 時間: 13-7-24 23:41

提示: 作者被禁止或刪除內容自動屏蔽

歡迎光臨教育王國 (/)