教育王國

標題: 曾經孩子被診斷為''a仔頃向''的家長,進來聊聊 [打印本頁]

作者: cc1228 時間: 13-6-24 01:40 標題: 曾經孩子被診斷為''a仔頃向''的家長,進來聊聊

本帖最後由 cc1228 於 15-9-10 00:24 編輯

曾經孩子被診斷為''自閉症頃向''的家長

可以進來聊聊分享嗎?

過1~2年後或更久,請問你們孩子後來的發展又如何呢?

作者: why-me 時間: 13-6-24 12:46

已確實係A仔了

作者: fandd 時間: 13-6-24 13:08

我囝囝喺兩歲評為中度自閉(私人評估中心)，然後於私人訓練中心返咗密集式訓練1.5年，而家4.5歲喺主流幼稚園就讀，表現與一般小朋友無異，只係間唔中有D固執既表現。
佢能夠有顯著改善既原因有兩個：1.佢既情況無醫生當初評估咁嚴重2.能及早進行密集式訓練

作者: cc1228 時間: 13-6-24 17:24

回復 fandd 的帖子

真的很恭喜你,替你高興~希望我的仔也像你兒子一樣.

作者: fandd 時間: 13-6-24 18:32

回復 cc1228 的帖子

除了密集式訓練，家居訓練都非常重要。直至現在，我哋兩公婆每天放工回家後，都會同囝囝玩至少1.5小時。放假日更是「全天候」。

只要肯用心嘗試，便一定有成效。大家努力呀！

作者: cc1228 時間: 13-6-24 22:10

回復 why-me 的帖子

不要難過~努力一定會改善的

作者: tigertiger7 時間: 13-6-25 15:09

請問家居可做咩訓練?
我有幫小朋友報堂, 但唔夠人爭, 只報到一連5天的短期社交訓練.
其他暫時時間唔啱, 報唔到.

作者: hippotomato 時間: 13-6-25 15:37

回復 fandd 的帖子

想請問尼位媽咪係起邊一間評估, 因為我囝囝懷疑係自閉症, 到宜家都唔識講野, 所以好擔心.

作者: fandd 時間: 13-6-25 21:51

回復 hippotomato 的帖子

我囝囝喺LINKS(領思)做評估，嗰度有位好資深既謝醫生，做評估好詳細架！

我囝囝於三歲才懂得講第1個單字，唔使一年就變到成隻「開籠雀」咁！所以呢位媽咪你唔使咁擔心，繼續比囝囝接觸唔同既事物，豐富佢既知識，到佢識得講嘢既時候就會好多嘢講架啦！加油呀！

作者: hippotomato 時間: 13-6-26 10:27

回復 fandd 的帖子

多謝你呀! 我會試下詢問領思. 希望幫到我囝囝啦!

作者: hippotomato 時間: 13-6-26 10:28

想問下媽咪你係去邊一間領思, 灣仔定係旺角? 做一次評估約幾多錢?

作者: fandd 時間: 13-6-26 17:39

我喺旺角灣仔嗰間領思做，但據我所知謝醫生喺旺角及灣仔兩間都有做嘅！
價錢方面，兩年半前收約$5000。

作者: hippotomato 時間: 13-6-27 10:35

回復 fandd 的帖子

真係唔該晒. 我會試下問下有冇位做評估

作者: hc1018 時間: 13-6-28 16:45 標題: 回覆：曾經孩子被診斷為''自閉症頃向''的家長,進來聊聊

我仔仔兩歲十個月時評為有自閉傾向，即刻上言語治療，因我自己也是做復康中心，非常擔心，好彩身邊資深同事幫我做簡單評估，亦俾左好多方法我，加上幼稚園老師好心幫我，依加仔仔快四歲了，即一年後了，佢已經好多野講，只是社交上有點問題，例如，佢係學校會同老師講好多野，係屋企都好多野講，但當我在學校與老師談話時佢會唔願講野，加油吖大家

