教育王國
標題: 2013 U3 畢業禮 (用家對YORK既評價) [打印本頁]
作者: maxtimma 時間: 13-6-26 11:51 標題: 2013 U3 畢業禮 (用家對YORK既評價)
昨天係U3既畢業禮,睇到所有U3同學、老師既表現就知大家背後付出左好多好多!有好多人成日話YORK太商業化,但係佢係一間私校,擺明係私營既教育機構要賺錢都好正常,用者自付嘛。而YORK真係一分錢一分貨,佢收得你錢真係俾返質素你,其他私校價錢都係差唔多,不過其他學校質素我唔知,但作為YORK既用家我可以同大家講YORK係一間好好既學校,佢地係有方法去教小朋友,尤其係英文(如果讀YORK Cambridge Starter一家要讀)、數學,中文只係一般。大囝讀完3年,我睇到佢變得越黎越主動、積極、經常發問,鐘意睇書。學校有好好既學習氣氛,培養佢地對各方面知識既好奇心,功課唔算太多可應付(K3會多少少,主要寫中文字)。老師會好細心留意每位小朋友既情況,(因為我比較著緊小朋友係學校既情況,所以我自己都會不時去接小朋友放學,再問問班主任有關佢係學校既表現,有咩要注意、改進等),而N1、L2至U3既班主任都係好仔細咁同我講我既囝既情況(當然我都問得仔細,有D真係我睇唔到或忽略既),等我可以針對協助改善。3年過去了,小朋友既成長正正證實左學校既培育方針係好同正確既,我依家享受緊成果,所以可以同大家分享,其實唔只係我,我囝囝同學既家長都同我有相同既感受,而我亦唔排除有負面既用家評價,但我身邊讚既人多,話唔好既暫時真係無。
所以請大家對YORK有興趣既家長留意用家的評價,有好多人唔係用家不過不停道聽途說咁同大家分享呢樣果樣,大家就用自己既智慧去衡量啦!
最後,畢業禮表演真係好精彩,對於一班5、6歲既小朋友黎講係一流,有D甚至比我去某D小學(我去左十間左右)睇既小一入學簡介會表演更精彩!
作者: rosebud 時間: 13-6-26 14:20
本帖最後由 rosebud 於 13-6-26 14:26 編輯
maxtimma 發表於 13-6-26 11:51 
昨天係U3既畢業禮,睇到所有U3同學、老師既表現就知大家背後付出左好多好多!有好多人成日話YORK太商業化, ...
其實自從參與YORK群組之後已好少上教育王國, 因為好多非YORK家長聽"朋友"講YORK有幾差, 點商業化, 呃錢, 作為真正用家, 過去3年, 群組入面真正嘅同學家長同自己對YORK都有相當高評價, 同意一分錢一分貨嘅評語, 我囡本身係超怕羞內向, 但3年裡面, 變得主動好學, 喜歡睇書, 唔怕Presentation, 而且超鍾意返學, 我係在職媽咪, 放工絕大部份時間只係同佢玩, 因為學術上已好放心交比學校,托賴成績上中。
YORK嘅老師, 無疑比好多人都辛苦, 除日常教導同照顧小朋友之外, 好多時老師亦主動打電話黎關心小朋友情況, 而老師無時無刻都認真參與各種活動, 作為家長, 睇得到老師嘅用心, 昨日嘅畢業表演, 見到小朋友同老師嘅表演, 絕對係高水準之作, 真心覺得非常精彩而且亦好感動! 如果我再有小朋友, york係不二之選。
作者: valverde 時間: 13-6-26 17:25
提示: 作者被禁止或刪除 內容自動屏蔽
作者: dazkit 時間: 13-6-26 17:31 標題: 引用:一分錢一分貨??擺明係私營既教育機構要賺錢
原帖由 valverde 於 13-06-26 發表
一分錢一分貨??
擺明係私營既教育機構要賺錢都好正常...
Do you know what is related company, fellow sub ...
i'm really interested to know how much was chanelling to them, pls provide data

作者: maxtimma 時間: 13-6-26 17:46
valverde 發表於 13-6-26 17:25 
一分錢一分貨??
擺明係私營既教育機構要賺錢都好正常...
Do you know what is related company, fellow sub ...
Hi folk, I am not enjoying free education now!! Actually, I am a customer, so I think it's worth paying for it after enjoying my son's development, do you really understand what I mean?
All the matter you have mentioned and posted I have already known it for years, but what I focused on is the services they provided. Don't get stuck so long, Cheers!!
作者: rosebud 時間: 13-6-26 17:48
valverde 發表於 13-6-26 17:25 
一分錢一分貨??
擺明係私營既教育機構要賺錢都好正常...
Do you know what is related company, fellow sub ...
如斯主竭斯底里嘅家長, 響YORK嘅家長群中真係好少見, EK咁多人中傷YORK, 多你一個亦唔多。唔想開CHEQUE比德裕, 大可以唔比, 學校冇用槍指住家長要坐校車, 要食茶點, 要參加活動的, 就算係校服, 亦可以響出面買, 自己車一件都冇問題, limited companies register information響Companies Registry比錢查就得架喇, 唔需要好似爆黑材料咁用。
作者: cowboy2007 時間: 13-6-26 17:54
回復 valverde 的帖子
Valverde又喺您,呢度問"用家"對YORK既評價,但喺您幾個
POST都令到人覺得您似"仇家"多D
作者: cindy124 時間: 13-6-26 18:37 標題: 引用:回復+valverde+的帖子
Valverde又喺您,呢
原帖由 cowboy2007 於 13-06-26 發表
回復 valverde 的帖子
Valverde又喺您,呢度問"用家"對YORK既評價,但喺您幾個
好正!我開始覺得佢寫既野好好笑!好似睇娛樂新聞咁!其實每一間學校都有佢既好同唔好,係睇作為父母既我地將啲比重放係邊邊!我唔應為比junk food小朋友食係一件壞事,就算學校唔比佢食,你唔比佢食,你真係覺得佢無機會食到???anyway我囝囝今年開始返N1,我很其待去睇佢既好,唔好既咪睇小啲囉!世事無完美既!小朋友開心返學就ok la