作者: cc1228 時間: 13-6-28 21:17

回復 hc1018 的帖子

我仔仔也是兩歲十個月時評為有自閉傾向~

三歲開始密集訓練

現在三歲半~現在已經開始說簡單句子

不過也是差同齡小孩一大截

同齡小孩已經可以跟大人聊天了

我想只要努力

要脫離這個標簽~

一定有希望

作者: Olympian 時間: 13-6-30 12:05

本帖最後由 Olympian 於 13-6-30 14:56 編輯

囝囝快5yr，我覺得他和正常小朋友己經冇太大分別。一些過往不能做到的事他自己已漸漸克服。言語和社交還差一點，但由於他在漸漸進步，都不會太擔心了。以前會好緊張如何訓練個仔，有點填鴨式。現在會放鬆好多，教得自然及生活化。看到兒子健康快樂地成長，我覺得好欣慰。

背著自閉症這個名是沒有人希望的。有時有一些事情，會以為自已個仔係自閉，所以冇能力做到，但其實他是可以的，自閉症這個稱號可能會局限小朋友的發揮。背著這個名，又有時無可避免地會受到歧視。好像只要我一說兒子讀S位，好多人都會不接受，例如報活動或幼稚園，不會給你機會。所以自已要學習接納及體諒別人的不接受或歧視，好多時都是出於不了解。

小朋友成長重要，做父母的成長更加重要。有時你抗拒的事會更加揮之不去，唯有平常心才能得到平靜。

作者: Vichang 時間: 13-6-30 12:35 標題: 回覆：cc1228 的帖子

好叻識得講句子喎！好羡慕呀！我個囝兩歲一個月已被CAC 評為自閉譜系障礙。而家仲講緊bb話，頂多讀到數字和字母。

作者: twobirds 時間: 13-6-30 18:44 標題: 回覆：Vichang 的帖子

我仔仔21個月評估後訓練至今，2歲8個月了，理解力，言語已追上同齡進度，大小肌肉都追到，冇固執行為；只是眼神不太好，偶爾易激動，現努力返感統，希望能進一步改善。
返小組，姑娘話社交ok。來緊返普通幼稚園，我內心都好緊張。唯有趁暑假再努力做多D訓練！

作者: bauhiniakan2000 時間: 13-6-30 21:53

回復 cc1228 的帖子

兒子玩玩具車衹會轉車轆.細個時人人都跟,任何人都可照顧,不怕陌生人.一歲時發覺對人叫佢不回應,與其他人沒眼神接觸,但和我有,因工作太忙也沒有上心,這都是我的錯,攪到佢而家追得甘辛若苦.他想要去的地方一定要你帶佢去,每次從床爬下來都用從祿架床爬梯的最底一格捐岀來,用力扯耳仔扯到紅哂,換片時用力扯下体,痾了大便用手去攪四圍搓,用頭撞玻璃等自我刺激行為,喜歡你轉東西給他看,很喜歡看電筒的光,會追,大笑及很興奮,喜歡放東西在地下轉.攪門鎖,開關衣櫃門,所有家私櫃筒達一兩小時.經常拉著你的手行來行去,很心急沖奶慢D都發脾氣哭鬧.兩隻手不停四圍攪,德不懂叫佢唔好做.沖涼時又扯下体及不肯讓我洗頭,喜歡你抱他看上面的東西,爬上我電腦檯攪顯示器,不停開關我的電腦.除了飲奶和食粥仔,什麼都不吃,最初給他吃香蕉,要夾硬塞進口才肯吃.15個月時要你帶他在公園拖著手同一個石級及樓梯行來行去1個鍾.不肯同我玩玩具只會扔,教他玩他就發裨氣哭鬧走左去.不肯拿著食物來吃,唔識用牙咬野.20個月試過自己拿蕉吃過一次,跟著幾個月都沒有了.仲什麼也不識用語言或身体語言來表達.不懂用飲管飲水,經常哭鬧,開始怕陌生人.這些情況持續到2012年3月兩歲,兩歲評估時很傷心,語言 9-12個月,大肌肉,小肌肉 9-12個月,智能 9-12個月覺得佢好像什麼希望也沒有,太太和他的妹妹說這孩子沒有希望了,3月當時我又找不到私人S位給他,太太和他妹妹說,將他送回大陸給七十幾歲的外父照顧,由得他吧,但我捨不得孩子受苦,因為二十多年前曾在他家鄉見過一個十多歲不知是自閉還是什麼問題的孩子,冬天幾度時全裸沒人理會在,街邊冷到震,我買衣服幫他穿上,旁人也覺得我奇怪,說不要惹他,他會打你,給果他沒有打我,我還買了一些食物和飲品給他,很怕兒子走失會這樣.我細個時禮弱多病,我媽都沒有放棄,難道孩子有病也不能給他一個機會嗎?兒子13個月巳可扶著家私及拖主可以行,我一放手佢就坐底,到21個月放手開始能自己行,識行兩個月雖不穩陣但未跌過,從未撞到家私受傷,一星期可自己從地下起身站立,冶遼師話佢儲到足夠能力才行,所以這樣.5月尾我決定全力照顧個仔,辭去 22k的工作,除做訓練外,每天用3-5小時和他做家居訓練,受到自己家人和太太很大壓力,因為機電署 2012年年底會執行發牌制度,這刻離開就一定要轉行,8月中個仔認得26個英文字母及謮出,1至10中文英文都講到,看見兒子有進步,兒子2012年8月尾已識很多單字,部份情境能說出來,如落雨濕哂,9月決定讀主流N班附有兼收位但我的是普通位,到現在能說句子表達需要,辦別十多種顏色及形狀,只可給惜仍跟不上及固執,本來今年可轉I位不用轉校,但學校社工及老師都建議讀s位,因為兒子不肯主動要更多協助,學校的I位及人手比例不適合兒子,今年又派唔到S位,我現在已沒有工作靠積蓄生活,很是吃力,但兒子在2013年4月30號的評估給我好大鼓舞,小肌肉及手眼協調超越 3歲,語言能力,智能 33-36個月,大肌肉34個月,真的很開心,我這一年每天的努力都沒有白費,到了今天,已懂得叫佢做野時同我講數,幫手執碗筷,擦牙洗臉換衣服,肯做的事一教就識.只是仍有鸚鵡式說話及固執,但間中也肯將自己心愛的玩具與悉識的小朋友分享,与小朋友輪流玩玩具,做錯事懂得道歉,拿玩具和我们一起玩,作天更說爸爸媽媽唔好做野住,同我玩左先.

作者: wanwan1280 時間: 13-7-3 16:11 標題: 回覆：Olympian 的帖子

Agree.

作者: wanwan1280 時間: 13-7-3 16:11 標題: 回覆：bauhiniakan2000 的帖子

Support.

作者: cc1228 時間: 13-7-4 00:52

回復 bauhiniakan2000 的帖子

謝謝你的分享~給我很大的動力

真的很恭喜你,小朋友有這麼好的表現.

果然努力沒白費.

作者: idak 時間: 13-7-4 19:02

二歲四個月cac評估有自閉特徵, 只識講幾個單字, 唔望人, 一唔合心意就發皮四訓地大叫咬人,大小肌無乜問題。以家三歲十個月識講好簡單句子, 小o左發皮四, 識望住人講o野(雖然唔係成日), 有時同佢玩都會望o下我有乜反應, 最鍾意捉住我同爸爸玩一二三紅綠燈﹗

作者: lewistsang 時間: 13-7-6 03:40 標題: 引用：回復+cc1228+的帖子兒子玩玩具車衹會轉車

提示: 作者被禁止或刪除內容自動屏蔽

作者: kingbbsam 時間: 13-7-11 10:28

bauhiniakan2000 發表於 13-6-30 21:53
回復 cc1228 的帖子

兒子玩玩具車衹會轉車轆.細個時人人都跟,任何人都可照顧,不怕陌生人.一歲時發覺對人叫 ...

支持你! 很高興你沒有放棄兒子

有時候照顧有特殊需要的小朋友真的很吃力, 會有想放棄的時間, 大家加油!

作者: onsiu21 時間: 13-7-11 23:51

本帖最後由 onsiu21 於 13-7-12 00:33 編輯

回復 tigertiger7 的帖子

你住邊區GA?我仔依家讀緊樂富耀能下午班私人位密集式訓練,一個月學費$8500,有D同學仔9月會去I位或S位會有位,如你經能力許可,你可考慮,佢地都教得好ga,我仔係上年7月報名,上年9月入學時唔肯望人,唔識說話,依家肯望人同開始說句子,來緊9月會上午讀主流1,下午耀能,耀能電話23379680,你可打去問