作者: Yobiyuen 時間: 13-6-27 02:05 標題: 回覆:2013 U3 畢業禮 (用家對YORK既評價)
我係YORK 嘅用家,非常贊同昨天的畢業禮,老師真係俾咗好多心機同小朋友排舞,甚至老師們都好俾心機表演!我地睇完好感動!睇住囡囡係YORK 渡过3年,天天返學都好開心,開心得嚟又學到嘢,起碼我知道佢以而家嘅程度上小一絶對無問題。另外,學校又會搞吓聖誕舞會,halloween party, 同外國學生視像會議,同最近期畫展咁,真係多元化。 我—直係EK 睇人地發帖,自己未發过帖!但係真心想出句聲係,如果俾我再帮我个女揀幼稚園,我都—定揀番York, 即使要俾學費,我都覺得物有所值!

作者: elisliu 時間: 13-6-27 03:46
回復 maxtimma 的帖子
真系好感動的畢業禮
非常好


作者: ricchlosc 時間: 13-6-28 03:45
睇完之後,完全覺得呢三年付出係值得。好難相信5、6歲小朋友既演出可以咁出色,可想而知老師們既工作係幾努力幾辛苦。
係度一定要向佢哋講句多謝!多謝你哋晌呢三年教育我囝囝,令佢入到一間好好既小學。
作者: CARSON0809 時間: 13-6-28 09:01 標題: 回覆:2013 U3 畢業禮 (用家對YORK既評價)
好開心見到你們真正用家的真心評語!恭喜你們見證最開心的一刻!希望幾年後到我同大家講番我感受!你們小朋友考到边間心儀的小學?

作者: ky201105 時間: 13-6-28 10:50
valverde 發表於 13-6-26 17:25 
一分錢一分貨??
擺明係私營既教育機構要賺錢都好正常...
Do you know what is related company, fellow sub ...
我都assume所有錢落晒校長一家人袋架, 有咩問題? 唔通落你袋? 咁你開一間啦~ 你出去上playgroun興趣班等等都係咁架啦~
作者: shuna 時間: 13-6-29 12:03 標題: 回覆:2013 U3 畢業禮 (用家對YORK既評價)
冇錯,只要比出去既錢有超值回報就得啦,佢地一家人有心做好教育,咪由得佢地賺錢囉,唔通隨便開一間學校就有人讀? 唔該唔好成人話人地收錢有問題,好多企業都係家族式經驗,百佳, watson's 好多都係咁架la. 你全部都唔幫襯?

作者: BALL_B116 時間: 13-6-29 20:32 標題: 回覆:shuna 的帖子
提示: 作者被禁止或刪除 內容自動屏蔽
作者: amberpan7 時間: 13-6-30 11:09 標題: 引用:一分錢一分貨??擺明係私營既教育機構要賺錢
原帖由 valverde 於 13-06-26 發表
一分錢一分貨??
擺明係私營既教育機構要賺錢都好正常...
Do you know what is related company, fellow sub ...
呢位家長無需要在雞蛋裡挑骨頭。 公司名叫consulting company 唔係一定要做consulting 既野架。 這是基本常識。

作者: amberpan7 時間: 13-6-30 11:12 標題: 引用:一分錢一分貨??擺明係私營既教育機構要賺錢
原帖由 valverde 於 13-06-26 發表
一分錢一分貨??
擺明係私營既教育機構要賺錢都好正常...
Do you know what is related company, fellow sub ...
人地做生意,賺幾多關你咩事。

作者: hollandlui 時間: 13-7-1 19:27 標題: 回覆:amberpan7 的帖子
非常好的學校,我仔同同學都有很好的小學

作者: maxtimma 時間: 13-7-2 02:20
great!!
作者: ZZdaphne 時間: 13-8-20 10:23
本帖最後由 ZZdaphne 於 13-8-20 10:46 編輯
如果會員在不同版面上不斷發表某間學校的負面言論,
均會被視為惡意攻擊, 帖文會被屏蔽,
再違規者,可能被禁言或封戶.
請大家留意, 謝謝.
其實每間學校都有長處短處,好處壞處,
因小朋友有不同性格, 家長有不同要求,
所以每一間學校都有其存在的價值,
大家應尊重就讀該校小朋友的家長,
理性討論.
作者: YuenYin 時間: 13-8-27 16:58
回復 rosebud 的帖子
我小朋友都系讀緊York,但不像你所說,老師常打電話了解情況,有時我打電話去了解,留電話後常無人回复,通常要打4、5次先有人回或等4-5天,和仍未感受到你所說的細心。
歡迎光臨 教育王國 (/) |
Powered by Discuz! X1.5 |