作者: silvermijar 時間: 13-7-12 11:54

hi,你好,希望大家都能分享d正面0既能量~
我個仔係未夠兩歲己排到精神科而評估左係自傾~
雖然之前係cac只係評左係遲緩,但佢太多徵狀都好似a仔~
佢未夠一歲己覺得比同齡的認知慢,如我講去街,佢無反應,叫名無反應,唔識講任何有意思0既單字,最主要係,佢唔會望人,連我都唔會望...呢樣係我最擔心,但佢去到健康院一歲評估,姑娘又話佢無問題話佢眼睛有跟住物件走動~
之後我等到歲半再去健康院,果陣有得見醫生,但醫生都覺得我仔唔似,佢話會同人分享喜悅,如佢覺得好得意0既野,佢會望住你笑咁...不過果陣我同佢去街街佢都無反應,daddy返黎又無反應,不過一落街就喊到死,佢雖然未夠11個月就識行,但都未識跳...
最後去到cac都係只評估係遲緩,不過好彩我一早就搵出面醫生寫定referral,咁我就唔使等cac先有得refer我去睇兒童精神科...最後去到精神科都話係有d自傾~
幸好,我自己在個仔歲半果陣就辭職轉做全職媽媽...
咁我就多左好多時間可以上網search返d有關訓練, 當中我返過協康,基督教0既訓練,因個仔果陣未夠2歲,我地都無同佢去搵密集訓練...
之後,當個仔兩歲多d,我由cac份資料度找到好多有關提供訓練服務機構,我真係間間都有打去問,打去撲位,但真係間間都要排...我心諗,我真係唔知有咩可以幫到我個仔...(我排緊係e位...)
因我住屯門的關係,我最後找到間天水圍的服務機構,佢地果陣開左個講座,而且將會舉辦密集訓練...
之前睇過其它的密集訓練,但學費真的很貴,付擔不來...而且距離又遠...
結果很好彩,天水圍呢間機構抽到個密集位比我個仔...
我個仔上年十一月亦開始上左n班(主流幼稚園),老師只說他比較坐不停,成日去攬小朋友同攪人...但情緒都ok的...
不過由今年二月中開始密集訓練,我覺得呢d錢洗得很值得, 因我個仔上左兩日己經識得講1-10(唔知咩原因,但我地平時都有教,但佢唔會跟我地講,亦都唔會坐得定教佢.基本上,教佢咩都唔得...>.< 諗返起都想喊...)
從佢二月中開始上密集訓練,佢開始能專注和安坐,起碼在家能夠幫我分黑黃豆成個鐘... 講返佢呢半年0既進步,真係簡直係我的dream,我從無想到佢會由唔砌puzzle,到現在兩歲八個月,己經能自行完成廿多塊的puzzle,就算平時佢唔鐘意做0既訓練,如油顏色,佢都能自能安坐完成... 呢d改變我唔知點講,但我地全家都因阿仔呢個大躍進而proud of him呢!!
我想係度,分享返,只要做父母0既唔放棄,佢地係可以有好大進步的,雖然他現在講野都比同齡慢,但佢己經由兩歲兩個月未講到野,到依家兩歲八個月戒埋日/夜片,自己會講自己需要,識得形容圖畫,認知追得上同齡,自理完全無問題,我己經心感恩惠,希望在此能鼓勵各父母,努力加油!!

作者: tigertiger7 時間: 13-7-17 17:09

回復 onsiu21 的帖子

我之前都有揾過耀能, 但佢哋未有位, 而且我個仔其實講嘢開籠雀咁的, 但冇point冇組織. 同埋好固執/自我, 唔識/唔肯體諒別人, 現開始上社交訓練, 希望有改善啦....

作者: 豬太郎 時間: 13-7-18 00:58 標題: 回覆：曾經孩子被診斷為''自閉症頃向''的家長,進來聊聊

你就好啦，我仔去左政府特殊幼兒中心，改善情況都不好

作者: 豬太郎 時間: 13-7-18 01:01 標題: 回覆：fandd 的帖子

我剛剛報左links，我仔八月底滿六歲，我想利用多一年，唔番住小學先，去做多一年密集訓練

作者: onsiu21 時間: 13-7-20 22:57

本帖最後由 onsiu21 於 13-7-20 23:07 編輯

回復 tigertiger7 的帖子

是樂富宏照樓下午班私人位,上課時間是1:45-4:45,因為D同學仔會讀到8月31號先退學,你依家問一定話冇位,依家你入定申請表就岩岩好,,我仔前排直情打人推人,我點教都係敢,跟住同老師講,老師攪兩攪左就乖晒,佢地D老師真係好有方法

歡迎光臨教育王國 (/)